တာရာမင်းဝေ အမှတ်တရ

ကိုတာရာမင်းဝေ ကွယ်လွန်တဲ့ အထိမ်းအမှတ် ကဗျာလေးတစ်ပုဒ် ရေးဖြစ်တယ်။ အသိတစ်ယောက်ကတော့ နင်နဲ့ ဘာဆိုင်လို့ ရေးရတာလဲလို့ မေးပါတယ်။ အခုခေတ်ပေါ် စာပေ ပြောင်းလဲမှုမှာ ကိုတာရာမင်းဝေဟာ အဓိကလူတစ်ယောက်လို့ ကျွန်တော် ယုံကြည်တယ်။ ကျွန်တော်တို့ ကိုယ်တိုင်လည်း ကိုတာရာမင်းဝေရဲ့ စာပေလွှမ်းမိုးမှု အများကြီးကို ခံခဲ့ရတာပါ။ စာလုံးအနုအရွလေးတွေကို ခေတ်ပေါ်ကဗျာတွေထဲ ထည့်တဲ့နေရာမှာ ကိုတာရာမင်းဝေကို ဘယ်သူမှ မမှီဘူးလို့ ထင်မိတယ်။ ဒါကြောင့် ဒီကဗျာလေးကို ၂ ရက်တိတိ သေသေချာချာ စကားလုံးရွေးချယ် မုဒ်အပြည့်သွင်းပြီး အမှတ်တရ ရေးခဲ့ပါတယ်။ (စကားမစပ် သူကွယ်လွန်သွားတာကို နေကြတ်တာနဲ့ နှိုင်းယှဉ်ပြီး ရေးရလားလို့တော့ ပေါက်တတ်ကရတွေ မဝေဖန်ကြပါနဲ့ ခင်ဗျာ)


“နေကြတ်ခြင်း”


မျက်လှည့်ဆရာ ပါးစပ်ထဲ မြိုချလိုက်သလိုမျိုး
မီးတောက်ဟာ ရုတ်တရက် ကွယ်ပျောက်သွား
ဖူးပွင့်တော့မယ့် ပန်းကလေးတစ်ပွင့်တောင်
ထိတ်ခနဲ လန့်ဖြန့်ပြီး ပြန်ငုံသွားရရှာတယ်
နေကြတ်ပြီမေမေ
စကြဝဠာတောအုပ်တွေထဲက
တောရဲတိရစ္ဆာန်တွေအားလုံး
ဝေါခနဲ တိတ်ဆိတ်သွားကြ
အားလုံးရဲ့ အကြည့်ဟာ ပျောက်ဆုံးသွားသောအရာ
တစ်သက်လုံး လင်းခဲ့သမျှ ခဏလေး အမှောင်ကျသွားခဲ့တာပါ
ကျွန်တော်တို့ မခံနိုင်ခဲ့ကြဘူး
လှုပ်ရှားနေတဲ့ အရာတွေ တစ်ချိန်မှာ ရပ်တန့်သွားမယ်
ငြိမ်သက်နေတဲ့ အရာတွေလည်း တစ်ချိန်မှာ လူးလွန့်လာမယ်
ရနေတာတွေအားလုံး တစ်ချိန်မှာ ပျောက်ဆုံးပြီး
မရခဲ့သေးတာတွေအားလုံး တစ်ချိန်မှာ ပေါ်လာမယ်
နေကြတ်ပြီ
နဂါးငွေ့တန်းရဲ့ အခန်းထဲမှာ
ကမ္ဘာရဲ့ ဂြိုဟ်ရံလကို ခြုံလွှာလို အကာအကွယ်ယူပြီး
နေဟာ မြွေတစ်ကောင်လို အရေခွံလဲခဲ့ပြီ။


July 27, 2009

PS. ဒီကဗျာလေးကို မနော်ရဲ့ “အရှေ့မြို့ရိုးကနံနက်ခင်း” ဆိုတဲ့ ကဗျာပြပွဲလေးမှာလည်း သွားရောက် ဖတ်ရှုနိုင်ပါတယ်။

မှတ်ချက်။ ။ ကိုညီလင်းဆက်၏ ဘလော့မှ တဆင့် ခွင့်ပြုချက်အရ ပြန်လည် ကူးယူဖော်ပြပါသည်။

သူငယ်ချင်း
မင်းဟာ ယုံကြည်ရာကို
ရင်သွေးလိုလည်း မွေးခဲ့တယ်။
သူငယ်ချင်း
မင်းဟာ ဒဏ်ရာတွေကို
ဆီမီးလိုလည်း ထွန်းခဲ့တယ်။

သူငယ်ချင်း
မင်းဟာ ကိုယ့်အနာ
ကိုယ့်လျှာနဲ့ ပြန်သပ်
ရှင်တတ်ခဲ့ပြီးပြီပဲ။

သူငယ်ချင်း
မင်းဟာ
ကိုယ့်အရေပြား ကိုယ်လွှာ
ကိုယ့်အရိုးကို အပ်လိုသွေး
ကိုယ့်ဝတ်စုံ ကိုယ်ချုပ်လို့
ကျကျနန လှခဲ့ပြီးပြီပဲ။

သူငယ်ချင်း
သွားနှင့် သူငယ်ချင်း
ကြယ်အစင်းစင်း ကြွေတဲ့
ဟောဒီကမ္ဘာမြေရဲ့ အနာတရတွေကို
စွမ်းသမျှ ကုစားဖို့
ငါတို့ နေရစ်ခဲ့ဦးမယ်။

သွားနှင့် သူငယ်ချင်း
နေအစင်းစင်းပူတဲ့
ကမ္ဘာမြေရဲ့ ဒဏ်ရာတွေကို
လက်ဖ၀ါးတွေနဲ့ ကာကွယ်ဖို့
ငါတို့ နေရစ်ခဲ့ဦးမယ်။

သွားနှင့် သူငယ်ချင်း
ကမ္ဘာမြေရဲ့ ကြေကွဲခြင်းဓာတ်ပြားထဲ
မင်းရဲ့ ကဗျာတွေ
မာတိကာစီဖို့
ငါတို့ နေရစ်ခဲ့ဦးမယ်။

သွားနှင့် သူငယ်ချင်း
ကျောင်းနံရံတ၀ိုက်
ဒေါင်းအလံ ပြန်စိုက်တဲ့တစ်နေ့
ငါတို့ .......... ။

မင်းကိုနိုင်

(၂၀၀၇ သြဂုတ်လ ၇ရက်နေ့က တာရာမင်းဝေရဲ့ ဈာပနမှာ ၈၈ မျိုးဆက်ကျောင်းသားများ ကိုယ်စား မင်းကိုနိုင် ရေးဖွဲ့ ရွတ်ဆိုတဲ့ကဗျာ)

ညီလေး
သြဂတ်စ်ရဲ့ မိုးရေစက်တွေထဲ
မင်းကတော့ ခွဲခွာသွားခဲ့ပြီ
မှုံမှိုင်းအေးစက်တဲ့ ကောင်းကင်မှာ
ပြိုင်မြင်းတစ်ကောင်ရဲ့ ခွာသံတွေသာ
ပဲ့တင်ထပ်ကျန်ရစ်ခဲ့...။

ညီလေး
မင်းချစ်တဲ့ ဘ၀ကို
မင်းအများကြီး ပြန်ပေးဆပ်ခဲ့
မင်းချစ်တဲ့ လူ့လောကကို
မင်းအနွေးထွေးဆုံး ရှိုက်နမ်းခဲ့
ဒဏ်ရာတွေအပြည့်နဲ့ မင်းရဲ့နှလုံးသားက
သွေးစက်စက်ကျ ငိုညည်းနေတာတောင်.. မှ။

အနုပညာနဲ့ နိုင်ငံရေး
ဘ၀နှစ်ခုစာ မွေးဖွား
ဘ၀နှစ်ခုမှာ ကြီးပြင်း
ဘ၀နှစ်ခုစလုံးကို ပခုံးပေါ်မှာထမ်း
တတ်စွမ်းသမျှ မင်းတာဝန်ယူခဲ့တာ
အင်းစိန်ထောင်ကြီး သိပါတယ်
သရက်ထောင်ကြီး သိပါတယ်
သာယာဝတီထောင်ကြီး သိပါတယ်
“အာလူးစားသူများ” .. သိပါတယ်.. ကွယ်...။

ကံကြမ္မာကို မယုံရဲခဲ့ပေမယ့်
တိုးတိုးလေးဆုတောင်းခဲ့ဖူးပါရဲ့
“တစ်နေ့တော့ ပြန်ဆုံတွေ့ကြမယ်..” လို့
ခုတော့လည်း
ဒီကံကြမ္မာကပဲ
ငါတို့ကို ရက်ရက်စက်စက် .. ခွဲ .. ။

သွားနှင့်ကွယ်
ဘ၀ဆိုတာ တိုတိုလေး .. လို့
မင်းသက်သေ ပြခဲ့ပြီ ...
အဲဒီ.. ဘ၀တိုတိုလေးကိုပဲ
အနက်ရှိုင်းဆုံး ချစ်မက်ကြဖို့
အမြင့်မားဆုံး ပေးဆပ်ကြဖို့
အတောက်ပဆုံး တွယ်ဖက်ရဲကြဖို့
အရိုးသားဆုံး ကြေကွဲတတ်ကြဖို့
မင်း.. ငါတို့ကို သင်ပြခဲ့ပြီပဲ... ။

အောင်ဒင်

အဲဒီညက
ကြယ်တွေအားလုံး
ရေဆင်းသောက်ကြတယ်...
ပင်လယ်ရဲ့ ငန်ပျပျဂုဏ်သတ္တိမှာ
အားလုံးစိုစိုစွတ်စွတ်နဲ့...
လမင်းကမကြည့်ရဲလို့
မျက်နှာလွှဲသွားတယ်...
....
....
ဓားသွားတွေပြိုးပြိုးပြက်ပြက်
လက်လက်ထတဲ့ည
မကောင်းဆိုးဝါးတွေမြူးထ
ရင်ခုန်သံတပြုံတမနဲ့ ဗုံ တီး က
ကဗျာတွေ ဖိတ်စင်ထွက်ကျ
ပန်း ပွင့် တွေ ခြွေ ချ
ပဉ္စလက် မိုးတွေ ရွာ ကျ
မော ဟိုက် နွမ်း လျ
....
....
ဟိုး ထောင့်တနေရာမှာတော့
ဝတ်စုံဖြူတလွင့်လွင့်နဲ့
ဂျူနိုရယ်
နောက်ထပ်ကြယ်တစ်ပွင့်ရယ်
အမှောင်ထဲကိုစိုက်လို့
ငေးကြည့်နေလိုက်တာ
အကြာ.....ကြီး..။

ပန်ဒိုရာ

လူငယ်တစ်ယောက်ရဲ့ကျောက်ထွင်းရာဇ၀င်
အပီပြင်ဆုံးဖြစ်စေမယ့်
ဟောဒီစကာလုံးများရဲ့လမ်းမဟာ
ခံစားချက်တွေကိုကိုယ်စားပြုဖက်တွယ်ခဲ့
၉၀ လွန်လူငယ်တွေဟာ
သူ့ယဉ်ကျေးမှုမှာ ထွန်းကားခဲ့ဖူးတယ်။

ဖယ်ပေးလိုက်ကြစမ်းပါ
မာန်နတ်ရဲ့အတွင်းသားကို
လှိုက်လှိုက်လှဲလှဲစားသောက်ဖို့အတွက်
မှော်သားမီးလျှံ ခရီးထွက်သွားပြန်ပြီ။

မျော်လင့်ချက်နဲ့ သေဆုံးနေသူတွေရဲ့
လမင်းကင်ဆာကိုကုစားဖို့
မှော်ဝင်နေတဲ့စကာလုံးတွေနဲ့
သူကိုယ်သူအလောင်ကျွမ်းခံခဲ့တဲ့
မှော်သားမီးလျှံ
ကာလနဲ့အာကာသကိုပါ
ကူးစက်လောင်ကျွမ်းစေခဲ့ပြီ…။

မှော်သားမီးလျှံ=တာရာမင်းဝေ (ကျွန်တော်ညံ့ခဲ့ရင် ခွင့်လွှတ်ပါအစ်ကို)

မိုးလှိုင်ည

" ဆောင်းတစ်ခုမှာ
ပါဝင်ခဲ့ဖူးတဲ့ နှင်းတစ်စက်လို
စာရင်းလည်းမရှိ၊ နံပါတ်လည်းမသိ
ဘယ်အထိမှလည်း မကြီးကျယ်ပါဘူးကွယ် " တဲ့ ။

သူ့ကိုယ်သူ နှိမ့်ချ
မြေကြီးရဲ့ သင်္ကေတနဲ့
အနုပညာကို ပန်းလိုမွှေးမြစေခဲ့တယ်
လူငယ်တစ်ယောက်ကရေးတဲ့ ကျောက်ထွင်းရာဇ၀င်တွေ
ကျွန်တော်တို့ရင်အုံကို တည့်တည့်ပစ်ပေါက်လို့
ချစ်သူကို နှလုံးသားအသစ်နဲ့ ချစ်ကြည့်ဖို့
ဘ၀ကို ရှုထောင့်အသစ်နဲ့ ချဉ်းကပ်ဖို့
လောကကို မြတ်နိုးခြင်းသက်သက်နဲ့ စောင့်ရှောက်ဖို့
သူ့ ရဲ့ အနုပညာ ပေါင်းချောင်လေးထဲမှာ
လောကပါလတရားကို စီကုံးရေးဖွဲ့
လေညင်းလေးလို တသွဲ့ သွဲ့ တိုက်ခတ်ခဲ့တယ်
အဲဒီ ..ကြယ်ကလေးတစ်လုံးပေါ့
အုံ့ပျမှောင်ရီ လောကဓံထစ်ချုန်းမှာ
ကျွန်တော်တို့နှလုံးသားတွေ လင်းပွင့်ပျိုမြစ်ဖို့
သူရဲ့ အနုပညာပုခုန်းအားနဲ့ ထမ်းတင်ပေးနေဆဲ
ခရီးတစ်ခုကို ထွက်ခွာသွားခဲ့ရပြီ
နှလုံးသားရှိလို့ ကျွန်တော်တို့ လွမ်းဆွတ်ရ
နှလုံးသားရှိလို့ ကျွန်တော်တို့ ကြေကွဲရ
နှလုံးသားရှိလို့ ကျွန်တော်တို့ နှမျောတမ်းတရ
အစ်ကိုရေ..
လွမ်းဆွတ်ကြယ်ကလေးက ပေးတဲ့အလင်းရာင်မှာ
အောက်မေ့သတိရခြင်းတွေ ထပ်ပေါင်းလို့
အစ်ကို ကောင်းရာသုဂတိရောက်ပါစေဗျာ.. ။

ညိမ်းညို

လူတွေပေါ့ ..
နည်းနည်းတော့ ရူးနေကြတယ်
ဒါဟာ လူတစ်ယောက်သေတာမဟုတ်ဘူး
အနုပညာတစ်ခုသေသွားတာ
ဘာနဲ့ အစားထိုးပြကြမှာလဲ
ကြေကွဲဖူးပါရဲ့လို့ ပြောပြနေရုံနဲ့ကော
ရင်ခုန်သံတွေ ပြန်ရနိုင်မှာလား
စကားအလွန်များတဲ့ လူတွေ
အခု သေနေကြပြီလား
ခင်ဗျားဟာ ပေါ့စတားမဟုတ်တာ
နည်းနည်းတော့နာတယ်ဗျာ
မသာတွေလိုက်ပို့ကြ
ဘုရားတွေတည်လိုက်ကြ
ဝမ်းနည်းပြလိုက်ကြ
သတင်းတွေရောင်းစားလိုက်ကြ
ရင်ထဲက အောင့်ပြီးနာလာတယ်
ခင်ဗျား စောစောထွက်သွားတာလည်း
ခပ်ကောင်းကောင်းပါပဲဗျာ
လူတွေဟာ အနုပညာကို နားမှမလည်ကြတာ
ခင်ဗျားရဲ့ နှလုံးသားကြီးကို ချထားတာတောင်
ဘယ်ကောင်မှ လာမစားကြဘူး
ကျွန်တော်တို့မှာက တမ်းတမိန်းမောနေရ
လဲသေကြ
လဲသေကြ
“ငါ့ ဘ၀တစ်ခုလုံးနဲ့ လဲသေလိုက်ကြ”
အတ္တမာနတွေကို ခ၀ါချပြီး
ခဏဖြစ်ဖြစ်ပေါ့ အနုပညာမြစ်ထဲ
ခုန်ချလိုက်တယ်
ကျွန်တော် ဘာမှပြန်မရတော့ဘူး
အနုပညာကို ရုပ်တွေနဲ့ တန်ဖိုးဖြတ်နေကြတယ်
လူတွေ ဘ၀ပြောင်းကုန်ကြပြီ
ဗန်းဂိုးရဲ့ ပန်းချီတစ်ချပ်ဟာ သန်းချီတန်ခဲ့ချိန်မှာ
မာရီလင်မွန်ရိုးရဲ့ ဓါတ်ပုံတစ်ချပ် ဘယ်လောက်တန်ပါသလဲ
ကျွန်တော့်ရင်ထဲမှာ ခံပြင်းစိတ်တွေချည်းပဲ
ခပ်ရိုင်းရိုင်းပဲ ပြောလိုက်တော့မယ်
သောက်သုံးကိုမကျတဲ့ သေမင်းကွာ
အနုပညာကိုမှ ခေါ်သွားတယ်
ဘာမှလာရှင်းပြမနေကြနဲ့တော့
ဘယ်လောက်ရိုင်းကြလဲဆိုတာ
ဘုရားပါသိသွားပြီ
“လူမိုက်တွေကော လူကောင်းတွေကိုကော ခင်ဗျားထားခဲ့ပြီ”
ရင်ထဲမှာ အတားအဆီးမရှိသူတွေ
လွမ်းကြ .. ။ ။
ကိုဖြိုး

ကြယ်တစ်ပွင့်
လွင့်ထွက်ကြွေခိုက်
ပင့်သက်တွေ ရှိုက်ရပြန်တယ်..။

“မပွင့်ဘဲဖူးခဲ့ရတဲ့ ကောင်မို့ မှောင်တယ်” တဲ့
အခုတော့ ခင်ဗျား
အလင်းတွေကြား ထွက်သွားခဲ့ပြီ။

“တယ်လီဖုန်းခေါ်သံတွေ ကြားတာတောင်
ပြန်မထူးဖြစ်တဲ့ကောင်” တဲ့
အခုတော့ ခင်ဗျား
ပြန်ထူးစရာမလိုအောင် ထွက်သွားခဲ့ပြီ။

“ငါ့မှာတစ်ယောက်ထဲ ဖြစ်နေရတဲ့အထဲ
ဝေါကနဲပျောက်ဆုံးလိုက်ရ” တဲ့
အခုတော့ ခင်ဗျား
အငွေ့တွေကြား ပျောက်ကွယ်သွားခဲ့ပြီ။

“လောကမာယာဆိုတာ
အတီးခံရတဲ့ ဗုံတွေရဲ့ဂီတပါပဲ” တဲ့
အခုတော့ ခင်ဗျား
ဗုံသံတွေ မကြားတဲ့အရပ်ဆီ ထွက်သွားခဲ့ပြီ။

“ယုံကြည်ထားစမ်း ရေခိုးရေငွေ့တွေကလည်း
ပင်လယ်ကို ပစ်ပေါက်စိုက်ပျိုးနိုင်ရမယ်ဆိုတာ” တဲ့
အခုတော့ ခင်ဗျား
ပင်လယ်ကို စိုက်ပျိုးပြပြီး ထွက်သွားခဲ့ပြီ။

“မေမေရေ.. မိုးတိမ်တွေထဲ ခြေပစ်လက်ပစ်
သားဝင်အိပ်ပစ်လိုက်ချင်ရဲ့” တဲ့
အခုတော့ ခင်ဗျား
ခြေပစ်လက်ပစ်အိပ်နေပုံများ
ကျွန်တော်တို့ ခေါ်တာတောင် မကြားတော့ဘူး။ ။

ခေလွန်း

(သြဂုတ်လ ၅ရက်၊ ၂၀၀၇ တွင် ကွယ်လွန်သွားသော စာရေးဆရာ တာရာမင်းဝေအတွက် အမှတ်တရ ရေးဖွဲ့ပါသည်။)

မိုးရွာလို့ ကြွေတဲ့စကားလုံးတွေ
အခုတော့ ပြိုင်မျဉ်းတွေရဲ့ ခွာသံမှာလည်း
ကြေးသွန်းယဉ်ကျေးမှုတွေ ပါမလာတော့ဘူး။
လောကရဲ့မာယာတွေကို ဗုံတွေလိုတီးသွားခဲ့တာများလား
တယ်လီဖုန်းသံတွေကြားတာတောင်မှ ပြန်မထူးတော့ဘူးတဲ့လား
မိုးတိမ်ကြီးထဲမှာ ခြေပစ်လက်ပစ်ဝင်သား ၀င်အိပ်လို့သွားပြီပေါ့ ..
လွမ်းမိမယ် အစ်ကိုရေ .. ။
ဘယ်တော့မှ မြင်တွေ့နိုင်တော့မှာမဟုတ်တဲ့
စကားလုံးလှလှလေးတွေကိုလွမ်းမိမယ် .. ။
စာရေးဆရာတစ်ယောက် ..
ကဗျာဆရာတစ်ယောက် ..
လောကရဲ့အမြင်တွေကို လှစ်ဟပြခဲ့သူတစ်ယောက်
ကျွန်တော့်ဦးခေါင်းငိုက်စိုက်ချထား
ညများစွာ ပိုမှောင်လို့သွားပေါ့ဗျာ .. ။ ။
ကိုဖြိုး