tag:blogger.com,1999:blog-38775574901877774792011-11-16T00:24:45.280-08:00ညီညီ(သံလွင်)noreply@blogger.comBlogger901100tag:blogger.com,1999:blog-3877557490187777479.post-39954690233289186942011-04-21T10:25:00.000-07:002011-04-21T10:26:24.219-07:00+ဆရာ့ စာအုပ်တစ်အုပ်ထဲက .. ခေါင်းလောင်းဆွဲထားပေးတဲ့ခွေးကို အမှိုက်ထုပ်တပ်ပေးသလို လွတ်လပ်စွာတွေးခေါ်ပြီးလုပ်ဆောင်ခြင်းဟာ လွတ်လပ်စွာ ရှင်သန်ခြင်း တစ်ခုလို့ ထင်ပါတယ်။ <br />( ဟုတ်ပါသလား)<br /><br />-ဟုတ်တာပေါ့။ ခင်ဗျားလည်း ကျွန်တော့်လို လူမျိုး ဆိုရင် တစ်နေ့ကြီးပွားဦးမယ် … ။<br /><br />* * *<br /><br /><br />+ဆရာတာရာမင်းဝေ <br />ဝတ္ထုတိုရေးဖွဲ့ရာတွင် မည်သည့်အချက်များ လိုအပ်သနည်း (သို့မဟုတ်) မည်ကဲ့သို့ ရေးဖွဲ့ရသနည်း။<br /><br />-ကမ္ဘာကျော်စာရေးဆရာကြီးတစ်ယောက်ကပြောဖူးပါတယ်။ ၀တ္ထုတိုရေးဖွဲ့ရာမှာ အဓိက အရေးကြီးတဲ့ အချက်ကြီးသုံးချက်ရှိတယ်တဲ့ … ဒါပေမယ့် ခက်တာက အဲဒီအချက်ကြီး သုံးချက်ကို ဘယ်သူမှမသိကြဘူးတဲ့ …<br /> <br />* * *<br /><br />+ဆရာတာရာမင်းဝေခင်ဗျာ . .<br />ဆရာလူထုစိန်ဝင်းရဲ့ “ လက်ဖက်ရည် ခွက်ထဲမှ မုန်တိုင်းများ ” စာအုပ်ကို ဘယ်လိုထင်ပါသလဲ။ <br /><br />-ကျွန်တော်နဲ့ အမြင်မတူပါဘူး။ ဒါပေမယ့် အဲဒီစာအုပ်ကို လေးလေးစားစား ဖတ်ပါတယ်။ကမ္ဘာကျော်စကားတစ်ခွန်းကို ပဲ ကိုးကားပြီး ပြန်ပြောလိုက်ပါ့မယ်။<br /><br />“သူပြောတာကို ကျွန်တော်သဘောမတူပါဘူး၊<br />ဒါပေမယ့်သူ့ရဲ့ လွတ်လပ်စွာပြောဆိုခွင့်ကိုလည်း<br />ကျွန်တော့် အသက်နဲ့ လဲပြီး ကာကွယ်ပေးပါ့မယ်။”<br /><br />* * *<br /><br />+ဆရာတာရာမင်းဝေခင်ဗျား<br />လူဆိုတာ အခက်အခဲတွေကို ကြုံတွေ့ရတာဓမ္မတာပါပဲ။ ဒါပေမယ့် . . . အဲဒီအခက်အခဲ တွေကြားမှာ ဝမ်းသာမှုတွေ တစ်ခါတလေ တွေ့ တတ်ပါတယ်။ အဲဒီဝမ်းသာမှုတွေထဲမှာ ဘာဝမ်းသာဝမ်းမြောက်မှုတွေက အကောင်းဆုံးလဲလို့ <br />သိချင်ပါတယ်။<br /><br />-လူအမျိုးမျိုး ၊ ဘဝ အထွေထွေ ရှိကြလေတော့ တစ်ယောက်နဲ့ တစ်ယောက် တူနိုင်မယ်မထင်ပါဘူး။ ဝမ်းမြောက်မှုအပေါ်မှာ နားလည်ခံယူကြပုံချင်းလည်း ကွဲလွဲနိုင်ပါတယ်။<br /><br />* * *<br /><br />+ဆရာတာရာမင်းဝေ<br />“ ပြိုင်မြင်းတို့ရဲ့ ခွာသံ” အတွက်ဆရာ့ကို ကျေးဇူးတင်ပါတယ်။ ဆရာ့အတွက်ဂုဏ်ယူပါတယ်။ ဆရာ့ရဲ့ အင်္ဂလိပ်စာ လေ့လာမှုအတွေ့အကြုံအကြောင်းဟောပြောပေးပါ။<br /><br />-အင်္ဂလိပ်စာ လေ့လာနည်းတွေကတော့ အများကြီးရှိပါတယ် . . . ။<br />လူသိနည်းပြီး ထိရောက်မယ့် “နည်း” တစ်ခု ပြောပြပါ့မယ်။ ကိုယ့်ကိုယ်ကို …. အင်္ဂလိပ်လူမျိုးတွေကြားထဲမှာ ရောက်နေတယ်လို့ လုပ်ကြည့်ပါ။ တရားထိုင်သလို ထိုင်ရမှာပါ။ မိနစ်၂၀ လောက် စမ်းလုပ်ကြည့်ပါ။ အချိန်ပေးနိုင်ရင် ပေးနိုင်သလောက် လုပ်ယူပါ။ စိတ်ကူးထဲက အင်္ဂလိပ်လူမျိုးတွေနဲ့ ရဲရဲတင်းတင်း ရေးဖတ်ပြောဆိုဆက်ဆံနေပါ။ အချိန်တိုတို အတွင်းမှာ တိုးတက်လာတာကို ကြုံဆုံရပါလိမ့်မယ်။ နောက်ဆုံး အိပ်မက် မက်ရင်တောင် အင်္ဂလိပ်လို မက်လာပါလိမ့်မယ်။ <br /><br />* * *<br /> <br />+ဆရာတာရာမင်းဝေ<br />ထော်လော်ကန့်လန့် လုပ်တာ တစ်သက်လုံး ဒီအတိုင်းပဲဖြစ်သွားသလား။ ဒါမှမဟုတ် ဘယ်အချိန်မှာတည့်သွားပါသလဲ။ <br /><br />-အနုတ်နဲ့ အနုတ် မြှောက်ရင် အပေါင်းဖြစ်တယ်မဟုတ်လား။ တစ်ခါတခါ တော့ တည့်သွား တတ်ပါတယ်။<br /><br />* * *<br /><br />+ဆရာတာရာမင်းဝေ<br />ဆရာ့ဇာတ်ကောင် ဂျိုကာနဲ့ ဆရာ ဘယ်သူ ပိုတော်ပါသလဲ။<br /><br />-ထုတ်ဝေသူက ပိုတော်ပါတယ်။<br /><br />* * *<br /><br />+ဆရာတာရာမင်းဝေ<br />စာပေလောကထဲကို ဝင်ရောက်ဖို့စွန့်စားတဲ့လူတစ်ယောက် (သုညကစွန့်ဝင်တဲ့လူတစ်ယောက်)ကို<br />ကိုတာရာအနေနဲ့ ဘယ်လိုမြင်ပါသလဲ။ဘယ်လိုအားပေးချင်ပါသလဲ။<br /><br />-ကျွန်တော့်ရဲ့ ကဗျာစာသားတစ်ပုဒ်အတိုင်းပါပဲ။ “ လောကမှာလေပြေ ကိုချည်း မျှော်လင့် စရာမလိုဘူး ၊ မုန်တိုင်းမှာလည်းအောက်စီဂျင်ပါ ပါတယ်” ရှင်သန် ခွင့်အပြည့်ရှိပါတယ်။<br /><br />* * *<br /><br />+ဆရာမင်းခြောက်ဆယ်ခင်ဗျား<br />ဆက်စပ်တွေးခေါ်မှုသည် နေရာတိုင်းတွင် အသုံးဝင်ပါသလား ။ ထော်လော်ကန့်လန့်ဖြေပေးပါရန် ပန်ကြားပါသည်။<br /><br />-ချစ်စရာကောင်းတာတွေ ကြုံခဲ့ရဖူးပါတယ်။ တာရာမင်းခြောက်ဆယ်လို့ ခင်ဗျား ကျွန်တော့် ကို သုံးနှုန်းတာက သိပ် အလင်္ကာမမြောက်ပါဘူး။ တစ်ခြားပုဂ္ဂိုလ်တစ်ယောက်ကဆိုရင် ကြယ်မင်းဆေးပေါ့လိပ်အလိပ်ခြောက်ဆယ် ကျွန်တော့်ကို ပေးပို့ဖူးပါတယ်။ သူ့နာမည်ကလည်း “ဥက္ကာဝေ” လို့ လက်မှတ်ရေးထိုးထားပါတယ်။ သူ့ကိုကျွန်တော် ဥက္ကာ ( ၆၀) ပြန်မပို့နိုင်ပါ။ သူ့အိမ်က အုတ်ခဲတွေကြားမှာ ဘိလပ်မြေ လိုနေရင် နည်းနည်း ဖြည့်ပေးမယ်လို့ ကျွန်တော်ပြန်ပြောလိုက်ပါတယ်။ ဒီထက်ပိုပြီး ကျွန်တော်ဘာမှမတတ်နိုင်ပါ။ အမှန်တော့ ပရိသတ်ဆိုတာ စာရေးဆရာထက် ပိုတော်ပါတယ်။<br /><br />* * *<br /><br />+Post Modern ဖြစ်မဖြစ်ကို ဖန်တီးသူက ရည်ရွယ်ထားခွင့်ရှိပါသလားခင်ဗျား။<br /><br />-ရည်ရွယ်စရာမလိုပါဘူး။ ဖြစ်တဲ့သူက သူဟာသူဖြစ်ပါတယ်။<br /><br />* * *<br /><br />+ကျောက်သင်ပုန်းပေါ်က သုညနဲ့ ဗလာစာရွက်ပေါ်က သုညဘာကွာပါသလဲ။ ကျွန်တော်ကတော့ ကျောက်သင်ပုန်းပေါ်ကို မြေဖြူနဲ့ရေးပြီး ဗလာစာရွက်ပေါ်ကို ခဲဖျက်ပါတဲ့ ခဲတံနဲ့ရေးထားလိုက်ပါတယ်။<br />ကျောက်သင်ပုန်းပေါ်က သုညအတွက်လည်း ဘောဖျက်ရှိပါတယ်။<br /><br /><br />+မော်ဒန်အနုပညာ ပို့စ်မော်ဒန်အနုပညာ များနဲ့ ကျွန်တော်တို့ကို မိတ်ဆက်ပေးပါဆရာ။ (နားမလည်ရင် မော်ဒန်ဖြစ်တယ်လို့ ခပ်ကြမ်းကြမ်း ပြောနေကြပါတယ်။)<br /><br />* * *<br /><br />၁။မော်ဒန်၊ပို့စ်မော်ဒန် အနုပညာကိုမိတ်ဆက်ပေးဖို့ဆိုတာ ကတော့ အတော့်ကို ကျယ်ပြန့်နေပါတယ်။ ဒီနေရာကနေ အကျယ်ပြောလို့မရနိုင်တာကို ခွင့်လွှတ်ပါ။<br />၂။ပန်းသီးတစ်လုံးကို ခင်ဗျားစားလိုက်တယ်ဆိုပါစို့။ ချိုရင်ချိုမယ်၊ ချဉ်ရင်ချဉ်မယ်၊ အဲဒီအပေါ်မှာခင်ဗျားခံစားဖို့ လိုတယ်။ နားလည်ဖို့မလိုဘူး။ နားမလည်ဘဲခံစားရတဲ့ အရာတွေ လောကမှာ ရှိပါတယ်။ ကြမ်းကြမ်းတမ်းတမ်း ပြောတယ်ဆိုတာကတော့ ဝေဖန်ရေးဆရာတွေရဲ့ စကားပြိုင်ဆိုင်မှုတွေအပေါ်မှာဖွဲ့တည်သွားတာ လည်း ဖြစ်နိုင်ပါတယ်။<br /><br />+ဆရာတာရာမင်းဝေ<br />မော်ဒန်ဝတ္ထု၊ကဗျာကိုဖန်တီးသူ တစ်ယောက်ဟာ ဘာတွေလိုအပ်ပါသလဲ။ ဘာတွေသိထားသင့်ပါသလဲ။ ဘာအကြောင်းကိုဘယ်လို ခံစားပြီး၊ ဘယ်လိုစ၊ ဘယ်လိုဆုံး ဆိုတာကို ဘယ်လိုသတ်မှတ်ပါသလဲဆရာ။<br /><br />-ဒဿနဆိုင်ရာမေးခွန်းတစ်ခုရှိပါတယ်။ “ရေကိုဘယ်သူစတွေ့သလဲ၊ငါးတော့ မဟုတ်ဘူး” တဲ့။ ရေထဲမှာနေတဲ့ ငါးက ရေအကြောင်းကိုမသိဘူး ဆိုတာသဘာဝကျပါတယ်။ သူကလည်း လောကတစ်ခုအနေနဲ့ကျင်လည်တာကိုး၊ အဲဒီငါးနဲ့ရေလိုပါပဲ… ကျွန်တော်တို့ လောကသားတွေကလည်း လောက ကိုစတင်သိမြင်သူတွေဟုတ်ရဲ့လား၊ လောကထဲမှာ ရှင်သန်နေပေမယ့် လောကအကြောင်းရော တကယ်သိကြရဲ့လား။ အဲဒီလိုဒဿနမျိုးကို အခြေခံပြီး မော်ဒန်အနုပညာပေါ်ပေါက်လာပါတယ်။ Law of uncertainly လို့ ခေါ်တဲ့ မရေရာမှုတွေ ၊ နားလည်ရခက်မှုတွေနဲ့ အဆုံးအစမဲ့တဲ့နေရာတစ်ခုမှာ ကိုယ်က အစက်အပြောက်တစ်ခု အနေနဲ့ ဖြတ်ပိုင်းလက်မှတ်မရှိဘဲ ရှင်သန်နေရမှု . . . အဲဒါတွေ ပေါ် အခြေခံပြီး မော်ဒန်အနုပညာပေါ်ပေါက်လာပါတယ်။ <br /> <br /> မြန်မာလို စာအုပ်စာတမ်းတွေ ရှိပါတယ်။ ဖတ်ကြည့်စေလိုပါတယ်။ အဲဒါထက်ပိုပြီး မော်ဒန်အနုပညာတွေကို စိမ့်ဝင်ခံစားကြည့်စေလိုပါတယ်။ ကိုယ့်ဘာသာကိုယ် အလိုလိုသိလာမှာပါ။ ဒါဟာ တကယ့်စေတနာတွေနဲ့ ပြောပြတဲ့ အကြံပေးစကားပါ။<br /><br />* * *<br /><br />အင်တာဗျူးဂျာနယ်<br />အမှတ်-၁၁၇<br />၆၊မတ်၊၂၀၀၂။<br /><br /><br />မှတ်ချက်။ ။ အင်တာဗျူးဂျာနယ်တွင် ဖော်ပြခဲ့ဖူးသည့် ဆရာတာရာမင်းဝေ၏ အထက်ပါ အင်တာဗျူးကို အီးမေးလ်မှတဆင့် ပေးပို့လာသူ ကိုနေမိုးဝေအား ကျေးဇူးတင်ရှိပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-3995469023328918694?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-37199064610358225382011-04-21T10:21:00.000-07:002011-04-21T10:22:10.852-07:00+ဆရာတာရာမင်းဝေခင်ဗျား<br />“ကျွန်တော်နှင့်နတ်ဘုရားရုပ်ထု” မှ “မူလကစ၍ မူလသို့ပြန်ရောက်ခြင်း” ဟူသော အဓိပ္ပါယ် ကို ရှင်းလင်းပေးပါခင်ဗျား။<br /><br />-“တောက်တယ်ကျင်း” လို့ တရုတ်လိုအသံထွက်တဲ့ “တာအိုဝါဒ” ရဲ့အယူအဆပါ။ အနုပညာ(Art) ကို ကျွန်တော်တို့ စတင်လေ့လာခဲ့ကြတယ်ဆိုပါစို့။ ဆန့်ကျင်အနုပညာ <br />Anti-Art ဆိုတာ ထပ်မံပေါ်ပေါက်လာပါတယ်။ ခုပို့စ်မော်ဒန်ကာလကိုရောက်တော့<br />ဗလာပုံစံ(Empty form) သုညဒီဂရီအရေးအသား(Zero Degree Writing) ၊ အနုပညာ<br />မဟုတ်တဲ့ အနုပညာ(Artless Art) စတာတွေထပ်မံပေါ်ပေါက်လာပါတယ်။ အကျယ်ရှင်းရင်<br />အရမ်းရှည်လျားသွားပါလိမ့်မယ်၊ ဆောင်းပါးတစ်ပုဒ် သီးသန့်ရေးပါ့မယ်။<br /><br />* * *<br /><br />+ဆရာတာရာမင်းဝေခင်ဗျား<br />၅၂၈ + <font size=5> ၁</font> = ? ကိုလည်း ရှင်းလင်းပေးပါခင်ဗျား။<br /><br />-နောက်ထားတာပါ။ ကျွန်တော့်ကိုမေးမယ့်အစား ကိုယ်စိတ်ဝင်စားတဲ့ကောင်မလေးတစ်ယောက် ယောက်ကို သွားပြကြည့်ပါလား။ အနုနည်းနဲ့သော်လည်းကောင်း အကြမ်းနည်းနဲ့သော်လည်းကောင်း သူ ပြန်ဖြေရှင်းပါလိမ့်မယ်။<br /><br />* * *<br /><br />+တာရာမင်းဝေအပေါ် ကိုရွှေဘုန်းလူရဲ့ အမြင် နဲ့ ကိုရွှေဘုန်းလူအပေါ် တာရာမင်းဝေရဲ့ အမြင်။<br /><br />မှန်ထဲမှာ ကိုယ့်ကိုယ်ကို ကြည့်ရသလိုပေါ့။ တူတော့တူပါတယ်။ ဒါပေမယ့် “ဘက်” လွဲနေတယ်။<br /><br />* * *<br /><br />+ဆရာတာရာမင်းဝေခင်ဗျား <br />လောကတွင် အဖြူရောင် နှင့် အနက်ရောင်တို့အနက် မည်သည်က ပို၍ တန်ဖိုးရှိပါသလဲ။ အကျိုးအကြောင်းနှင့် ဖြေဆိုပေးပါရန်တောင်းဆိုအပ်ပါသည်။<br /><br />-ကမ္ဘာပေါ်မှာ လူဖြူလူမည်းပြဿနာကြီးထွားနေတုန်းပါပဲ။ ကျွန်တော့်အနေနဲ့တော့ နှလုံးသားဖြူတဲ့သူက လူဖြူ၊ နှလုံးသားမည်းတဲ့လူက လူမည်းလို့ခံယူပါတယ်၊ ဒါပေမယ့် အဲဒါကလည်း စကားအဖြစ်နဲ့သာပြောရတာပါ။ နှလုံးသားဆိုတာကတော့ တစ်မျိုးထဲပါပဲ။ အနက်ရောင်ကို အဖြူရောင်ရဲ့ ဆန့်ကျင်ဘက်လို့ယူဆနေကြတာကလည်း လွဲပါတယ်။ အဖြူရဲ့ ဆန့်ကျင်ဘက်က မဖြူခြင်းပါပဲ။ <br />နောက်တစ်ခါ ပြောစရာရှိပါသေးတယ်။ ကျွန်တော်တို့တွေ.. အရောင်အမျိုးမျိုး ခွဲမြင်နေရတာဟာ အလင်းရဲ့လှည့်စားမှုကိုလည်း ကိုယ်ကနားလည်ရမယ်လို့မြင်မိပါတယ်။<br /><br />* * *<br /><br />-ဆရာတာရာမင်းဝေ<br />အချစ်ဆိုတာကို ဆရာဘယ်လိုနားလည်ပါသလဲ ဆရာရင်ခုန်တတ်ပါသလား။<br />အချစ်ဆိုတာ မော်ဒန်လို့ ဆရာသတ်မှတ်ထားတာလေးပြောပြပေးပါ။<br /><br /> အချစ်ကို အချစ်လို့ပဲ နားလည်ပါတယ်။ ရင်ခုန်မိလို့ ပဲ နားလည်ပါတယ်။ ရင်ခုန်မိ လို့ မိန်းမရသွားပါတယ်။ မော်ဒန်အမြင်နဲ့ပြော …. ဆိုရင်တော့ <br />အချစ် = အ + ချစ်<br />အ လို့ ချစ်တယ် လို့ပဲ ဆိုကြပါစို့ ။<br /> အင်တာဗျူးဂျာနယ်<br />အမှတ်-၁၁၆<br />၂၇၊ဖေဖော်ဝါရီ၊၂၀၀၂။<br /><br />မှတ်ချက်။ ။ အင်တာဗျူးဂျာနယ်တွင် ဖော်ပြခဲ့ဖူးသည့် ဆရာတာရာမင်းဝေ၏ အထက်ပါ အင်တာဗျူးကို အီးမေးလ်မှတဆင့် ပေးပို့လာသူ ကိုနေမိုးဝေအား ကျေးဇူးတင်ရှိပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-3719906461035822538?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-63436121323518296842011-04-21T10:17:00.000-07:002011-04-21T10:18:50.830-07:00+ဆရာတာရာမင်းဝေခင်ဗျား<br />မော်ဒန်ကဗျာ၊ဝတ္ထုများကို မည်သို့သော တွေးလုံးများပေါ်မှာမူတည်ပြီး၊ ဘယ်လိုခံစား ရေးသားခဲ့သလဲဆိုတာကို ဆရာ့အနေနဲ့ ဆရာရေးခဲ့သော ကဗျာ၊ဝတ္ထုတစ်ပုဒ် ဥပမာပေး၍ ရှင်းပြပေးစေလိုပါသည်ခင်ဗျား. .။<br /><br />-အင်တာဗျူးတစ်ခုမှာ ကျွန်တော်ပြောခဲ့ဖူးပါပြီ။ “ငါဟာ.. အရက်မူးလာတဲ့ မီးတောက်လေးပါ” တဲ့။ မီးတောက်ဆိုတာနဂိုတည်းက ယိမ်းနွဲ့တတ်တဲ့ သဘောရှိပါတယ်။ အရက်မူးနေတဲ့မီးတောက်ဆိုတော့ ဘယ်လောက်များ ယိမ်းယိုင်လိုက်မလဲ.. ။ မီးတောက်ဆိုတော့ နဂိုတည်းက ပူပြင်းလောင်မြိုက်ပါတယ်။ အရက်သောက်ထားတော့ ရင်ထဲက ပိုပူပါတယ်။ ဒါပါပဲ။<br /> မော်ဒန်ကဗျာ၊ မော်ဒန်အနုပညာဆိုတာကတော့ ဝေဝါးဖြန့်ကျက်တတ်တဲ့ အဓိပ္ပါယ်ကို ဆောင်ပါတယ်။<br /><br />* * *<br /><br /><br />+ဆရာတာရာမင်းဝေ<br />ဆရာ့ရဲ့ကဗျာများအပေါ် ဆရာဇော်ဇော်အောင်ရဲ့ အဓိပ္ပါယ်ရှင်းလင်းချက် ဝေဖန်ချက် အပေါ် ဆရာ့ရဲ့အမြင်..။<br />ကဗျာတစ်ပုဒ်ကို အဓိပ္ပါယ်ရှင်းလင်းရန် လို မလို။ နိမိတ်ပုံအယူအဆများကို ရှင်းလင်းပေးရန်။<br />MODERN ကဗျာတစ်ပုဒ်အား အနက်အဓိပ္ပါယ် ဖွင့်ဆိုပေးရန် အဓိက ကျ/မကျ ဖြေကြား ပေးစေလိုပါသည်။ အနက်အဓိပ္ပါယ်က အဓိကကျသူလား ဖြေကြားပေးစေလိုပါသည် ။<br /> မော်ဒန်ကဗျာလို့ သတ်မှတ်တဲ့ စံချိန်စံညွှန်းများရှိပါသလား။ ရှိခဲ့ရင် ဖြေကြားပေးပါရန်။<br /> မော်ဒန်နှင့် ပို့စ်မော်ဒန် ကွာခြားချက်များကိုလည်း ဖြေကြားပေးပါရန်။<br /> <br />ဇာနည်ဝင်းမောင်<br /> <br />-ပြောရရင် ဆုံးနိုင်ဖွယ်ရာမရှိတော့ပါဘူး။ <br />“သရုပ်မှန်က မှန်ကန်တဲ့သရုပ်သဏ္ဌာန်အတိုင်း ဖေါ်ကျူးတယ်။”<br />“မော်ဒန်က မူလအတိုင်းမဟုတ်ဘဲ အချိုးဖျက် တင်ပြတယ်”<br />“ပို့စ်မော်ဒန်က ဘာသာစကား စည်းမျဉ်းတွေ ကိုပါချိုးဖျက်တယ်”<br /> အဲဒီလို….(မပြည့်စုံပေမယ့်)အကျဉ်းပြောလိုက်လို့ရပါတယ်။<br />“မော်ဒန်ကဗျာတွေ ကို အနက်အဓိပ္ပါယ်ဖွင့်ဖို့ မလိုအပ်ပါဘူး။နားလည်ဖို့မဟုတ်ဘဲ ခံစားဖို့သာ ဦးတည်ပါတယ်။ ကျွန်တော်တို့ရေးသားတင်ပြခဲ့တဲ့ ဆောင်းပါးတွေဟာကဗျာရဲ့အနက်အဓိပ္ပါယ် ကိုဖွင့်လိုရင်း မဟုတ်ပါဘူး။ ကဗျာဖတ်သူရဲ့ ခံစားချက်လမ်းကြောင်းကို ဖွင့်တာပါ။” ဒီလောက် ပဲဖြေပါရစေတော့။<br /><br />* * *<br /><br />+ဆရာတာရာမင်းဝေခင်ဗျား . . . .<br />မော်ဒန်ပန်းချီတွင် ဗလာနယ်ဧ။် အားသက်ရောက်မှုရှိကြောင်း ဖတ်ရှုဖူးပါသည်။ မော်ဒန်စာပေ (ဝတ္ထု၊ကဗျာ) တွင် “ဗလာနယ်” ဧ။် အားသက်ရောက်ပုံကို ရှင်းလင်းပေးပါရန် ၊ အဆိုပါ “ ဗလာနယ်” ကို မည်သို့သောနေရာများတွင် အသုံးပြုသင့်ပါသလဲ ခင်ဗျား။<br /> <br />-ဘောလုံးကန်ကြသလိုပေါ့ . . .။ကွင်းကအရေးမကြီးဘဲ ဘောလုံးရောက်နေတဲ့နေရာကို Positive Space၊ ဘောလုံးမရောက်တဲ့ နေရာကို Negative Space လို့ ဆိုကြပါစို့။ Positive Space မှာ ဘောလုံးနဲ့အတူ ကစားနေရသူက အရေးကြီးသလို .. Negative Space မှာထဲမှာ ပြေးလွှားနေရာယူနေရသူကလည်း အရေးပါ ပါတယ်။ ဘောလုံးနဲ့အတူ ကစားတတ်ဖို့ လိုသလို၊ ဘောလုံးနဲ့ခွာပြီး ကစားတတ်ဖို့လည်း လိုပါတယ်။ ဗလာနယ် သီအိုရီ (Blank Theory) နဲ့ ပတ်သတ်ပြီး ကျွန်တော် ဆောင်းပါးတစ် ပုဒ်ရေးဖူးပါတယ်။ အကြောင်းကြောင်းကြောင့် . . စာမျက်နှာပေါ် မရောက်လိုက်ပါဘူး. . လက်ရေးမူကို ပြန်ရှာတွေ့ရင် ပို့ပေးလိုက်ပါ့မယ်။<br /> ခက်တာက မေးသူအမည်မပါလို့ ခင်ဗျားက ဘယ်သူလဲမသိဘူး။ ဘယ်ကိုပို့ ပေးရမလဲ မသိဘူး။<br /><br />* * *<br />အင်တာဗျူးဂျာနယ်<br />အမှတ်-၁၁၅<br />၂၀၊ဖေဖော်ဝါရီ၊၂၀၀၂။<br /><br />မှတ်ချက်။ ။ အင်တာဗျူးဂျာနယ်တွင် ဖော်ပြခဲ့ဖူးသည့် ဆရာတာရာမင်းဝေ၏ အထက်ပါ အင်တာဗျူးကို အီးမေးလ်မှတဆင့် ပေးပို့လာသူ ကိုနေမိုးဝေအား ကျေးဇူးတင်ရှိပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-6343612132351829684?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-86805147429036413882011-04-21T10:08:00.000-07:002011-04-21T10:16:44.412-07:00+“အနုပညာပစ္စည်း ဆိုတာ … နားလည်ဖို့မလို ခံစားရန်အတွက်ဖြစ်တယ်” ဆိုတာကို ဘယ်လိုမြင်ပါသလဲ။ <br />ပါမောက္ခဦးလှအောင်(ဥယျာဉ်ခြံဌာန)<br /><br />-လက်ရှိကျွန်တော်တို့ Post Modern World မှာ အနုပညာနဲ့ပတ်သက်တဲ့ အယူအဆ ပေါင်းစုံရောယှက်ပြွန်းတီးလျက် ရှိပါတယ်၊ ကမ္ဘာကျော် အနုပညာသမားတစ်ယောက် ကဆိုရင် သစ်ပင်တွေ၊ မော်တော်ကားတွေ ကို ပလတ်စတစ်နဲ့ ပတ်ပြပါတယ်။ နားလည်စရာမလိုပါဘူး။ ခံစားရုံ သက်သက်နဲ့ ရပါတယ်။ တခြားကမ္ဘာကျော် အနုပညာသမားတစ်ယောက် ကတော့ သဲသောင်ပြင်ပေါ်မှာ သဲတွေနဲ့ပဲ မြို့တစ်မြို့ကို ထုဆစ်ပြပါတယ်။ လေတိုက်တဲ့အခါမှာတော့ အဲဒီသဲပန်းပုဟာ တဖြည်းဖြည်း လွင့်ပါး ပြိုကျသွားပါတယ်။ လာရောက်ကြည့်ရှုသူတွေက မေးမြန်းတဲ့အခါ အဲဒီပြကွက်ရဲ့ အမည်ကို ရောမမြို့တော်ကြီး ပျက်စီးခြင်း လို့ သူက ရွတ်ပြလိုက်ပါတယ်။ အဲဒါ မျိုးကျတော့လည်း နားလည်မှုရှိမှ ခံစားလို့ရမယ့် ပြကွက်မျိုးပါ။ Multi Reality ကိုလက်ခံထားတဲ့ လက်ရှိခေတ်ကြီးမှာ အနုပညာအယူအဆတွေဟာ မျိုးစုံရှိပါတယ်။ မျိုးစုံကိုလက်ခံပါတယ်။<br /><br />* * *<br /><br /><br />+ဆရာတာရာမင်းဝေခင်ဗျား..<br />၁။ ဘယ်လိုစာအုပ်တွေကို ဆရာအဓိက ဖတ်ပါသလဲ။<br />၂။ မော်ဒန်ကဗျာဧ။် အနှစ်သာရ ၊ ရုပ်လက္ခဏာ မည်သို့ရှိသည်ကို ရှင်းလင်းပေးပါ။<br />မောင်ထက်မြတ် [ပနှစ်(ငယ်)]<br /><br />၁။ ဘယ်လိုစာအုပ်ကိုမဆို အဓိကထားဖတ်ပါတယ်။ “စာ” က အဓိကမဟုတ်ဘူး။ ဆင်ခြင် သုံးသပ်တဲ့ ကိုယ့်ရဲ့ဥာဏ်ကသာ အဓိကပါ။<br />၂။ ဒီမေးခွန်းကို ဖြေမယ်ဆိုရင် အရမ်းရှည်လျားသွားပါလိမ့်မယ်။ ကမ္ဘာကျော် ကချေသည် တစ်ယောက်ကို ဂျာနယ်လစ် တစ်ယောက်က “ဒီကကွက်ရဲ့ အဓိပ္ပါယ်က ဘာလဲ” လို့မေးခဲ့ တာကို ကချေသည် က ပြန်ဖြေပါတယ်။ “အဲဒီလိုသာ ပါးစမ်းနဲ့ အလွယ်တကူပြောလို့ရရင် ကျွန်မတို့ အပင်ပန်းခံပြီး ဘယ် က နေမလဲ” တဲ့။ ဒီမေးခွန်းနဲ့ ပတ်သတ်တဲ့ ကျွန်တော့် သဘောထားကလည်း အဲဒီအတိုင်းပါပဲ။ လက်လွတ်စပယ် ဖြေဆိုတယ်လို့ မထင်ရင် အရမ်း ကျေးဇူးတင်မှာပါ။<br /><br />* * *<br /><br /><br />+ဆရာခင်ဗျား<br />“ရသစာပေဧ။်နိဒါန်း” တွင် ဆန့်ကျင်ဖက်ဖြစ်စဉ်သည် ဟာသရသကိုပေးနိုင်ပါသည်ဟု ဖေါ်ပြထားပါသည်။ “ထော်လန်ကန့်လန့်” များသည် ဟာသရသ နှင့်မည်သို့ကွာခြားပါသလဲခင် ဗျာ။ “လှေကိုမလှော်၊ပင်လယ်ကိုလှော်မည်” ဟူသော ဆရာဧ။်စာသည် “ထော်လော်ကန့်လန့်” ဖြစ်သော်လည်း ဟာသရသ ကိုမပေးပါ။<br /> လေးစားစွာဖြင့်<br /> KTR (စိုက်ပျိုး)<br /><br />၁။ “လှေကိုမလှော်၊ ပင်လယ်ကိုလှော်မည်” ဟူသောစကားလုံးသည် ဟာသရသဆီသို့ ဦးတည်သော အလင်္ကာမဟုတ်ပါ။ Modern Sensibility အရ ရေးထားသော အဖွဲ့အနွဲ့ တစ်မျိုးဖြစ်ပါသည်။<br />၂။ ပထမ မေးမြန်းချက်သည် ဆရာဇော်ဂျီ ရေးသားသော “ရသစာပေဧ။်နိဒါန်း” စာအုပ် နှင့် ပတ်သတ်နေပါသည်။ လက်ခံနိုင်စရာများရှိသလို၊ တွေဝေနိုင်စရာများလည်းရှိနေပါသည်။ တစ်နေ့နေ့မှာ ကျမ်းတစ်စောင်စောင်ပြု၍ ပြောသင့်လျှင်ပြောပါမည်။ ဤနေရာမှာတော့ အကျယ် မရှင်းသာပါ။<br />၃။ “ဆန့်ကျင်ဖက်ဖြစ်စဉ် သည် ဟာသရသကို ပေးနိုင်ပါသည်” ဟူသောအဆိုကို ကျွန်တော့် အနေနှင့် လက်မခံပါ။ “အကြွင်းမဲ့” ဆိုလျှင်လက်မခံခြင်းဖြစ်ပါသည်။<br />၄။ ထော်လော်ကန့်လန့်တွေးမှုအားလုံးသည် လည်း ဟာသရသကိုမပေးစွမ်းနိုင်ပါ။ ဒီဘိုးနိုး ပေးဖူးသော ဥပမာတစ်ခုရှိပါသည်။ “ဘတ်(စ်) ကားပေါ်မှာ ခုံတွေဖြုတ်လိုက်လျှင်ဘယ်လိုဖြစ်မည်နည်း” ၊ “ကားပေါ်မှာ လူပိုဆန့်မည် ။ ခုံလုထိုင်သောပြဿနာတွေ၊ယောင်္ကျားတွေက မိန်းမကို ဦးစားပေးရသော ပြဿနာတွေ အတိုင်းအတာ တစ်ခုထိပြေလည်သွားနိုင်သည်” သို့သော် ထိုအတွေးသည် ဟာသရသနှင့် မသက်ဆိုင်ပါ။<br /><br />၅။ အတွေးသည် အတွေးဖြစ်ပါသည်။ ရသသည် ရသဖြစ်ပါသည်။<br /><br />* * *<br /><br />အင်တာဗျူးဂျာနယ်<br />အမှတ်-၁၁၄<br />၁၃၊ဖေဖော်ဝါရီ၊၂၀၀၂။<br /><br />မှတ်ချက်။ ။ အင်တာဗျူးဂျာနယ်တွင် ဖော်ပြခဲ့ဖူးသည့် ဆရာတာရာမင်းဝေ၏ အထက်ပါ အင်တာဗျူးကို အီးမေးလ်မှတဆင့် ပေးပို့လာသူ ကိုနေမိုးဝေအား ကျေးဇူးတင်ရှိပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-8680514742903641388?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-69189416842357342932009-12-26T10:35:00.001-08:002009-12-26T10:38:07.367-08:00(၁)<br />ကြယ်တာရာတွေ စူးစူးဝါးဝါးငုံ့ကြည့်နေတဲ့ ကဝေည<br />မေမေ့…ကို ကျွန်တော်သတိရလိုက်တာ…<br />ညဥ့်ငှက်တွေက ကမ္ဘာအပေါ်ယံမှာ လူးလာပျံသန်း<br />လရောင်ကို တောင်ပံနဲ့ တဖြန်းဖြန်းရိုက်ကြတယ်…။<br /><br />လောကအတုမှာ ..လူသားအတုတစ်ယောက်<br />ကိုယ့်ပေါက်ချွန်း ကိုယ်ထမ်းပြီးလမ်းလျှောက်နေတယ်<br />မေမေ…<br />ကျွန်တော့်အတွက်တော့ မေမေ့ရင်ခွင်ဟာ<br />သောကကင်းဝေးတဲ့ ငြိမ်းချမ်းရေး “နယ်”ပါ<br />အခု..ဘယ်မှာလဲ<br />ဘယ်မှာလဲ…..။<br /><br />မြူမှုန်မိုးနှင်းတွေကရွှေရောင်တ၀င်းဝင်းတောက်<br />မေမေ့အုတ်ဂူကို စောင့်ရှောက်ကြလိမ့်မယ်<br />ကောင်းရာဘုံသို့သွား အားလုံးကိုမေ့ထားခဲ့ပါတော့<br />မေမေ…။<br /><br />(၂)<br />ကျွန်တော်မှတ်မိသမျှ…<br />မေမေ့မျက်လုံးဟာ ဆောင်းရာသီဆန်လွန်းတယ်<br />မြူတွေဖုံး၊နှင်းစက်တွေဖုံး<br />နေရောင်တွေလည်း ခါးကုန်းအောင်ရုန်းခဲ့ရပေါ့<br /><br />သစ်ကိုင်းခြောက်ကြီးက မီးတောက်ကလေးကိုမွေးဖွား<br />ပြာအနန္တတိုင်အောင် ထွေးပိုက်ပျိုးထောင်သွားသလို<br />မေမေဟာ…<br />သူ့ကိုယ်သူဖြန့်ခင်းပြီးကျွန်တော့်ကို လျှောက်နင်းခိုင်းခဲ့တယ်…။<br /><br />မုသားတစ်လွှာ မာယာတစ်ထပ်၊၀တ်ရည်တစ်စက်နဲ့<br />အို…ခတ္တာရေ…<br />ပုခက်လွှဲသောလက်တွေနဲ့ ကျွန်တော့်ကိုစိုက်ပျိုးခဲ့ရုံသာမက<br />သူမ..ကိုယ်တိုင်က..<br />ကျွန်တော့်အတွက်ဆိုရင် ပုခက်ဖြစ်ပြခဲ့တယ်…။<br /><br />“အမေ”အဖြစ်<br />စုန်ရေသစ်စီးကြောင်း၊တောင်ကျချောင်းကလေး<br />အေးလို့မွှေးလို့ တည်ခဲ့ပြန်တယ်။<br /><br />(၃)<br />ခြေထောက်တွေက လှေကားထစ်အတိုင်းတက်သွားပြီး..<br />လူက..လှေကားခြေရင်းမှာကျန်ခဲ့ရတယ်<br />ဘယ်သူမဆို<br />ကိုယ့်အရိပ်ထဲမှာ ကိုယ်ပြန်ခိုချင်လို့်ရဘူး<br />ကျွန်တော့်ကို “မေမေ”ပြန်ပေးကြပါ..။<br /><br />ပြက္ခဒိန်ထဲမှာ ကြယ်ပွင့်ပြရေးစရာမလိုတဲ့<br />သာမန်အညတရ မွန်းလွဲအိုတစ်ခုက<br />“မေမေ့”ကို လုသွားတယ်…။<br /><br />နေပူအရပ်ရဲ့ကောင်းကင်နက္ခတ်ဖြူများဟာ<br />လင်းအားပြင်းထန်၊လူငယ်တစ်ယောက်ရဲ့နှလုံးသားအတွင်းကို<br />တရှူးထိုးဆင်းချတယ်….။<br />လက်ဖမိုးနဲ့ဖျက်ဖျက်လက်ဖ၀ါးနဲ့ဖျက်ဖျက်<br />ပါးပေါ်စီးတဲ့မျက်ရည်စက်လေးကတော့ပျက်သွားမှာပါ<br />ဒါပေမယ့်မေမေရယ်…။<br /><br />(၄)<br />မေမေ့မှာ<br />နာကျင်ခဲ့ရတဲ့ ဂန္တ၀င်သက္ကရာဇ်များ<br />ဆက်ထုံးရှည်လျားလျားနဲ့ရှိခဲ့တယ်….။<br /><br />ငယ်ငယ်တည်းက<br />“၀”လုံးဘယ်မှာစဖတ်ရမှန်းမသိတဲ့ကျွန်တော်ဟာ<br />မေမေ့အကြောင်းကိုလည်းခုထိစာလုံးမပေါင်းနိုင်ခဲ့ဘူး..။<br /><br />မေမေ့မှာ<br />ဘာသာဗေဒမတူ၊ဖတ်တဲ့စာချင်းမတူ၊ခူးတဲ့ပန်းချင်းမတူ<br />မိတ်ဆွေနဲ့မတူတဲ့မိတ်ဆွေတွေရှိတယ်…။<br /><br />မေမေဟာ<br />အက္ခရာနဲ့ဖော်ပြလို့မစွမ်းတဲ့၊ယဉ်ကျေးမှုအခန်းခန်းကို<br />လွှမ်းရုံဖန်ဆင်းထားသူဖြစ်တယ်…။<br /><br />ကျွန်တော့်မေမေဟာ<br />သူများမေမေတွေထက်…နို့ရည်ပိုမထွက်ပါဘူး…….<br />ဒါပေမယ့်မျက်ရည်တော့ပိုထွက်ရင်ထွက်မယ်….<br />ကျွန်တော်ကလည်းဆိုးခဲ့တယ်လေ..။<br /><br />(၅)<br />ဖုန်မှုန့်ပျံ့စင်…<br />ကျွန်တော့်ရဲ့စိတ်ကူးတယဉ်ယဉ်တွင်းဟောင်း<br />အခု..လင်းနို့တွေအောင်းနေပြီမေမေ..။<br /><br />လွန်ခဲ့တဲ့အနှစ် (၂၀)ကျော်<br />ကျွန်တော်မြင်းရုပ်စီးပြီး၊သစ်သားခွာကြီးနဲ့ခရီးတွေနှင်<br />မေမေ့လက်ခုပ်သံတလွင်လွင်ပေါ့….။<br /><br />စိတ်မလိုရင်ကောင်းဘွိုင်ဦးထုပ်ကိုဆွဲဖြဲ<br />ဂျစ်ကားတွေတက်နင်း၊ရထား တစ်စင်းလုံးဆောင့်ကန်<br />ကျွန်တော့်ထမင်းပန်းကန်အထူအပါး<br />မေမေခွံ့ကျွေးမှစားခဲ့တယ်..။<br /><br />မေမေက ဥုံဖွလို့မန်းမှုတ်ရင် <br />ဒုက္ခအပေါင်းဟာတိတ်ဆိတ်ငြိမ်သက်<br />ကျွန်တော့်ရှေ့မှောက်မှာကြောက်ရွံ့စွာလက်ပိုက်ရပ်ကြတယ်..။<br /><br />“လူကလေးရဲ့အိပ်ချိန်တန်၊ဗျိုင်းရှေ့ကပျံ” တဲ့<br />မိုးအုံ့နေတဲ့မျက်လုံးနဲ့ မေမေ့ပုခုံးမှာမှီတွယ်ငိုက်မျဉ်း<br />ကျွန်တော်ကလည်းအိပ်ပုပ်ကြီးတယ်…<br />ကျွန်တော်အိပ်တိုင်းမေမေ့ဗျိုင်းကလည်းရှေ့မှာပျံတယ်…။<br /><br />ကျွန်တော့်အိပ်မက်<br />မေမေ့လည်တိုင်ကိုဖက်လို့ပေါ့…။<br /><br />(၆)<br />ဟင်းလင်းပွင့်နေတဲ့ကျွန်တော့်ရင်ဘတ်ကိုဖုံးဖို့<br />အကျီ င်္မှာကြယ်သီးတစ်လုံးလိုနေပြီ….မေမေ..။<br /><br />ငယ်ငယ်ကတည်းက….<br />မေမေကခံတပ်လုပ်၊ကျွန်တော်ကသူရဲကောင်းလုပ်<br />ရန်သူတွေနဲ့ဝေေ၀ဆာဆာဓါးချင်းခုတ်ဖူးတယ်….။<br /><br />ကျွန်တော့်ဘ၀တောက်လျှောက်<br />မေမေဟာခံတပ်ဆန်သူတစ်ယောက်ပါပဲ…<br />ကျွန်တော့်ဘက်မှာရပ်တည် ၊ကာကွယ်၊တိုက်ခိုက်<br />သူမကိုတော့..မြားအစင်းစင်းစိုက်ခဲ့တယ်…။<br /><br />ကျွန်တော့်ကိုအလိုလိုက်..ကျွန်တော့်ကိုမရိုက်<br />ကျွန်တော့်ကိုရိုက်လည်းကျွန်တော်မငို..မေမေပဲငို..။<br /><br />မေမေပြောတဲ့ကျေးလက်နီတိ<br />“မတတ်ဘဲမန်းရင်တစ္ဆေမုန်းလိမ့်မယ်”<br />ဆေးမျက်လုံးနဲ့ကြည့်….တဲ့။<br /><br />(၇)<br />လေကိုလေနဲ့မှုတ်တာကမှလွဲဦးမယ်…<br />ကျွန်တော့်ကိုမေမေက..<br />ပညာလှလှတတ်စေချင်တာ..အသေအချာပေါ့..။<br /><br />ကောင်းကင်ပေါ်က“လ”နဲ့ဗျည်းစာလုံးထဲက“လ”<br />ဘာကြောင့်မတူတာလဲ….<br />ကျွန်တော်နဲ့အဖော်များ<br />ကျောင်းတော်မှာသဘောကွဲပြားကြ..။<br /><br />ကျွန်တော်ကလူပျင်း..<br />သစ်ပင်ခြေရင်းမှာရပ်လိုက်၊သစ်ပင်ဖျားကိုတက်လိုက်<br />စာမေးပွဲတွေမှာ..<br />အဆင့်တွေက ၁ မှ ၁၀၀ မရေရာ…။<br /><br />တစတစ…<br />လူငယ်သီချင်း၊နှင်းဆီဓားသွား၊ရင်ကြားစိုက်နစ်<br />ကျွန်တော်ဟာ တေလေကုန်းမှာ ကဗျာဆရာဖြစ်လာတယ်..။<br />လူငယ်တစ်ယောက်ရဲ့ရင်ခေါင်းမှာ..<br />အိပ်မက်တွေအမြှောင်းမြှောင်းထ..<br />ဂမ္ဘီရလမင်းကလည်းဝိုက်အုပ်ဖြာဆင်းကျနေတော့တယ်..။<br /><br />(၈)<br />တစ်ရက်မှာ<br />မြူပြာမှိုင်းမှုန်၊အိပ်မက်ကိုစောင်လိုခြုံဆဲ…<br />ကြယ်တွေအကုန်ကြွေတဲ့ည<br />ကျွန်တော့်အပေါ်ကြိုးပြတ်ကျတယ်…။<br />ကျွန်တော်….<br />မပျော်လေလွင့်၊ရင်အနင့်ဆုံးဆောင်း<br />နှင်းတွေပြောင်းပြန်စီးမျောလာ..။<br /><br />မေမေဟာ…<br />ကျွန်တော်ပြန်လာမယ့်သန်းခေါင်ယံကိုခြံရံစောင့်ကြပ်<br />အလင်းရဲ့နတ်သမီးလို..မီးအိမ်ကိုင်ပြီးစောင့်နေတယ်..။<br /><br />နာကြည်းပင့်သက်၊အရက်သောက်လာတဲ့သား<br />အမေ့အားစကားမဆို<br />အမေကား..သားကိုယ်စား မျက်ရည်မဲ့စွာငို..။<br /><br />သား…<br />ဘ၀ဆိုတာရေစီးထဲကဗေဒါ..မရေရာဘူးကွဲ့<br />ဒါပေမယ့်…<br /><br />မျှော်လင့်ချက်ရဲ့ အရုပ်များ၊အရောင်များ၊အရိပ်များ<br />လွှင့်မပစ်နဲ့သိမ်းထား..<br />၀ိညာဉ်ရုန်းကန်တစ်နေ့မှာသူတို့ပြန်ရှင်သန်လိမ့်မယ်..။<br /><br />မေမေ့စကားက<br />ကျွန်တော့်ရဲ့မိုးခါးရေများကို<br />တစ်စက်ချင်း…တစ်စက်ချင်း…တစ်စက်ချင်း..ချိုစေခဲ့..။<br /><br />(၉)<br />၀ါဆိုပန်းခူး၊စံပယ်ဦးတို့မွှေးသက်ဝေေ၀<br />မုတ်သုန်လေရဲ့မှတ်တမ်း<br />မီးကိုလည်းကျွန်တော်နမ်းခဲ့..ရေကိုလည်းကျွန်တော်နမ်းခဲ့..။<br /><br />မေမေဟာ..<br />ခြံထောင့်မှာဒေလီယာတွေပျိုးရင်း<br />မိုးစိုနေတဲ့ဆံနွယ်ခက်ကိုလက်နဲ့သပ်တင်<br />သူမလည်းရင့်ကျက်ကြည်လင်နေတယ်..။<br /><br />မေမေချုပ်တဲ့<br />ဇာမဏီရုပ်နဲ့အကျီ င်္ချည်မျှင်ကြမ်းကြမ်း<br />ကျွန်တော်….လမ်းမှာဝတ်ရန်..။<br /><br />နွားကသူငုံ့စားတဲ့မြက်တွေကို<br />၀ံပုလွေတစ်ကောင်ရဲ့အော်သံကြားတယ်လို့ပြောဆိုနေဆဲ<br />သွားကြစို့လေ…<br /><br />မုဆိုးခြေထောက်များနဲ့ ကျွန်တော်သွားရာကျွန်တော်လိုက်<br />လေဆန်တွေ ပစ်စလက်ခတ်တိုက်တဲ့ခင်တန်း<br />ပဒိုင်းပန်းတွေလည်း ဗောင်းလန်အောင်ခါရမ်းပွင့်ဝေ…။<br /><br />(၁၀)<br />သား…<br />“၁။ တိမ်တွေပျံတာမိုးပေါ်မှာဘာနဲ့မှမငြိဘူး<br />၂။ တစ်တောလုံးကိုလည်းကြည့်တစ်ပင်ချင်းလည်းကြည့် ” တဲ့<br /><br />မေမေ့ဆုတောင်းဘုရားကျောင်းမှဝတ်ပြုသံ<br />လောကဓံအသစ်သစ်တွေနဲ့မြင့်ရိုင်း<br />မိုးကုတ်စက်ဝိုင်းတစ်ခြမ်းကိုထိုးဖောက်<br />ကျွန်တော်ဆက်လျှောက်နေတယ်…(ဖိနပ်လည်းအခါခါပေါက်ခဲ့)<br /><br />ညပေါင်း ၁၄၀၀<br />၀င်္ကပါတောင်ကြားမှာ..ကံနတ်ဘုရားနဲ့စီးချင်းထိုး<br />ကျွန်တော်ကြိုးစား ၊အမှားများလည်းချင်းချင်းနီ…။<br /><br />ဧရာဝတီမေမေ၊ပိတောက်ပင်ဟာမေမေ<br />ဖယောင်းတိုင်ဖြူဖြူဟာမေမေ၊နံနက်ခင်းကြေးရုပ်ဟာမေမေ…။<br /><br />ခု..မေမေဆုံးပြီဆိုတဲ့သတင်းမှာ<br />ကျွန်တော်ဟာအရာရာဝင်းရှင်းပေါက်ကွဲ…နီလဲ့..<br />လူတဆုံး…၀ိညာဉ်တဆုံး၊အကြွင်းမဲ့ဗုန်းဗုန်းလဲကျ<br />“မေမေ..”<br /><br />(၁၁)<br />မေမေဟာ..နာရီသံနဲ့အိပ်၊နာရီသံနဲ့နိုး..<br />ဘယ်တော့မှထမင်းအိုးဝေမကျတတ်တဲ့မိန်းမမျိုးဖြစ်တယ်..။<br /><br />မီးလောင်နေတဲ့ငရဲပင်ပျိုမှာ၊ပွင့်အိုလေးပမာ၊၀ါဝါနွဲ့နွဲ့<br />သတ္တိသစ်တွေနဲ့ဝေရဲခဲ့တယ်..။<br /><br />သားငယ်ရဲ့မျက်နှာကို<br />အလင်္ကာလိုလည်းဖတ်၊ပုစ္ဆာလိုလည်းဖတ်<br />ဆိုလိုရင်းကိုချက်ချင်းရှာဖွေတွေ့တတ်တယ်..။<br /><br />လင်မရှိတော့ပေမယ့်<br />သားငယ်အတွက်ရင်ခွင်တစ်ခုရှိတဲ့မိန်းမ<br />လူကန္တာရတို့ရဲ့ကျောက်တိုင်၊မြေခိုးမြေငွေ့ကိုပိုင်တယ်..။<br />(အလင်းပြာမှတ်ကျောက်အတွက်မင်တစ်ပေါက်ဖြစ်တယ်..)<br /><br />(၁၂)<br />အမေမရှိတဲ့သားမှာသာ<br />စေတန်ရဲ့လွှသွားကိုခါးသီးကွဲရှ<br />အရိုးမြုပ်အောင်ကိုက်မြိုခဲ့ရပြီ..။<br /><br />မျက်နှာကိုလက်ဝါးနဲ့အုပ်ရုံကလွဲလို့<br />ဘာမှလည်းလုပ်မပေးနိုင်တဲ့နေရာ….အဝေးမှာ…<br />ကျွန်တော်က…ဟိုး…အဝေးကြီးမှာ..။<br /><br />ကျန်တာတွေကတော့ဘာမှမပြောင်းလဲပါဘူး<br />မီးခိုးငွေ့တွေကလည်း<br />ရိုးရာအခြေအနေအတိုင်း၊လှိုင်းထကော့လန်<br />ဒရွတ်တိုက်ပျံတက်ဆဲ…။<br /><br />အမေ့ရဲ့ခြေလို၊လက်လိုနေခဲ့တဲ့ကောင်<br />အမေမရှိချိန်မို့လမ်းပေါ်မှာပြန့်လို့ကျဲလို့…။<br /><br />အမှားလက္ခဏာ၊အမှန်လက္ခဏာ၊ဘာနဲ့မှလာမတိုင်းတာနဲ့<br />“အမေ”ဆိုတာထာဝရအကန့်အသတ်မဲ့တယ်<br />ချစ်သောမေမေ..ကောင်းရာဘုံသို့ရောက်ပါစေ..။<br />(ကောင်းရာဘုံတို့၏တံခါးသည်မိခင်များအတွက်ပွင့်စေသတည်း.)<br /><br />(၁၃)<br />နောင်…နှစ်ပေါင်းများစွာကြာရင်<br />မေမေ့အုတ်ဂူကို၊၀တ်ရုံဖြူနဲ့လူတစ်ယောက်လာမယ်<br />အနက်ရောင်ကတ်ပြားမပါ၊လွမ်းသူ့ပန်းခွေမပါ<br />လေထန်လမ်းမှာဆံမျှင်တွေလွင့်ဝဲ….<br />အဲဒီလူဟာ..သားပဲပေါ့မေမေ…<br />ဘယ်သံသရာမှာပြန်ရှာရင်မေမေ့ကိုတွေ့နိုင်မလဲ…<br />ကျွန်တော့်ရှေ့မှောက် လရောင်တွေကွေ့ကောက်လွန်းလှချည့်…။<br /><br />အမေ့ကိုယ်စား…<br />အမေ့ကိုယ်ပွား…<br />ကြယ်စင်များကိုလက်ဖ၀ါးနဲ့ပန်၊မြင်းခွာသံမှာအပ်နှံလိမ့်ဆင်း<br />အ၀ါရောင်မီးရှူးမီးပန်းလို<br />“လင်း”ပြီးမှပျောက်မယ်…။<br /><br />ကျွန်တော်…<br />မေမေ….<br />မာယာတောင်ခြေမှ ဒရမ်တီးသူများ၊မျက်လှည့်တီးလုံးများ<br />သီချင်းအကွဲအစ..တစ်ပုဒ်ပြီးဆုံးသွားပါပြီ..။<br /><br />မေမေ…<br />ကောင်းရာသုဂတိလားပါစေ…<br />ခေါင်းလောင်းထိုးသံတိုးတိတ်လွင့်ဝေ……..<br />ခေါင်းလောင်းထိုးသံတိုးတိတ်လွင့်ဝေ……..<br />ခေါင်းလောင်းထိုးသံတိုးတိတ်လွင့်ဝေ……..<br />…………………………………………………….<br />………………………………………………..<br />…………………………………………..<br /><br />(တာရာမင်းဝေ)<br /><br /><font color="red"><I>မှတ်ချက်။ ။ ဆရာတာရာမင်းဝေ၏ အထက်ပါ ကဗျာကို အီးမေးလ်မှတဆင့် ပေးပို့လာသူ <a href="http://mrnameless372.blogspot.com" target="_blank">အမည်မဲ့</a>အား ကျေးဇူးတင်ရှိပါသည်။</I></font><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-6918941684235734293?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com1tag:blogger.com,1999:blog-3877557490187777479.post-40256425874966839142009-12-26T10:29:00.000-08:002009-12-26T10:30:07.189-08:00ငါဟာ မြားတစ်လက်ဖြစ်ခဲ့ဖူးတယ်<br />ဒါ ပေ မယ့် . . . ဘယ်ဝါးကျည်ထောက်ကိုမှ<br />ဒူးမထောက်ခဲ့ဖူးဘူး။<br /><br />ငါဟာ ဓားတစ်လက်ဖြစ်ခဲ့ဖူးတယ်<br />ဒါ ပေ မယ့် . . . ဘယ်ဓားအိမ်ထဲမှာမှ အိပ်မက်မက်<br />မနေခဲ့ဖူးဘူး။<br /><br />နောက်တော့ <br />… ငါဟာ အက္ခရာတစ်လုံးဖြစ်သွားတယ် <br />ငါ့ကိုယ်ငါ ပြန်ဖတ်လို့ မရတော့ဘူး။<br /><br />အဲဒီလိုနဲ့<br />ငါဟာ အရက်တစ်ပုလင်း ဖြစ်သွားတယ်<br />ငါ့ကို ဘယ်သူက ဝင်ပလုပ်ကျင်းမလဲဆိုတာကို<br />… စောင့်နေတယ်… ။ ။<br /><br />(တာရာမင်းဝေ)<br /><br /><font color="red"><I>မှတ်ချက်။ ။ Idea မဂ္ဂဇင်းတွင် ဖော်ပြခဲ့ဖူးသည့် ဆရာတာရာမင်းဝေ၏ အထက်ပါ ကဗျာကို အီးမေးလ်မှတဆင့် ပေးပို့လာသူ <a href="http://naymoewai.blogspot.com" target="_blank">ကိုနေမိုးဝေ</a>အား ကျေးဇူးတင်ရှိပါသည်။</I></font><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-4025642587496683914?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com2tag:blogger.com,1999:blog-3877557490187777479.post-1521836295169336942009-12-26T10:13:00.000-08:002009-12-26T10:27:11.120-08:00<font color="blue">- ဖန်တီးခဲ့တဲ့ လက်ရာများထဲက ကိုယ်တိုင်နှစ်သက်ခဲ့တဲ့ ဝတ္ထုတစ်ပုဒ်ကို ရွေးချယ်ပေးပါလား။</font><br /><br />+ ဒီကဏ္ဍအတွက် <a href="http://taryarminwaimemorial.blogspot.com/2009/12/blog-post.html" target="_blank">“ပိတောက်ပင်ကို အိပ်မက်,မက်တဲ့ကောင်လေး”</a> ဆိုတဲ့ ဝတ္ထုတိုကို ရွေးပေးလိုက်ချင်တယ်။ ၁၉၉၅ ခုနှစ် ၊ ဧပြီလထုတ် “ မြန်မာ့ရုပ်ရှင်” မဂ္ဂဇင်းမှာပါဝင်ခဲ့တဲ့ ဝတ္ထုတိုလေးပါ…။ ဒီဝတ္ထုတိုလေးမှာနာမည်ရင်းရှိပါတယ်…။ ပရိတ်သတ်ကို ဆက်ဆံတဲ့နေရာမှာ… သူ့ နာမည် ဟာ…“ပိတောက်ပင်ကို အိပ်မက်,မက်တဲ့ကောင်လေး” ပါ ။ နာမည်ရင်းကတော့… “ဘယ်လမ်းကို သွားနေမှန်းမသိတဲ့ မြေပုံ” ဖြစ်ပါတယ်။<br /><br /><font color="blue">- အဲဒီဝတ္ထုနဲ့ ကိုယ့်ရဲ့ လက်တွေ့ ဘဝ၊ ခံစားမှုတို့ ပတ်သက်မှုရှိရင် နည်းနည်း ပြောပြပေးပါ။</font><br /><br />+ ကျွန်တော်ဟာ အမေ့အိမ်ကခွဲပြီး (၇) နှစ်တာခရီးတစ်ခုကို သွားခဲ့ဘူးပါတယ်…။ဘန်ကောက်ကို Shopping ထွက်တာ မဟုတ်သလို ၊ နိုင်ငံခြားသင်္ဘောလိုက်တာလည်း မဟုတ်ပါဘူး။အဲဒီလို ခရီးတစ်ခု ထွက်ခဲ့တယ်ဆိုပါတော့ …။<br /><br />အမေ့အိမ်ကို ပြန်အလာ … လမ်းမှာ ခံစားရတာတွေရှိပါတယ် ။ လောကအကြောင်း ၊ ကိုယ့်အကြောင်း ပြန်တွေးမိတာတွေရှိပါတယ်…။ ရင်းနှီးသူတွေသိကြပါတယ် ။ အဲဒီခံစားချက် ၊ အဲဒီ အတွေးအမြင်ကို အနုပညာပစ္စည်းတစ်ခုအဖြစ် ပြန်တည်ဆောက်တာပါပဲ။<br /><br /><font color="blue">- ဒီလိုဖန်တီးဖြစ်ဖို့ ဘယ်လို inspiration ရပါသလဲ။</font><br /> <br />+ ဒီဝတ္ထုမှာ inspiration မပါ ပါဘူး။ ကိုယ့်ဘ၀မှာ … ကိုယ်ဖြတ်သန်း ဆင်ခြင်မိတဲ့ အနေအထားတစ်ရပ်ကို အနုပညာ တစ်ခုအဖြစ်အန်ထုတ်ပစ်ချင်တယ်။ အဲဒီလိုနဲ့ ဒီဝတ္ထုကိုရေးဖြစ်တယ်။ရေးအောင်လှုံ့ဆော်တဲ့ စိတ်ဘဝ အသိတွေကြောင့်ပါ။ စိတ်ပိုင်းဆိုင်ရာဗိုင်းရပ်စ် (mental virus) လို့ခေါ်တယ် ။ ပညာရပ်ဝေါဟာရ အရ “N’ach” လို့ သုံးတယ်။<br /><br /><font color="blue">- ဒီဝတ္ထုကို တင်ပြရာမှာ ပုံသဏ္ဍာန်ရွေးချယ်မှုနဲ့ ပတ်သက်လို့ အခက်အခဲရှိပါသလား။</font> <br /> <br />+ ဒီလက်ရာကို ပရိတ်သတ်သိအောင်တင်ပြရာမှာ အခက်အခဲရှိသလားဆိုတော့ … ရှိတယ်။<br /> ခက်တယ်။ အဲလို အမေ့အိမ်ပြန်တဲ့အကြောင်း ကဗျာတွေ၊ ဝတ္ထုတွေ၊ ဆောင်းပါးတွေများလှပြီ။<br /> အများစုကတော့. . . အောင်မြင်မှုအတွက် ဂုဏ်ယူပြီးပြန်တာတို့၊ ဆုံးရှုံးမှုအတွက် နာကျင်ကြေကွဲပြီး ပြန်တာတို့<br /> . . . အဲဒါတွေပေါ့…။ ဒါပေမဲ့ ကိုယ်ပြောချင်တာအဲဒါမျိုး မဟုတ်ဘူး။ ဒီအချက်အရေးကြီးတယ်။ ကျွန်တော့ဘဝမှာ<br /> အမေ့အိမ်ကနေ အမေ့အိမ် ကနေ တနေရာကို ထွက်သွားတာ၊ ပြီး…ပြန်လာတာ များလှပြီ။ သိပ္ပံ အမြင်အရ ပြောရရင် တော့ အရွေ့“သုည” ပေါ့။ ဒါပေမဲ့ ကျွန်တော်ကတော့ ဒီနေရာမှာ လည်ပတ်နေရတဲ့ ကျွန်တော့်ဘဝရဲ့<br /> သံသရာစက်ဝိုင်း အငယ်စားလေးတွေနဲ့ ပတ်သက်ပြီး တင်ပြချင်တာ။ အဲဒီလို စက်ဝိုင်းကလေးတွေ အများကြီးကို<br /> … ကျွန်တော် လည်ပတ်ခဲ့ပြီးပြီ။ ဒါပေမဲ့…ဘာကို ဘဟိုပြုပြီး လည်ပတ်တာလဲ…။ ဒီစက်ဝိုင်းတွေ ဘယ်ကစတာ<br /> လဲ…။ အဲဒါကို ကျွန်တော်က ကျွန်တော်နဲ့အတူ ပရိသတ်ကိုလည်း ခံစားကြည့်စေချင်တယ်။ အဲဒီတော့ ပြောရခက်တယ်။ ရအောင်ပြောမယ်ဆိုပြီး ပြောခဲ့တာပါပဲ…။<br /><br /><font color="blue">- ဒီဝတ္ထုမှာ အကြောင်းအရာနဲ့ ပုံသဏ္ဍန် ဘယ်လို တွဲဖက်ဖြစ်ခဲ့ပါသလဲ။</font><br /> <br />+ ဒီဝတ္ထုကို တင်ပြရာမှာ အကြောင်းအရာနဲ့ ပုံသဏ္ဍန်ဆိုပြီး တွဲစပ်ခဲ့တာ မဟုတ်ဘူးဗျ…။ ‘Form and Content’<br /> ဆိုတာကို ကျွန်တော်က ပယ်ထားတယ်။ ‘Material and Structure’ဆိုတဲ့ အတွဲအစပ်ကိုပဲ ကျွန်တော်သုံးတယ်။<br /> စကားလုံးတွေကို ‘Material’ အဖြစ် အသုံးချပြီး၊ဒီဝထ္ထုရဲ့ ‘Structure’ ကိုတည်ဆောက်တယ်။ ဒါမျိုးပေါ့။ “ဂယက်” ပြောင်းပြန်ထတဲ့ နည်းကို သုံးခဲ့တယ်။ ဇတ်ကောင်ရဲ့ ဘဝနဲ့ သက်တမ်းကို…ကျယ်ရာကနေ…အချိုးကျ ကျုံ့ဝင်သွားစေတဲ့ နည်းပေါ့။(အဲလို တည်ဆောက်မှုကို post-modernist တွေကတော့ Recursive Structureလို့ သုံးကြတယ်။) ပြီး …အဲဒီအလွှာတွေကို ထပ်ပစ်တယ်။ (အဲဒါမျိုးကို post-modernist တွေက ‘strang loop” လို့ သုံးတာမျိုး တွေ့ဖူးတယ်) ပြီးတစ်လွှာကနေတစ်လွှာ ထိတွေ့ဆက်ဆံမှုလုပ်ပစ်တယ်။(အဲဒါမျိုးကို post-modernist တွေက ‘Flickering’ လို့ သုံးတာမျိုး တွေ့ဖူးတယ်။)<br /><br /><font color="blue">- ဒါဆိုရင် ပုံဖော်တဲ့နေရာမှာ ကြားခဲပစ္စည်းတွေ ဘယ်လိုသုံးခဲ့ပါသလဲ။</font><br /> <br />+ ဝတ္ထုဆိုတော့လည်းဗျာ စကားလုံးကြားခံပစ္စည်း ‘verbal Medium’ နဲ့ ပုံဖော်ရတာပေါ့။ ဒါပေမဲ့ ဒီဝတ္ထုမျိုးက စကားလုံး ကိုသိပ်အားထားလို့ မရဘူး ‘Concept’ ကိုပံအားထားရတယ်။ ကိုယ်က “ဂယက်ပြောင်းပြန်ထည့်နည်း”<br /> ကို သုံးပြီး ရေးခဲ့ပေမဲ့ ဖတ်သူက “ဂယက်အစဉ်ရိုက်ခတ်နည်း” အတိုင်းပဲ ဖတ်ရတယ်။ ဒီဝတ္ထုထဲမှာ စက်ဝိုင်း<br /> ကျုံ့ ကျုံ့ သွားပြီးနောက်ဆုံး ငယ်ဘဝမှာ… “ဝလုံးကို ဘယ်က စဖတ်ရမလဲ မသိတာ” ကို ရေးပြထားတယ်။<br /> အဲဒါဟာ ဒီဝတ္ထုရဲ့ အနှစ်ချုပ် Concept ပဲ။ ဝလုံးကို ရေးတာဟာ စက်ဝိုင်းကို ဆွဲတာနဲ့ မတူဘူး။ စက်ဝိုင်းက ဗဟို<br /> ချက်ရှိတယ်။ ဝလုံးဗဟိုချက် မရှိဘူး။ လည်ပတ်နေရမဲ့ ဗဟိုချက် မရှိသလို ဖြစ်နေတဲ့ ကျွန်တော့်ဘဝကို ပြောချင်တာ…။ ပြီး အဲဒီလည်ပတ်မှုက ဘယ်က စမှန်းမသိတာကို ပြောချင်တာ။<br /><br /> ဝတ္ထုရဲ့ အဲဒီအချက်ကလေးကို . . . KRA လို့ ခေါ်တယ်။ “Key Result Area” ပေါ့လေ။ သော့ခက်ကျတဲ့ အပိုင်းပေါ့။ post-modernist တွေမှာလည်း အဲလို နည်းစနစ်မျိုး ရှိတယ်…။ <br /> “Mese-en abyme” လို့ခေါ်တယ်။ တခြားဆက်ပြောရင်တော့ ပြောစရာတွေ အများကြီးရှိမယ်။<br /> ဒါပေမယ့် ဒီလောက်ပဲ ပြောချင်တယ်ဗျာ။<br /><br /><font color="blue">- ဒီလက်ရာနဲ့ ပတ်သက်လို့ ပရိတ်သတ်ရဲ့ တုန့်ပြန်မှု ဘယ်လိုရှိပါသလဲ။</font><br /> <br />+ ဒီဝတ္ထုလေးရဲ့ ပျံ့နှံ့မှုက ဘယ်လောက်မှ မရှိဘူး။ ထည့်ပေးတဲ့ မဂ္ဂဇင်းက စောင်ရေ မများဘူး။ပြီး…<br /> ဧပြီလထုတ် မဂ္ဂဇင်းဆိုတော့ သင်္ကြန်အဖွဲ့ အနွဲ့စာမူတွေနဲ့ ရောပြီး ပါသွားရတာ။ သူတောင် အူကြောင်ကြောင်<br /> ဖြစ်သေး။ အလေးထားပြီး ဖြတ်မိတဲ့သူ နည်းတယ်။ အကြိုက်တွေ့ခြင်း မတွေ့ခြင်းက အဓိက မကျဘူး …<br /> အတော်လေးတော့ စိတ်ဝင်တစားရှိကြတယ်။<br /><br /><font color="blue">- အခုအချိန် ဒီလက်ရာကို ပြန်သုံးကြည့်မယ်ဆိုရင်ကော။</font><br /><br />+ ကျေနပ်ပါတယ်။<br /> ဒီဝတ္ထုအကြောင်းလေး..အထက်မှာကျွန်တော်ပြောခဲ့တာတွေက… ပညာရပ် ဝေါဟာ၇တွေပါသွားတယ်။<br /> ဝတ္ထုတိုတွေ ကျွန်တော်ရေးတဲ့ နေရာမှာ တချို့ကိုလည်း သီအိုရီ သဘောအရ စမ်းသပ်ရေးတာတွေရှိတယ်။<br /> စိတ်ကြိုက်တွေ့မှ ကိုယ်နဲ့ လိုက်ဖက်တယ်ထင်မှပေါ့။ အများစုကိုတော့ ကိုယ့်ဘာသာ လွပ်လွပ်လပ်လပ် ရေးတယ်။ ဘယ်သီအို၇ီ၊ ဘယ်ဝါဒ ဘယ်နည်းစနစ်ကိုမှ ဂရုမစိုက်ဘူး။ ခု… ဝတ္ထုတိုလေးက ဒုတိယ အမျိုးအစားထဲမှာပါ, ပါ တယ်။<br /><br /><font color="blue">- တခြားပြောချင်တာများ ရှိသေးရင်…။</font><br /> <br />+ အခု…ရှင်းလင်းချက်မှာ post-modern နည်းဗျူဟာတချို့ အခြားပညာရပ်ဝေါဟာရ တချို့ကို … နီးစပ်ရာ<br /> ဆွဲယူရှင်းလင်းခဲ့တယ်။ အဲဒါကြောင့် အခုမှ အနုပညာစ,ဖန်တီးမယ့် ညီငယ်၊ညီမငယ်တွေကိုတော့ တွန့်<br /> မသွားစေချင်ဘူး။ သူတို့ကို လည်း လွပ်လွပ်လပ်လပ် ဖန်တီးစေချင်တယ်။ အနုပညာကို ချစ်ဖို့၊ ခံစားတတ်ဖို့<br /> အနုပညာနဲ့အတူ အသက်ရှင်တတ်ဖို့ အဓိကပါပဲ…။<br /><br /><font color="red"><I>မှတ်ချက်။ ။ Beauty မဂ္ဂဇင်း၏ “သူနှင့် သူ့အနုပညာ” ကဏ္ဍတွင် ဖော်ပြခဲ့ဖူးသည့် ဆရာတာရာမင်းဝေ၏ အထက်ပါ အင်တာဗျူးကို အီးမေးလ်မှတဆင့် ပေးပို့လာသူ <a href="http://naymoewai.blogspot.com" target="_blank">ကိုနေမိုးဝေ</a>အား ကျေးဇူးတင်ရှိပါသည်။</I></font><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-152183629516933694?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com1tag:blogger.com,1999:blog-3877557490187777479.post-13733763262837089142009-12-26T09:55:00.000-08:002009-12-26T10:28:07.186-08:00(၁)<br /><br />လင်းရှပြာရီသော မီးတောက်မီးလျှံများက ပင်လယ်လှိုင်းလုံးကြီးတွေလို ခုံးဝုန်းထကာ၊သူ့ကို ဒေါသမာန်ဟုန်းဟုန်းဖြင့် စိုက်ကြည့် နေကြသည်။<br /><br />မီးမှော်ဆရာထံ “ခေါစာ” ပစါကျွေးခံရရာမှ လူးထ ပြန်ပြေးခဲ့ရသော သားကောင်ပမာ သူ့ကိုယ်ပေါ်မှာ မီးခိုးမှိုင်းမျှင်များက ရစ်ခွေလိမ်ပတ်လျက်။<br /> <br />နောက်သို့ တစ်လှမ်းချင်း ပြန်ဆုတ်နေရင်းက ကြေကွဲစွာ ပြုံးဖြစ်သည်။ လူမိုက်ဆန်စွာ တိုးဝင်ပစ်ရဲသော်လည်း လူသားဆန်စွာပင် သူခြေကုပ်မမြဲတော့။ အလဲလဲ အပြိုပြို ဆံပင်တွေကို သပ်တင်လိုက်၏။ သူ့သက်ပြင်း က မီးတောက်လက်တံကို ပို၍ လင်းသွားစေသည်။<br /> <br />ထို့ကြောင့် … <br /> <br />သူနောက်သို့ တစ်လှမ်းချင်း ဆုတ်နေဆဲ၊ အိပ်မက်၊ မျှော်လင့်ချက်၊ ရွှေရောင် အနာဂတ်လမ်းကလေး အားလုံးကို သူစတေးခဲ့ရသည်။<br /> <br />“………………”<br /> <br />ထိုသို့ဖြင့် လာရာလမ်းကိုပဲ သူ လှည့်ပြန်ခဲ့သည်။<br /><br />(၂)<br />ငယ်ငယ်ကလိုပင် လမ်းပေါ်မှ ကျောက်ဆောင် ကျောက်ခဲများကို မိုးကောင်းကင်ဆီ တုပနိုင်သည့် မြေပြင်၏ မာကျောသော တိမ်ပွင့်တိမ်စများဟု သူထင်မြင်မိနေဆဲပဲဖြစ်၏။ အိမ်အပြန်လမ်းကို ခေါင်းငုံ့၍ လျှောက်လှမ်းလာခိုက် လမ်းဘေးတစ်နေရာမှာ “ညီညီ့” ကို ဆုံတွေ့လိုက်ရခြင်းဖြစ်လေသည်။ <br /><br /> ညီညီက အသက်နှစ်ဆယ် ရှိနေပြီ။ ကြမ်းလွှသော အညိုရောင် ဝတ်စုံကို ဝတ်ဆင်လျှက် လက်ထဲမှာ စာအုပ်တစ်အုပ် ကိုင်ထားရင်း သူ့ကို ပြုံးရယ်ပြလေသည်။<br /><br /> “ကျွန်တော် စာဖတ်နေတာ…”<br /><br /> “ဒီစာအုပ်ကိုဖတ်ဖူးလား”<br /><br /> ညီညီထောင်ပြသော စာအုပ်ကို တစ်ချက်လှမ်းကြည့်ရင်း၊ သူခေါင်းညိမ့်ပြလိုက်သည်။“မာတင်ဘုရှ်” တည်းဖြတ်သော မြောက်အမေရိကန် ကဗျာစာအုပ် တစ်အုပ်ဖြစ်၏။ သူခေါင်းညိတ်ပြသည်ကို မြင်သောအခါ ညီညီက ပို၍ လင်းမြပြုံးရယ်လာပြီး …<br /><br /> “အဲဒါဆို … ကျွန်တော် ဆွေးနွေးချင်တာလေး နည်းနည်း ရှိတယ်ဗျာ…”<br /><br /> “ဘာလဲ …”<br /><br /> “ဒီစာအုပ်ထဲမှာ နိမိတ်ပုံနဲ့ သင်္ကေတကို ခွဲပြထားတယ် …”<br /><br /> “အင်း…”<br /><br /> “ဥပမာ… ယေရှုခရစ်ကို နိမိတ်ပုံနဲ့ ရေးပြရင် ဂျုံခင်းတွေကိုယူလာတဲ့ ဝတ်ရုံဖြူနဲ့ လူလို့ ရေးပြတာမျိုး”<br /><br /> “အင်း…”<br /><br /> “ဒါပေမဲ့ ယေရှုခရစ်ကိုပဲ သင်္ကေတ နဲ့ပြတော့ လက်ဝါးကပ်တိုင် ပြလိုက်တယ်…”<br /><br /> “အင်း… အဲဒါဘာဖြစ်လို့လဲ…”<br /><br /> ညီညီ့ မျက်လုံးများက စိတ်ဝင်စားမှု တို့ဖြင့်အရောင် လက်ဖြာနေသည်။<br /><br /> “အဲဒီမှာ ကျွန်တော်တွေးမိတာ လေး တစ်ချက်ရှိလာတယ်… ဒီလိုလေ…”<br /><br /> သို့သော်<br /><br /> ညီညီ့စကားကို ဆုံးအောင် သူနားမထောင်လိုက်ရပါ။ လေကြမ်းတို့ လွင်ဖြူးတိုးဝှေ့လာ၏။ အစိမ်းရွက်တွေ ဖျတ်ဖျတ် လူးခါနေသော ပိတောက်ပင်ကြီးတစ်ပင်ကို မြင်ယောင်လွမ်းဆွတ်လိုက်မိ၏။ တိုးသဲ့သော်လည်း တုံခါကျစ်လျစ်နေသည့် ရထားဥသြဆွဲသံကို ကြားလိုက်ပြန်သည်။<br /><br />ညီညီ့ကို ထားခဲ့ကာ သူဆက်လက်ထွက်ခွာ လာခဲ့၏။<br /><br />(၃)<br />လေထဲမှာ တစုံတရာက တိုးဆွတ်ပါဝင်နေသည်လား။ သူ့မှာ အသက်ရှုရတာပင် မူးမိုက်လာသည်။တစ်ကိုယ်လုံးကို ဖြည်းဖြည်းချင်း လျှော့ချလိုက်၏။ <br /><br />အမြင်ကို ကြည်လင်အောင် ကြည့်သည်။ ထိုမှာပင် လှေခါးထစ် တစ်ခုပေါ်မှာ ထိုင်နေသော ညီညီ့ကို သူတွေ့လိုက်ရသည်။<br /><br />ညီညီက အသက်ဆယ့်သုံးနှစ် ရှိနေပါပြီ။ အပြာရောင်အဝတ်အစားတို့ကို မသေမသပ် ဝတ်ဆင်ထားပြီး အဝေးသို့ ငေးကြည့်နေသည်။<br /> <br /> သူက ရှေ့မှာ သွားရပ်လိုက်တော့မှ ညီညီမြင်သည်။ သူ့ကို ပြုံးလွင်စွာ စကားဆိုရန် ညီညီ့နှုတ်ခမ်းတို့ အဟမှာပဲ သူကဦးအောင်ပြောလိုက်၏။<br /><br /> “ဘာတွေစဉ်းစားနေတာလဲ”<br /> <br /> ညီညီက ချက်ချင်းပြန်မဖြေသေးပဲ ဖုန်အလူလူးပေကျံနေသော သူ့ကို ခြေဆုံးခေါင်းဆုံးကြည့်၏။ ထို့နောက်မှ<br /><br />“မနေ့က ကျွန်တော်ကြားလိုက်ရတဲ့ စကားပုံတစ်ခုရှိပါတယ်။ အတွေ့အကြုံဟာ သိပ်ကောင်းတဲ့ ကျောင်းတော် ပဲတဲ့.. အဲဒါ ဟုတ်လားဟင်”<br /><br /> သူ … ပြန်မဖြေဖြစ်သေး ညီညီက သူ့မျက်နှာကို နွေးနွေးထွေးထွေး ငေးကြည့်နေ၏။ သူက သက်ပြင်း တစ်ချက်ကို ငုံ့ဝှက်ကာချလိုက်ရင်း … ။<br /><br /> “ဟုတ်တယ်”<br /><br /> ညီညီသဘောကျသွားပုံရသည်။ သူကတစ်ဆက်တည်းထပ်ပြောလိုက်၏။<br /><br />“ဒါပေမယ့် စကားပုံမဟုတ်ဘူး၊ လူတစ်ယောက်ပြောသွားတဲ့ စကားပဲ၊ စကားက ဒီလာက်နဲ့လည်း မပြည့်စုံသေးဘူး နောက်မှာကျန်သေးတယ်”<br /><br />“ဟင်… ဘာကျန်သေးတာလဲ…”<br /><br />သူက အဓိပ္ပာယ် ခန့်မှန်းရခက်သည့် အပြုံးတစ်ချက်ကို ပြုံးလိုက်မိရင်း …<br /><br /> “အတွေ့အကြုံဟာ သိပ်ကောင်းတဲ့ ကျောင်းတော်ပဲ။ ဒါပေမဲ့ သင်တန်းကြေး ကြီးလွန်းတယ်တဲ့”<br /><br /> ‘ညီညီ’ က ဘာမှ ပြန်မပြောတော့ပဲ တွေငိုင်သွားသည်။ ထိုအချိန်မှာပင် လေစီထဲမှာ လွင့်မျောပါလာ သည့်ပိတောက်ရနံ့ သန့်ခနဲ သူရှူရှိက်လိုက်ရသည်။ လူများ၊ ခွေးလေခွေလွင့်များ၊ လမ်းလျှောက်နေသော ခြေထောက်များ၊ မော်တော်ကားများ၊ ရပ်ကျန်ခဲ့သော စည်းရိုးမှတ်တိုင်များ၊ ဆူညံသော အသံဗလံများနှင့်အတူ သူနှင့် ညီညီ လူချင်းကွဲသွားလေသည်။<br /><br />(၄)<br />သစ်ကိုင်း၊သစ်ရိုင်းကလေးများ ယိုင်ကျဲပေါက်ရောက်နေရာ လမ်းကလေးထဲသို့ သူလျှောက်သွားသော အခါ ပုစဉ်းရင်ကွဲ တစ်ကောင်က အချိန်အခါမဟုတ် စူးစူးဝါးဝါး ထအော်၏။<br /><br />လမ်းကလေးသည် တိတ်ဆိတ်၏ ။ ပိတောက်ရွက်ကြွေတို့က လမ်းနံဘေးတစ်လျှောက်မှာ ပါးပါးလျလျ ဝပ်စင်းနေကြ၏။ လမ်းကလေးအဆုံး၌ အဖြူရောင် ရှပ်အင်္ကျီကလေးနှင့် ရှင်းသန့်စင်ကျယ်နေသော ညီညီ့ကို တစ်ကိုယ်တည်း ဆော့ကစားလျက် တွေ့ရ၏။<br /><br /> ညီညီက မြေပေါ်မှာစက်ဝိုင်းလေးတစ်ခုကို တုတ်နှင့်ရေးဆွဲနေရမှ သူ့ကို မော့ကြည့်၏ ။ သူကပြုံးရယ်ပြ ရင်း… ငုံ့ကိုင်းနှုတ်ဆက်လိုက်၏ ။<br /> <br /> “ညီညီ ကစားနေတာလား…”<br /><br /> ညီညီက ခြောက်နှစ်သားရှိပြီ ဖြစ်၏။ ကျောင်းမှာ စာသင်ခါစ အရွယ်ပင် ရှိဦးမည်။ သူ့ကို မျက်တောင်များ တဖျတ်ဖျတ် ပုတ်ခတ်ကာ မော့ကြည့်ရင်း …<br /><br /> “စာဖတ်တတ်ထားဟင်…”<br /> <br /> သူက ခေါင်းမညိတ်၊ ခေါင်းမခါ။<br /><br /> “ဘယ်နှတန်းရောက်ပြီလဲ …”<br /><br /> သူရယ်မောမိလိုက်၏။ သူ့ရယ်သံက အတန်ငယ်ရှည်လျားသွားသဖြင့် ညီညီက ဆုံးအောင်မစောင့်နိုင်ဘဲ ထပ်မေးသည်။<br /><br />“ဘယ်နှတန်းရောက်ပြီလဲ ဟင်…ဟိုး ဆယ့်လေးငါးတန်း အထိလား…”<br /><br />“အင်း … ဟုတ်တယ်…”<br /><br />ညီညီက လက်ညိုးလေးထောင်ပြီး ဆက်မေးသည်။<br /><br />“ဘွဲ့ကြီးရလား…”<br /><br />“ဘွဲ့တော့မရလိုက်ပါဘူးကွာ… ဘာဖြစ်လို့လဲ ညီညီဘာပြောချင်လို့လဲ…”<br /><br />သူက ထိုသို့စကား ထောက်လိုက်မှ ညီညီက သူ့မူလကိစ္စကို ပြန်သတိရသွားသလို …<br /><br />“ဒီမှာကြည့်…”<br /><br />လက်ထဲမှာ ကိုင်ထားသော တုတ်နှင့် မြေပြင်ပေါ်မှာသူရေးဆွဲထားသော စက်ဝိုင်းကို ညွှန်ပြကာ<br /><br />“ဝ…လုံး…”<br /><br />“သြော်…ဒါ ဝလုံးဆွဲတာလား…”<br /><br />“ဟုတ်တယ်…ဝလုံး…”<br /><br />“ညီညီ့ ဝလုံက ဝိုင်းသားပဲ အကြီးကြီး…”<br /><br />“အဲဒါမေးမလို့”<br /><br />ညီညီ့စကားကြောင့် နှာခေါင်းကို လင်နှင့် ပွတ်သပ်က ပြုံးယောင်ယောင်ဖြစ်မိရင်း…<br /><br />“ဘာမေးမှာလဲ ညီညီရဲ့ …”<br /><br />“ဝလုံးကို ဘယ်က စဖတ်ရလဲ”<br /><br />“ဟင်…”<br /><br />“ဝလုံးကို ဘယ်ကစဖတ်ရလဲလို့”<br /><br />ဝလုံးကို ဘယ်က စဖတ်ရမလဲ..သူကြောင်အ နေစဉ် လေတစ်ချက် တဝှေ့ဝှ့ သက်၏။ ပိတောက်ရွက် ကြွေများ မြေပေါ်မှာ ဖွာဆန်ကြဲသွားသည်။<br /><br />“ဟင် … မသိဘူးလားလို့…”<br /><br />သူဘာမှ ပြန်မဖြေဖြစ်။ ညီညီက အလို မကျသလို ခြေဆောင့်ကာ-<br /><br />“ဒါလေးတောင်မသိဘူးတဲ့ ကျောင်းကြီးလည်း တက်လာသေးတယ်။ အမေ့ကိုပဲ မေးတော့မယ်”<br /><br />ထို့နောက် ညီညီက နောက်ဘက်ခြံဝင်းလေးထဲ သို့ မျက်နှာမူလိုက်၏ ။<br /><br />“အမေ…”<br /><br />“……….”<br /><br />“အမေကြီးရေ”<br /><br />“……….”<br /><br />“မေ… မေမေ…”<br /><br />(၅)<br />အိမ်ကလေး၏ တံခါးဝဆီမှ အသံထွက်လာ၏။<br /><br />“သားငယ်လား ..”<br /><br />ထို့နောက် အပြင်သို့ တစ်ဦးထွက်လာကာ<br /><br />“ဟဲ့ … သားငယ်”<br />ကပျာကယာ သူ့အနီးသို့ ချဉ်းကပ်ရောက်လာပြီး သူ့လက်တစ်ဖက်ကို ဆုပ်ကိုင်လိုက်၏။ ကြည်နူးဝမ်းသာသော အသံဖြင့် …<br /><br /> “သားသား ညီညီ တစ်ယောက်ထဲလား … ဘယ်သူမှ မပါဘူးလား … ရထားတောင်ဆိုက်သွားပြီကိုး၊ သားက ကြိုအကြောင်းမကြားဘူးကွယ်။ အမေတောင် ညက သားကို သတိရနေတာ။<br /><br /> ထို့နောက် အိမ်ရှေ့လမ်းပေါ်မှာ ရထားလက်မှတ်ကလေးကိုင်ပြီး ရပ်နေဆဲဖြစ်သည့်သူ့ကို ခြံထဲဆွဲခေါ်၏။<br /><br />“လာ … လာ … အထဲဝင်လေ… ဈေးထဲကလူတွေကတောင် မနေ့ကပဲ ညီညီ့ကို သတိရလိုက်တာလို့ ပြောနေကြသေး တယ်၊ သားရဲ့။<br /><br />သူ လိုက်ဝင်၏ ။ အမေ့အိမ်သည် ငြိမ်းအေးတည်ကြည်လျက်ပင် ၇ှိသည်။ အမေ သူ့ခရီးဆောင်အိတ်ကို တနေရာ သို့ယူသွား၏။ သူ့ရင်ခွင်သည် ကြည်လင်လန်းဆန်းလာ၏။<br /><br /> “အမေ …”<br /><br /> “ဟေ … ဟား”<br /><br /> အမေ့အသံက နောက်ခန်းထဲမှ ထွက်လာခြင်းဖြစ်၏။ သူ့ကြောင့် အမေ အလုပ်ရှုပ်သွားပြီး ပျော်လည်း ပျော်နေသည်။<br /><br /> “သားငယ် … ဘာတုန်း …”<br /><br /> “သားတို့ ပိတောက်ပင်ကြီး ပွင့်ပြီလား”<br /><br /> “ဟဲ့ ဘယ်ပွင့်ဦးမလဲ သားရဲ့ ဒါပေမဲ့ အဖူးတွေကတော့ ဝေလို့ပဲသားရေ .. ပွင့်တာကတော့ ပွင့်တော့မယ်။နှစ်လည်း မကူးသေးဘူး။ သား သင်္ကြန်အမီ ပြန်ရောက်လာတာ အတော်ပဲ၊ နှစ်သစ်ကျရင် အမေနဲ့ သားနဲ့ ……………………………………………………………………… ”<br /><br /><br />အမေဆက်ပြောနေသည်များကို သူ မကြားတော့ပေ။ အိမ်ရှေ့ ကွပ်ပစ်မှာ လှဲလျောင်းရင်း မျက်လုံးအစုံကို မှိတ်လိုက်၏။ ကြေကွဲခဲ့ရသည်တို့ ကိုလည်း ပျယ်လွင့်မှုန်ဝါး၊ နာကျင်ခဲ့ရသည်များကို မေ့လျော့သွားသည်။<br /><br /> ထို့နောက် … ငြိမ်းချမ်းနှစ်ခြိုက်စွာ သူအိပ်ပျော်သွား၏။ သူ့အိပ်မက်ထဲမှာ ပိတောက်တွေ တစ်ပင်လုံး ဝေနေအောင် ပွင့်နေလေသည်။<br /><br /><div align="right">(တာရာမင်းဝေ)</div><br /><br /><font color="red"><I>မှတ်ချက်။ ။ ဆရာတာရာမင်းဝေ၏ အထက်ပါ ၀တ္ထုတိုကို အီးမေးလ်မှတဆင့် ပေးပို့လာသူ<a href="http://naymoewai.blogspot.com" target="_blank">ကိုနေမိုးဝေ</a>အား ကျေးဇူးတင်ရှိပါသည်။</I></font><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-1373376326283708914?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-31352515557950462752009-08-10T07:19:00.000-07:002009-08-10T07:54:26.598-07:00(၁)<br />စမ်းရေပေါ်မှာတင်ပြီး စက္ကူလှေတို့ကို<br />နေ့စဉ်ရက်ဆက် ကျွန်တော်မျှောခဲ့ပါသည်။<br />ကျွန်တော့်အမည်နှင့် ကျွန်တော်ကျေးရွာကိုလည်း<br />စက္ကူလှေပေါ်မှာ စာလုံးနက်နက်ဖြင့် ရေးခဲ့သည်။<br />တစ်ကျွန်းသား၊ တစ်ပြည်သားတို့သည်<br />ထိုသို့ဖြင့်<br />ကျွန်တော့်ကို သိလာကြလိမ့်မည်ဟု မျှော်လင့်၏။<br />ခြံမှာပွင့်သည် ဆိတ်ဖလူးပန်းတို့ကိုလည်း<br />လှေငယ်ပေါ်မှာဆင့်တင် မျှောလွှတ်ခဲ့၏။<br />အရုဏ်ဦးမှာပွင့်သော ထိုပန်းတို့သည်<br />ညဥ့်အချိန်မှာတော့ ကမ်းကို ဆိုက်ရောက်လိမ့်မည်ဟု<br />ကျွန်တော်ထင်သည်။<br />ကောင်းကင်သို့ ဦးမော့ကြည့်သောအခါ<br />ဖြူဆွတ် ရွေ့မျောနေသော တိမ်ရွက်များကို<br />ကျွန်တော်မြင်၏။<br />ကျွန်တော်နှင့်ပြိုင်ရန် ကျွန်တော့် စက္ကူလှေများနှင့်ပြိုင်ရန်<br />ကစားဖော်တစ်ဦးဦးက<br />သူတို့ကို လွှတ်တင်လိုက်ခြင်းဖြစ်မည်။<br />မည်သူမှန်းတော့ ကျွန်တော်မသိချေ။<br />သန်းခေါင်ယံ၏ ကြယ်ရောင်ပျပျအောက်မှာ<br />ကျွန်တော့်လှေတို့သည် လွင့်မျှောလှပနေလိမ့်မည်။<br />ထိုသို့ပင် အတွေးနှင့် အိပ်ယာဝင်ဖြစ်သည်။<br />အိပ်မွေ့ချတတ်သော နတ်သမီးကလည်း<br />အိပ်မက်ခြင်းတောင်းကြီးများကို ပိုးကာ<br />ကျွန်တော့်လှေများနှင့်အတူ<br />ရွက်လွှင့်နေဦးမည်ဖြစ်သည်။<br /><br />(၂)<br />ကျွန်တော်နှင့် တရွေ့ရွေ့နီးကပ်ရာသို့<br />မည်သည့်အချိန်မှ စတင်ပြီး သူ လာခဲ့ပါသနည်း။<br />ကျွန်တော် မသိခဲ့ချေ။<br />နေ၀န်းနှင့် ကြယ်ရှုးကြယ်ပျောက်များကလည်း<br />သူ့ကို ကျွန်တော်မမြင်အောင် သိုဝှက်နိုင်ခြင်းမရှိခဲ့။<br />နံနက်ဦးပေါင်းများစွာ၊ ညနေရီပေါင်းများစွာ<br />သူ့ခြေသံကို ကျွန်တော်ကြားနေရသည်။<br />ကျွန်တော့် နှလုံးအိမ်ထဲသို့<br />သူ့စေတမန် ၀င်ရောက်လာ၏။<br />ထို့နောက် ကျွန်တော့်ကို<br />တိတ်တိတ်ကလေး ခေါ်လေသည်။<br />ထိုသောနေ့မှာမှ အဘယ့်ကြောင့်<br />ကျွန်တော့်ဘ၀သည်<br />လှုပ်လှုပ်ယိမ်းယိမ်း ဖြစ်ရပါသနည်း။<br />ပျော်ပျော်လွင့်လွင့် တုန်ရီခံစားမှုတို့ကလည်း<br />အဘယ့်ကြောင့် ကျွန်တော့်နှလုံးအိမ်ကို<br />ဖြတ်ဖောက် စီးဆင်းသွားပါသနည်း။<br />ကျွန်တော်မသိချေ။<br />အိမ်ပြန်ရမည့် အချိန်မှာပင်လျှင်<br />လေမှာစီးပျံ့သော ချစ်သူရနံ့ကို သန့်သန့်ကလေး<br />ရနေလေတော့၏။<br /><br />(၃)<br />သူ့အမွှေးရနံ့နှင့်သူ ရူးသွပ်ပြီး<br />တောကြီးမျက်မည်းမှာ ပြေးလွှားနေရသည့်<br />ကတိုးကောင်လို<br />ကျွန်တော်လည်း ပြေးလွှားနေမိ၏။<br />ထိုညသည် မေလ ညတစ်ညဖြစ်၏။<br />ပြေညင်းသော လေကလည်း<br />တောင်အရပ်မှ စီးဝင်တိုက်ခတ်လာ၏။<br />ဝေ့လည်ဝဲချာပြီး<br />ကျွန်တော် လမ်းပျောက်သွားတော့သည်။<br />ကျွန်တော်သည်<br />မရနိုင်တာကို ရှာဖွေပြီးသည်နောက်<br />မရှာဖွေတာကို ရရှိခဲ့သည်။<br />ကျွန်တော် တစ်ကိုယ်ရေ နှလုံးသားနိမိတ်ပုံများသည်<br />မြူးတူးခုန်ပါက်နေကြ၏<br />စူးလက်ပြိုးဝင်းနေခဲ့၏။<br />ဖမ်းဆုပ်ကိုင်တွယ်ဖို့ ကျွန်တော် ကြိုးစားသော်လည်း<br />လွတ်ချော် ထွက်မြောက်သွားခဲ့၏။<br />မှားသောလမ်းသို့ ခေါ်ပို့သည်။<br />ကျွန်တော်သည် မရနိုင်တာကို ရှာဖွေပြီးသည့်နောက်<br />မရှာဖွေတာကို ရရှိခဲ့သည်။<br /><br />(၄)<br />ချစ်သူကသာ ခွင့်ပြုမည်ဆိုလျှင်<br />ကျွန်တော်တေးသွားကို<br />ရပ်ထားလိုက်ပါမည်။<br />ချစ်သူ နှလုံးအိမ်ကို ရုန်းကစေမည်ဆိုလျှင်<br />ကျွန်တော့်မျက်လုံးများကို<br />သူ့မျက်နှာမှ အဝေးသို့ ဖယ်ခွာပေးပါမည်။<br />ကျွန်တော်ရှိနေသည့် အတွက်ကြောင့်<br />ချစ်သူသည် သွားလမ်းမှာ ပင်ပမ်းရသည်ဆိုလျှင်<br />ဘေးဘီကို ရောက်သည်အထိ<br />အခြားလမ်းမှ ကျွန်တော် လျှောက်ပါမည်။<br />ချစ်သူ ပန်းကုံးသီရန်<br />အနှောင့်အယှက် ဖြစ်ရသည်ဆိုလျှင်<br />သူ ပန်းတောမှ ဝေးရာသို့<br />ကျွန်တော် ယို့ယိမ်းထွက်ခွာပေးပါမည်။<br />ချစ်သူ ရေပြင်အလျင်ကို<br />လှိုင်းတို့ဖြင့် တိမ်းမှောက် ပျို့အန်စေသည်ဆိုလျင်<br />သူ ကမ်းခြေမှ<br />ကျွန်တော့် လှော်တက်ကို လွှတ်ချလိုက်ပါမည်။<br /><br />(၅)<br />မီးအိမ်ကားငြိမ်းခဲ့ပြီ။<br />အဘယ်ကြောင့်ပါနည်း။<br />ပြင်းရှစွာတိုက်ခတ်နေသောလေမှ<br />လူးလွန့်လွတ်မြောက်နိုင်ရန်အတွက် ၀တ်ရုံကိုဖြန့်ပြီး<br />သူ့အတွက်<br />ကျွန်တော် ကွယ်ကာ ပေးခဲ့သည်။<br />ထို့ကြောင့်ပင်လျင်<br />မီးအိမ်ကားငြိမ်းခဲ့ရ၏။<br />မုံပန်းကား နွမ်းခဲ့ပြီ။<br />အဘယ်ကြောင့်ပါနည်း။<br />ကျွန်တော် နှလုံးအိမ်အတွင်းမှာ<br />ချစ်မြတ်စွာ သူ့ကို<br />ဖိကပ် သိမ်းဆည်းထားခဲ့၏။<br />ထို့ကြောင့်ပင်လျင်<br />မုံပန်းကား နွမ်းခဲ့သည်။<br />စမ်းရေကား ခမ်းခဲ့ပြီ။<br />အဘယ်ကြောင့်ပါနည်း။<br />သူ့ရေစီးကြောင်းကို ဖြတ်တောက်ကာ<br />ကျွန်တော့်အတွက် ရေကာတာ တစ်ခုတည်ဆောက်ခဲ့၏။<br />ထို့ကြောင့်ပင်လျင်<br />စမ်းရေကား ခမ်းခဲ့သည်။<br />စောင်းကြိုးကား ပြတ်ခဲ့ပြီ။<br />အဘယ်ကြောင့်ပါနည်း။<br />ဤစောင်းကား မတတ်မြောက်သော ဂီတကို<br />ကျွန်တော့်အတွက် ဆွတ်ယူခြွေချခဲ့ပါ၏။<br />ထို့ကြောင့်ပင်လျင်<br />စောင်းကြိုးကား ပြတ်ခဲ့သည်။<br /><br />(၆)<br />ကျွန်တော် ရွက်လွှင့်ထွက်ခွာရတော့မည်။<br />ကြေကွဲ လှိုက်မောဘွယ်ရာ ကာလများသည်<br />ကုန်းမြေပေါ်မှာ ပဲ့ကြွေကျန်ရစ်ခဲ့ပြီ။<br />နွေဦးရာသီသည် ပန်းတို့ကိုပွင့်အောင်<br />ဖွင့်ပေးခဲ့သည်။<br />ယခုကား အနားယူလေပြီ။<br />ကျွန်တော့်မှာသာ ရင့်ရော်သော ပန်းတစ်ဆုပ်နှင့်<br />အိမ်မပြန်နိုင် ဖြစ်ရသည်။<br />လှိုင်းတွေက ညိုးညံရိုက်ဟီးလေပြီ။<br />ကမ်းပါးကို သွယ်ပတ်ထားသည့်<br />သစ်ရိပ်ဝေေ၀ လမ်းကလေးတွင်လည်း<br />ရော်ရွက်တို့ ပြုတ်ကျလာပြီ။<br />မိတ်ဆွေဘာကြောင့် ငေးငိုင်နေပါသနည်း။<br />သင့်အကြည့်တို့က ဘယ်ဆီမှာ စိုက်ဝင်နေသနည်း။<br />ကမ်းတစ်ဖက်ဆီမှမျောလာသောအဝေးတေးသံနှင့် <br />လေထုမှာ စိုးဆွတ်ပါဝင်လာသည့်ရင်ခုန်သံကို<br />သင်...<br />မခံစားရလေသလော...<br /><br />(၇)<br />နေ၀င်တော့မည်။<br />အရိပ်တို့လည်း မြေဆီမှာ ညွတ်တွားကြပြီ။<br />ချောင်းသို့သွား၍ ခရားတွင် ရေဖြည့်ရန်<br />ကျွန်တော့်အတွက်တော့ အချိန်တန်ပြီ။<br />ညနေခင်းလေသည်<br />ချောင်းရေ ဂီတမှုန်ရီကို ခုံမင်နေ၏။<br />ကျွန်တော့်ကို<br />နေ ရွှေခြည်မျှင်ထဲသို့ တိုးဝင်ရန် ခေါ်နေ၏။<br />တိတ်ဆိတ်သောလမ်းမှာ<br />လာသူ သွားသူတို့ မရှိကြချေ။<br />လေထန်၏။<br />မြစ်ထဲမှာ လှိုင်းတွေ ဝေ့လိပ်ချီကြွနေ၏။<br />အိမ်သို့ ပြန်နိုင်ပါမည်လော။<br />မည်သူနှင့် ဆုံတွေ့ခွင့် ရနိုင်မည်ကိုလည်း<br />ကျွန်တော်မသိ။<br />ရေတိမ်ဆိပ်မှ လှေငယ်တစ်စင်းပေါ်မှာ<br />အမည်မသိသူ တစ်ယောက်က<br />ပုလွေသံကို ပေးနေလေသည်။<br /><br />(၈)<br />ဦးညွှတ်ကာ<br />အားလုံးကို ကျွန်တော်နှုတ်ဆက်ခဲ့ပါသည်။<br />ညီအစ်ကိုတို့<br />ကျွန်တော့်အားလည်း မေတ္တာပို့ကြပါလေ။<br />ဟောဒီမှာ<br />ကျွန်တော့်ရဲ့ အိမ်သော့ကို ပြန်ပေးခဲ့ပါပြီ။<br />ပိုင်ဆိုင်ရာအားလုံးကိုလည်း စွန့်ခဲ့ပါပြီ။<br />ကြင်နာခြင်းနှင့် ပြန်လည်နှုတ်ဆက်ခြင်းကိုသာ<br />သင်တို့ထံမှ တောင်းဆိုလိုပါသည်။<br />ကျွန်တော်တို့သည် အိမ်နီးချင်းများအဖြစ်<br />နှစ်ပေါင်းကြာခဲ့၏။<br />ကျွန်တော်ကားအပေးထက်၊ အယူများခဲ့သည်။<br />နံနက်ခင်း အလင်းသည်<br />ကျွန်တော်ထွန်းသော အမှောင်ထောင့်ချိုးမှ<br />မီးအိမ်ကို ငြိမ်းစေ၏။<br />ခေါ်သံကို ကြားရလေပြီ။<br />ကျွန်တော်သည်လည်း<br />သွားရန် အသင့်ဖြစ်ချေပြီ။<br /><br />(၉)<br />အိုဘုရားသခင်<br />စိတ်အာရုံအစဉ်တို့၌ စီးဝင်ကာ<br />လောကကို သင့် ခြေတော်ရင်းမှာ<br />ထိတွေ့ရပါလို၏။<br />ကျွန်တော် ဦးနှိမ်ချပါ၏။<br />အိုဘုရားသခင်<br />စီးသွယ်ခြင်းမရှိသော မိုးရိပ်များဖြင့်<br />နိမ့်ဝပ်တွဲခိုသော ဂျူလိုင်တိမ်တစ်ဆုပ်လို<br />ကျွန်တော့်စိတ်နှလုံးသည် သင့်တံခါးဝတွင်<br />တွဲခို ရပါလို၏<br />ကျွန်တော်ဦးနှိမ်ချပါ၏။<br />အိုဘုရားသခင်<br />ကျွန်တော်<br />ဂီတရစ်သမ်အထပ်ထပ်ကို<br />တစ်ခုတည်းအဖြစ်<br />ရုန်းစုသွယ်ဆက်ကာ တိတ်ဆိတ်သောပင်လယ်မှာ<br />စီးပျော် ၀င်ရောက်ရပါလို၏။<br />ကျွန်တော်ဦးနှိမ်ချပါ၏။<br />အိုဘုရားသခင်<br />တောင်ပေါ်မှာ<br />မိမိ အသိုက်ရှိရာသို့<br />နေ့ရော ညပါ<br />ပျံသန်းလိုက်ပါလာသည့် ကြိုးကြာအုပ်နှယ်<br />ကျွန်တော့်ဘ၀သည်လည်း<br />နားခိုရာဆီ ခရီးဆက်နိုင်ရပါလို၏<br />ကျွန်တော် ဦးနှိမ်ချပါ၏။<br />ကျွန်တော် ... ဦးနှိမ်ချပါ၏။<br /><br />(ဆရာတာရာမင်းဝေ ရေးတဲ့ “ငါ့ရင်ခွင်ကြားက နှင်းဆီဓားသွားတစ်လက်” ဆိုတဲ့စာအုပ်လေးထဲက ကဗျာလေးတစ်ပုဒ်ပါ။ အီးမေးလ်ဖြင့်ပေးပို့လာသူ မဝေလင်းကို ကျေးဇူးတင်ရှိပါတယ်။)<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-3135251555795046275?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com1tag:blogger.com,1999:blog-3877557490187777479.post-61607828009532497372009-08-07T20:27:00.000-07:002009-08-07T20:35:03.120-07:00<div align="justify">သူ့ကို စသိတာ ပြည်မြို့က မြေစိုက် စာအုပ်အငှားဆိုင်ကလေးမှာ ဖြစ်သည်။ ‘ကြယ်သီချင်းနဲ့ လမင်းသံစဉ်’ လုံးချင်းစာအုပ်ကလေးကနေ စသိခဲ့ရခြင်းဖြစ်သည်။ သူ့နာမည်၏ ထူးခြားမှုနှင့် စာအုပ်အပြင်အဆင်က ပထမဆုံး ကျွန်တော့်ကို ဆွဲဆောင်သည်။ နောက်တော့ သူ့စာအုပ်တွေ တစ်အုပ်ပြီးတစ်အုပ် ကျွန်တော် ဖတ်ဖြစ်လာသည်။ တစ်ခါတစ်လေ ကျွန်တော့်လက်ထဲမှာ သူ့စာအုပ်က တစ်အုပ်မက သုံးလေးအုပ်။ ကျွန်တော်က သူ့စာအုပ်တွေကို စထွက်ထွက်ချင်းကတည်းက ဖတ်မိသူမဟုတ်။ ထို့ကြောင့် ထွက်ပြီးသား မဖတ်ရသေးသော သူ့စာအုပ်တွေကို ရှာဖတ်ရသည်။ အသစ်ထွက်မည့် စာအုပ်များကိုလည်း အငှားဆိုင်ရောက်တိုင်း မေးရပြန်သည်။ ထိုစဉ်က ကျွန်တော့် အသက် ၁၇ နှစ်။ သူသည် ကျွန်တော့်အပေါ် ကာလအတော်ကြာအောင် လွှမ်းမိုးထားခဲ့သည်။ ထိုနှစ်များအတွင်း ကျွန်တော်ပြောသော စကားအများစုတွင် သူ့ဝတ္ထုများနှင့် သူ့ဇာတ်ကောင်တို့၏ အတွေးအခေါ်များက ဘေးလူ အမြင်ကတ်ရလောက်အောင် နေရာယူခဲ့ဖူးသည်။ ထိုအချိန်က ခေတ်ပညာတတ် လူငယ်ထုသည် သူ့ဇာတ်ကောင်များ၏ ထူးခြားသော အယူအဆများနှင့် ကင်းလွတ်သူမရှိ။ အခြားတစ်ဖက်တွင်လည်း သူ့ဝတ္ထုများအပေါ် နားလည်ခြင်း နားမလည်ခြင်း အသံများက ပွက်လောရိုက်နေပြန်သည်။ ဘာပဲဖြစ်ဖြစ် သူသည် စာပေအနုပညာနှင့် ပတ်သက်လာရင်တော့ နတ်ဘုရားငယ်တစ်ဆူ ဖြစ်သည်ဟု ကျွန်တော်ယူဆထားသည်။ `မိုးခေါင်လို့တီးတဲ့ ဗုံသံ´ ကဗျာစာအုပ်ကို ကျွန်တော် သန်လျင်မှာ အေဂျီတီအိုင်တက်နေစဉ် သူငယ်ချင်းမတစ်ယောက်ဆီကနေ ငှားဖတ်ခွင့်ရသည်။ စာအုပ်ဆိုင်တွေမှာ ၀ယ်မရတော့သောကြောင့် ထိုစာအုပ် တစ်အုပ်လုံးကို ကျွန်တော် မိတ္တူကူးယူထားခဲ့သည်။ နောင်နှစ်တွေကြာသောအခါ ထိုစာအုပ် ဒုတိယအကြိမ်ပြန်ထွက်ရာ ကျွန်တော် ထပ်မ၀ယ်ဖြစ်တော့။ သူ့ကဗျာအများစုကို ကျွန်တော်ကြိုက်သည်။ သူ၏ လူသိပ်မသိသော လုံးချင်းအဖြစ် မထုတ်ဖြစ်ခဲ့သော မဂ္ဂဇင်းကဗျာများကိုလည်း ကျွန်တော်ကြိုက်သဖြင့် ကူးယူသိမ်းဆည်းဖြစ်သည်။ ၀တ္ထုဖြစ်စေ ကဗျာဖြစ်စေ သူက ထူးခြားစွဲမက်ဖွယ် ကိုယ်ပိုင်ဟန်ဖြင့် ရေးဖွဲ့နိုင်သည်။ သို့ရာတွင် ရိုးသားမှုကိုတော့ အမြဲတမ်း နောက်ခံထားတာ တွေ့ရတတ်၏။<br /><br /> ( ၂၀၀၃ ) ခုနှစ်မှာ သူနှင့်ကျွန်တော် လူချင်းဆုံခွင့်ရသည်။ `ကြယ်ကိုးစင်းနဲ့ လင်းတဲ့ကောင်းကင်´ စာအုပ်ထွက်ရှိပြီးစဉ်က ဖြစ်သည်။ ထိုစာအုပ်တွင် သူနှင့်ကျွန်တော်အပါအ၀င် တခြားစာရေးဆရာ ( ၅ ) ယောက်လည်း ပါဝင်ရေးဖွဲ့ထားကြသည်။ ထိုစဉ်က သူ့အိမ်မှာ မြောက်ဥက္ကလာပ၊ ကျောက်ရေတွင်းမှာ ဖြစ်သည်။ အေးချမ်းတိတ်ဆိတ်သည့် အနီရောင်ဘက် အနည်းငယ်ပါသော နှစ်ထပ်တိုက်ကလေး။ အမှန်က သူနှင့်တွေ့လောက်စရာအကြောင်း ကျွန်တော့်မှာ ဘာမှမရှိ၊ စာအုပ်ထုတ်ဝေသူ စန်းမွန်အောင် ( မြေမှုန်လွင် )နှင့် အဖော်အဖြစ်လိုက်ရင်း သူ့ကို တွေ့ဖူးရုံလောက်သာ။ ကျွန်တော်တုိ့ရောက်တော့ လတ်တလော ထွက်ရှိပြီးသား သူ၏ လုံးချင်းစာအုပ်ပုံကြီးကြားမှာ ထိုင်ကာ ကျွန်တော်တို့ သူနှင့်စကားပြောကြသည်။ သူနှင့် စန်းမွန်အောင်တို့ ပြောကြတာဆိုလျှင် ပိုမှန်မည်။ ကျွန်တော်က ဘေးမှနေ၍ သူတို့ပြောသမျှ ထိုင်နားထောင်ရုံသက်သက်။ ထိုကတည်းက သူ့ကိုကြည့်ရသည်ကို ကျွန်တော် အားမရ။ သူက ကျွန်တော်မျှော်လင့်ထားသလို ပုံစံမျိုးမဟုတ်။ သူ့ဇာတ်ကောင်တွေလိုမျိုး သူ့ကို ရင်းနှီးကြည့်လို့မရ။ သူက အနေတည်လွန်းသည်။ အပြုံးအရယ် မရှိ။ နိုင်ငံ့လက်ရွေးစင် ဘောလုံးသမား ဖြစ်ချင်သည်ဟု အင်တာဗျူးတစ်ခုမှာ သူပြောဖူးပေမယ့် သူ့မှာ ဘောလုံးသမားလို ကြံ့ခိုင်မှုမျိုး မတွေ့ရ။ ဘယ်တော့မှ မမေ့ပျောက်နိုင်သော ရင်တွင်းဒဏ်ရာတစ်ခု ရထားသူတစ်ယောက်၏ ခံစားချက်မျိုးကိုသာ သူ၏ သာမန်ထက် နည်းနည်းပိုရောင်နေသည့် မျက်နှာပေါ်တွင် တွေ့ရ၏။ တစ်ကြိမ်မှာတော့ သူက စာအုပ်ကို ကိုင်ကြည့်ရင်း စာရေးဆရာနာမည်တွေ ရွတ်သည်။ ကျွန်တော့်နာမည်ရောက်တော့ သူက ထပ်ကျော့ကာ သုံးကြိမ်လောက် ပြန်ရွတ်နေသည်။ ပြီးမှ `လွန်းဆက်နိုးမြတ် ဆိုတာ ဘယ်သူတုန်း´ ဟု စန်းမွန်အောင်ကို လှည့်မေးသည်။ စန်းမွန်အောင်က ကျွန်တော့်ကို ပြမှ သူ ကျွန်တော့်ကို အံ့သြစွာ ကြည့်သည်။ ထိုအချိန်တုန်းက ကျွန်တော့်ကဗျာ မဂ္ဂဇင်းမှာ လေးပုဒ်သာ ဖော်ပြခံရသေးသည်။ ထို့ပြင် အခုချိန်လိုမျိုး ကျွန်တော်နှင့် နာမည်ဆင်တူ စာရေးဆရာများလည်း တစ်ယောက်မှ မရှိသေး။ ဒါက သူနှင့် ပထမဆုံးအကြိမ် တွေ့ဆုံမှု။<br /><br />သည်လိုနှင့် တမေ့လောက်ကြာသောအခါ သူ့ဆီကို စန်းမွန်အောင်နှင့်ပဲ ထပ်ရောက်ဖြစ်ပြန်သည်။ သည်တစ်ခါလည်း သူနှင့်ကျွန်တော် စကားမပြောဖြစ်။ စန်းမွန်အောင်နှင့်သာ အလုပ်အကြောင်း ပြောကြဆိုကြသည်။ သည်ကြားထဲ စန်းမွန်အောင် စီစဉ်ထုတ်ဝေပေးမှုကြောင့် သူနှင့်ကျွန်တော်တွဲကာ စာအုပ်တွေ ထွက်ခဲ့သေးသည်။ တစ်အုပ်က သူရယ် ကျွန်တော်ရယ် ဦးမင်းလူ(မင်းလူ)ရယ် `ကြယ်စုံသစ်ပင်´။ နောက်တစ်အုပ်က သူနှင့်ကျွန်တော်နှစ်ယောက်တည်း `ဆံပင်အလယ်ခွဲနဲ့ နက္ခတ်´။<br /><br />သူ့အကြောင်းတွေးသည့်အခါ ကိုကျော်စိုး (မင်းခိုက်စိုးစန်)၊ ကိုရဲကြီး (သစ္စာနီ)၊ နေမျိုး၊ ဦးမင်းလူ (မင်းလူ)နှင့် ကိုရဲဝင်း (နီကိုရဲ)ကိုလည်း တွဲပြီး သတိရမိတာ ကျွန်တော့်အကျင့်တစ်ခု ဖြစ်နေသည်။ ထိုစာရေးဆရာများထဲမှ နေမျိုးတစ်ယောက်သာ ကျွန်တော်မဆုံဆည်း မရင်းနှီးမိသော်လည်း ကျန်လူများမှာ ကျွန်တော်နှင့် အနည်းငယ်စီ ရင်းနှီးကြသည်။ စာပေလောကမှာ သူနှင့် ကိုကျော်စိုးက ယှဉ်တွဲ၍ လူသိများသည်။ ငြိမ်းအေးအိမ် ထုတ်ဝေသော အရင်က သရဖူမဂ္ဂဇင်းမှ စတင်ကာ သူတို့နှစ်ယောက်ကို စာပေလောကက ယှဉ်တွဲလိုက်ကြခြင်း ဖြစ်ဟန်တူသည်။ ကိုတင်ကိုအောင်၏ အရင်က ဟန်သစ်မဂ္ဂဇင်းတွင်တော့ သူ့ကို နေမျိုးနှင့် မကြာခဏ ယှဉ်တွဲဖော်ပြခဲ့တာ ကျွန်တော်တွေ့ဖူးသည်။ ထို့ကြောင့် သူ့အကြောင်းတွေးမိရင် နေမျိုး ပါလာတတ်တာဖြစ်မည်။ ကိုရဲကြီးကတော့ တစ်ခါတစ်လေ ကျွန်တော်တို့နှင့် စကားပြောရာတွင် ရွှေဘုန်းက… ရွှေဘုန်းက ဟုဆိုကာ သူ့အကြောင်းတွေ ပြောပြတတ်၏။ ကိုရဲဝင်းသည်လည်း သည်အတိုင်း၊ ဦးမင်းလူလည်း သည်အတိုင်းပင် ဖြစ်သည်။ ရွှေဘုန်းက… ရွှေဘုန်းက နှင့် တဖွဖွပြောကာ သူ့ကို ချစ်ကြခင်ကြသည်။ အမှန်က ထိုပုဂ္ဂိုလ်များတင်မဟုတ် စာပေတစ်လောကလုံးက သူ့ကို လေးစားချင်ခင်ကြ၏။ သူ၏ `ပြိုင်မြင်းတို့၏ ခွာသံ´နှင့် `နတ်ဖုရားရုပ်တု´ စာအုပ်များသည် စာပေလောကအတွက် အဖိုးမဖြတ်နိုင်သော အတွေးအခေါ် ဆောင်းပါးများပဲ ဖြစ်သည်။ သူသည် တချို့စာရေးဆရာ၊ ဝေဖန်ရေးဆရာများနှင့် ၀ါဒရေးရာတိုက်ပွဲများကို မဂ္ဂဇင်းစာမျက်နှာများပေါ်တွင် ဆင်နွှဲခဲ့ဖူးသည်။ ဒါသည် သူ၏ စာပေလှုပ်ရှားမှု ပုံစံတစ်မျိုးဟုသာ ကျွန်တော် နားလည်ထားသည်။ မှန်သည် မှားသည် ကျွန်တော် မပြောတတ်။ ကျွန်တော် ပြောလိုတာက ထိုကဲ့သို့ သူနှင့် ဆန့်ကျင်ကာ စာပေရေးရာ ပြိုင်ဆိုင်ခဲ့သော စာရေးဆရာ၊ ဝေဖန်ရေးဆရာများသည်လည်း သူ့ကို ဘယ်ခါမှ မမေ့လျော့ဘဲ လေးစားချစ်ခင် သတိရနေကြလိမ့်မည်ဆိုတာပင်။<br /><br />သူ့ဝတ္ထုတွေထဲမှ ကျွန်တော်အကြိုက်ဆုံးက `အရှေ့မြို့ရိုးမှ မိုးရေစက်များ´ ဖြစ်ပြီး ယခင်ကထက် ကျွန်တော့်ကို အနုပညာအကြောင်း အဆင့်တက် နားလည်စေခဲ့သော စာအုပ်တစ်အုပ်ဖြစ်သည်။ `ပင်လယ်အတုထဲမှ ကျွန်း´လုံးချင်းစာအုပ်နောက်ပိုင်း သူ့လုံးချင်းစာအုပ်များကို ကျွန်တော် မဖတ်ဖြစ်တော့။ ဟိုအရင် သူ့လက်ရာများလောက် နောက်ပိုင်းစာအုပ်များအပေါ် ကျွန်တော် ရင်မခုန်တော့၍ ဖြစ်သည်။ သို့ရာတွင် ကျွန်တော်တို့နောက်မှ လူငယ်ထုသည် သူ့အနုပညာများကို အုံလိုက်ကျင်းလိုက် တပ်မက်ငြိတွယ်ဆဲပင်။ ကျန်းမာရေးမကောင်းသော်လည်း လုံးချင်းဝတ္ထုနှင့် အခြားစာများကို သူအဆက်မပြတ် ရေးသားနိုင်တာ တွေ့ရသည်။ သူ့ဘ၀၏ နောက်ပိုင်း အချိန်များတွင် ကျန်းမာရေး မကောင်းသောကြောင့်ပဲလား၊ ကျွန်တော်ကပဲ သူ့ဆီက အနုပညာကို လောဘကြီးမိလို့လားမသိ၊ သူ့စာပေလက်ရာတွေက အရင်ကလောက် အနုပညာအား မပါတော့ဟု ထင်မိသည်။ ထိုအထင်က ကျွန်တော်တစ်ယောက်တည်း မဟုတ်မှန်း သူနှင့် ကိုဝေမှူး တွဲထွက်သော `ကြက်ခြေခတ်နှစ်ခု´ စာအုပ် အမှာစာတွင် ကိုရဲကြီးက သူ့အပေါ် မချိတင်ကဲ ကရုဏာဒေါသဖြင့် ရေးသားထားသည်များကို ဖတ်လိုက်ရတော့ ပိုသေချာသွားခဲ့သည်။ သို့ရာတွင် သူ၏ အနုပညာအားနည်းသော ထိုနောက်ပိုင်း လက်ရာတချို့ကိုတောင် ကျွန်တော်အပါအ၀င် ကျွန်တော်တို့မျိုးဆက်မှ လူငယ်စာရေးဆရာများမှာ မှီအောင် ရေးသားနိုင်စွမ်းမရှိကြ။<br /><br />ထိုသို့ဖြင့် သူနှင့်ကျွန်တော် တတိယအကြိမ် ဆုံကြပြန်သည်။ သည်တစ်ခါတော့ ဟိုအရင်အကြိမ်တွေနှင့် ကွဲပြားသွားသည်။ သူက ကွယ်လွန်ပြီးသူတစ်ယောက်အဖြစ် မှန်ခေါင်းတလားထဲမှနေ၍ ကျွန်တော့်ကို နှုတ်ဆက်သည်။ သူ့ဈာပနသည် နိုင်ငံရေးလောက၊ စာပေ၊ ရုပ်ရှင်နှင့် ဂီတလောကမှ လူများဖြင့် အထူးစည်ကားခဲ့သည်။ သူကွယ်လွန်ပြီးနောက်ပိုင်း သူ့အကြောင်း လူတော်တော်များများက စာတွေရေးကြ၊ ကဗျာတွေ ဖွဲ့ကြသည်။ ထိုကာလက စာနယ်ဇင်းတစ်ခုမှ သူနှင့် စာအုပ် တွဲထုတ်ဖူးသူများကို သူ့အကြောင်း အမှတ်တရရေးသော စာမူများတောင်း၍ အထူးကဏ္ဍအဖြစ် ဖော်ပြကြရာ ကျွန်တော့်ဆီတော့ လာမတောင်းကြ။ မတောင်းတာကပဲ ခပ်ကောင်းကောင်း။ ကျွန်တော်က သူနှင့် စာအုပ်(၃)အုပ် တွဲထုတ်ဖူးသည်မှအပ သူနှင့် ကောင်းစွာ ခင်မင်သူမဟုတ်။ စင်စစ် သူ့ကို ညွှန်းဆိုသော ဘယ်စာမှ ဘယ်ကဗျာမှ သူ့ကိုမမှီ။ သူက တစ်ခေတ်မှာ တစ်ယောက်ဖြစ်လာသော စာပေပါရမီရှင်တစ်ယောက်။ နောင်နှစ်ပေါင်းများစွာတိုင်အောင် သူ့လို ထူးချွန်ထက်မြက်သည့် စာရေးဆရာ တစ်ယောက် ပေါ်ထွက်လာဖို့ မသေချာ။ <br /><br />ယနေ့ သူကွယ်လွန်သည့် (၂)နှစ်ပြည့် အထိမ်းအမှတ်အဖြစ် ကိုယ်ပိုင်ပြင်ပမီဒီယာ တစ်ခုတွင် ဖော်ပြရန် စန်းမွန်အောင်မှ ကျွန်တော့်ဆီ တယ်လီဖုန်းဆက် စာမူ တောင်းလာသည်။ ထိုတယ်လီဖုန်း ၀င်လာစဉ်က `ပိတောက်ပွင့်သစ် မဂ္ဂဇင်း´အတွက် `ပင်လယ်များကို ဖြတ်သန်းခြင်း´ ဆောင်းပါးကို ကျွန်တော် ရေးသားနေချိန်ဖြစ်သည်။ စာပေအရှိန်အ၀ါ ကြီးမားသော မဂ္ဂဇင်းတစ်စောင်မှ တလေးတစား တောင်းဆိုသည့် အတွေ့အကြုံ ဆောင်းပါးဖြစ်သဖြင့် ကျွန်တော့်မှာ အချိန်ယူရေးဖို့လိုသည်။ ထို့အပြင် သူ့(၂)နှစ်ပြည့် အထိမ်းအမှတ်စာမူအတွက် စန်းမွန်အောင်က သန်ဘက်ခါ လိုချင်သည် အမြန်ရေးပေးပါဟု ဆိုလာတော့ ကျွန်တော့်မှာ စဉ်းစားရသည်။ ကျွန်တော်က ကွယ်လွန်ပြီးသော ကျွန်တော် လေးစားလောက်စရာ ပုဂ္ဂိုလ်များအတွက် စကားလုံးများဖြင့် လူမြင်ကောင်းအောင် လွမ်းပြရတာမျိုး စိတ်မ၀င်စား။ ခက်တာက ကျွန်တော့်လို ဘာမဟုတ်သည့်ကောင်နှင့် စာအုပ်တွဲထွက်ခွင့် ပြုခဲ့သော သူ့အတွက် အမှတ်တရတစ်ခုခု ကျွန်တော် လုပ်ပေးချင်နေသည်။ နောက်ဆုံးတော့ `ပင်လယ်များကို ဖြတ်သန်းခြင်း´ကို ခဏရပ်ကာ သူ့အကြောင်း ကျွန်တော်မြင်သည့်အတိုင်း ရေးသားရန် ဆုံးဖြတ်လိုက်သည်။ လက်တွေ့မှာ သူ့အကြောင်း ဗြုန်းစားကြီး ချရေးဖို့ရာကျတော့ ကျွန်တော့်စိတ်က ချက်ချင်းမရဲ။ သို့ရာတွင် တကယ်တမ်း ချရေးလိုက်သောအခါ တော်တော်နှင့် ဖြတ်၍မရချင်။ သူ့အကြောင်းက ကျွန်တော့်ရင်ဘတ်ထဲမှာ နှစ်ကာလများစွာ ရှင်းရှင်းလင်းလင်း နေရာယူပြီးထားသောကြောင့်ပဲလား မဆိုနိုင်။ ယခုတော့ ကျွန်တော့်မှာ သူနှင့်ပတ်သက်သမျှ ကုန်စင်သလောက် ရေးသားမိခြင်းဖြစ်ရာ နောက်နောင် သူ့အကြောင်း ထပ်မံရေးသားနိုင်ရန် မလွယ်ကူတော့။ ထို့အတွက်ကြောင့် လက်ရှိစာမူကို စန်းမွန်အောင်အပြင် အခြား သူ့အမှတ်တရ ထည့်သွင်းချင်သည့် မဂ္ဂဇင်း တစ်စောင်စောင်သို့လည်း ထပ်မံပေးပို့ရန် ကျွန်တော်က ဆုံးဖြတ်မိသည်။ သူ့ကို အသေအချာ လွမ်းဆွတ်နေဦးမည့် သူ့ပရိသတ်တစ်ဦးဦး ဖတ်မိသည်ဆိုရင်ပဲ ကျွန်တော် ရေးရကျိုးနပ်နေပြီ။ သူ ကောင်းရာသုဂတိလားပါစေ ဟုလည်း ကျွန်တော်က လှိုက်လှဲစွာ တပါတည်း ဆန္ဒပြုမိသည်။ `အလင်းရောင် ၀တ်စုံသစ်ဖြင့် လာခဲ့သူသည် သူ့အလင်းတို့ကို ရုတ်သိမ်းလျက် ကမ္ဘာမြေမှ ပြန်လည် ထွက်ခွာလေပြီ´ ဤစာသားမှာ သူ့ဈာပန ချသည့်နေ့က ဖြန့်ဝေသော လက်ကမ်းစာစောင်ပေါ်မှ သူ့အတ္ထုပ္ပတ္တိ အကျဉ်းပင် ဖြစ်လေသည်။<br /></div><br /> <br /><div align="right"><br />လွန်းဆက်နိုးမြတ်<br />ည ၀၉:၅၅ နာရီ<br />၂.၈.၀၉<br /></div><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-6160782800953249737?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com1tag:blogger.com,1999:blog-3877557490187777479.post-54391777136546174542009-08-05T23:50:00.000-07:002009-08-05T23:53:07.514-07:00“တ၀က်တပျက်မှတ်တမ်း”<br /><br />ပထမမြောက် ရဲရင့်ခြင်းအဖြစ်<br />အမေက ငါ့ကို ဆွဲဖွင့်တယ်<br />ယမမင်းရဲ့ သြ၀ါဒက ပြက္ခဒိန်တွေကို ဟောင်းမြစေရဲ့ ။<br /><br />ငါ့ရင်ဘတ်ထဲမှာက မီးပွင့်ဖဲချပ်တွေ တစ်ထပ်ကြီး<br />ငါပြောလိုက်တဲ့ ဓားသွားတစ်ခွန်းက<br />နတ်ဆိုးအပေါင်းကို ရေမွန်းစေခဲ့ပြီ တဲ့။<br /><br />ငယ်ငယ်ဝံ့ဝံ့ လောကဓံနဲ့<br />ဆောင်းဦးလေပြည်ကို ပန်ချင်တဲ့ကောင်<br />မရေးရသေးတဲ့ အက္ခရာတစ်ကြောင်းဟာ<br />ဘယ်လက်နဲ့…..၀ှက်ထားတဲ့ ဗျတ်စောင်းပါပဲ။<br /><br />သေနတ်တစ်လက်ရဲ့ ပြောင်းထဲမှာ<br />ကျည်ဆံလို ငါဂူအောင်းခဲ့ဖူးတယ်<br />ငါ့ဝိညာဉ်ထဲက မီးခိုးပျော့ပျော့သံများ<br />နက္ခတ်ဦးလို…..ပျံစေသား ။<br /><br />တာရာမင်းဝေ<br /><br />Idea , July 2003<br /><br />မှတ်ချက်။ အထက်ပါ ကဗျာကို ပေးပို့သည့် ဘလော့ဂါ ကိုနေမိုးဝေအား ကျေးဇူးတင်ရှိပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-5439177713654617454?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com1tag:blogger.com,1999:blog-3877557490187777479.post-70643219544892411072009-08-05T12:16:00.000-07:002009-08-05T12:31:07.742-07:00ကိုတာရာမင်းဝေ ကွယ်လွန်တဲ့ အထိမ်းအမှတ် ကဗျာလေးတစ်ပုဒ် ရေးဖြစ်တယ်။ အသိတစ်ယောက်ကတော့ နင်နဲ့ ဘာဆိုင်လို့ ရေးရတာလဲလို့ မေးပါတယ်။ အခုခေတ်ပေါ် စာပေ ပြောင်းလဲမှုမှာ ကိုတာရာမင်းဝေဟာ အဓိကလူတစ်ယောက်လို့ ကျွန်တော် ယုံကြည်တယ်။ ကျွန်တော်တို့ ကိုယ်တိုင်လည်း ကိုတာရာမင်းဝေရဲ့ စာပေလွှမ်းမိုးမှု အများကြီးကို ခံခဲ့ရတာပါ။ စာလုံးအနုအရွလေးတွေကို ခေတ်ပေါ်ကဗျာတွေထဲ ထည့်တဲ့နေရာမှာ ကိုတာရာမင်းဝေကို ဘယ်သူမှ မမှီဘူးလို့ ထင်မိတယ်။ ဒါကြောင့် ဒီကဗျာလေးကို ၂ ရက်တိတိ သေသေချာချာ စကားလုံးရွေးချယ် မုဒ်အပြည့်သွင်းပြီး အမှတ်တရ ရေးခဲ့ပါတယ်။ (စကားမစပ် သူကွယ်လွန်သွားတာကို နေကြတ်တာနဲ့ နှိုင်းယှဉ်ပြီး ရေးရလားလို့တော့ ပေါက်တတ်ကရတွေ မဝေဖန်ကြပါနဲ့ ခင်ဗျာ)<br /><br /><br />“နေကြတ်ခြင်း”<br /><br /><br />မျက်လှည့်ဆရာ ပါးစပ်ထဲ မြိုချလိုက်သလိုမျိုး<br />မီးတောက်ဟာ ရုတ်တရက် ကွယ်ပျောက်သွား<br />ဖူးပွင့်တော့မယ့် ပန်းကလေးတစ်ပွင့်တောင်<br />ထိတ်ခနဲ လန့်ဖြန့်ပြီး ပြန်ငုံသွားရရှာတယ်<br />နေကြတ်ပြီမေမေ<br />စကြဝဠာတောအုပ်တွေထဲက<br />တောရဲတိရစ္ဆာန်တွေအားလုံး<br />ဝေါခနဲ တိတ်ဆိတ်သွားကြ<br />အားလုံးရဲ့ အကြည့်ဟာ ပျောက်ဆုံးသွားသောအရာ<br />တစ်သက်လုံး လင်းခဲ့သမျှ ခဏလေး အမှောင်ကျသွားခဲ့တာပါ<br />ကျွန်တော်တို့ မခံနိုင်ခဲ့ကြဘူး<br />လှုပ်ရှားနေတဲ့ အရာတွေ တစ်ချိန်မှာ ရပ်တန့်သွားမယ်<br />ငြိမ်သက်နေတဲ့ အရာတွေလည်း တစ်ချိန်မှာ လူးလွန့်လာမယ်<br />ရနေတာတွေအားလုံး တစ်ချိန်မှာ ပျောက်ဆုံးပြီး<br />မရခဲ့သေးတာတွေအားလုံး တစ်ချိန်မှာ ပေါ်လာမယ်<br />နေကြတ်ပြီ<br />နဂါးငွေ့တန်းရဲ့ အခန်းထဲမှာ<br />ကမ္ဘာရဲ့ ဂြိုဟ်ရံလကို ခြုံလွှာလို အကာအကွယ်ယူပြီး<br />နေဟာ မြွေတစ်ကောင်လို အရေခွံလဲခဲ့ပြီ။<br /><br /><br />July 27, 2009<br /><br />PS. ဒီကဗျာလေးကို မနော်ရဲ့ <a href="http://manorhary-poemsilove.blogspot.com/2009/08/blog-post.html" target="_blank">“အရှေ့မြို့ရိုးကနံနက်ခင်း”</a> ဆိုတဲ့ ကဗျာပြပွဲလေးမှာလည်း သွားရောက် ဖတ်ရှုနိုင်ပါတယ်။ <br /><br />မှတ်ချက်။ ။ <a href="http://blog.nyilynnseck.com/2009/08/blog-post_05.html" target="_blank">ကိုညီလင်းဆက်၏ ဘလော့</a>မှ တဆင့် ခွင့်ပြုချက်အရ ပြန်လည် ကူးယူဖော်ပြပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-7064321954489241107?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-63058322172897170042009-08-04T22:15:00.000-07:002009-08-04T22:36:52.979-07:00ဒီကဗျာတွေကတော့ ကိုရွှေဘုန်း(တာရာမင်းဝေ) မကွယ်လွန်မီ နောက်ဆုံးရေးသွားတဲ့ ကဗျာတွေပါ။ ဒီကဗျာတွေကို ကျွန်တော့်ရဲ့စာအုပ်တိုက်ဖြစ်တဲ့ “ငါတို့စာပေ” မှထုတ်ဝေဖို့ စီစဉ်ထားတာ ဖြစ်ပြီး စာပေစိစစ်ရေးက ခွင့်ပြုချက်လည်း ရထားပြီးပါပြီ။ စာအုပ်ထုတ်ခါနီးမှ မမျှော်လင့်ဘဲ “သူ” ကွယ်လွန် သွားခဲ့ပါတယ်။ သူ ကွယ်လွန်ပြီးတော့မှ အကြောင်းကြောင်းသော အကြောင်းကြောင်းတွေကြောင့် မထုတ်ဖြစ်တော့တာပါ။ ဒါပေမယ့် online ပေါ်က ညီအစ်ကိုတွေအတွက် ဖတ်ရှုရအောင် တင်ပေးလိုက်ပါတယ်။ ကဗျာစာအုပ်နာမည်ကတော့…. “နက္ခတ်ရစ်သမ်” တဲ့။<br /><br /><br /><span style="font-weight:bold;">ဗေဒင်ဟောသည်</span><br /><br />“ဒေါက်”ခနဲ ဓားပေါက်သံအဆုံးမှာ<br />ကံကြမ္မာက ကားယားကြီးကျလာတယ်<br />သူ့ကို ကြိုးနဲ့ကူတပ်ပေးပါ<br />ခုချိန်ကစပြီး ကျုပ် ဗေဒင်ဆရာလုပ်မယ်<br />ကံကြမ္မာမရှိတဲ့ ဗေဒင်ဆရာ<br />မြင်းရိုင်းကိုစီးပြီး မြို့တော်ထဲဝင်လာမယ်။<br /><br />တာရာမင်းဝေ<br />-<br /><span style="font-weight:bold;">ဝေးသူ</span><br /><br />စကားတစ်ခွန်းနှစ်ခွန်း စွတ်စိုရုံလောက်နဲ့<br />မြင်းမိုရ်တောင်ကို မွန်းတည့်စေမလား<br />ဒါပေမဲ့ ဒါဟာ ဖြစ်ခဲ့တယ်<br />အိုဒက်ဆာမှာ မဟုတ်ဘူး၊ ကြေးရုပ်နံဘေးမှာဖြစ်ခဲ့တယ်<br />ဒါဟာ တကယ်ဖြစ်ခဲ့တယ်။<br />လ၀န်းကျကွဲသံတွေကြားမှတော့<br />ဘာကိုမှ မလွမ်းဆွတ်တော့ပါဘူး<br />ချုပ်ပလိုင်းထဲက ငါ မျှော်ရည်ငေးလင့်<br />တစ်နေ့တော့”ဆိုတာ <br />ဘယ်တော့ပွင့်”မလဲလို့။<br /><br />တာရာမင်းဝေ<br />-<br /><br /><span style="font-weight:bold;">တန်ရာတန်ကြေး</span><br /><br />နတ်ထွင်းတဲ့ခံတွင်းဆိုပေမယ့်<br />ဘယ်သူကမှ ထမင်းခဲကိုက်ပြီး မွေးလာတာမဟုတ်ဘူး<br />အဲဒါကြောင့် ငါ့ရဲ့စုံနံ့သာမြိုင်ပတ်ပျိုးမှာ<br />စောင်းကြိုးတစ်ချက် လျှော့ခဲ့တယ်။<br />အနုပညာဆိုတာ<br />မှော်ဆရာတိုင်း ကလို့ရတဲ့ ဓားပညာမဟုတ်ဘူး<br />နေညိုချိန် တိမ်ပွင့်အမျောလေးပါဆိုတော့လည်း <br />ပြောသူကို မယုံကြည်ချင်ကြဘူး<br />ကြည့်ပါ<br />ဒီမြှားကို ငါပစ်ပြပါ့မယ်။<br />ပစ်မှတ်ကို လွယ်လွယ်နဲ့မှန်ရင်တော့<br />အဲဒီသူယောင်နတ်သမီးကို<br />တို့တွေ တန်ရာတန်ကြေး ပေးလိုက်ကြတာပေါ့။<br /><br />တာရာမင်းဝေ<br />-<br /><br /><span style="font-weight:bold;">သင်းကွဲသူများ (၁)</span><br /><br />ဒီဆံမျှင်မှာ<br />နှင်းဆီတွေမှ မဖူးပွင့်တော့ဘဲ<br />မေ့ထားလိုက်ပါတော့ ကလေးရယ်<br />အလင်္ကာတွေကိုလည်း ကိုယ်ကပဲ မှုတ်ငြိမ်းစားလိုက်ပါ့မယ်<br />တစ်ယောက်က တစ်ယောက်ရဲ့အလင်းဖြစ်ချင်ကြ<br />တစ်ယောက်က တစ်ယောက်ရဲ့ မီးအိမ်ဖြစ်ချင်ကြ<br />အခုတော့လည်း အားလုံး ဆုံးလျသွားပါပြီ<br />သွားတော့ ဘေဘီ<br />ဟိုးမှာ<br />ညနေခင်းကတောင် ငွေ့ရည်ဖွဲ့နေပြီ။<br /><br />တာရာမင်းဝေ <br />-<br /><br /><span style="font-weight:bold;">ဖြစ်စဉ်</span><br /><br />တစ်ခါတလေမှာတော့လည်း တွေးကြည့်မိပါတယ်<br />နက်ဖြန်ခါ သေသွားရင် ဘာဖြစ်မလဲလို့။<br />လုပ်ချင်တာတွေ လုပ်ခဲ့ပြီးပြီ<br />(မလုပ်ရသေးတာတွေလည်း အများကြီး)<br />ဖြစ်ချင်တာတွေ ဖြစ်ခဲ့ပြီးပြီ<br />(မဖြစ်ရသေးတာတွေလည်း အများကြီး)<br />နက်ဖြန်ခါမှာလို့ စဉ်းစားလိုက်ပြန်တော့ <br />နက်ဖြန်ခါတွေကလည်း အများကြီး<br />ဒီလိုနဲ့ပဲ<br />ဘ၀မှာ နေပျော်ရတာပါပဲ ကလေးရယ်။<br /><br />တာရာမင်းဝေ<br />-<br /><br /><span style="font-weight:bold;">နေ</span><br /><br />ကြယ်ကလေးတွေ စိုးစီစိုးစီနဲ့ပဲ<br />ငါ နိုးခဲ့ရ…။<br />မှော်ဆရာရဲ့ လွယ်အိတ်ထဲက<br />လွတ်ထွက်လာတဲ့နေလုံးလို<br />တစ်တောင်ပြီးတစ်တောင် နီလဲ့ခဲ့ရ…<br />ငါ ပျော်တယ်… ငါ့ဘာသာလည်း ပျော်တယ်<br />ငါကြောင့် သူများတွေပျော်တာကိုကြည့်ပြီးတော့လည်း <br />ငါ ပျော်တယ်။<br />ငါဟာ <br />ဘယ်တော့မှ တစ်ကိုယ်တော် မဖြစ်ခဲ့ပါဘူးကွယ်။<br /><br />တာရာမင်းဝေ<br />-<br /><br /><span style="font-weight:bold;">သင်းကွဲသူများ(၂)</span><br /><br />နှုတ်ဆက်ကြရအောင် အချစ်ရယ်<br />တို့ရဲ့ အတွေးအခေါ်က လင်းညိုခဲ့ပြီမို့လား<br />ကျောခိုင်းသွားကြရတယ်ဆိုပေမယ့်<br />တကယ်တော့ တစ်လမ်းတည်းပါပဲ<br />(အဲဒါကြောင့် ပိုဝေးတယ်လို့တောင် ထင်ကြရရဲ့)<br />ကိုယ့်ကို သတိရရင် ကဗျာလေးတွေ ရေးပါ<br />စိတ်အလျင်နဲ့ရေးထားတဲ့ ကဗျာလေးတွေက <br />မင်းကို စုန်းမီးတောက်ပြပါလိမ့်မယ်<br />ခုတော့ ကိုယ်တစ်ယောက်တည်း<br />အေးလေ… မင်းလည်း တစ်ယောက်တည်းပါပဲ<br />ကဲ… ခွဲကြစို့<br />နှုတ်ဆက်ခဲ့ပါတယ် အချစ်ရယ်…။<br /><br />တာရာမင်းဝေ<br />-<br /><br /><span style="font-weight:bold;">နွေခံစားမှု</span><br /><br />အငွေ့တထောင်းထအောင်ပူရဲ့<br />လူတစ်ယောက်ထဲက တစ်နွေလုံးဖြစ်ရတယ်<br />ဒီရိုးပြတ်ကိုကျော်ရင်ရောက်ပါပြီတဲ့...။<br />ပတ်ကြားအက်ထဲကလူကအသံကုန်အော်တယ်...။<br />မိုးနတ်မင်းကြီးရယ်....<br />ကျွန်တော့်ကိုယ်ပေါ်ကို မိုးတစ်ပုံ့နှစ်ပုံ့ရွာပေးပါ...<br />ကျွန်တော်စိတ်တွေက<br />မုတ်သုန်ကို ဆာလောင်မွတ်သိပ်လွန်းလို့ပါ။<br /><br />တာရာမင်းဝေ<br />-<br /><br /><span style="font-weight:bold;">သက်ပြင်းလောင်းသံ</span><br /><br />ငါ...... ကြေကွဲနေပြီ<br />ရင်ဘက်မှာလည်း ၀ိဥာဉ်ကျောက်သားတွေအက်ကွဲလို့...<br />ငါ....ဘယ်လိုလုပ်ရမလဲ<br />ပိတ်ထားတဲ့ ပန်းပွင့်ကိုကော<br />ဘယ်လိုအလင်းနဲ့နမ်းမလဲ<br />အငွေ့ပြယ်ပြီး ပျောက်သွားရင်လည်းပြီးရော...<br />တကယ်ဆို<br />ကောင်းကင်တိုက်ပွဲအသစ်တွေနဲ့သာနေ/သေချင်တော့တယ်....<br /><br />တာရာမင်းဝေ<br />-<br /><br /><span style="font-weight:bold;">ပင်လယ်ရေးတဲ့စာ</span><br /><br />ရေတံခွန်ကြီးတစ်ခုလို ခုန်ချလိုက်ချင်တယ်<br />မြင်းမိုရ်တောင်ကိုလည်း မိုးကြိုးးပစ်ချလိုက်ချင်ရဲ့။<br />ကျောက်မြင်းရုပ်ကြီးလိုပဒပ်ရပ်ထချင်တယ်<br />ပင်လယ်ကဗီးပင်တွေလိုလည်းတရှဲရှဲအော်လိုက်ချင်တယ်။<br />ခုတော့....ဘယ်ဖြစ်တော့မှာလဲ<br />သူမက<br />ငါ့ကို<br />ငြိမ်ငြိမ်လေးပဲ<br />လက်ပိုက်ရပ်နေတဲ့....။<br /><br />တာရာမင်းဝေ<br />-<br /><br /><span style="font-weight:bold;">တစ်ခွန်းစကား</span><br /><br />ရနံကိုတော့ရတယ်<br />ဒါပေမယ့်....ငါ့ကိုမွှေးတာမဟုတ်ဘူး ။<br />ဒီတောအုပ်ဒီကျောက်သားက<br />ရင်အုံ့မောက်မောက်နဲ့ပြားနေလိုက်တာ ။<br />ဘာဖြစ်လဲ<br />ငါဟာ....သိန်းငှက်တစ်ကောင်<br />ကိုယ့်လေးညှို့ကိုယ်ဆွဲပြီးထွက်ခဲ့တယ်...။<br /><br />တာရာမင်းဝေ<br />-<br /><br /><span style="font-weight:bold;">ကကြီး</span><br /><br />အဖေ့ရဲ့မျက်နှာမှာ<br />အင်္ဂတေအက်ကွဲရာ အမြောင်းမြောင်းနဲ့<br />အဖေ့ရဲ့အရိုးငေါငေါ လက်အစုံမှာလည်း<br />ဘယ်ဆီကူးမယ်မှန်းမသိတဲ့ ၀တ်မှုန်တွေလည်းပျံ့သင်းလို့<br />အဖေ့ရဲ့စိတ်အာရုံထဲ ငါဝင်ကြည့်တော့<br />လောကဓံရှစ်ပါးနဲ့ပိတယ်။<br />အဖေရယ်......<br />ကျောသက်သက်ကိုခင်းပြီး ကျွန်တော်ဝင်ထမ်းပေးပါ့မယ်<br />အဖေ့အတွက် နိုင်ရာဝန်ကို ကူမပေးရင်း<br />အဲ့ဒီလို.....ကကြီးမျိုးတော့<br />ကျွန်တော် ရေးချင်ပါသေးတယ်။<br /><br />တာရာမင်းဝေ<br />-<br /><br /><span style="font-weight:bold;">နဂါးချော့တေး</span><br /><br />ကလူ ..... ကလူ လို့<br />ငါ့ကိုဘယ်သူချော့ရဲသလဲ<br />တကယ်တော့ ချော့တယ်ဆိုတာ<br />ပျော့ပြောင်းစေလိုရုံတင် မကပါဘူး<br />ဖြေသိမ့်ပေးတဲ့ သဘောလဲပါတယ်<br />“ခရူး...ခရူး” တဲ့<br />မရဏမင်းက<br />နှာမှုတ်သံနဲ့ ငါ့ကိုချော့ပြီ<br />ခြောက်ခြားထိတ်လန့်စွာ....ငါ....ကျေးဇူးတင်ပါတယ်<br />သူ့ကိုမှ ခွင့်လွှတ်နားလည် နိုင်သေးရင်<br />ကျန်တဲ့သူတွေကို ဘာမှပြောစရာမရှိဘူး မဟုတ်လား…<br />နဂါးချော့ တေးသွားက<br />နည်းနည်းတော့ခါးတာပေါ့လေ…။<br /><br />တာရာမင်းဝေ<br />-<br /><br /><span style="font-weight:bold;">ပလုံ</span><br /><br />ရေထဲကိုခဲကျသွားတာလည်းဖြစ်နိင်တယ်....<br />ရေထဲက ငါးခုန်တက်လာတာလည်း ဖြစ်နိင်တယ်....<br />တစ်နေ့မှာ ငါ့အထ္ထုပ္ပတ္တိကို ငါဖွင့်ကြည့်လိုက်တယ်....<br />ဘယ်လိုဖြစ်သွားသလဲမသိဘူး...<br />“ပလုံ”<br /><br />တာရာမင်းဝေ<br />-<br /><br />အထက်ပါကဗျာတွေအကုန်လုံး ဖတ်ပြီးသွားရင် သူ ကွယ်လွန်ခါနီး စိတ်အခြေအနေကို မှန်းဆနိုင်မှာပါ။ သူ့ နောက်ဆုံးနှစ်များမှာ ကျွန်တော်နဲ့ ကြိမ်ဖန်များစွာ တွေ့ဆုံစကားပြောခဲ့ပါတယ်။ ထုတ်ဝေသူနဲ့ စာရေးဆရာတို့ ပြောသလို အလုပ်အကြောင်းတွေ မဟုတ်ပါဘူး။ အလုပ်အကြောင်းကို သူနဲ့ ကျွန်တော်ပြောရင် အလွန်ဆုံး နှစ်ခွန်းသုံးခွန်းတည်းပါ။ “ကျွန်တော် ဒီစာအုပ် ထုတ်ချင်တယ်”ဆိုရင် သူက “အေး… ထုတ်” “မထုတ်ပါနဲ့ကွာ” ဒီလောက်ပါပဲ။ စာမူခဆိုရင် တစ်ခါမှ ဘယ်ရွှေ့ဘယ်လောက်ပေးပါလို့ မတောင်းခဲ့ဘူးပါဘူး။<br /><br />ထားပါတော့။ အဓိကပြောချင်တာက သူ့ကဗျာတွေပါ။ သူ့ရဲ့ soul ကို အထက်ပါကဗျာများထဲမှာ တွေ့နိုင်ပါတယ်။ သူ တောင့်တနေတဲ့ မိသားစုဘ၀၊ သူ လိုအပ်နေတဲ့ “မိသားစုဘ၀” သူ့ရဲ့ အထီးကျန်ရက်စွဲတွေကို့ ကျွန်တော့်အနေဖြင့် ကဗျာထဲမှာ ဖတ်ခဲ့ရသလို သူ့နှုတ်ကဖွင့်ဟပြောတဲ့ စကားတွေလည်း ကြားခဲ့ရပါတယ်။ သေချာတာကတော့ သူ ကွယ်လွန်ခါနီးအချိန်မှာ သူ အရမ်း အထီးကျန်နေတယ် ဆိုတာပဲ။<br /><br />အရမ်း နှမျောမိပါတယ်။ နေချင်ရင် အချိန်တွေ အများကြီး ကျန်သေးတယ်။ သူ လောကကြီးဆီက အများကြီး ယူသွားခဲ့ပြီး သူ့ဆီက လောကကြီးက နည်းနည်းပဲပြန်ရခဲ့တာ အရမ်းနစ်နာပါတယ်။ သူ့ကို အများကြီး ညှစ်လို့ရပါသေးတယ်။ သူ တစ်ခါပြောဖူးတဲ့ သူရေးချင်နေတဲ့ ငါးအုပ်တွဲဇာတ်ကြီးဆိုရင် အင်မတန် ကြောက်ဖို့ ကောင်းပါတယ်။ ဇာတ်အိမ်ကလည်း အကြီးကြီးပါ။ ရေးမယ့်အကြောင်းကလည်း ရှယ်ပါပဲ။ ဒါပေမယ့်………………..ကိုရွှေဘုန်း………। ခင်ဗျားကိုကြည့်ပြီး ကျွန်တော် ပင်ပန်းလွန်းလို့ နောင်ဘ၀ အနုပညာရှင် မဖြစ်ပါစေနဲ့လို့ ဆုတောင်းပေးပါတယ်။<br /><br /><br /><span style="font-weight:bold;">မြေမှုန်လွင်</span><br /><br />[ဆရာတာရာမင်းဝေရဲ့ မထုတ်ဝေဖြစ်လိုက်တဲ့ “နက္ခတ်ရစ်သမ်” ကဗျာစာအုပ်ထဲက ကဗျာတွေကို ဆရာ့ရဲ့ အမှတ်တရဘလော့မှာ မျှဝေဖော်ပြဖို့ မိုးလှိုင်ညကနေတဆင့် ကြည်ဖြူစွာ ပေးလိုက်တဲ့အတွက် ကဗျာဆရာ မြေမှုန်လွင်ကို အထူးပဲ ကျေးဇူးတင်ရှိပါတယ်။ သြဂုတ်လ ၅ ရက်နေ့ ဆိုရင် ဆရာတာရာမင်းဝေ ကွယ်လွန်သွားခဲ့တာ ၂ နှစ်တင်းတင်း ပြည့်ခဲ့ပါပြီ။]<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-6305832217289717004?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com4tag:blogger.com,1999:blog-3877557490187777479.post-8896722557162625312007-08-21T12:36:00.000-07:002007-08-22T10:46:19.114-07:00ဓါးသွားပေါ်မှာ ကတဲ့ ဆပ်ကပ် (တာရာမင်းဝေ၊ ဝေမှူးသွင်) ကြက်ခြေခတ်နှစ်ခု၊ ၀တ္ထုလတ်နှစ်ပုဒ် သြဂုတ်လထုတ်မှ -<br /><br />( ၁ )<br />သူ နိုးထသောအချိန်မှာ နံနက်ခင်းက လင်းဝင်းအေးမြလျက်ရှိပေပြီ။ ခြံထောင့်မှ စံပါယ်ရုံများကလည်း ချီချီကြွကြွဖြင့် ဖြူဆွတ်လှပနေကြ၏။ စိမ်းမြသော သစ်ရွက်တို့တွင် နှင်းစက်ကလေးများ လက်ဖိတ်စိုအိနေပုံကို သူရပ်ကြည့်နေမိသေးသည်။<br /><br />သူ့စိတ်ထဲမှာ ကြည်နူးလာသည်။ ငြိမ်သက်နေရာမှ သူလှုပ်ရှားလာ၏။ သူသည် မည်သို့သော နေ့ကိုမဆို အလှတရားနှင့်အတူ မြင်တွေ့တတ်သည့် လူငယ်တစ်ဦးပဲ ဖြစ်လေသည်။ <br /><br />နံနက်စာစားပြီး၍ တိုင်းမဂ္ဂဇင်းအဟောင်းတစ်အုပ်ကို ဖတ်နေစဉ် ဌေးမြင့်သိန်း ရောက်လာသည်။<br />`လက်ဖက်ရည်ဆိုင် သွားရအောင်ကွာ´<br />ဌေးမြင့်သိန်းသည် အထက်တန်းကျောင်းမှာကတည်းက သူနှင့်တွဲခဲ့သော သူငယ်ချင်းဖြစ်၏။ တက္ကသိုလ်တွင် အဓိကယူသော ဘာသာရပ်ချင်း မတူသော်လည်း သူ့ကိုခင်မင်လှသော ဌေးမြင့်သိန်းက မည်သို့မျှ အသွားအလာမပျက်ခဲ့။ ကျောင်းပြီး၍ ၀ါသနာပါရာ နယ်ပယ်များသို့ အသီးသီး ခြေချကြပြီး သူငယ်ချင်းများ ကစဉ့်ကလျားဖြစ်ခဲ့ရာတွင်လည်း ဌေးမြင့်သိန်းကမူ သူ့အနီးမှ မကွာခဲ့။ သူတို့နှစ်ဦးက တွဲမြဲတွဲနေခဲ့ကြလေသည်။<br /><br />လက်ဖက်ရည်ဆိုင်မှာ ထိုင်ကြရင်း ဌေးမြင့်သိန်းက မထင်မှတ်သော မေးခွန်းကိုမေးသည်။<br />`မင်း ၀င်းဝင်းနွယ်ကို စိတ်မ၀င်စားဘူးလား´<br />`ဘာဖြစ်လို့မေးတာလဲ´<br />`ဘာမှမဖြစ်ပါဘူး၊ ငါသိချင်လို့´<br />`မင်းက ဘယ်လိုထင်မိလို့လဲ´<br />အေးအေးလူလူပြုံးရယ်ကာ တခွန်းချင်းပြန်မေးနေသော သူ့ကိုကြည့်ပြီး ဌေးမြင့်သိန်းက ရှုံ့မဲ့ ခေါင်းခါလေသည်။<br />`မင်းက မဟုတ်သေးပါဘူးကွာ´<br />`ဟ ဘာဖြစ်လို့လဲကွာ´<br />`ကောင်မလေးက ချစ်စရာလေးကွ၊ တော်လည်းတော်တယ်၊ မင်းကိုလည်း သံယောဇဉ်ရှိပုံရတယ်။ မင်းကသာ မတုန်မလှုပ်နဲ့၊ ဘာမှန်းမသိဖြစ်နေတာ´<br /><br />စူပွပွပြောနေသော ဌေးမြင့်သိန်းကိုကြည့်ပြီး သူရယ်နေလိုက်သည်။ ထွေရာလေးပါးတို့ကို အချိန်အတော်ကြာ ပြောဆိုနေကြပြီး ညနေစောင်းမှ ပြန်လာခဲ့ကြ၏။ သူလည်း အပြန်လမ်းမှာ ၀င်းဝင်းနွယ်ဆီ အတွေးရောက်သွားပါသည်။<br /><br />၀င်းဝင်းနွယ်သည် သူနှင့် ဌေးမြင့်သိန်း တက်ရောက်ခဲ့သည့် အထက်တန်းကျောင်းမှ တောက်ပထင်ရှားသော ကျောင်းသူတစ်ဦးဖြစ်၏။ သူတို့နှင့် တစ်ခန်းတည်းအတူ စာသင်ရသော သူငယ်ချင်းကျောင်းသူလည်း ဖြစ်လေသည်။ လှပသော၊ ချမ်းသာသော၊ ချစ်စဖွယ်ကောင်းသော၊ ကျောင်းစာထူးချွန်သော ထိုကောင်မလေးကို ကျောင်းသားများစွာက အတိုင်းအတာတစ်ခုအထိ စိတ်ကူးယဉ်ခဲ့ကြ၏။ (ထိုအထဲတွင် သူတော့ မပါခဲ့ချေ။)<br /><br />သူကတော့ စာသင်ခန်းထဲတွင် တိုးတိတ်စွာ နေတတ်သူသာဖြစ်၏။ အခြားကျောင်းများမှ ဤကျောင်းသို့ ပြောင်းရွှေကလာပြီးနောက် ကာလအတန်ကြာသည်အထိပင် သူ့ကို မည်သူကမျှ သတိကြီးကြီးမပြုမိအောင် နေနိုင်ခဲ့၏။ ၀င်းဝင်းနွယ်နှင့် သီဟတို့ အတန်းထဲမှာ အဆင့်`တစ်´ကို အပြိုင်ယူနေချိန်မှာ သူက အဆင့်`၃၀´ကျော်သာ အစဉ်ရသူဖြစ်၏။ (အခန်းထဲမှာ ကျောင်းသား ၇၀ နီးပါးရှိပါသည်။) ၀င်းဝင်းနွယ်နှင့် သီဟက ကျောင်းမှာ မသိသူမရှိသလောက် ကျော်ကြားလှချိန်မှာ သူ့အမည်ကိုမူ ကျောင်းသားအနည်းငယ် ကသာ မှတ်မှတ်ရရ ရှိကြသည်။ သို့တိုင်အောင် ထိုအထဲမှာ အချို့သောကျောင်းသားများက သူ့အမည် `ချမ်းငြိမ်း´ကို ငြိမ်းချမ်းဟုသာ ခေါ်နေခဲ့ကြ၏။<br /><br />အခြားကျောင်းသားများနှင့် မရောလွန်းသလို အထီးတည်းလည်း မနေခဲ့သောသူသည် သာမန်ကျောင်းသားတစ်ယောက်မျှသာ ဖြစ်ခဲ့ပါသည်။ ဗန္ဓုလအသင်းမှ အလှည့်ကျ တံမြက်စည်းလှည်းပေးသူ၊ ၀ါဆိုသင်္ဃန်းဖိုးကို မော်နီတာက အော်မတောင်းခင် ပေးလေ့ရှိသူ၊ လေ့ကျင့်ခန်းစာအုပ်ကို သတင်းစာစက္ကူဖြင့်သာ အဖုံးဖုံးသူ။ ထိုသို့ဖြင့်သူသည် မည်သို့မျှ မထူးခြားသော ကျောင်းသားတစ်ယောက်အဖြစ် ငြိမ်ငြိမ်သက်သက်ပဲ ပညာသင်ကြားခဲ့သူ ဖြစ်လေသည်။ <br /><br />တစ်နေ့မှာတော့ အချို့သော ကျောင်းသားများက သူ့ကို ထင်ထင်ရှားရှား သတိပြုမိ သွားကြလေ၏။ ၀င်းဝင်းနွယ်သည်လည်း ထိုနေ့မှစ၍ သူ့ကို စေ့စေ့ကြည့် သွားဖြစ်လေသည်။<br /><br />မြန်မာစာဆရာက သူတို့ထပ်ထားသော လေ့ကျင့်ခန်းစာအုပ်များကို စစ်ဆေးနေချိန်တွင် ဖြစ်၏။ အခန်းဝသို့ လက်ထောက်ကျောင်းအုပ်ရောက်လာပြိး ဆရာ့ကိုပြောသည်။<br />`ဆရာ.. ..ရုံးခန်းထဲမှာ ပညာရေးမှူးရုံးက ဧည့်သည်တွေရောက်နေတယ်၊ ကျောင်းသားတွေကို သင်ထားတဲ့ လေ့ကျင့်ခန်းစာအုပ် တစ်အုပ်နဲ့အတူ ဆရာ ခဏလိုက်ခဲ့ပါ။´<br /><br />ဆရာက `ဟုတ်ကဲ့´ ဟုဆိုပြီး စစ်ဆေးနေသော လေ့ကျင့်ခန်းစာအုပ်များထဲမှ စာအုပ်နှစ်အုပ်ကို ဆွဲထုတ်လိုက်၏။ ကျန်သောစာအုပ်များကို မော်နီတာကို ခေါ်ပေးလိုက်သည်။ ထို့နောက် သူယူထားသော စာအုပ်နှစ်အုပ်ကို ထောင်ပြကာ.. ..<br />`ကဲ.. ..ဆရာ သွားလိုက်ဦးမယ်။ လက်ရေးလှတဲ့ စာအုပ်နှစ်အုပ်ကို ဆရာယူသွားမယ် ဟုတ်လား။ တစ်အုပ်က ၀င်းဝင်းနွယ်ရဲ့ စာအုပ်ပဲ။ နောက်တစ်အုပ်က အင်း.. မောင်ချမ်းငြိမ်းတဲ့´<br /><br />ထို့နောက် အခန်းအပြင်သို့ ဆရာထွက်ရန် ပြင်သောအခါ ရပ်စောင့်နေသော လက်ထောက်ကျောင်းအုပ်က `တစ်အုပ်ဆိုရပါတယ် ဆရာ၊ လိုလိုမယ်မယ် ယူခိုင်းတာပါ´ ဟု လှမ်းပြော၏။ ဆရာ့ခြေလှမ်းတို့ တုံ့သွားကာ သူ့လက်ထဲမှ စာအုပ်နှစ်အုပ်ကို အပြန်အလှန် ငုံ့ကြည့် စစ်ဆေးလိုက်ပြီး.. ..<br />`ရော့.. ..၀င်းဝင်းနွယ်၊ မောင်ချမ်းငြိမ်းက ညည်းထက် လက်ရေးလှသဟေ့.. ..´<br /><br />၀င်းဝင်းနွယ်၏ စာအုပ်ကိုပြန်ပေးသွား၏။ သူ့စာအုပ်ကိုယူကာ ထွက်သွားသည်။ ၀င်းဝင်းနွယ်က ဆံပင်လေးများသပ်တင်ရင်း ကျန်ရစ်ခဲ့သည်။ ခဏကြာမှ နံဘေးမှ ကျောင်းသားများနှင့် ခေါင်းချင်းဆိုင်၍ စကားတီးတိုးပြော၏။ `ချမ်းငြိမ်းဆိုတာ ဘယ်သူလဲ´ ဟု မေးပုံရပါသည်။ ထိုသူငယ်ချင်းများကလည်း သိပုံမပေါ်ကြ။ နောက်တော့မှ သူ့ကိုသိသော ကျောင်းသူတစ်ဦး ညွှန်ပြလိုက်သည်။ ၀င်းဝင်းနွယ်က သူ့ဆီလျှောက်လာလေသည်။<br /><br />သူက ကွန်ပါချွန်ဖြင့် စက်ဝိုင်းတစ်ခုကို ရေးဆွဲနေချိန်ဖြစ်၏။<br />`ချမ်းငြိမ်း ငါ့ကိုနင့်စာအုပ်တစ်အုပ်လောက် ခဏပြစမ်းပါ´<br />`အေး.. ..အံဆွဲထဲမှာ ကိုယ့်ဘာသာ ထုတ်ယူလိုက်ဟာ´<br />သူက မော့၍ပင် မကြည့်ပဲ ပြောလိုက်သည်။ ၀င်းဝင်းနွယ်ထံမှ အေးမြသော သနပ်ခါးရနံ့က သူ့ဆီ လွင့်ပျံ့လာသည်။ ၀င်းဝင်းနွယ်က သူ့သမိုင်းမှတ်စုကိုထုတ်ယူ၍ သူ့လက်ရေးကိုကြည့်သည်ဟု ထင်သည်။ (သေသေချာချာ မမှတ်မိ။)<br /><br />ထိုစဉ် ဌေးမြင့်သိန်းက အသံသြသြကြီးဖြင့် ၀င်ပြောသည်။<br />`၀င်းဝင်းနွယ်.. ..ချမ်းငြိမ်းလက်ရေးကို လာကြည့်တာလား၊ ကြည့်သွား.. ကြည့်သွား.. ငါ့သူငယ်ချင်းက လက်ရေးသိပ်လှတယ်။ နင်တို့ သီဟတို့ အဆင့်တစ်ကို ဘယ်လိုရရ လက်ရေးမှာတော့ ငါ့သူငယ်ချင်းကို ဘယ်လိုမှ ယှဉ်မရဘူး။ မှတ်ထား.. ဟဲ..ဟဲ..ဟဲ..´<br /><br />အခန်းရှေကတွင် မောင်းချဓားလေးဖြင့် ခဲတံချွန်နေသော သီဟက ဌေးမြင့်သိန်းကို လှမ်းကြည့်သည်။ ထို့နောက် အကြည့်ကသူ့ဆီသို့ ရွှေကလာသည်။ သူကတော့ မသိချင်ယောင်ဆောင်ပြီး တွက်စရာရှိသည့် သင်္ချာကိုသာ ဆက်တွက်နေလေသည်။<br /><br />ထို့နောက်မှစ၍ တလျှောက်လုံးသိုသိပ်နေခဲ့သော သူ့ကျောင်းသားဘ၀လေးအပေါ် မျက်လုံးပေါင်းများစွာ ဖြတ်သန်းပျံဝဲလာကြတော့၏။<br /><br />မုံ့စားဆင်းချိန်များတွင် သူတို့ကျောင်းနှင့် မလှမ်းမကမ်းတွင်ရှိသော ခရစ်ယာန် ဘုရားရှိခိုးကျောင်းကြီးရှေ့၌ သူတစ်ယောက်တည်း သွားထိုင်နေတတ်၏။ အရိပ်အေးအေးအောက်မှ စိမ်းမြသော မြက်ခင်းပေါ်တွင်လည်း မျက်လုံးအစုံကိုမှိတ်၍ ငြိမ်းချမ်းစွာ လဲလျောင်းနေတတ်သည်။<br /><br />ဤနေရာဘက်သို့ လူအသွားအလာမရှိကြ၍ သူ့အတွက် အလွန်လွတ်လပ်လေသည်။ ရှင်းသန့်စင်ကြယ်သော ကောင်းကင်ကြီးကို ပေါ့ပါးစွာ ငေးကြည့်နေတတ်သည်။ ထိုသို့ပင် သူသည် နေ့ရက်ပေါင်းများစွာကို ပျောင်းညွတ်ကျေနပ်စွာ ဖြတ်သန်းလာခဲ့သူဖြစ်သည်။ သူ့ဘာသာ ရိုးစင်းလှသော နေထိုင်မှုသည် ကျန်လူများအတွက် အံ့သြငေးရီစရာ ဖြစ်နေကြောင်းကို တဖြည်းဖြည်းနှင့် သူသိလာရခြင်းဖြစ်၏။<br /><br />တစ်နေ့မှာ ဌေးမြင့်သိန်းက ပြောသည်။<br />`ဒီနေ့ ကျောင်းသူ ကျောင်းသားတွေအားလုံး ဘောလုံးပွဲ သွားကြည့်ရမယ်တဲ့ကွ၊ ပျော်စရာကြီး´<br />ထိုအခါကျမှ သူတို့ကျောင်းဘောလုံးအသင်း ဗိုလ်လုပွဲသို့ တက်သွားပြီဖြစ်ကြောင်း သူသိလေသည်။ မုန့်စားစောစောဆင်းပြီး ဘောလုံးကွင်းသို့ တစ်ကျောင်းလုံး သွားရောက်အားပေးကြရ၏။ သူသည် ကျောင်းသားအုပ်ကြီးထဲမှာ ရောနှော၍ ပါသွား၏။ ထိုဘောလုံးပွဲကို ရှေကဆုံးတန်းမှ သူထိုင်ကြည့်ခဲ့လေသည်။<br /><br />ဘောလုံးပွဲက ကြည့်ကောင်းလှပေ၏။ နှစ်သင်းစလုံး ပညာရော ကြိုးစားမှုပါ ညီမျှကြသည်။ အပြန်အလှန်ထိုးဖေါက်ကစားကြရင်း ပရိသတ်များကို ကြိတ်မနိုင်ခဲမရ ဖြစ်စေ၏။ နှစ်သင်းစလုံး၏ တိုက်စစ်မှူးများကလည်း ထူးချွန်လှ၏။ (သူတို့ကျောင်းအသင်းမှ တိုက်စစ်မှူးက သီဟဖြစ်သည်။)<br /><br />အချိန်စေ့သည့်တိုင် နှစ်ဂိုးစီသရေဖြစ်နေ၍ အချိန်ပို ထပ်ကစားကြ၏။ အချိန်ပိုစေ့ကာနီးမှ တစ်ဖက်အသင်းမှ တစ်ဂိုးထပ်ရသွားကာ အနိုင်ရသွားလေသည်။ ဘောလုံးပွဲကြီးက တရုန်းရုန်းဖြစ်နေတော့၏။<br /><br />သူတို့ကျောင်းမှ ကျောင်းသူကျောင်းသားအားလုံး ဘောလုံးကွင်းမှ အပြန်တွင် မအီမသာဖြင့် ခံပြင်းမှုန်တေနေကြ၏။ ဆရာ၊ ဆရာမများပင် ထိုသို့ဖြစ်သည်။ ဘောလုံးပွဲအကြောင်းကိုပဲ အားမလိုအားမရပြန်ပြော (ထိုအထဲမှာတော့ သူမပါချေ။) သူကတော့ သူ့ထုံးစံအတိုင်း ရှင်းလင်းကြည်လင်စွာပင်ရှိ၏။ <br />အားကစားဆရာက သူ့ကိုသတိထားမိပြီး မျက်လုံးကျယ်သွား၏။ `မင်းက ဘောလုံး ၀ါသနာမပါဘူး ထင်တယ်´ ဟုမေး၏။ `ပါပါတယ်´ ဟု သူပြန်ဖြေသောအခါ တစ်ချက်စိုက်ကြည့်ပြီး လှည့်ထွက်သွားလေသည်။ ကျန်သူများကတော့ ထိုအချိန်မှာ သူ့ကို ဘာမှ မပြောအားကြ။ နောက်သုံးလေးရက်ကြာမှ ဝေဖန်သံတို့ တဖြည်းဖြည်းချင်း ပျံ့ထွက်လာသည်။<br /><br />ပန်းချီဝါသနာပါသော မူမူက စပြောခြင်းဖြစ်၏။ `အဲဒီတုန်းက ချမ်းငြိမ်းကိုမြင်လိုက်ရတာ ငါတော့ ဘောလုံးပွဲရှုံးတာကို မေ့သွားတယ်။ သူ့မျက်နှာက ငြိမ်းအေးနေတာ စိတ်ချမ်းမြေ့စရာပဲ။ အံတကြိတ်ကြိတ်နဲ့ ပူလောင်ခက်ထန်နေတဲ့ လူတွေကြားမှာ သူက ထင်းကနဲပဲ။ ငါ့ စိတ်ထဲမှာ တစ်မျိုးကြီးဖြစ်သွားတယ်။´<br /><br />ထိုသို့သော စကားများကို မျက်လုံးလေးဝိုင်းပြီး မျက်နှာချင်းဆိုင်ထိုင်နေသူက ၀င်းဝင်းနွယ်ဖြစ်၏။ ဌေးမြင့်သိန်းတို့၊ ကျော်အောင်တို့က အခန်းထဲမှာ သူ့ကို ၀ိုင်းမေးနေကြတော့လည်း ၀င်းဝင်းနွယ်က ကြားနေရ၏။ ဌေးမြင့်သိန်းက သူ့ကို နားမလည် ဖြစ်နေလေသည်။<br />`မင်းက ငါ့ဘေးမှာ ဘောလုံးပွဲကြည့်တာပဲ။ စိတ်ဝင်တစားကြည့်တာလည်း ငါသတိထားမိတယ်။ ဒါပေမဲ့ ကိုယ့်ကျောင်းရှုံးတာကို မင်းဘာမှလည်း မခံစားရပါလား၊ ဘာမှ မဖြစ်သလိုပဲ၊ ဘယ်လိုကြီးလဲဟ´<br /><br />ပထမတော့ ဘာမှပြန်မပြောပဲ သူရယ်၍သာ နေလိုက်သည်။ နောက်တော့ ကျော်အောင်တို့ကပါ `အေးလေ ဟုတ်တယ်´ ဘာညာ ၀င်ပြောကြသဖြင့် သူဖြေရလေသည်။<br />`ငါက ဘောလုံးပွဲပညာကိုပဲ အဓိကထားကြည့်တာကွ။ အပေးအယူ၊ အလိမ်အခေါက်၊ အဖြတ်အတောက်.. အဲဒါတွေကို ဘယ်လိုလေ့ကျင့်ခဲ့ပြီး ဘယ်လိုအသုံးချသလဲ။ ဘယ်လိုအခြေအနေမှာ ဘယ်လိုလုပ်သလဲ၊ အဲဒါတွေကိုပဲကြည့်တာ။ နှစ်သင်းစလုံးကို ငါ အားပေးတယ်။ နိုင်တာရှုံးတာတွေကိုလည်း ငါ မကြည့်ဘူး။ မင်းတို့ကတော့ တို့အသင်း ရှုံးလို့ မဖြစ်ဘူးဆိုတဲ့ ပူပင်သောကတွေနဲ့ ကြည့်ပြီး ဆွေ့ဆွေ့ခုန်နေကြတာကိုး။ အဲဒီလို ဘယ်ဟုတ်မလဲကွာ၊ မျှမျှတတ ကြည့်ရမှာပေါ့´<br />`အဲ.. ..´<br />ဌေးမြင့်သိန်း အမ်းသွားစဉ် ကျော်အောင်က ၀င်ပြောသည်။<br />`အခုဟာက ငါတို့ကျောင်းအသင်းနဲ့ ကန်တာပဲ ငါတို့ကျောင်းဘက်က အားပေးရမှာပေါ့ဟ´<br />သူက ခေါင်းခါပြလိုက်သည်။<br /><br />`ငါ့မှာ အဲဒီလိုမျိုးအစွဲတွေ မရှိဘူးကွ။ ရှိတယ်ထားဦးတော့ကွာ၊ ငါတို့ကျောင်းကို ငါတို့ချစ်သလို သူတို့ကျောင်းကိုလည်း သူတို့ချစ်မှာပေါ့။ အတူတူပါပဲ၊ ကိုယ်တို့ကမှ နိုင်ပြီး သူတို့ကျတော့ ရှုံးစေဆိုတဲ့ အယူမျိုးလည်း မရှိသင့်ပါဘူး။´<br />`မင်းက တစ်မျိုးပါလား´<br />`ငါက ရိုးရိုးလေးဟ၊ မင်းတို့က တစ်မျိုးဖြစ်နေကြတာ.. ..´<br /><br />ထို့နောက် ရယ်ကြရလေတော့သည်။ သူက စကားနည်းသည့်အပြင် ငြင်းခုံလေ့လည်း မရှိသဖြင့် ဆွေးနွေးမှုက အကျယ်တ၀င့် မဖြစ်လိုက်ကြပါ။ သို့သော် ထိုကိစ္စက ပြီးမသွားပဲ အားကစားနည်းပြဆရာနှင့် ဆက်ပြောရသေး၏။ (ဘာမှမဟုတ်သော ကိစ္စလေးကလည်း တစ်ခါတစ်ခါ စကားအတော်ပြောရလေသည်။)<br /><br />နောက်တစ်နေ့မှာ အားကစားဆရာနှင့် သူနှင့် ရုံးခန်းထဲမှာတွေ့ကြခြင်းဖြစ်သည်။ လက်ရေးလှသည့် ကျောင်းသားနှစ်ဦး ရုံးခန်းမှာ စာကူရေးပါဟု လာခေါ်သဖြင့် သူနှင့် ၀င်းဝင်းနွယ် ရောက်သွားကြသည်။<br /><br />သူတို့နှစ်ယောက် စာထိုင်ရေးနေချိန်မှာ အားကစားဆရာက သူ့ကို ကျော်အောင်တို့၊ ဌေးမြင့်သိန်းတို့ ပြောသလိုပင် လာပြောနေခြင်းဖြစ်၏။ နံဘေးမှ ဆရာမတစ်ယောက်ကိုလည်း ခပ်ညည်းညည်းလေသံဖြင့် လှည့်ပြောလိုက်သေး၏။<br />`အဲဒါပါပဲ ဆရာမရဲ့၊ တချို့ကလေးတွေက အောင်ပွဲရဲ့တန်ဖိုးကို နားမလည်ကြဘူး။´<br />ထိုသို့ဖြင့် အားကစားဆရာပြောနေသော စကားများထဲတွင် သူသည် တရားခံတစ်ယောက်လို ပါဝင်လာသည်။ ခပ်ညံ့ညံ့၊ ခပ်ပေါ့ပေါ့ ပြိုင်ပွဲတစ်ခုကို အောင်နိုင်စွာ ဖြတ်သန်းနိုင်ဖို့အရေးတွင် ရပ်တည်ချက်ပြတ်သားသော ပရိတ်သတ်တစ်ဦးအဖြစ်ပင် အားမပေးရဲသူ ထိုသို့ ဖြစ်လာသည်။<br />`ဒိုင်းက လက်တစ်ကမ်းရောက်နေပြီ ဆရာမရယ်၊ နိုင်အောင်ကန်ရမဲ့ပွဲ၊ မနိုင် နိုင်အောင် လုပ်ရမယ့်ပွဲ၊ ခုတော့.. ..အင်း´<br /><br />ထိုအချိန်မှာ သူနှင့် ခေါင်းချင်းဆိုင်၍ စာရေးနေသော ၀င်းဝင်းနွယ်က မျက်တောင်လေး ပုတ်ခတ် ပုတ်ခတ်လုပ်ပြီး..<br />`ဒါနဲ့များ.. ..ဆရာတို့ပြောပြောနေတော့ ယှဉ်ပြိုင်ခြင်းသာ အဓိက၊ အရှုံးအနိုင်က သာမည.. ဆို..´<br />`ဟေ.. ´<br /><br />ထိုဆရာ ပါးစပ်အဟောင်းသား ဖြစ်သွား၏။ ထို့နောက်မှ မျက်နှာကြီး ညိုပုပ်ကာအပြင်ထွက် သွားတော့၏။ သူနှင့် ၀င်းဝင်းနွယ်လည်း တစ်ယောက်မျက်နှာ တစ်ယောက်ကြည့်ပြီး ပြိုင်တူ ရယ်လိုက်မိကြသည်။ (ဆရာမကပါ လိုက်ရယ်ပါသည်။) ၀င်းဝင်းနွယ်နှင့် သူလည်း ထိုထက်ပို၍ မရင်းနှီးခဲ့ပါ။ မည်သည့်စကားကိုမှလည်း ကမ်းတ၀င်ပြောမနေခဲ့ကြ။ တစ်ခါတစ်ခါ သူ့ကို ငေးကြည့်နေတတ်သည့် ၀င်းဝင်းနွယ်၏ မျက်လုံးဝိုင်း ကလေးများကိုတော့ သူ သတိထားမိခဲ့လေသည်။<br /><br />အချို့နေ့များ၌ ကျောင်းသို့ အချိန်စော၍ သူရောက်တတ်ပါသည်။ ထိုအခါမျိုးတွင် စာရေးခုံမှာ ထိုင်လျက် ရှင်းနက်နေသော ကျောက်သင်ပုန်းကြီးကို သူ မမှိတ်မသုန် စိုက်ကြည့် နေတတ်သည်။<br /><br />ထို့နောက်တွင်တော့ စူးရှသော ဘဲလ်မြည်သံနှင့်အတူ ကျောက်သင်ပုန်းပေါ်မှာ အင်ဒီးစ်တောင်တန်းကြီးပေါ်၌ သစ်ပင်တွေ ကွေးကွေးကိုင်းကိုင်း ပေါ်ပေါက်လာပြီး ၀ုန်းဆို မီးတောင် (Volcano) ကြီးများ ကွဲအက်ကာ ချော်ရည်ပူများ တအိအိစိမ့်ပွက်လာသည်။ ထိုချော်ရည်ပူများထဲမှာ ရောဘတ်အိုဝင်က သမ၀ါယမကျေးရွာကို ထူထောင်ဆဲ၊ ဟစ်တလာက ပိုလန်ကို ကန့်လန့်ကာခွဲကာ ၀င်ရောက်လာသည်။ ထိုသို့ဖြင့် အိုင်ဇက်နယူတန်ပေါ် ပန်းသီးကြွေကျပြီးသောအခါ အချုပ်တန်းဆရာဖေက တေးထပ်တစ်ပုဒ် ရွတ်ပြ၏။<br /><br />နောက်ဆုံး ဘဲလ်မြည်သံ စူးစူးဝါးဝါးအော်မြည်ပြီး စာသင်ခန်းထဲမှာ သူတစ်ယောက်တည်း ကျန်ခဲ့သော အခါ မျဉ်းကွေး မျဉ်းကောက်နှင့် အက္ခရာများ လိမ်ရှုပ်ထွေးနေသော ကျောက်သင်ပုန်းကို ဘောဖျက်ဖြင့် ပြန်ဖျက်၏။ ပြန်လည်ကြည်လင် ရှင်းနက်သွားသော ကျောက်သင်ပုန်းကို ငြိမ်သက်စွာဖြင့် သူ ထပ်ကြည့်နေခဲ့သည်။<br /><br />ထိုသို့ဖြင့် စာသင်နှစ်နောက်ပိုင်းကျသော နေ့တစ်နေ့တွင် အတန်းပိုင်ဆရာမ၏ ပြောစကားတစ်ခွန်းကြောင့် အားလုံးက သူ့အပေါ် ငေးမော့ ကြည့်ခဲ့ကြပြန်၏။<br /><br />ဆရာမက ကျောင်းသားများကို အောင်စာရင်းကတ်ပြားများ ဝေ၏။ (သူက အဆင့် ၃၀ကျော်မှာပဲ ဖြစ်၏။) ထို့နောက် ဆရာမက အခန်းရှေကမှာ တည်တည်ကြည်ကြည် ရပ်ကာ.. ..<br />`ဒီအခန်းမှာ အင်မတန် ထူးချွန်တဲ့ ကျောင်းသားသုံးယောက်ရှိတယ်´<br />အဆင့်တစ်က သီဟလား၊ ၀င်းဝင်းနွယ်လားဟု သူကွဲပြားစွာ မသိလိုက်ချေ။ အဆင့်သုံးကိုလည်း မျိုးထွန်းနျင့် မီမီဝင်းမောင်တို့ နှစ်ယောက်အနက် တစ်ယောက်ယောက်က ရသည်ဟု ထင်သည်။ သို့သော် အခန်းထဲမှာ ပြောဆိုဝေဖန်နေကြသော စကားသံများအရ အဆင့် ၁၊ ၂ ရသူနှစ်ယောက်နှင့် ကျန်သူများက အမှတ်ကွာလွန်းကြောင်းကို သူရိပ်မိ၏။<br /><br />ယခု.. ..ဆရာမက ထူးချွန်သော ကျောင်းသား သုံးယောက်ဟု ဆိုသောအခါ တစ်ခန်းလုံး နားစွင့်နေကြလေသည်။<br /><br />`ဒီအခန်းထဲမှာ ထူးချွန်တဲ့ ကျောင်းသားသုံးယောက်ရှိတယ်။ ဒီသုံးယောက်ကို တခြားအခန်းက ကျောင်းသားတွေကလည်း မမီကြဘူး။ ဒီသုံးယောက်ထဲမှာ နှစ်ယောက်ကတော့ မင်းတို့သိတဲ့ အတိုင်း သီဟနဲ့ ၀င်းဝင်းနွယ်ပဲ´<br /><br />အားလုံးက ငြိမ်သက်စွာ နားထောင်နေကြ၏။ ဆရာမက သီဟနှင့် ၀င်းဝင်းနွယ်ကို အကဲခတ်သလို တစ်ချက်ကြည့်ပြီးမှ `နောက်တစ်ယောက်ကတော့ ချမ်းငြိမ်းပဲ.. ..´<br />ကျောင်းသားများက သူ့ကို မယုံကြည်နိုင်သလို လှည့်ကြည့်ကြ၏။ နံဘေးမှာရှိသော ဌေးမြင့်သိန်းကလည်း သူ့ပခုံးကို တွန်းလှုပ်၏။ သူ့မျက်နှာကတော့ ဘာမှ မပြောင်းလဲခဲ့ပါ။<br />`ချမ်းငြိမ်းဟာ အမြဲတမ်း အဆင့် ၃၀ကျော်တယ်။ အရည်အချင်းစစ် ကတ်ပြားမှာ (သင့်) ပေးရတဲ့ ကျောင်းသားပေါ့။ ဒါပေမဲ့ သူ့မှာ လျှို့ဝှက်ချက်တခုရှိတယ်။ ဆရာမကိုယ်တိုင်လည်း ဟိုတစ်နေ့ကမှ တခြားဆရာ ဆရာမတွေနဲ့ စကားစပ်မိပြီး သိတယ်..´<br /><br />ဆရာမက စကားကို ခဏနား၏။ အားလုံးက သူ့စကားကို အတော်ကြီး စိတ်ဝင်စားနေသည်ကို မြင်ရမှ ကျေနပ်သွားဟန်ဖြင့် စကားကို ဆက်၏။<br />`ဆရာမရဲ့ ပထ၀ီဘာသာမှာ ချမ်းငြိမ်းဟာ ပုစ္ဆာအကုန် မဖြေဘူး။ အမြဲတမ်း အမှတ်(၇၀)ဖိုး ပဲဖြေတယ်။ ဟိုတစ်နေ့က ရုံးခန်းထဲမှာ တခြားဆရာ ဆရာမတွေက ပြောလို့သိရတာ။ ဒီအခန်းက ချမ်းငြိမ်းဟာ သူတို့ဘာသာတွေမှာ အမြဲတမ်း အမှတ်(၇၀)ဖိုးပဲ ဖြေတယ်တဲ့.. ..´<br /><br />အခန်းထဲမှာ စကားသံတို့ အုပ်ဆိုင်းဆိုင်း ထွက်ပေါ်လာသည်။ ဆရာမက လက်ကာရင်း ပြုံး၏။<br />`သူမဖြေပဲ ချန်ထားတဲ့ (၃၀)ဖိုးက အလွယ်ဆုံးပုစ္ဆာတွေချည်းပဲ´<br />ထို့နောက် ဆရာမက ကျန်ကျောင်းသားများကိုလည်း ကြိုးစားရန် တိုက်တွန်းသည်။ ထိုစကားတို့ကိုတော့ ကျောင်းသားများက သိပ်စိတ်မ၀င်စားကြတော့ချေ။ သူနှင့် ပါတ်သက်သော ဝေဖန်ချက်များကိုသာ တီးတိုးပြောဆိုနေကြတော့၏။<br /><br />ဆရာမထွက်သွားပြီး ကျောင်းစာအုပ်တစ်အုပ်ကို သူထုတ်ဖတ်နေချိန်မှာ သီဟ ရောက်လာ၏။<br />`ချမ်းငြိမ်း´<br />သူမော့ကြည့်လိုက်၏။ သီဟက သူ့ကို စူးစူးကြည့်ပြီး လက်ကမ်းပေးသည်။ သူကလည်း အေးအေးဆေးဆေးပဲ ပြန်လည် လက်ဆွဲနှုတ်ဆက်လိုက်သည်။ မျက်လုံးပေါင်းများစွာက ၀ိုင်းကြည့်နေပြီး ထိုအထဲတွင် ၀ိုင်းစက်လှပသော မျက်လုံးလေး တစ်စုံလည်း ပါဝင်လေသည်။<br /><br />( ၂ )<br />သူ၏ အခန်းသည် အစစအရာရာ ကင်းရှင်းတိတ်ဆိတ်နေသော အခန်းဖြစ်သည်။ အပြာရောင် ဆေးသုတ်ထားသည်ကလွဲ၍ အခြားမည်သည့် အဆင်အယင်မျှ မရှိချေ။<br /><br />သူ့ခေါင်းရင်းနံရံတွင်မူ သင်္ချာကိန်းတန်းတစ်ခုကို ရေးထိုးထား၏။ မည်သည့်အဓိပ္ပါယ်ဖြင့် သူရေးထိုးထားသည်ဟုတော့ မည်သူကမျှ မသိကြချေ။ မေးသူလည်း သိပ်မရှိလှသည့်အပြင် မေးသူတိုင်းကိုလည်း သူမဖြေခဲ့၍ဖြစ်သည်။ ငယ်စဉ်က ဥာဏ်စမ်းသင်္ချာလေးတစ်ပုဒ်ကို ပြင်းထန်တက်ကြွစွာ ဖြေဆိုလိုက်မိသည်၏ နောက်ပိုင်းမှာ ဤကိန်းတန်းကို သူရေးထိုးခဲ့ခြင်း ဖြစ်သည်။ ထိုအချိန်ပိုင်းမှာပင် လောကနှင့် ပါတ်သက်သည့် ရှင်းလင်းသော အဖြေတစ်ရပ်ကို သူရခဲ့လေသည်။<br /><br />ထိုစဉ်က သူငယ်ချင်းတစ်ယောက် တွက်မရသော သင်္ချာဥာဏ်စမ်းပုစ္ဆာတစ်ပုဒ်ကို အိမ်သို့ယူလာကာ သူတွက်ခြင်းဖြစ်၏။ သူ့ သူငယ်ချင်းက လက်လျှော့လိုက်ရ လောက်အောင်ကို ပုစ္ဆာကလည်း ခက်လေသည်။ သူကြိုးစား ဂရုစိုက်၍တွက်ရင်း ရူးချင်ချင်ဖြစ်ခဲ့ ရပါသည်။ မည်သို့မျှ တွက်မရခဲ့။ သို့သော် သူကလည်း အရှုံးမပေးခဲ့။<br /><br />ထိုသို့ဖြင့် ထိုပုစ္ဆာကြီးကို တစ်လနီးပါး အချိန်ပေးတွက်ချက်ခဲ့ရပြီး နောက်ဆုံးမှာ အဖြေထွက်အောင် သူတွက်လိုက်နိုင်သည်။ ထွက်လာသော အဖြေကိုကြည့်ပြီး သူ မယုံကြည်နိုင်လောက်အောင် ဖြစ်ခဲ့ရပြန်သည်။<br /><br />ထိုပုစ္ဆာကြီးတွင် ကိန်းဂဏန်းများကို အမျိုးမျိုးပြဌာန်း ထိုးကျွေးထား၏။ မေးခွန်း၏ အလှည့်အကွေ့ကလည်း သပွတ်အူဆန်လွန်းလှပါသည်။ ထိုပုစ္ဆာကြီးကို ခံစားချက်များစွာဖြင့် သူရင်းနှီးတွက်ချက်ခဲ့ရပြီး နောက်ဆုံးရရှိလိုက်သည့် အဖြေမှန်က `သုည´ ဖြစ်သည်။<br /><br />ဒါများကွာ.. ..ဟု ညည်းတွားပြီး နံရံကိုပင် သူဆောင့်ကန်လိုက်မိသေးသည်။ ခုတင်ပေါ်မှာ မောပန်းလဲလျောင်းရင်း ထိုပုစ္ဆာကြီးကို သူကြိုးစားအဖြေရှောနရစဉ်က အခါခါဖြစ်ခဲ့ရသည့် ခံစားချက်များကို ပြန်မြင်ယောင်ကာ တစ်စုံတစ်ရာကို နာကြဉ်းလာမိ၏။<br /><br />ထိုရက်ပိုင်းအတွင်းမှာပင် လောကကြီးကလည်း ဒီပုစ္ဆာကြီးလိုပါပဲလား ဟူသောအတွေးကို သူရလာ၏။ ဆန့်ကျင်ဘက်တို့ဖြင့် ကုပ်သပ်ရံခွကာ တည်ဆောက် ထောင်မတ်ပြသထားသည့် လောကကြီးသည် ရုပ်ဖျက်ထားသည့် `မာယာ´ သာဖြစ်သည်။ ပျော်ရွှင်ခြင်း၊ ၀မ်းနည်းခြင်း၊ ချစ်ခင်ခြင်း၊ မုန်းတီးခြင်း၊ ချမ်းသာခြင်း၊ ဆင်းရဲခြင်း စသည်တို့ အားပြိုင်မှုများကြားမှ မရှိသည်တို့ကို ရှိသည်ဟု ထင်လာရအောင် မျက်လှည့်ပြနေခြင်းသာ ဖြစ်သည်။ ထို့ကြောင့် သူ၏ ခေါင်းရင်းဘက်နံရံတွင် [A+B+C-A-B-C=0] ဟူသည့် ကိန်းတန်းကလေးကို ရေးလိုက်၏။ ဘာကိုမှ ယုံကြည်စရာမရှိသော လောကကြီးထဲမှာ ဘာကိုမှလည်း တပ်မက်တွယ်တာမှု သူမထားတော့ချေ။<br /><br />ထိုသို့ဖြင့် သူ့ဘ၀မှာ တည်ငြိမ်အေးချမ်းလာ၏။ သာမန်ကျောင်းသား တစ်ယောက်အဖြစ်နှင့်ပဲ တက္ကသိုလ်မှ သာမန်ဘွဲ့တစ်ခုကို ယူခဲ့၏။ ပုံမှန် စီးပွါးရေးတစ်ရပ် အနေနှင့် ပန်းချီပြခန်းတစ်ခုကို ဖွင့်ထား၏။ တစ်ခါတစ်ခါမှာတော့ သူ့အဖေ၏ အဆောက်အအုံ ကန်ထရိုက်လုပ်ငန်းကို အဖေ့ကိုယ်စား ၀င်ရောက်အုပ်ချုပ်ပေးရတတ်သည်။ ရှုပ်ထွေးလှသော ထိုအလုပ်များကလည်း သူ ကိုင်တွယ်လိုက်လျှင် ရှင်းလင်းစွာ ပြီးဆုံးသွားကြသည်ပဲဖြစ်သည်။ အချို့သော လုပ်ဖေါ်ကိုင်ဖက်များက သူ့ကို အရမ်းအံ့သြကြလေသည်။ <br /><br />သူက ကိုယ့်ကိုယ်ကို လေထဲမှာ မျောနေသည့် ဆပ်ပြာပူဖေါင်းလေးတစ်လုံးပဲ သဘောထားသူဖြစ်သည်။ ရှင်းလင်းပေါ့ပါး၏။ တိတ်ဆိတ်ငြိမ်သက်၏။ လျှပ်တစ်ပြက်အတွင်း ကွယ်ပျောက်သွားမည့်သူပဲဖြစ်သည်။ သူ့ထံမှာ မည်သည့်အရာမှ စွန်းငြိတွယ်ကပ်၍ ပါမလာခဲ့ပါချေ။ နက်ရှိုင်းသော ဘ၀အမြင်တစ်ခုကို ပိုင်ဆိုင်ခဲ့ပြီးဖြစ်၍ သူ့အတွက် တခြား ပိုင်ဆိုင်စရာလည်း ဘာမှမလိုအပ်တော့..။<br /><br />သူသည် လွတ်လပ်၏။ အချည်အနှောင် ကင်းမဲ့၏။ တုန်လှုပ်ချောက်ချားမှု ကင်းမဲ့၏။ လောကကြီးကို ထိုသို့သူဖြတ်သန်းခဲ့လေသည်။<br /><br />တစ်ခါတော့ လမ်းထဲမှ မိတ်ဆွေတစ်ယောက်နှင့် ကိုကာကိုလာ ထိုင်သောက်ရင်း စကားတစ်ခွန်းပြောခဲ့၏။ နောက်ပိုင်းမှာတော့ ထိုစကားကို မည်သူ့မှ မပြောမိချေ။<br /><br />ထိုစဉ်က သူ့မိတ်ဆွေသည် စီးပွါးရေးလုပ်ငန်းများထဲ မောဟိုက်စွာ ကူးခတ်နေသူဖြစ်သည်။ လုပ်ငန်း၏ တိုးတက်မှု၊ ဆုတ်ယုတ်မှုအခြေအနေများ၊ ကြိုးစားမှု ထပ်ဆင့်တည်ဆောက်မှု အတိုင်းအတာများကိုလည်း ခန့်ညားကြီးမားစွာ အေးဆေးစွာပဲ နားထောင်နေခဲ့၏။<br /><br />သူ့မိတ်ဆွေက ထိုအပင်ပန်းခံခဲ့မှုများကို ဂုဏ်ယူဝံ့ကြွားစွာ ညည်းညူပြပြီးနောက် သူ့ကိုတစ်ချက်ကြည့်ကာ `ခင်ဗျားလို နေချင်စမ်းပါဘိဗျာ´ ဟုပြော၏။ အသံက လှောင်ပြောင်သရော်သံ ဖြစ်သည်။ သူ့ကို နေစိမ့်သူ၊ မလေးနက်သူ၊ အပူအပင်ကင်းသူဟူ၍ သတ်မှတ်ထားသော လေသံဖြစ်သည်။ သူ စိတ်မဆိုးပါ။ မိတ်ဆွေပြောနေသည်များကိုသာ ပြုံးလဲ့လဲ့ဖြင့် နားထောင်နေခဲ့၏။<br /><br />အတော်ကြာမှ မိတ်ဆွေကမောပြီး စကားပြော ရပ်သွားသည်။ ကိုကာကိုလာကို ကုန်အောင်သောက်သည်။ ဟူးကနဲ လေပူကြီးတစ်ချက်ကို မှုတ်ထုတ်ကာ အဝေးကို ငေးနေတော့၏။ ထိုအခါကျမှ သူက.. ..<br />`ဒီလောကကြီးကို မလွှဲသာပဲ ဖြတ်သန်းနေရသမျှမှာ ကျွန်တော်ဟာ ဥပဒေသလေးတစ်ရပ်ကို လက်ကိုင်ထားတယ်ဗျ။ `၀င်သက်ထွက်သက် ဥပဒေသ´ လို့ ဆိုကြပါစို့ဗျာ..´<br /><br />မိတ်ဆွေက ကြောင်အမ်းအမ်းမျက်နှာထားဖြင့် သူ့ကိုလှည့်ကြည့်သည်။ သူက မိတ်ဆွေကို မကြည့်ပဲ ဆက်ပြောလိုက်၏။<br />`လူတွေ အသက်ရှုာကတဲ့အခါ ဘယ်သူမှ အင်ကြီးအားကြီး စိုက်ထုတ်ပြီး မရှုကြဘူးဗျ။ ပုံမှန် အားလေးတစ်ရပ်နဲ့ပဲ ဘာသိဘာသာ ရှုသွားကြတာ။ အဲဒီလိုပဲ ကျွန်တော်လည်း ဘ၀မှာ အင်ကြီးအားကြီး ပုံအောစိုက်ထုတ်ပြီး မနေခဲ့ဘူး။ သဘာဝကျကျ လည်ပတ်နေတဲ့ ရစ်သမ်တွေ အချိုးအစားပျက်သွားအောင် ဘာကိုမှ မလုပ်ခဲ့ဘူး။ ဘယ်အလုပ်အတွက်မဆို ကျွန်တော်ပေးတဲ့ `အား´က အသက်ရှုတဲ့နေရာမှာပေးတဲ့ `အား´လောက် ပါပဲ။ Forceless Force ပေါ့ဗျာ။ အဲဒီလိုရပ်တည်တာ ဘယ်လောက်မှန်ကန်ပြီး အဲဒီလို မရပ်တည်မိရင် ဘယ်လောက် အန္တရာယ်များတယ် ဆိုတာကိုတော့ ကိုယ်တိုင်ခံစားရမှ ခင်ဗျားသိနိုင်မယ်။ အဲဒါကတော့ ကျွန်တော့် ဥပဒေသရဲ့ ပထမ အချက်ပေါ့ဗျာ´<br /><br />သူ့စကားများကြောင့် သူ့မိတ်ဆွေ၏ မျက်လုံးတို့က ပြူးထွက်လာ၏။ ပါးစပ်ကြီးလည်း ဟနေလေသည်။<br />`ဒုတိယ အချက်ရှိသေးတယ်။ လူတွေဟာ ၀င်သက်ထွက်သက်တွေ အများကြီး ရှုရှိုက်ခဲ့တယ်။ နောက်ထပ်လည်း အများကြီးရှုရှိုက်ရဦးမယ်။ ပင်ပန်းလိုက်တာ ရင်မောစရာကြီးပါလားလို့ ဘယ်သူကမှ မတွေးကြဘူးလေ။ အဲဒါမှန်တယ်၊ အခုရှုရမယ့် ၀င်သက်ကိုရှုတယ်၊ ပြီးရင် ပြန်ထုတ်တယ်။ နောက်ရှုတယ်။ ပြီး.. ..ထုတ်တယ်။ လုပ်ရမဲ့အချိန်မှာ လုပ်စရာရှိတာကိုပဲ လုပ်လိုက်တယ်။ ပြီးခဲ့တာတွေကိုလည်း မတွေးဘူး။ မရောက်သေးတဲ့အချိန်ကိုလည်း မပူပင်ဘူး။ ကျွန်တော်ဟာ ဘာကိုပဲလုပ်လုပ် ဒီသဘောအတိုင်းလုပ်တယ်။ အလုပ်တစ်ခုကို ၀င်သက်နဲ့ရှုပြီး ထွက်သက်နဲ့အတူ ပြန်ထုတ်လိုက်တယ်။ ကျွန်တော့မှာ ဘယ်လို လေးလံဖိစီးမှုမှ မရှိဘူး။ ကျွန်တော့်စိတ်ထဲမှာ လက်ရှိအချိန်နဲ့ လက်ရှိအလုပ်ကိုပဲ ယူထားပြီး အဲဒါတွေမရှိတာနဲ့ ဘာမှ မရှိတော့ဘူး။ ခင်ဗျားနားလည်လွယ်ဖို့ အနီးစပ်ဆုံးစကားလုံး ပေးရမယ်ဆိုရင်တော့ Now & Here ပေါ့ဗျာ။<br /><br />ထို့ထက်ပို၍ ဘာကိုမှ သူမပြောလိုက်။ စကားဝိုင်းက အတန်ကြာငြိမ်သက်သွားသည်။ ထို့နောက်မှ မိတ်ဆွေက `ဆောရီး´ ဟုဆိုကာ သူ့ကို လက်ဆွဲနှုတ်ဆက်သည်။ ထိုလက်ဆွဲနှုတ်ဆက်မှုကြောင့် ထိုညက သူ.. ..သီဟအကြောင်း စဉ်းစားဖြစ်လေသည်။<br /><br />ဆယ်တန်းစာမေးပွဲဖြေရခါနီး အထက်တန်းကျောင်းမှာ နောက်ဆုံးနေခဲ့ရသောနေ့က သူ့ကို ကျော်အောင်က စကားတစ်ခွန်းပြောသည်။<br />`ငါ.. ဒီကျောင်းမှာတက်တာ အင်မတန် စိတ်ဝင်စားစရာကောင်းတဲ့ လူနှစ်ယောက်ကို တွေ့ခဲ့တယ်။ အဲဒီနှစ်ယောက်မှာ တစ်ယောက်ကတော့ မင်းပဲ ချမ်းငြိမ်း´<br /><br />ထိုသို့ပြောပြီး သူတို့လူချင်းကွဲသွားကြသည်မှာ ယနေ့ထက်တိုင်ဖြစ်၏။ (တက္ကသိုလ်သို့လည်း ကျော်အောင် ရောက်မလာခဲ့။) ကျော်အောင် ရည်ညွှန်းသွားသော စိတ်ဝင်စားစရာ လူနှစ်ယောက်အနက် ကျန်တစ်ယောက်မှာ `သီဟ´ ဖြစ်လေသည်။<br /><br />သီဟသည် လူလတ်တန်းစား မိသားစုတစ်ခုမှ ကြီးပြင်းလာသော လူတော်တစ်ယောက် ဖြစ်သည်။ ငယ်စဉ်ကတည်းက `ဓား´ များကို အလွန်မြတ်နိုးတတ်သည် ဟု တစွန်းတစ ကြားရဖူး၏။ သီဟက ငယ်စဉ်က ပွဲဈေးတန်းသွားတိုင်း ဓားကို ပူဆာတတ်ကြောင်း၊ ဘ၀မှာ အခက်အခဲ တစ်စုံတစ်ရာတွေ့လျှင် စားပွဲပေါ်မှာ ဓားမြှောင်တစ်လက်စိုက်ပြီး ကြည့်ငေးကာ အတွေးနယ်ချဲ့တတ်သော၊ ကွန်ဖူးသင်တန်းတစ်ခုမှာ ဓားပေါက် ပထမဆုရဖူးသော၊ ကိုယ်တိုင်လည်း ဓားတစ်လက်လို ထက်မြက်သော သီဟသည် အထက်တန်းကျောင်းကို အောင်မြင်ပြီးသောအခါ စက်မှုတက္ကသိုလ်သို့ ရောက်သွားလေသည်။<br /><br />ဘောလုံးကိုတော့ တစိုက်မတ်မတ် ဆက်ကန်ဖြစ်ပြီး ယခုအခါ ကျော်ကြားသော နိုင်ငံလက်ရွေးစင် ဘောလုံးသမားပင် ဖြစ်နေလေပြီ။ ၀ိဇ္ဇာသိပ္ပံတက္ကသိုလ်တွင် သူတို့၊ ဌေးမြင့်သိန်းတို့ ရှိနေခိုက် သီဟတို့ မကြာခဏ လာလည်တတ်သည်။ သီဟနှင့် ပါလာသောလူများမှာ အောင်ခိုင်၊ မောင်မောင်သန်း စသည့် ဘောလုံးကြမ်းပိုးများ ဖြစ်ကြ၏။ သူငယ်ချင်းများ နောက်ပြောင်ဆူညံနေကြပြီဆိုလျှင် သူက ခပ်လှမ်းလှမ်းမှ ပြုံးရယ် ရပ်ကြည့်နေခဲ့၏။ အထက်တန်းကျောင်းမှ လုံးဝမရင်းနှီးခဲ့သော သီဟက သူ့ကို အမြဲတမ်းပင် ပြုံးရယ်နှုတ်ဆက်သွားတတ်၏။<br /><br />သီဟသည် သူရဲကောင်းစိတ်ထားရှိသည့် လူငယ်တစ်ယောက်ဟု နားလည်သည်။ သီဟကိုကြည့်ရသည်မှာ ရှေးခေတ် ဂျပန်ပြည်မှ ဆာမူရိုင်းတစ်ယောက်ကို ကြည့်ရသလိုလည်းရှိ၏။ အကြောင်းအရာတစ်ရပ်အပေါ် လေးနက်တည်ကြည်စွာ စဉ်းစားနေသည့်အခါ ထက်မြက်သော ဓားတစ်လက်ကို ကြည့်မြင်ရသည်နှင့်လည်း တူပါသည်။ တစ်ခု သတိထားမိသည်က စက်မှုတက္ကသိုလ်မှာ ကျောင်းစာ၊ ဘောလုံးစသည်တို့ဖြင့် နာမည်ကြီးလှသော သီဟသည် ရည်းစား လုံးဝမရှိခဲ့ချေ။ (၀င်းဝင်းနွယ်ကို ကျိတ်ချစ်နေသည်ဟု အချို့ကပြောကြသည်။)<br /><br />သူ.. ..ကျောင်းပြီးသွားသောအခါ သီဟနှင့်မတွေ့ဖြစ်တော့ပါ။ သီဟကလည်း ရည်ရွယ်ချက်ကြီးမားပြီး အလွန်ကြိုးစားသူ ဖြစ်သဖြင့် အားလပ်လည်ပတ်ချိန် နည်းပါးလှပါသည်။ တစ်ခါမှာတော့ အမျိုးသား စာကြည့်တိုက်ပေါ်မှ သူဆင်းအလာတွင် သီဟနှင့် ပက်ပင်းတိုး၏။ သူ့ပခုံးကို ရင်းနှီးချစ်ခင်စွာ ပွေ့ဖက်နှုတ်ဆက်ရင်း `၀င်းဝင်းနွယ်နှင့် တွေ့ဖြစ်သေးလား´ ဟု မေး၏။ (ဘာကြောင့်မေးမှန်းသူမသိချေ။) `ဟင့်အင်း မတွေ့ပါဘူး´ ဟု ပြန်ဖြေရင်း ကိုယ့်ကိစ္စနှင့်ကိုယ် လူချင်းခွဲကြရ၏။<br /><br />ထိုမှ တစ်လခန့်အကြာတွင် မမျှော်လင့်ပဲ ၀င်းဝင်းနွယ်နှင့် တွေ့ရလေသည်။ ဆယ်တန်းအောင်ပြီး ကတည်းက ဤတစ်ခါပဲ တွေ့ခြင်းဖြစ်၏။ ဘာစကားမှလည်း မည်မည်ရရ မပြောဖြစ်ပါ။ ၀င်းဝင်းနွယ်က ကျောင်းကားပေါ်မှာဖြစ်ပြီး သူက လမ်းပေါ်မှာဖြစ်၏။ မီးပွိုင့်မှာ ကျောင်းကားရပ်ထားရစဉ် လမ်းဘေးမှာလျှောက်နေသော သူ့ကို ၀င်းဝင်းနွယ်က စတင်မြင်ခြင်းဖြစ်သည်။<br />`ချမ်းငြိမ်း´<br /><br />လှည့်ကြည့်လိုက်မိတော့မှ ဆေးတက္ကသိုလ် ကြိုပို့ကျောင်းကားပေါ်မှာ လှပစွာ ရှိနေသည့် ၀င်းဝင်းနွယ်ကို သူတွေ့လိုက်သည်။ လက်ထဲမှာ ပန်းသီးတစ်လုံး ကိုင်ထားလျက်က သူ့ကို ချစ်စဖွယ်ပြုံးပြလေသည်။<br /><br />သူကပြန်လည်ပြုံးပြပြီး ပန်းသီးကလေးကို လက်ဝါးဖြန့်ကာ တောင်းဟန်ပြု၏။ ၀င်းဝင်းနွယ်က ရယ်မောပြီး လှမ်းပစ်ပေးလေသည်။ သူက နောက်ပြီးတောင်းခြင်းဖြစ်သည်။ ပြန်ပေးမည်ပြုလုပ်သောအခါ ၀င်းဝင်းနွယ်၏ လက်ထဲမှာ နောက်ထပ် ပန်းသီးတစ်လုံး ရောက်နေပြီဖြစ်သည်။ သူနှင့် ၀င်းဝင်းနွယ်လည်း တစ်ယောက်မျက်နှာ တစ်ယောက်ကြည့်ပြီး ရယ်ဖြစ်ကြသေးသည်။ ထိုစဉ်မှာပဲ မီးပွိုင့်စိမ်းပြီး သူတို့ကျောင်းကား မောင်းထွက်သွား ပါတော့သည်။<br /><br />ထိုနောက်ပိုင်းမှာတော့ ၀င်းဝင်းနွယ်နှင့်မှ မဟုတ်ပဲ မည်သူနှင့်မှ မတွေ့ဖြစ်တော့ချေ။ သူဖွင့်လှစ်ထားသော ပန်းချီပြခန်းလေးထဲမှာပဲ သူ့ဘ၀ကို ကွယ်အုပ်ထားလိုက်၏။ သို့သော် ဌေးမြင့်သိန်းက ရအောင်လိုက်လာသည်။ သူတို့နှစ်ယောက် လက်ဖက်ရည်ဆိုင် ထိုင်ကြသည်။ ဟိုအကြောင်း သည်အကြောင်း ဆွေးနွေးပြောဆိုကြသည်။ များသောအားဖြင့် ဌေးမြင့်သိန်းက ပြောပြီး သူက နားထောင်သည်ပဲဖြစ်၏။<br /><br />တစ်ခါက သူ့အခန်းထဲမှ အင်္ဂလိပ် မြန်မာ စာအုပ်အများအပြား စုပုံရောက်ရှိခဲ့ဖူး၏။ သမိုင်းစာအုပ်၊ ဒဿနစာအုပ်၊ မနုဿဗေဒစာအုပ်၊ နက္ခတ်ဗေဒင်စာအုပ်၊ အနုပညာစာအုပ်၊ စိတ်ပညာစာအုပ် စသည်ဖြင့် စုံလင်လှသည်။ နေ့တိုင်းသူဖတ်သည်။ (မည်သည့်စာအုပ်ကိုမှ ဆုံးအောင် မဖတ်ခဲ့။) မလိုအပ်တော့သော စာအုပ်များကို အခန်းပြင်သို့ပို့ထားရင်း အခန်းထဲမှာ စာအုပ်တွေ ပါးသွား၏။ နောက်ဆုံးတော့ တစ်အုပ်မှ မကျန်တော့ပဲ အခန်းထဲမှာ ရှင်းလင်းငြိမ်သက်သွားသည်။ ထိုနေ့မှာ ပရက်စလေ၏ တေးသွားတစ်ပုဒ်ကို တိုးတိုးဖွင့်ရင်း နှစ်နှစ်ခြိုက်ခြိုက် သူ အိပ်ပျော်သွားခဲ့လေသည်။<br /><br />သူ့ဘ၀သည် မည်သို့မှ မပြောင်းလဲခဲ့။ ပြောင်းလဲမည်ဆိုလျှင် ပြောင်းလဲစရာတွေ ကြုံခဲ့ပါ၏။ သို့သော် သူက မပြောင်းလဲသဖြင့် အရာရာသည် သူ့ကို ထားခဲ့ပြိး သူတို့ဘာသာ ပြောင်းလဲသွားခြင်း ဖြစ်လေသည်။ သူကား ငြိမ်းချမ်းစွာ ကြွင်းကျန်ရစ်၏။ သုညလေးတစ်လုံးပမာ တိတ်ဆိတ်စွာရှိနေ၏။ သူ့ကို ထားခဲ့ပြီး လမ်းပေါ်မှာ ကွေ့ပတ် ချီတက်နေသော တစ်၊နှစ်၊သုံး၊လေး တို့ကို ကြည်လင်အေးချမ်းစွာ ငေးကြည့်ပြီး ကျေနပ်စွာ နေရစ်ခဲ့၏။<br /><br />ထိုသို့ဖြင့် ကုန်လွန်ခဲ့သော ရက်ပေါင်းများစွာကို မျောလွင့်နေသည်။ ဆပ်ပြာပူဖေါင်းလေးဟာ ပေါ့ပါးလွတ်လပ်စွာ သူဖြတ်သန်းခဲ့လေသည်။<br /><br />လှပသော နံနက်ခင်းတစ်ခု၌ ခြံထဲမှ ပန်းပင်များကို သူလိုက်ကြည့်နေစဉ် ဌေးမြင့်သိန်း ၀င်လာ၏။<br />`ချမ်းငြိမ်း.. .. အပြင်သွားရအောင်ကွာ´<br />`ဘယ်လဲ´ဟု မမေးပဲ သူ ထွက်လိုက်ခဲ့၏။ လမ်းမှာ ဌေးမြင့်သိန်းက ပြောသည်။<br />`ငါ.. ..မနေ့က အောင်ခိုင်တို့၊ မောင်မောင်သန်းတို့ နဲ့တွေ့တယ်။ တော်တော်လေးကြာအောင် စကားပြော ဖြစ်ကြတယ်။ သီဟအကြောင်းကြားရတာ မကောင်းဘူးကွာ´<br />`အင်း´<br />သူတို့ချင်း မပြေလည်ကြဘူးကွ။ တွဲတုန်းက အရမ်းတွဲခဲ့ကြတဲ့ ကောင်တွေလည်း အခု ခွာပြဲကုန်ပြီ။ ဒါပေမဲ့ သီဟက တစ်အုပ်စုလုံးမှာ ဘယ်သူနဲ့မှ မတည့်တော့ဘူးကွ။<br />`အင်း´<br />`ငါတို့က အနေဝေးတော့ သိပ်မသိဘူးပေါ့ကွာ။ သူတို့ချင်းကျတော့ အတွင်းသိ ဖြစ်နေတာကိုးကွ။ သီဟက အတော် လူလည်ကျတဲ့ကောင်ပဲ။ အချင်းချင်းကိုလည်း ကျော်နင်းပြီး တက်သွားတာတွေ အများကြီးပဲ။ ဒီကောင်မကောင်းဘူးကွာ။´<br /><br />အောင်ခိုင်တို့ မောင်မောင်သန်းတို့က သီဟနှင့် ဘောလုံးကန်ဖေါ်ကန်ဖက်များ ဖြစ်၏။ သူတို့တွေ အတူ ကြိုးစားခဲ့ကြခြင်းဖြစ်သည်။ ယခုတော့ သီဟက နိုင်ငံတကာ ကစားပွဲများတွင် တိုင်းပြည်ကိုယ်စားပြုပြီး သွားကစားနေရပြီ ဖြစ်သည်။ စင်ကာပူမှ ပြန်လာသည်ပင် မကြာသေးဟု သိရသည်။ အောင်ခိုင်တို့ မောင်မောင်သန်းတို့က အစပိုင်း၌ သီဟနှင့် မတိမ်းမယိမ်း ထူးချွန်ကြသော်လည်း နောက်ပိုင်းမှာ ပြတ်ကျန်ခဲ့သည်။ ယခု သူတို့က ပထမတန်း ကလပ်အသင်းများတွင် ကစားနေကြလေသည်။<br /><br />ထို့နောက် စကားလမ်းကြောင်းက ပြောင်းသွားသည်။<br />`မိုးကောင်းဘုရားပွဲကို မင်းသွားလိုက်စမ်းပါ´<br />`ဘာဖြစ်လို့လဲ´<br />လပြည့်ညကျရင် အဲဒီပွဲခင်းထဲက `ဆုံဆည်းရာ´ ဆိုတဲ့ လက်ဖက်ရည်ဆိုင်မှာ တို့အထက်တန်း ကျောင်းတုန်းက သူငယ်ချင်းတွေ အားလုံးလိုလို ပြန်ဆုံကြမယ်တဲ့။ အဲဒီ လက်ဖက်ရည်ဆိုင်ကလည်း မူမူတို့ဖွင့်တဲ့ဆိုင်တဲ့။<br /><br />သူတို့၏ အထက်တန်းကျောင်းသည် မိုးကောင်းဘုရားအနီးတွင် ဖြစ်၏။ မိုးကောင်းဘုရားမှာ ပွဲတော်လုပ်လျှင် ကျောင်းသားများ သိပ်ပျော်ကြ၏။ ကျောင်းချိန်အတွင်း ခိုးခိုးသွားကြရသော ပျော်စရာ ရင်ခုန်စရာဖြစ်၏။ ယခု မိုးကောင်းဘုရားပွဲ ကျင်းပနေပြီ ဖြစ်သည်။ သူ စဉ်းစားနေသည်။<br />`လူစုံလိမ့်မယ်ကွ၊၀င်းဝင်းနွယ်တို့လည်း.. ..´<br />ဌေးမြင့်သိန်း ဘာဆက်ပြောမှန်းပင် သူမသိလိုက်ချေ။ ပခုံးစွန်း ခါခနဲဖြစ်ပြီး နောက်သို့ယိုင်သွားသည်။ ကိုယ်ကို ထိန်းပြီး ပြန်ကြည့်လိုက်သောအခါ မူးယစ်ဆေးဝါး မှီဝဲထားပုံရသော ကုလားဒိန်တစ်ယောက်ကို တွေ့ရ၏။ ကုလားဒိန်က သူ့ကို မျက်လုံးမှေးစင်းကြည့်ပြီး..<br />`ဘာလဲ.. ..ဟေ့ကောင်´<br />သူက ဘာမှပြန်မပြော။<br />`ငါ မူးနေလို့ တိုက်မိတာကို မင်းက ဘာပြန်ကြည့်တာလဲ။ မင်း ဘာလုပ်ချင်လဲ ဟေ့ကောင်´<br /><br />သူက ပြုံးပြီး ကွေ့ရှောင်သွားရန် ပြင်စဉ်မှာပဲ ဌေးမြင့်သိန်း၏ မျက်နှာက တင်းခနဲဖြစ်ပြီး ကုလားဒိန်၏ ကော်လာကို လှမ်းဆွဲ၏။<br />`ဟေ့ကောင် မင်း ဘာပြောတာလဲ´<br />`ဌေးမြင့်သိန်း လာစမ်းပါကွာ´<br />`ဟာ.. မဟုတ်ပါဘူးကွာ၊ ဒီကောင်က လူပါးဝလို့´<br />`ထားလိုက်ပါကွာ၊ လာစမ်းပါ´<br /><br />ဌေးမြင့်သိန်းကို သူရအောင် ပြန်ခေါ်လာနိုင်ခဲ့၏။ ဌေးမြင့်သိန်းက ဒေါသဖြင့် မျက်နှာကြီးနီရဲကာ တစ်လမ်းလုံး တက်တခေါက်ခေါက် ဖြစ်နေ၏။ သူက ရယ်နေသောအခါ သူ့ပခုံးကို လက်သီးဖြင့် ဖွဖွလှမ်းထိုးလေသည်။<br />`မင်းကလည်း ဘယ်လိုကောင်မှန်းမသိဘူး´<br />`ဘာဖြစ်လို့လဲ´<br />`ဟုတ်ပါတယ်၊ ဘာမှမဖြစ်ပါဘူး၊ မင်းဘာမှ မဖြစ်နိုင်လွန်းလို့ကို ငါက ပြောတာပါ။ မင်း စိတ်မတိုဘူးလား´<br />`ငါစိတ်တိုတာ မင်းဘယ်တုန်းက မြင်ဖူးလို့လဲ´<br /><br />ဌေးမြင့်သိန်းငြိမ်သွားသည်။ ပြီးမှ `အေး.. ..ဟုတ်တယ်´ဟု ပြော၏။ သူက အမှတ်မထင် ပြောလိုက်သည်။<br />`ငါက တန်ပြန်ယဉ်ကျေးမှုတွေကို မသုံးဘူးကွာ´<br />`ဘာလဲကွ၊ တန်ပြန် ယဉ်ကျေးမှုဆိုတာ´<br />`လူတွေက အဲဒီတန်ပြန်ယဉ်ကျေးမှုကို သိပ်သုံးကြတယ်ကွ´<br />ဌေးမြင့်သိန်းက သူ့မျက်နှာကို ငေးကြည့်နားထောင်နေသည်။ သူက ဆက်ပြောလိုက်၏။<br />``အင်မတန် ရိုးရှင်းမှားယွင်းတဲ့ ယဉ်ကျေးမှုပဲ။ ကိုယ့်အပေါ်ကောင်းတဲ့လူကို ပြန်ကောင်းတယ်။ ကိုယ့်အပေါ်ဆိုးတဲ့သူကို ပြန်ဆိုးတယ်။ ကိုယ့်အပေါ်ကောင်းတဲ့သူက ဆိုးသွားရင် ကိုယ်ကလည်းလိုက်ဆိုးတယ်။ ကိုယ့်အပေါ်ဆိုးတဲ့သူက ကောင်းလာရင် ပြန်ကောင်းပေးမယ်။ တစ်ယောက်ကို တစ်ယောက်က ဆွဲငင်ထားတယ်။ ကိုယ့် အကျိုးစီးပွားနဲ့ ချိန်ထိုးပြီး ပြန်လှန် ဆက်ဆံကြတယ်။ အဲဒီလိုနဲ့ ခုပြုံး၊ ခုရယ်၊ ခုငို၊ခုပဲလက်ကမ်း၊ ခုပဲပုတ်ထုတ်၊ ကိုယ့်ကိုယ်ကို အရူးလုပ်၊ တစ်ယောက်ကို တစ်ယောက်အရူးလုပ်ရင်း စက်ဝိုင်းနက်ကြီးထဲမှာ လည်နေကြတယ်။ တဖြည်းဖြည်းနဲ့ အဲဒီ စက်ဝိုင်းနက်ကြီးက စုပ်ဝဲတစ်ခုလို ဆွဲနှစ်သွားတယ်။ အားလုံးဟာ ပူလောင်ရုန်းကန်နေရတော့တယ်။ အဲဒါ ဒီလောကကြီးထဲက `လူ´ ဆိုတဲ့ သတ္တ၀ါတွေရဲ့ လက်ရှိဖြစ်နေတဲ့ `ဘ၀´ ပဲ´´<br />ဌေးမြင့်သိန်းက နှုတ်ခမ်းကိုက်ကာ ခေါင်းငုံ့ထား၏။ ပြီးမှ သူတစ်ကိုယ်တည်း ပြောသလိုနှင့်.. ..<br />`တန်ပြန်ယဉ်ကျေးမှု၊ အင်း.. ဟုတ်တယ်လေ။ အဲဒီ တန်ပြန်ယဉ်ကျေးမှုကိုပဲ သုံးနေရတာပဲ။ အဲဒါကို မင်း မသုံးရင် ဘယ်လိုလုပ်မလဲ´<br />`ကိုယ့်အပေါ် မကောင်းတဲ့သူကိုလည်း ပြန်ကောင်းရမယ်။ အဲဒါမှ စက်ဝိုင်းနက်ကြီးအဖြစ်ကို လွတ်လွတ်ကျွတ်ကျွတ် ရောက်သွားလိမ့်မယ်´<br /><br />သူ့စကားတွေ နားထောင်ရင်း ဌေးမြင့်သိန်း၏ မျက်နှာက တည်ကြည်နေသည်။ ပြောကြဆိုကြရင်း လမ်းခွဲရမည့်နေရာသို့ ရောက်လာ၏။ ထိုနောက်မှ ပြန်လှည့်ကာ..<br />`လပြည့်ညကျ မင်းသွားလိုက်ဦးနော်´<br />`မင်းကကော..´<br />`ငါ မအားဘူးကွ။ အဲဒါ မင်းကိုလာပြောတာ။ မင်းကတော့ သွားဖြစ်အောင် သွားလိုက်စမ်းပါကွာနော်´<br />သူ စဉ်းစားလိုက်သေး၏။ ထို့နောက်မှ ခေါင်းညိတ်ပြလိုက်သည်။<br /><br />( ၃ )<br />ရေပန်းကို ဖွင့်လိုက်သည်။ ဖြာမှုန့်၍ ကျလာသော ရေစက်ကလေးများကို နံဘေးမှ ကြည့်နေရင်း ရေ၏ အေးမြသောရနံ့ကို ရှူရှိုက်မိ၏။ ထို့နောက် ရေပန်းအောက်တွင် ၀င်ရပ်ကာ စိမ့်အေးသွားအောင် ရေချိုးနေလိုက်၏။<br />သူ့ရေချိုးမှုက မည်သူနှင့်မျှ မတူချေ။<br />ဦးကင်းမှ ခြေဖျားတိုင် ပွတ်ဆင်းကျလာသော ရေစက်များက သူ့ရုပ်ခန္ဓာတင်မကပဲ သူ၏ စိတ်ဝိညာဉ်ထဲကိုပါ စိမ့်ယိုဖောက်ဝင်ခဲကသည်ဟု သူခံယူသည်။ ရုပ်ကိုရော စိတ်ကိုပါ သူ ရေချိုးခြင်းဖြစ်သည်။ ဤချိုးရေဖြင့် ရုပ်နှင့်စိတ်တို့ အေးမြစင်ကြယ်ကာ အညစ်အကြေးဟူသမျှ လျှောကျလွင့်ပြယ်သွားပြီဟု သူနားလည်၏။ ရေချိုးသောအခါတိုင်း၌ သူသည် စိုပြည်ချမ်းမြေ့လျက် ရှိလေသည်။<br />ပွဲတော်သို့ သူထွက်ခဲ့၏။<br />သူရောက်သောအခါ မိုးကောင်းကင်မှ ကြယ်တာရာများပင် ၀င်းပစုံလင်စပြုပြီ ဖြစ်၏။ ပွဲတော်သည် ဖြူလက်နေသော လျှပ်စစ်မီးများ၊ ၀တ်ကောင်းစားလှနှင့် ပွဲလာကြသူများ၊ တခြိမ်းခြိမ်း ထွက်ပေါ်နေသော ဆိုင်းသံဗုံသံများ၊ ကြိုးချည်ထားသော မိုးပျံပူဖေါင်းများ၊ ဟန်ကျပန်ကျ ထွက်ပေါ်နေသည့် ရယ်မောသံများ၊ မီးတောက်ကို ဘယ်ပြန်ညာပြန် ခုန်အုပ်နေသည့် မုန့်လေပွေများ၊ အလှူခံနေသည့် စကားပြောခွက်သံများ စသည်တို့နှင့် စည်ပင်နေသည်။<br /><br />လူအုပ်ကြားထဲမှာ သူ မျောပါသွားသည်။ လူတွေကို သူလိုက်ကြည့်မိ၏။ လူတွေအားလုံး မျက်နှာဖုံးတွေ စွပ်ထားကြ၏။ စက္ကူ၊ ရာဘာ စသည်တို့နှင့် ပြုလုပ်ထားသော အရုပ်မျက်နှာဖုံးများမဟုတ်။ သူတို့၏ စိတ်က သူတို့၏ မျက်နှာပေါ်မှာ ဖြန့်ကြက်ခြုံ အုပ်ထားသည့် သောက မာန စသော အရိပ်မျက်နှာဖုံးများ ဖြစ်ကြသည်။<br /><br />အချို့မျက်နှာဖုံးများက အသားကျလျက် ချပ်ချပ်ရပ်ရပ်ဖြစ်နေပြီ။ အချို့မျက်နှာဖုံးများကတော့ အသားမကျသေးပဲ ဘတ်လတ်ဘတ်လတ် ဖြစ်နေသည်။ ချိုလွင်လွတ်လပ်သော ရယ်မောသံများကြားမှာ ကျွတ်ထွက်လာသည့် အချို့မျက်နှာဖုံးများကလည်း လေထဲမှာ ပေါလောမျောနေကြ၏။ ပွဲတော်မှ အပြန်တွင်တော့ သူတို့၏ ပိုင်ရှင်များထံ ပြန်လည် လိုက်ပါသွားကြမည် ဖြစ်သည်။<br /><br />ဆည်းလည်းသံ တိုးဖွဖွ ကြားမိ၍ စေတီတော်၏ရင်ပြင်ပေါ် သူတစ်လှမ်းချင်းတက်ခဲ့သည်။ ဘုရားရိပ် တရားရိပ်သည် အေးသီတိတ်ဆိတ်လျက်။ ဘုရားအာရုံပြုသော လူအချို့မှာ မျက်နှာတစ်ဝက်၊ မျက်နှာဖုံးတစ်ဝက်ဖြစ်နေသည်။ အချို့မျက်နှာဖုံးများကတော့ မျက်နှာပေါ်မှာ ကော့လိမ်တွန့်လိပ်နေသည်။ အချို့လူများသာ ပကတိမျက်နှာဖြင့် မျက်လွှာချထားကြသည်။ စေတီကို တစ်ပတ်ပတ်ပြီး သူ ပြန်ဆင်းလာခဲ့သည်။<br /><br />သတ်မှတ်ထားသော လက်ဖက်ရည်ဆိုင်ကို အခက်အခဲမရှိ ရှာတွေ့လိုက်၏။ မီးဆိုင်းများ ချိတ်ဆွဲထားသည်။ `ဆုံဆည်းရာ´ အမည်ရှိ ဆိုင်းဘုတ်အောက်မှာ `မူမူ´ ကို ကြော့ကြော့မော့မော့ မြင်လိုက်မိ၍လည်း ဖြစ်သည်။<br />`ဟာ.. .ချမ်းငြိမ်းဟေ့´<br />လက်ဖက်ရည်ဆိုင်ထဲမှာ သူငယ်ချင်းများ အတော်စုံလင်နေ၏။ ဟိုဝိုင်းသည်ဝိုင်းမှ သူ့ကိုလှမ်းခေါ်ကြ၏။ သူလည်းအားလုံးကို ပြုံးပြုံးရယ်ရယ်ဖြင့် ပြန်နှုတ်ဆက်ဖြစ်သည်။ အချို့သော သူငယ်ချင်းများကိုမူ သူမသိ။ (တစ်ကျောင်းတည်း နေခဲ့သူများဖြစ်ကြောင်းကို မှတ်မိသည်။) မူမူက သူ့နံဘေးမှ ၀င်ထိုင်ကာ စကားတွေဖောင်နေအောင် ပြောသည်။ မူမူ့စကားအဆုံးမှာ အားလုံးကို မျက်လုံးဝှေ့ကြည့်ပြီးမှ သူက တစ်ခွန်းမေးလိုက်၏။<br />`ကျော်အောင်နဲ့တွေ့သေးလား၊ ဖိတ်ဖြစ်လား၊ သူ ဒီကို လာမလား´<br />မူမူက သွားတက်ကလေးပေါ်အောင် ရယ်၏။<br />`မတွေ့ဘူး၊ မဖိတ်ဖြစ်ဘူး၊ သူဒီမှာလည်း မရှိဘူး´<br />`ဘယ်မှာလဲ´<br />`ထိုင်ဝမ်မှာ´<br />`သြော်..´<br />မူမူက ပြန်မေးသည်။<br />`ချမ်းငြိမ်းနဲ့ ၀င်းဝင်းနွယ်နဲ့ တစ်ခါတွေ့သေးတယ်ဆို..´<br />`သြော်.. ..အင်း..ဟုတ်တယ်´<br />`နောက်ထပ်ကော တွေ့ဖြစ်သေးလား´<br />`ဟင့်အင်း..´<br />သူ သီဟကို သတိရလာသည်။<br />`သီဟ မရောက်သေးဘူးလား´<br />`ဟင့်အင်း.. ဟိုထောင့်မှာ သူ့အုပ်စုတော့ ရောက်နေပြီ၊ သူမပါဘူး။´<br />အောင်ခိုင်တို့၊ မောင်မောင်သန်းတို့ကို ဆိုလိုခြင်းဖြစ်သည်။ ခုနကပင် သူနှင့် နှုတ်ဆက်လိုက်ကြပြီးဖြစ်၏။<br />`သီဟက လာကောလာမှာလား´<br />`ဖိတ်တော့ ဖိတ်ထားတာပဲဟာ။ လာç မလာ အသေအချာ ငါမသိဘူး။ ဟိုအကောင်တွေမှ သိမှာပဲ။ သီဟက ပြောင်းလဲနေပြီ။´<br />ထို့နောက် သူက သူငယ်ချင်းများကို တစ်ဝိုင်းပြီး တစ်ဝိုင်းလိုက်နှုတ်ဆက်၏။ အောင်ခိုင်တို့ ၀ိုင်းရောက်သောအခါ သူ မေးဖြစ်သည်။<br />`သီဟ မပါဘူးလား´<br />သူ့အမေးကို မဖြေသေးပဲ သူတို့ချင်း တစ်ယောက်မျက်နှာ တစ်ယောက်ကြည့်ကြ၏။ ထို့နောက် အောင်ခိုင်က ခနဲ့သံ တစ်ချက်ကို `ဟင့်´ ခနဲပေးပြီးပြောသည်။<br />`ဒီကောင်က ဘ၀မေ့သွားပြီကွာ´<br />`ဘာဖြစ်လို့လဲ´<br />`သြော်.. နိုင်ငံကျော် ဘောလုံးသမားကြီးလည်းဖြစ်၊ တခြားနိုင်ငံတွေကလည်း သူတို့ဆီမှာ လာကန်ဖို့ ကြေးကြီးပေးပြီး အတန်တန် ဖိတ်ခေါ်နဲ့ ဆိုတော့ ဒီကောင် ဘ၀မေ့သွားပြီကွ။ ငါတို့ကို မြင်ရင်တောင် မှတ်မိပါ့မလားမသိဘူး။´<br /><br />ပြောပြီး ၀ါးခနဲ ရယ်ကြသည်။ `ချမ်းငြိမ်းကိုတော့ မှတ်မိမှာပါကွာ၊ မင်းကလည်း´ ဟု မောင်မောင်သန်းက ၀င်ပြော၏။<br />`အေး.. ဟုတ်တယ်၊ မင်းကိုတော့ သူ မမေ့ဘူး ချမ်းငြိမ်းရေ။ ငါတို့ကတော့ ဒီကောင်နဲ့ ပါတ်သက်ပြီး အများကြီးခံစားခဲ့ရတယ်။ အခုတော့ သဘောပေါက်သွားပြီ။ ဒီကောင်နဲ့ ငါတို့ မပါတ်သက်တော့ဘူး ချမ်းငြိမ်းရ။ ငါတို့ ဒိုင်ယာရီထဲမှာ ဒီကောင့်အတွက် စာမျက်နှာ မရှိတော့ဘူး။´<br /><br />သူထိုဝိုင်းမှ ထသောအခါ စိန်ထွားက ဆွဲခေါ်သွားပါသည်။ စိန်ထွားက အထက်တန်းကျောင်းမှ သူနှင့် အခန်းမတူခဲ့သော သူငယ်ချင်းဖြစ်၏။ တက္ကသိုလ်ပညာ မပြီးဆုံးလိုက်ပဲ ယခု ကုန်သည်တစ်ယောက်ဖြစ်နေသည်။ ထွေရာလေးပါး ပြောနေကြရင်း စိန်ထွားက..<br />`သီဟ အခုထက်ထိ မရောက်သေးဘူးနော်။ ငါက မင်းတို့သုံးယောက်ကို တွေ့ချင်လို့ ရောက်အောင်လာတာ။ ၀င်းဝင်းနွယ်ကတော့ လာမှာပါ´<br />`သီဟက လာချင်မှလာမှာတဲ့´<br />`မဟုတ်ဘူး ရောက်နေပြီ။ ဒီကို မ၀င်သေးတာ၊ ဟိုဘက်ဈေးဆိုင်တန်းမှာ ငါနဲ့ လက်လှမ်းပြခဲ့ပြီးပြီ။ ဘာလုပ်နေလို့ ဒီကို မရောက်သေးတာလဲ မသိဘူး´<br />`သြော်..´<br />ခဏကြာတော့ မူမူ့ကို ခွင့်တောင်းကာ ပွဲခင်းထဲ သူ လမ်းလျှောက်ထွက်ခဲ့၏။ ပြန်လာခဲ့မယ်ဟု ကတိပေးခဲ့ရသေးသည်။ ပြန်မလာရင် ပန်းချီကားတစ်ချပ် လက်ဆောင်ပေးရမယ်ဟု မူမူက ကြိမ်းဝါး၏။ သူရယ်ရင်း ထွက်လာခဲ့သည်။<br /><br />ဟိုဟိုသည်သည် လျှောက်သွားနေရင်းက သူ့ပခုံးပေါ် လက်တစ်ဖက်ကျလာသည်။<br />`ချမ်းငြိမ်း´<br />လှည့်ကြည့်တော့ သီဟကို တွေ့ရသည်။<br />`မင်း ၀င်သွားကတည်းက ငါတွေ့တယ်၊ ငါ ခေါ်မလို့ပဲ။ အလှမ်းသိပ်ဝေးနေလို့´<br />`မင်းက လက်ဖက်ရည်ဆိုင်ကို ဘာကြောင့်လိုက်မလာတာလဲ။ မသွားဘူးလား´<br />သီဟက ခပ်မှုန်မှုန်ပြုံးသည်။<br />`လာကွာ.. တစ်ဆိုင်ဆိုင်မှာ ထိုင်ရအောင်´<br />သီဟက သူ့လက်ကို တင်းတင်းဆုပ်လျက် ကြံရည်ဆိုင်တစ်ဆိုင်ထဲသို့ ခေါ်သွား၏။ `ငါ မင်းကို အေးအေးဆေးဆေး စကားပြောချင်နေတာကြာပြီ။ မင်းကတော့ ငါ့ကို နားလည်မှာပါ´ ဟုလည်း ပြောသေး၏။<br />သို့သော် အတန်ကြာသည်အထိ မည်သည့်စကားမှ မပြောသေးချေ။ သီဟ စကားပြောဖို့ အားယူနေပုံမှာ ဓားအိမ်ထဲမှ ဖြည်းညင်းစွာ ထွက်လာသည့် ဓားတစ်လက်နှင့် တူလှသည်။<br /><br />ပွဲတော်ညက လင်းပြာလှပနေဆဲ ဖြစ်၏။ တစ်ဖက် မိုးကောင်းကင်သို့ မျှော်ကြည့်လိုက်သောအခါ လရောင်အောက်မှ တိမ်ခိုးတွေ မျောလွင့်နေတာကို တွေ့ရ၏။ ပွဲတော်၏ ခေါင်မိုးမှာ နှင်းငွေ့နှင့် မီးခိုးငွေ့တွေ လူးလိမ့်နေသည်။<br />`ငါက ငယ်ငယ်ကတည်းက ဓားတွေကို သိပ်သဘောကျတယ်။ ဓားတစ်လက်ရဲ့ ဂုဏ်သိက္ခာကိုလည်း လေးစားတယ်´<br />ပြောပြီး ဂျာကင်အိတ်ထဲမှ ဓားလှလှလေးတစ်လက်ကို ထုတ်ပြ၏။ (ဤပွဲဈေးတန်းမှပင် ၀ယ်လိုက်ဟန် တူသည်) ပြီး.. အိတ်ထဲပြန်ထည့်သည်။<br /><br />`ငါ့ကိုယ်ငါလည်း ဓားတစ်လက်လို ထက်မြက်အောင် သွေးခဲ့တယ်။ ငါ့ဘ၀မှာ ကြိုးစားခဲ့ရတာတွေ အများကြီးပဲ။ စောင့်စည်းထိန်းသိမ်းခဲ့ရတာတွေလည်း အများကြီးပဲ။ ငါကြိုးစားခဲ့တာတွေဟာ အဆင့်တစ်ခုတိုင်အောင် အောင်မြင်ခဲ့ပါပြီ။ ငါ ဘောလုံးသမား တစ်ယောက်အဖြစ် အောင်မြင်နေတာကို မင်းကြားမယ်နော်။ ငါ.. ဘယ်လောက် ကြိုးစားခဲ့ရတယ် ဆိုတာကိုတော့ မင်းသိချင်မှသိမယ်။ ငါက ရည်ရွယ်ချက် သိပ်ကြီးခဲ့တယ် သူငယ်ချင်း။ ဘောလုံးလေ့ကျင့်ခန်းတွေကို အပြင်းအထန်လုပ်ခဲ့ရတယ်။ ဆရာကောင်းတွေဆီ ချဉ်းကပ်ရတယ်။ စာအုပ်တွေ အများကြီးဖတ်ရတယ်။ ဆိုက်ကိုကျင့်စဉ်တွေ၊ ယောဂီကျင့်စဉ်တွေ အလေးအနက် လေ့ကျင့်ရတယ်။ အစစ အရာရာ သတိထားပြီး အဲဒီလို ကြိုးစားခဲ့လို့ ဒီလောက်အထိဖြစ်လာတာပါပဲ။ ဒါပေမဲ့ ဒီကြားထဲမှာ ငါ မထင်တာတွေလည်း ဖြစ်လာခဲ့တယ် သူငယ်ချင်းရေ..´<br /><br />`အစကတော့ ကိုယ်နဲ့ ၀ါသနာတူ သူငယ်ချင်းတွေနဲ့ တွဲပြီး အားကစားလောကထဲကို ရင်ပေါင်တန်း ၀င်ခဲ့တာပဲ။ ငါ့လောက် ကြိုးစားမှုမရှိတော့ သူတို့က တဖြည်းဖြည်း ပြတ်ကျန်ခဲ့တယ်။ လူတွေက သူတို့ထက် ငါ့ကို ပိုသိ၊ ပိုတန်ဖိုးထားပြီး ဆက်ဆံလာကြတယ်။ ငါက ကြိုးစားမှုကို တစ်ထစ်မှ လျှော့မပေးရဲပဲ ဆက်တိုးဝင်ရင်း မြင့်သည်ထက် မြင့်သွားတယ်။ သူတို့တွေက ကျန်ရစ်ခဲ့ကြတယ်။ အဲဒီအခါ မမျှော်လင့်ပဲ သူတို့က ငါ့ကို ၀ိုင်းပယ်လိုက်ကြတယ်။´<br /><br />`ငါ့အကြောင်း မကောင်းသတင်းတွေလည်း လျှောက်ပြောကြတယ်။ ငါ့ကိုလည်း သူတို့က ညွှန်ပြ သင်ကြားပေးခဲ့လို့ အဲဒီ အဆင့်အထိ ဖြစ်လာသယောင်လည်း လျှောက်ပြောကြတယ်။ တခြားလူတွေက သူတို့ရှေ့မှာ ငါ့ကို ချီးကျူးမိလေလေ သူတို့က ငါ့ကို ရန်သူအဖြစ် မနာလို စိတ်ကြီးစွာနဲ့ သတ်မှတ်လာလေလေ ဖြစ်နေတယ်။ ငါလည်း သူတို့ အပေါ်မှာ ဘာတစ်ခုမှ မဟုတ်တာ မလုပ်ခဲ့ဘူး။ သူများကို မကောင်းကြံဖို့လည်း ငါ့မှာ အချိန်မရှိဘူး။ အဲဒိလို အောက်တန်းကျတဲ့ လူတစ်ယောက်အဖြစ်လည်း ငါ့ကိုယ်ငါ ဘယ်တော့မှ တွန်းမပို့ဘူး။ ဒါပေမဲ့ ငါ အထီးကျန်ဖြစ်သွားတာကို ငါ အံ့သြတယ်။´<br /><br />`ဘောလုံးကို ဗဟိုပြုပြီး သူတို့နဲ့ ငါ တွဲခဲ့စဉ်တုန်းမှာ သူတို့ဟာ ငါ့ရဲ့ သေဖေါ်ရှင်ဖက် အပေါင်းအသင်းတွေ လို့ပဲ ငါထင်ခဲ့တယ်။ သူတို့ကိုလည်း ငါသိပ်ခင်ခဲ့တယ်။ အခု..ဒီလူအုပ်ထဲက ဖောက်ပြီး ငါတစ်ယောက်တည်း အောင်မြင်သွားတဲ့ အချိန်မှာ သူတို့က ငါ့ကို ဘာအကြောင်းမှ မရှိပဲ ညီညီညွတ်ညွတ် ၀ိုင်းပယ်လိုက်ကြတယ်။ ငါ့မှာ အဖေါ်မရှိတော့ဘူး။ အောင်မြင်ကျော်ကြားတဲ့ အားကစားသမား တစ်ယောက်အနေနဲ့ အခု ငါ့ဘေးမှာ အခြွေအရံတွေ အများကြီးပါ။ ဒါပေမဲ့ လူတွေဟာလည်း ငါ့မှာ အောင်မြင်ကျော်ကြားမှုတွေ မရှိတော့တာနဲ့ တပြိုင်နက် ငါ့ဘေးက ပြန်ထွက်ခွာသွားကြမဲ့ လူတွေဆိုတာ ငါသိတယ်။ သေချာတာက တစ်ချက်ပဲရှိတယ်။ ငါ အင်မတန်မြတ်နိုးတဲ့ သရဖူကို ရလိုက်တဲ့ အချိန်မှာပဲ ငါဟာ တစ်ယောက်တည်း အထီးကျန်ဖြစ်သွားတယ်ဆိုတာပဲ။ လောကက နာကြည်းစရာ ကောင်းလှတယ် သူငယ်ချင်းရာ´<br /><br />ဆွေးမြည့်နာကျင်သော လေသံဖြင့် ရှည်လျားစွာ ပြောသွား၏။ ထို့နောက် ကိုယ်ကို ဆန့်လိုက်ရင်း..<br />`ဒါပေမဲ့ ရပါတယ်လေ၊ ငါ့နာမည် သီဟပဲ။ သီဟဆိုတာ ခြင်္သေ့၊ တစ်ကောင်တည်းနေတဲ့ အမျိုး။ ကောက်ကျစ်တဲ့ မြေခွေးတွေလို အုပ်ဖွဲ့ထားစရာ မလိုဘူး။´ ဟု ထပ်ပြော၏။ မျက်လုံးတို့ အရောင်ဝင်းလာကာ ကိုယ်ဟန်အနေအထားမှာလည်း (ရန်သူကို တိုက်ခိုက်ရန်) လိပ်ထားရာမှ ဖြေဆင်းချလာသော ကြာပွတ်တစ်ချောင်းနှင့် တူလာပြန်သည်။<br /><br />သူက ခေါင်းတစ်ချက်ညိတ်လိုက်ရင်း သီဟကို စကားပြောမည် ပြုလိုက်၏။ ထိုစဉ်မှာပင်..<br />`ကိုသီဟ´<br />ဆိုင်ထဲသို့ လူအချို့ ၀င်လာသည်။ သီဟ၏ အာကစားပရိတ်သတ်များ ဖြစ်၏။ ပွဲတော်သို့ လာရင်း သီဟကို တွေ့၍ ၀မ်းသာအားရ ၀င်နှုတ်ဆက်ကြခြင်း ဖြစ်သည်။ ထို့နောက် လူတစ်ယောက်နှင့် တွေ့ပေးရန်ဟု ဆိုကာ သီဟကို အတင်းဆွဲခေါ်ကြ၏။<br />`လိုက်သွား သီဟ၊ လိုက်သွားလိုက်ပါ။ ငါတို့က နောက်မှပဲ အေးအေးဆေးဆေး ထပ်တွေ့ကြသေးတာပေါ့။´<br /><br />သီဟ ထိုလူအုပ်နှင့် ကန့်လန့်ကန့်လန့် ပါသွားလေသည်။<br />`ဆုံဆည်းရာ´ လက်ဖက်ရည်ဆိုင်သို့ သူတစ်ခေါက်ပြန်ရောက်သည်။ `၀င်းဝင်းနွယ်တို့ အခုပင် ဈေးတန်းထဲ ၀င်သွားကြသည်´ ဟု မူမူက ဆီးပြောသည်။ လက်ဖက်ရည်ဆိုင်မှာ အတော်ကြာကြာ စကားထိုင်ပြောပြီးနောက် ပွဲဈေးခင်းထဲသို့ သူ တစ်ခေါက် ထပ်လျှောက်လာခဲ့သည်။<br /><br />ဇာတ်ရုံ၊ ရုပ်ရှင်ရုံများကို သူ ပိုစတာ လျှောက်ကြည့်နေလိုက်သည်။ ဆပ်ကပ်ရုံတစ်ရုံရှေ့ အရောက်မှာ ဘာရယ်မဟုတ်ပဲ လက်မှတ်ဝယ်ကာ သူ အထဲဝင်ခဲ့သည်။ ဇာတ်ခုံပေါ်မှာ ဂျော်ကီတစ်ယောက်က မြင်းလိမ္မာနှင့် ကစားပြနေလေသည်။<br /><br />ထို့နောက် မျောက်လိမ္မာ၊ မြွေလိမ္မာ၊ ဆင်လိမ္မာတို့လည်း တစ်ကောင်ပြီးတစ်ကောင် ထွက်လာကြသည်။ မျက်လှည့်ဝိဇ္ဇာ၊ စက်ဘီးဝိဇ္ဇာ စသူတို့ကလည်း အမျိုးမျိုးအဖုံဖုံ ပညာစွမ်းပြ၏။ ပရိသတ်၏ လက်ခုပ်သြဘာသံ များကလည်း စည်ညံနေ၏။ ထိုကြားထဲမှပင် မှောင်ဖျော့သော အလင်းရောင်အောက်ဝယ် သီဟကို သူတွေ့လိုက်ရခြင်း ဖြစ်လေသည်။<br /><br />သီဟသည် သူနှင့် မနီးမဝေး ထိုင်ခုံတစ်လုံးတွင် ထိုင်နေ၏။ သီဟနှင့်သူ မည်သူက အရင်ရောက်ခဲ့သည်ကို သူမသိချေ။ သီဟကလည်း တစ်ယောက်တည်း ဖြစ်၏။ (စိတ်ညစ်ညစ်နှင့် ၀င်ကြည့်ပုံရသည်။) သီဟက သူ့ကို မြင်ပုံမရ။ ဇာတ်ခုံပေါ်မှ ပဉ္စလက်ပြကွက်များကို မျက်မှောင်ကြုတ်ကာ ကြည့်နေ၏။<br /><br />ထို့နောက် `သည်းထိတ်ရင်ဖို ပြကွက်ကို ရှုစားရပါတော့မယ်´ ဆိုသော ကြေညာသံနှင့်အတူ ကန့်လန့်ကာ ချ၏။ ပရိသတ်တွေ လက်ခုပ်တဝေါဝေါ တီးကြ၏။ ကန့်လန့်ကာ ပြန်ဖွင့်၏။ လက်ခုပ်သံက ပို၍ညံသွားသည်။<br /><br />ဆုံလည်စက်ဝိုင်းကြီးတစ်ခုတွင် မိန်းမတစ်ဦးကို ကြိုးဖြင့် ကပ်ချည်ထား၏။ ထိုမိန်းမ၏ ပတ်ပတ်လည်တွင် အမှတ်လက္ခဏာများကို နေရာတကျ ရေးထား၏။ သူ့ရှေ့ ခပ်လှမ်းလှမ်းမှာ ပေါက်ဓားများကို လွယ်ထားသော လူတစ်ယောက် ပရိသတ်ကို ဦးညွတ် အရိုအသေ ပြုနေ၏။ အသက်နှင့် ရင်းရသော ဓားပြကွက်ကို ပြတော့မည်ဖြစ်၍ ပရိသတ်က လှုပ်လှုပ်ရှားရှား ဖြစ်နေတော့သည်။ သူ့နံဘေးမှ ပရိသတ်များက အသက်ရှုမြန်ရင်း ပြူးကြောင်စွာ ကြည့်နေကြသည်။ မီးရောင်အောက်မှ ဓားရောင်က လင်းခနဲ ပျံထွက်သွား၏။ ပရိသတ်တစ်ဦးက `ဟာ´ ဟု အော်လိုက်ချိန်မှာပဲ ပေါက်ဓားက အမျိုးသမီး၏ ဦးခေါင်းအထက်မှာ ကပ်လျက် စိုက်ဝင်နေပြီဖြစ်၏။ လက်ခုပ်သံများ ဟိန်းညံသွားသည်။<br /><br />ထို့နောက်မှာတော့ ဓားရောင်က တ၀င်းဝင်းပျံသန်းနေတော့၏။ လည်ပတ်နေသော စက်ဝိုင်းကြီး၏ အလယ်ဗဟိုမှာတော့ အမျိုးသမီးက နှုတ်ခမ်းကလေး တွန့်ကွေးကာ ပြုံးမြဲပြုံးလျက်။ သူမ၏ နံဘေးကပ်လျက်ကတော့ ခန္ဓာကိုယ်ကောက်ကြောင်းအတိုင်း ဓားတွေ တစ်လက်ပြီးတစ်လက် စိုက်ဝင်နေသည်။ (ထိုအမျိုးသမီး၏ အပြုံးက အောင်ခိုင်တို့၊ မောင်မောင်သန်းတို့ မျက်နှာပေါ်မှ အပြုံးနှင့် အတူတူပဲဖြစ်၏။)<br />`--------------------´<br />သီဟ၏ မျက်လုံးများမှာ အရောင်တဖျတ်ဖျတ်လက် နေသည်။ သီဟ၏ မျက်နှာသည် သိမ်မွေ့စွာ မာကြောနေ၏။ သီဟကို လှမ်းကြည့်မိရင်း သူ့ရင်ထဲမှာ အလိုအလျောက် နားလည်လိုက်၏။ ပစ်မှတ်ဗဟိုကို အခါခါ လွဲချော်နေသော `ဓား´ အတွက် သီဟ ရှက်နေခြင်းဖြစ်၏။ တစ်ဆက်တည်းမှာ ထပ်၍နားလည်လိုက်သည်က ဓားတစ်လက်၏ ဂုဏ်သိက္ခာကို သီဟ တစ်စုံတစ်ရာနှင့် ကာကွယ်တော့မည်။<br />`------------------------------<br />`------------------------------<br />သီဟ၏ မျက်လုံးတို့က ပစ်မှတ်ဗဟိုမှ အမျိုးသမီးကို မမှိတ်မသုန် စိုက်ကြည့်နေ၏။ ထို့နောက် နှုတ်ခမ်းများကို လျှာဖြင့်သိမ်းလျက်ကာ လက်က ဂျာကင်အိတ်ထဲသို့ ရောက်သွားသည်။<br />`-----------------------------´<br />သူ ထိုင်ရာမှ ထလိုက်၏။ မှောင်ဝါးဝါး အလင်းထဲမှာပင် သီဟရှိရာသို့ သူလျှောက်ခဲ့သည်။ သီဟအနီးသို့ ရောက်လုရောက်ခင်မှာပင် သီဟလက်ထဲမှ ထက်မြက်သော ဓားသွားကို သူမြင်လိုက်ရ၏။<br />`သီဟ...´<br />ကြားဟန်မတူ၊ မျက်လုံးများက သံမဏိလို တင်းမာလျက် လက်ကို မြှောက်တင်လိုက်သည်။ ထိုအခိုက်မှာပင် ရုံထဲမှာ လျှပ်စစ်မီးပြတ်တောက်သွားသည်။ မှောင်မည်းသွားသည်။<br /><br />သို့သော် ချက်ချင်းဆိုသလိုပင် မီးပြန်လင်းလာ၏။ ပစ်မှတ်ပေါ်မှ အမျိုးသမီးမှာ ပြုံးလျက်၊ ဓားများက သူ့အပါးမှာ တဒေါက်ဒေါက်စိုက်လျက်၊ ဓားသမားက ဦးညွတ်နှုတ်ဆက်လိုက်တိုင်းမှာ ပရိသတ်က လက်ခုပ်တီး သြဘာပေးလျက်။<br />(---------------------------------------------------)<br /><br />ညဉ့်လေက အေးအေးလွင်လွင် ဖြတ်စီးနေသည်။<br />သန့်စင်သော ရနံ့တစ်မျိုးကို ရှုရှိုက်လိုက်ရသလို ရှိ၏။ မည်သို့ပင်ဖြစ်စေ နှစ်ယောက်လုံး စိမ့်အေးသွားသည်ကတော့ အမှန်ပင်ဖြစ်သည်။ ယခုအခါ သူနှင့် သီဟတို့သည် ပွဲတော်၏ လူသူရှင်းသော တစ်နေရာကို ရောက်နေကြပြီဖြစ်သည်။<br /><br />စုံညီနေပြီဖြစ်သော မိုးပေါ်မှ ကြယ်တာရာများကို တစ်ချက်မော့ကြည့်ကာ သီဟကို သူစကားဆိုဖြစ်၏။<br />`လောကမှာ လူပြိန်းတွေပဲများတယ် သီဟရဲ့။ အဲဒီစကားရှင်းပါတယ်။ မင်းလက်ခံတယ်မို့လား´<br />သီဟက ခေါင်းညိတ်ပြသည်။<br />`လောကနီတိတောင် ညွန်းတယ်မို့လား၊ ရဲရင့်သူကို သင်းခွဲပြီး အနိုင်ယူရမယ်တဲ့။ မင်းရဲ့အဖေါ်တွေဟာ သူတို့ထက် အများကြီးသာနေတဲ့ မင်းကို မနာလိုဖြစ်တဲ့အခါ ဒီနည်းကို သုံးလိုက်ကြတာပဲ´<br /><br />သီဟ၏ မျက်နှာပေါ်မှာ အရိပ်အမျိုးမျိုးဖြတ်ပြေးနေသည်။ မျက်လုံးအစုံကလည်း မျှော်လင့်ချက်ဖြင့် အရောင်ဖြာလက်လာသည်။<br />`ဒါပေမဲ့ ဒီအပေါ်မှာ မင်း လွန်လွန်ကဲကဲ ခံစားစရာမလိုဘူး။ ဘာဖြစ်လို့လဲဆိုတော့ ဒါဟာ လူ့သဘာဝမို့လို့ပဲ။ မင်းနေရာမှာ တခြားလူဆိုရင်လည်း မင်းလို အလုပ်ခံရမှာပဲ။ သူတို့နေရာမှာ တခြားသူတွေဆိုရင် သူတို့လုပ်သလို လုပ်ကြမှာပဲ။ မင်းမှ.. သူတို့မှရယ် မဟုတ်ပါဘူး။ အုပ်စုတစ်ခုထဲမှာ တစ်ယောက်က ကျန်သူ အားလုံးထက် မြင့်မားသာလွန်နေရင် ကျန်တဲ့သူတွေက သူ့ကို မနာလိုဖြစ်ပြီး စော်ကားတိုက်ခိုက်လာမှာပဲ။ လူ့လောကနဲ့ လူတွေဆိုတာ ဒီလိုပါပဲ သူငယ်ချင်းရယ်။ ပုထုဇဉ် လက်မှတ်ရထားတဲ့ သဘာဝကျကျ အရူးတွေဆီမှာ ဒီအတိုင်းဖြစ်နေမှာပဲ´<br /><br />`လူ့သဘာဝတွေကို မင်းနားလည်မှုထားပေးလိုက်ပါ။ လူတွေမှာ ကိုယ်ဖြစ်စေချင်တာတွေ ဖြစ်ရင်လည်း ဖြစ်လာမယ်၊ ဖြစ်ချင်မှလည်း ဖြစ်လာလိမ့်မယ်။ လူ့သဘာဝဆိုတဲ့ ၀င်္ကပါထဲမှာ သူတို့ လှည့်လည်နေတာပဲ။ ကိုယ့်ကိုယ်ကိုမို့လို့ ထောက်ခံနေတာလည်း မဟုတ်ဘူး။ ဆန့်ကျင်နေတာလည်း မဟုတ်ဘူး။ သူတို့ လမ်းကြောင်း အတိုင်းသူတို့ လျှောက်နေရင်း ကိုယ့်ကို ခလုတ်တိုက်နေကြတာပါ။ အဲဒီသဘာဝကို နားလည်ထားမယ်ဆိုရင် လောကဟာ မင်းအတွက် တစ်ဝက်ပေါ့ပါးသွားပါလိမ့်မယ်´<br /><br />`တကယ်တော့ ဒီလောကဟာ တို့ အခုဝင်ကြည့်ခဲ့တဲ့ ဆပ်ကပ်ကလေးထက် အများကြီးပွေလီတဲ့ ဆပ်ကပ်ကြီးပဲ။ ဆပ်ကပ်ပညသည်တွေ၊ ဆပ်ကပ်ကို သဘောကျလို့ လက်ဖ၀ါးချင်း ပါးရိုက်ပြီး သြဘာပေးတတ်သူတွေဟာ တို့ပါတ်ဝန်းကျင်မှာ ရေမရလောက်အောင် များလှပါတယ်။ လေ့လာသူတစ်ယောက်လို ကြည့်နေပါ သူငယ်ချင်း။ အဲဒီထဲမှာ ပါဝင်မခံစားပါနဲ့။ လောကမှာ သားရဲဘုရင်ဆိုတဲ့ ခြင်္သေ့တွေက မြက်မစားသလို လှည့်ဖြားကောက်ကျစ်တတ်တဲ့ မြေခွေးကလည်း မြက်မစားဘူး။ အဲဒါကိုတော့ အထူးသတိထားပါကွာ။ ကဲ.. ငါတို့ သွားကြရအောင်´<br /><br />နှစ်ဦးသား ပွဲတော်၏လမ်းများအတိုင်း လျှောက်လာခဲ့ကြ၏။ မည်သူကမှ စကားဆက်မဆိုဖြစ်ပဲ တိတ်ဆိတ်စွာပင် ရှိပါသည်။ မူမူတို့ လက်ဖက်ရည်ဆိုင်အနီးသို့ ရောက်သောအခါ သူက..<br />`ငါ ပြန်တော့မယ် သီဟ၊ ငါမလိုက်တော့ဘူး´<br />သီဟက သူ့လက်ကို တင်းတင်းဆုပ်ကိုင်ရင်း..<br />`သူငယ်ချင်း..´<br />ဘာမှ ဆက်မပြောနိုင်ပဲ အçနေသေး၏။ ပြီးမှ...<br />`ငါ့ဘ၀မှာတော့ မင်းကို ဘယ်တော့မှ မေ့တော့မှာ မဟုတ်ဘူး။ မင်းကို ကျေးဇူးတင်တယ်လို့ ငါမပြောရက်ဘူး။ ဘာဖြစ်လို့လဲဆိုတော့ အဲဒီအဆင့်ထက် အများကြီးမြင့်ပြီး မင်း ငါ့အပေါ် ကောင်းခဲ့၊ အကျိုးပြုခဲ့လို့ပဲ။ ငါမင်းနဲ့ နောက်တစ်ခါ အေးအေးဆေးဆေး တွေ့ချင်ပါသေးတယ်။ နေဦး.. မင်း..ဒီမှာ ခဏနေဦးကွာ။ ခဏလေး..´<br /><br />ပြောပြီး သီဟ လှစ်ခနဲ ပြေးထွက်သွားသည်။ သူ တစ်ယောက်တည်း ဂျာကင်အိတ်ထဲ လက်နှိုက်ပြီး အေးမြသောလေကို ရှုသွင်းနေလိုက်သည်။ ဆိုင်းသံ၊ ဗုံသံ၊ ကြေးနောင်သံများက လေစီးကြောင်းထဲမှာ ငြိမ့်ညောင်းလှပစွာ မျောရွေ့နေသည်။ သူ့တစ်ကိုယ်လုံးကို လျှော့ချထားလိုက်မိ၏။ သူ လန်းဆန်းလျက် ရှိနေလေသည်။<br />သူ့နောက်မှ ခြေသံကြားလိုက်ရ၏။<br />`ချမ်းငြိမ်း´<br />လှည့်ကြည့်လိုက်သောအခါ လှပသော မျက်လုံးဝိုင်းကလေးများကို တွေ့ရလေသည်။<br />`သြော်.. ၀င်းဝင်းနွယ်´<br />တစ်ယောက်ကိုတစ်ယောက် အကြာကြီးစိုက်ကြည့်နေပြီးမှ ပြိုင်တူ ရယ်လိုက်မိကြ၏။<br />၀င်းဝင်းနွယ်က သူ့ကိုပြောသည်။<br />`ငါက ဒီညတော့ နင်နဲ့ မဆုံဖြစ်တော့ဘူး အောက်မေ့နေတာ။ အခုမှ သီဟက နင့်ကို ချမ်းငြိမ်းစောင့်နေတယ်၊ သွားလိုက်ဦး..ဆိုလို့´<br />`သူက တခြား ဘာပြောသွားသေးလဲ´<br />`နင့်ကို ဒီဓားပေးလိုက်တယ်´<br /><br />သီဟ၏ ဓားကလေးကို ၀င်းဝင်းနွယ်က ကမ်းပေး၏။ လှမ်းယူရင်း သူ မျက်မှောင်ကြုတ်မိသေးသည်။ (ဘာရည်ရွယ်ချက်နှင့် ပေးသွားမှန်း သူမသိချေ။)<br />၀င်းဝင်းနွယ်က ပြုံးစူစူဖြင့် သူ့ကိုပြန်ပြောသည်။<br />`ငါ နင့်ကို သတိရနေတာဟ၊ သူငယ်ချင်းတွေ တွေ့တိုင်း ငါ..နင့်ကို မေးနေတာ..´<br />သူက မိုးပေါ်ကို မော့ကြည့်မိ၏။<br />`မိုးလင်းခါနီးမှ ကြယ်တွေက ပိုတောက်လာသလိုပဲ´<br />`ဟာ.. နင်ကလည်း ငါပြောတာက တခြား၊ နင်ပြောတာက တခြား..´<br />ပြောပြီး ၀င်းဝင်းနွယ်က ရယ်၏။ သူက ဓားကလေးကို လက်ထဲမှာ ခပ်ဆဆကိုင်ရင်း..<br />`နေဦး နင့်ကို ငါမေးဦးမယ်..´<br />`ဘာမေးမလို့လဲ´<br />သူကပြုံးလိုက်ပြီး..<br />`ဓားတစ်လက်ကို အုပ်ချုပ်တဲ့ အရာဟာ ဓားအိမ်ဖြစ်သင့်သလား။ ဓားကိုင်တဲ့လက် ဖြစ်သင့်သလား´<br />`အယ်..´<br /><br />မျက်လုံးဝိုင်းကလေးများ ပိုဝိုင်းသွား၏။ သူက ဓားကလေးကို ဓားအိမ်ထဲမှ ဆွဲထုတ်လိုက်၏။ ဓားသွားကို အပေါ်သို့ပင့်လှန်ပြီး မျက်စိရှေ့မှ လက်ဆန့်တန်းကာ သူ စိုက်ကြည့်နေလိုက်သည်။<br /><br />လက်တစ်ကမ်းမှာ မြင်ရသည့်ဓားသွားက ထက်မြ ပါးလွှာနေ၏။ ပတ်ဝန်းကျင်က နှင်းတွေ မှုန်မှုန်ကျနေသည်။ ကောင်းကင်ပေါ်မှာ လရောင်လင်းနွဲ့၏။ ဓားသွား၏ အလျားအတိုင်းလိုက်၍ ပျော့ပျောင်းစွာ သူစိုက်ကြည့်၏။<br /><br />လောကကြီး၏ အနိဌာရုံ၊ ဣဌာရုံ၊ အတိတ်၊ နိမိတ်၊ အရိပ်၊ အယောင်များက ထက်မြသော ဓားသွားပေါ်တွင် ခုန်ပျံ၍ ကျွမ်းဘားကစားပြနေသည်ကို တွေ့နေရလေသည်။<br /><br />တာရာမင်းဝေ<br />အောက်တိုဘာ၊ ၁၉၉၅<br />ချယ်ရီမဂ္ဂဇင်း။<br /><br />မမယ်လိုဒီမှ စာရိုက်၍ပေးပို့ပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-889672255716262531?l=taryarminwaimemorial.blogspot.com' alt='' /></div>ကိုဖြိုးnoreply@blogger.com3tag:blogger.com,1999:blog-3877557490187777479.post-10114384009986412402007-08-15T21:19:00.000-07:002007-08-08T20:50:44.268-07:00<div style="text-align:justify">တို့တတ်နိုင်တာ ဒါပဲရှိတော့တယ်။ သွားတဲ့သူက သွားနှင့်ပြီ။ အကြွေစောတဲ့ ကြယ်ပွင့်တွေ ပင်လယ်နဲ့ အပြည့်ရှိနေပါတယ်။ အဲဒီထဲကို အလင်းဆုံးတာရာတစ်စင်းလည်း ပူးပေါင်းသွားခဲ့ ပြန်ပြီ။ ဒါပေမယ့် ဒီတာရာမရှိရင် တို့ကောင်းကင်မှာ ဘယ်တော့မှ နက္ခတ်တွေ စုံတော့မှာ မဟုတ်ဘူး။ အစားလည်း မရနိုင်တော့ဘူး။ သူ့အလင်းတွေကို ရေတွက်ကြလို့ မပြီးခင်မှာပဲ အမှောင်တွေနဲ့ အစားထိုးပေးလိုက်ပြန်တယ်။ သူ့သတင်းတွေ ကြားချင်နေတုန်းမှာပဲ တင်းတိမ်ပေးလိုက်ရပြန်တယ်။ အထိမ်းအမှတ်နဲ့ ထိုက်တန်လွန်းတဲ့ တာရာတစ်စင်းအတွက် ကောင်းခြင်းတွေပဲရအောင် တို့ဆုတောင်းကြမယ်။ သူ့အကူအညီတွေနဲ့ လှပခဲ့တဲ့ စကားလုံးတွေကို သူ့ကိုနှုတ်ဆက်ဖို့ပဲ သုံးကြရအောင်။ တို့ငိုတဲ့ စာသားတွေ၊ ကဗျာတွေ၊ လေပြေတွေကြောင့် သူငြိမ်းချမ်းစေသား။ တို့တတ်နိုင်တာ ဒါပဲရှိတော့တယ်။ တို့အားလုံး တစ်ခွန်းလောက်တော့ လွမ်းကြစို့ရဲ့။</div><br /><br />(မအားတဲ့ကြားက ခုလိုတင်နိုင်အောင် ကူညီရေးသားပေးတဲ့ မောင်ပွတ်ကို ကျေးဇူးတင်ပါတယ်)<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-1011438400998641240?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com9tag:blogger.com,1999:blog-3877557490187777479.post-5211918578524986382007-08-14T20:59:00.000-07:002007-08-14T21:18:47.074-07:00ရင်မှာလွမ်းရင်<br />မျှော်တိုင်းမြင်လွန်းလို့<br />လက်ညှိုး ညွှန်ရာ သူဖြစ်ပါစေသား<br />အရှင်ဘုရား။<br /><br />စာရေးဆရာ တာရာမင်းဝေ ဆိုတဲ့ ပန်းခေတ်က လမင်းတစင်း မနေ့က သြဂုတ်လ ၅ ရက်နေ့ နေ့လည်ပိုင်းမှာ ရန်ကုန်မြို့ မြောက်ဥက္ကလာပဆေးရုံကြီးမှာ အသည်းရောင် အသားဝါ စီပိုးရောဂါ (Hepatitis C) ဆိုတဲ့ လငပုပ်ကြီး အုပ်ဖုံးသွားလို့ အချိန်မတိုင်မှီမှာ ကြွေလွင့်သွားရှာပါပြီ။<br /><br />တာရာမင်းဝေဆိုတဲ့ ကလောင်ကို ပန်းခေတ်က လမင်း ဆိုတဲ့ လုံးချင်းဝတ္ထုနဲ့ စတင် ထင်ရှားကျော်ကြား လာခဲ့ပေမယ့် အဲဒီမတိုင်ခင်က ရွှေဘုန်းလူ ဆိုတဲ့ ကလောင်နဲ့ ကဗျာတွေ စာတွေ ရေးဖွဲ့ခဲ့ပါတယ်။ လေစီးကြောင်းထဲကလူများ ဆိုတဲ့ သူရဲ့ဝတ္ထုတိုလေးကို ၁၉၉၄ မေလထုတ် ရင်ခွင်သစ် မဂ္ဂဇင်းမှာ စတင်ဖော်ပြခြင်း ခံရပါတယ်။ တာရာမင်းဝေ ဟာ သစ်ပင်တစ်ပင်ဆိုရင် အဲဒီဝတ္ထုတိုလေးက အဲဒီအပင်မှာ ပထမဦးဆုံး ပွင့်ခဲ့တဲ့ ပန်းလေးတစ်ပွင့်ပါ။<br /><br />ငါနမ်းချင်တဲ့ ကံကော်ရေ<br />မင်း ပွင့်နေပြီလား ...<br /><br />တာရာမင်းဝေဟာ မော်ဒန် စာပေလောကထဲကို လွတ်လပ်ရှင်းလင်းစွာ ၀င်ရောက်လာသူပါ။ သူ့မှာ (ဆရာ၊ တပည့်၊ အုပ်စု၊ ဒေသစွဲ၊ ၀ါဒစွဲ၊ လူကိုးကွယ်မှု) ဘာတစ်ခုမှ မရှိခဲ့ပါ။ ခေတ်လူငယ်တို့ ဘာသာဘာဝ မော်ဒန်အနုပညာကို စိတ်ဝင်စားသူ တစ်ယောက်ပါ။ နိုင်ငံတကာ မော်ဒန်အနုပညာရှင်များရဲ့ နည်းနာများကို တိုက်ရိုက်ယူခြင်း မှီငြမ်းယူခြင်း မဟုတ်ဘဲ မိမိဘာသာ ဆန်းသစ်တီထွင်ခြင်းကိုသာ အားပြုခဲ့သူပါ။<br /><br />သူ့ရဲ့ စာတွေက စွဲဆောင်မှုရှိပါတယ်။ သာမန် ချစ်ကြိုက်ညားကွဲ ဇာတ်လမ်းတွေထဲက ခွဲထွက် ထိုးဖောက်ထားတဲ့ အပြင် ဇာတ်လမ်းတွေထဲမှာ စိတ်ဝင်စားစရာတွေ မှတ်သားစရာတွေ ပါရှိပါတယ်။ ကဗျာ အဖွဲ့အနွဲ့တွေကလည်း ကောင်းမွန် သပ်ရပ်လှပါတယ်။ ရင်ကို စူးရှထိမှန်စေပါတယ်။<br /><br />ခေါင်းညိတ် ခေါင်းခါ<br />မျက်နှာလွဲဖယ်။<br /><br />ပင့်သက် တိုးတိတ်<br />နှုတ်ဆိတ်နေမယ်။<br /><br />အမြင် အကြည်<br />မယှဉ်မိကြောင်း<br />သခင် ... သိရင် ပျော်ပါတယ်။<br /><br />မိန်းခလေးတွေအပြင် ယောကျာင်္လေး စာဖတ်ပရိသတ်တွေ အများအပြား သူ့စာပေတွေကို ဖတ်ရှုကြပါတယ်။ သူ့အနေနဲ့ လုံးချင်းစာအုပ် ၄၂ အုပ်တောင် ထုတ်ထားပြီးပြီ ဆိုပေမယ့် နောက်ထပ် အများကြီး ရေးနိုင်တွေးနိုင် ဖွဲ့ဆို သီကုံးနိုင်သေးတဲ့ နာမည်ကျော် စာရေးဆရာ တစ်ဦးပါ။ ကံတရားက တော်တဲ့သူတွေဆိုရင် အချိန်မတိုင်ခင် လောကကြီးကနေ ဆွဲခေါ်ထုတ်နေသလိုပဲ။<br /><br />လာမယ့် သြဂုတ်လ ၇ ရက်နေ့မှာ တာရာမင်းဝေကို ရေဝေးသုသာန်ကို ပို့ဆောင် သဂြိုဟ်မယ်လို့ ကြားသိထားရပါတယ်။ သူ့နေအိမ်က မြောက်ဒဂုံ ၊ ၄၅ ရပ်ကွက်၊ ပီမိုးနင်း ၁ လမ်းမှာပါ။ သူထွက်ခွါ နှုတ်ဆက်သွားချိန်မှာ ဇနီးဖြစ်သူ စာရေးဆရာမ မနော်ဟရီနဲ့ သားဖြစ်သူ ခေတ်နေ တို့ ကျန်ရစ်ခဲ့ပါတယ်။<br /><br />ညက ပွင့်ကွဲထွက်နေချိန် ...<br />လမင်းဟာ အထီးကျန် တိမ်တိုက်တစ်ခုစီကနေ ...<br />ကောင်းကင်ကြီး လျှံ့ကျအောင် ရောင်ခြည်တွေ ရွာချသလို ...<br />၀သုန်လေထု တစ်ခွင်တစ်ပြင်မှာ မင်းရဲ့အသံ ပျံလွင့်နေတယ်။<br /><br /><br />ကောင်းရာသုဂတိ ဘုံဘ၀မှာ ငြိမ်းချမ်းသာယာနေနိုင်ပါစေ။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-521191857852498638?l=taryarminwaimemorial.blogspot.com' alt='' /></div>နေဘုန်းလတ်http://www.blogger.com/profile/10303509969005854278noreply@blogger.com1tag:blogger.com,1999:blog-3877557490187777479.post-43612020205696071642007-08-13T12:26:00.000-07:002007-08-13T12:29:28.630-07:00တာရာမင်းဝေ<br /><br />တာရာမင်းဝေကို ကျွန်တော် စသိတာက ကျွန်တော် ကိုးတန်းကျောင်းသား ဘ၀။ ကျွန်တော် စာအုပ်ငှားတဲ့ ဆိုင်လေးက မြစ်ကြီးနားမြို့ သီတာရပ်ထဲက စာအုပ်ဆိုင်လေး။ တစ်ရက်တော့ စာအုပ် သွားရှာရင်း စာအုပ်တစ်အုပ်ကို တွေ့လိုက်သည်။ ရွှေဖိနပ်မှာ အစိမ်းရောင် ကြက်ခြေခတ်နဲ့ ကောင်မလေးတဲ့။ စာရေးသူကို ကျွန်တော်မသိ။ တစ်ရွက်နှစ်ရွက် အစမ်းဖတ်ကြည့်ပြီး သွားတာနဲ့ ထိုစာအုပ်လေးကို ကျွန်တော် ငှားလာဖြစ်ခဲ့တော့သည်။ ဖတ်ပြီးတော့လည်း ကျွန်တော် အရမ်းကြိုက်သွားသည်။ ဇာတ်လမ်းထဲမှ သီဟသစ်သည် ကျွန်တော်ဖြစ်သွားပြီး နှင်းဆီဖြူသည် ကောင်မလေး တစ်ယောက် ဖြစ်သွားသည်။ ငါ့သမိုင်းကို ငါရေးမည်၊ ငါ့ငှက်များ ကောင်းကင်သို့ ပြန်စေသတည်းဟူသော စကားလေးကိုလည်း အလွန်နှစ်သက် သွားမိသည်။ ထို့အတူ တာရာမင်းဝေဆိုသော နာမည်ခပ်ဆန်းဆန်း စာရေးဆရာကိုလည်း မှတ်မှတ်ယယ ဖြစ်သွားခဲ့သည်။ ထိုစဉ်က ကျွန်တော်က ဆယ်တန်းကျောင်းသား ဖြစ်တော့မည့် အရွယ်ဆိုတော့ ဘ၀မှာ ကိုယ်သာ အရေးအကြီးဆုံး၊ ကျောင်းသားဘ၀သည် ပျော်ရွှင်စရာ အကောင်းဆုံးဟု ယုံကြည်မိနေချိန်လည်း ဖြစ်သည်။ ကျွန်တော် နှစ်သက်သော အခြားစာအုပ်တစ်အုပ် ရှိသေးသည်။ မင်းလူ၏ ပန်းကျောင်းဆိုသော စာအုပ်။ ထိုစာအုပ် နှစ်အုပ်စလုံးမှာ အခြေခံပညာ ကျောင်းသားဘ၀ နောက်ခံ အချစ်ဇာတ်လမ်းလေးတွေ ဖြစ်သည်။ ပန်းကျောင်းကတော့ ရိုးစင်းသည်။ တာရာမင်းဝေ၏ စာအုပ်ကတော့ စကားလုံးလေးတွေ ဆန်းသစ်သလို အတွေးအခေါ်လည်း ဆန်းသစ်နေသည်။<br /><br />ထို့နောက် ကျွန်တော်လည်း ဆယ်တန်းအတွက် နွေရာသီသင်တန်းများ တက်ရန် ရန်ကုန်သို့ ရောက်လာသည်။ သူငယ်ချင်းများနဲ့ YES မှာအင်္ဂလိပ်စာ သင်တန်း တက် ဖြစ်သည်။ တစ်နေ့ ကျွန်တော်က သူငယ်ချင်း ပြည့်စုံဝင်းကို အဆိုပါစာအုပ်အကြောင်း ပြောဖြစ်တော့ သူက စာအုပ်တစ်အုပ် ယူလာပြသည်။ သူကတော့ ရွှေဖိနပ်ထက် ထိုစာအုပ်ကို ပိုသဘောကျကြောင်း ပြောသည်။ မှတ်မှတ်ယယ သူက မှာလိုက်သေးသည်။ ထိုစာအုပ်ကိုဖတ်လျှင် နောက်ဆုံး စာမျက်နှာကို ဖတ်ချင်လည်းဖတ်၊ မဖတ်ချင်လည်း နေလို့ရတယ် ဟူ၍ ဖြစ်သည်။ ထိုစာအုပ်မှာ တာရာမင်းဝေ၏ ပထမဆုံး လုံးချင်းစာအုပ်၊ ပန်းခေတ်ကလမင်းပင် ဖြစ်သည်။ ထိုစာအုပ်ကိုလည်း ဖတ်လိုက်မိသည်နှင့် ကျွန်တော် အရမ်းနှစ်သက် သွားခဲ့သည်။ ထိုဝတ္ထုထဲမှ ဇာတ်ဆောင်သည် ကျွန်တော့်ကို ရည်ရွယ်ပြီး ရေးထားသည်ဟု ထင်ရလောက်အောင် ကျွန်တော်နှင့် တူသည်ဟု ခံစားမိခဲ့သည်။ သူငယ်ချင်း ပြောသလိုပင် ထိုဝတ္ထုလေးသည် အလွန်ကောင်းပါသည်။ နောက်ဆုံး စာမျက်နှာသည် ထိုဝတ္ထု၏ အသက်ဟုပင် ကျွန်တော် ဆိုချင်သည်။ အခြားသော ၀တ္ထုများလို နောက်ဆုံး စာမျက်နှာ ဖတ်ရုံမျှနှင့်လည်း ဇာတ်လမ်းသဘောကို မသိနိုင်။ နောက်ဆုံး စာမျက်နှာကို မဖတ်လိုက်လျှင်လည်း ၀တ္ထုက ပျက်မသွား။ သို့သော် နောက်ဆုံးစာမျက်နှာကို ဖတ်လိုက်လျှင်တော့ ၀တ္ထုဇာတ်လမ်းတစ်ခုလုံး ပြောင်းပြန် ဖြစ်သွားလိမ့်မည်။ ရင်မောပြီး ကျန်ခဲ့ရလိမ့်မည်။<br /><br />ထို့နောက်တွင် တာရာမင်းဝေ၏ စာအုပ်များ ဆက်တိုက်ဆိုသလို ထွက်၍လာသည်။ လူငယ်ထု ကြားတွင်လည်း သူ၏နာမည် ထင်ရှားလာခဲ့သည်။ လုံးချင်း ၀တ္ထုများသာမက၊ ၀တ္ထုတိုများ၊ ဆောင်းပါးများ၊ ကဗျာများပါ သူအောင်မြင်စွာ ရေးဖွဲ့နိုင်ခဲ့သည်။ သူ၏ ကဗျာစာအုပ် မိုးခေါင်လို့တီးတဲ့ဗုံသံသည် အလွန်အောင်မြင်ခဲ့သည်။ လူငယ်တစ်ယောက်၏ ကျောက်ထွင်းရာဇ၀င် ၀တ္ထုလတ် သုံးပုဒ်သည် စာဖတ်ပရိသတ်ကို ဖမ်းစားနိုင်ခဲ့သည်။ စုန်းကိုက်ခံရတဲ့သစ်သီး ၀တ္ထုတိုများသည် အထူးထင်ရှားခဲ့သည်။ ပြိုင်မြင်းတို့၏ခွာသံ ဆိုသော စာအုပ်တွင် သူ၏ စာပေအယူအဆ ရေးရာများကို တွေ့နိုင်သည်။ သို့ရာတွင် နောက်ပိုင်း သူ၏ စာရေးအားမှာ တက်လာသလောက် အရည်အသွေး အနည်းငယ် ကျဆင်းသွားသည်ဟု ထင်မိသည်။ ထို့နောက် ထို့နောက် ကိုတာရာမင်းဝေတစ်ယောက် အရက်အရမ်း သောက်လာသည်ဟု သတင်းကြားရသည်။ နိုင်ငံရေးအရ ထိန်းသိမ်း ခံရသည်ဟုလည်း ကြားရသည်။ ပညာတတ် တစ်ယောက်၏ မွန်းကျပ်မှုများ၊ အလိုမပြည့်မှုများကို ကျွန်တော် ခံစားနားလည် နေမိပါသည်။<br /><br />ဒီလိုနှင့် လွန်ခဲ့သော တစ်ရက်က သူ၏နာရေးသတင်းကို ကြားလိုက်ရတော့ အတော် စိတ်မကောင်း ဖြစ်သွားမိသည်။ မြန်မာပြည်တွင် စာရေးဆရာများ ပေါလှသည်။ အတွေးအခေါ် ကောင်းသော၊ ဆန်းသစ်သော၊ မျိုးချစ်စိတ်ရှိသော၊ သာရာမလိုက်တတ်သော၊ မဖားတတ်သော သူလိုလူကား ရှားသည်။ ကျွန်တော့်တွင် သူ့လက်ရေးနှင့် ရေးထားသော စာအုပ်တစ်အုပ် ရှိသည်။ ဆရာ သစ္စာနီသို့ လက်ဆောင်အဖြစ် ပေးထားသော သူ၏ ပထမ အကြိမ်ထုတ် ပထမဆုံး သူ၏ လုံးချင်းဝတ္ထု ပန်းခေတ်ကလမင်း ဖြစ်သည်။ စာအုပ်ထောင့်တွင် အကိုကြီးကိုရဲ (သစ္စာနီ)သို့ ညီလေး တာရာမင်းဝေဆိုပြီး သူ့လက်မှတ်ထိုးထားသော စာအုပ်ဖြစ်သည်။ မှတ်မှတ်ယယ ထိုစာအုပ်ကို ကျွန်တော် အဟောင်းတန်းက ၁၅၀နှင့် ၀ယ်ယူခဲ့တာ ဖြစ်သည်။ အခုတော့ ကျွန်တော် လေးစားနှစ်သက် ခဲ့ဖူးသော ကိုတာရာမင်းဝေ တစ်ယောက် အားလုံးကို စွန့်ခွာပြီး မွန်းကြပ်ရာ ကမ္ဘာမြေကနေ ထွက်ခွာသွားခဲ့ပြီ။ မြန်မာပြည် ရီနေဆန့်ခေတ်တွင်သာ လူဖြစ်ရပါလို၏ဟုများ သူဆုတောင်း လေမည်လားဟု ကျွန်တော် တွေးနေမိလေသည်။<br /><br />ညီလင်းဆက်၏ <a href="http:\\nyilynnseck.blogspot.com" target="_blank">တာရာမင်းဝေ</a>ဆိုသော ပိုစ့်မှ တိုက်ရိုက်ကူးယူဖော်ပြပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-4361202020569607164?l=taryarminwaimemorial.blogspot.com' alt='' /></div>Zin Ko Latthttp://www.blogger.com/profile/00070820239389217670noreply@blogger.com0tag:blogger.com,1999:blog-3877557490187777479.post-81577260767007376722007-08-13T12:14:00.000-07:002007-08-13T12:22:38.193-07:00<a href="http://2.bp.blogspot.com/_9pykAxNsGhw/RsCvZ5qYTfI/AAAAAAAAAfM/vxgjXQXatKg/s1600-h/00.jpg"><img style="display:block; margin:0px auto 10px; text-align:center;cursor:pointer; cursor:hand;" src="http://2.bp.blogspot.com/_9pykAxNsGhw/RsCvZ5qYTfI/AAAAAAAAAfM/vxgjXQXatKg/s320/00.jpg" border="0" alt=""id="BLOGGER_PHOTO_ID_5098267637693566450" /></a><br /><a href="http://3.bp.blogspot.com/_9pykAxNsGhw/RsCvWJqYTeI/AAAAAAAAAfE/yl1YCLCBhuw/s1600-h/0.jpg"><img style="display:block; margin:0px auto 10px; text-align:center;cursor:pointer; cursor:hand;" src="http://3.bp.blogspot.com/_9pykAxNsGhw/RsCvWJqYTeI/AAAAAAAAAfE/yl1YCLCBhuw/s320/0.jpg" border="0" alt=""id="BLOGGER_PHOTO_ID_5098267573269056994" /></a><br /><a href="http://4.bp.blogspot.com/_9pykAxNsGhw/RsCvSZqYTdI/AAAAAAAAAe8/X5tDE-WBye0/s1600-h/1.jpg"><img style="display:block; margin:0px auto 10px; text-align:center;cursor:pointer; cursor:hand;" src="http://4.bp.blogspot.com/_9pykAxNsGhw/RsCvSZqYTdI/AAAAAAAAAe8/X5tDE-WBye0/s320/1.jpg" border="0" alt=""id="BLOGGER_PHOTO_ID_5098267508844547538" /></a><br /><a href="http://1.bp.blogspot.com/_9pykAxNsGhw/RsCvOpqYTcI/AAAAAAAAAe0/XI2AFZsTOfo/s1600-h/2.jpg"><img style="display:block; margin:0px auto 10px; text-align:center;cursor:pointer; cursor:hand;" src="http://1.bp.blogspot.com/_9pykAxNsGhw/RsCvOpqYTcI/AAAAAAAAAe0/XI2AFZsTOfo/s320/2.jpg" border="0" alt=""id="BLOGGER_PHOTO_ID_5098267444420038082" /></a><br /><a href="http://3.bp.blogspot.com/_9pykAxNsGhw/RsCvLJqYTbI/AAAAAAAAAes/6frkJRC73gI/s1600-h/3.jpg"><img style="display:block; margin:0px auto 10px; text-align:center;cursor:pointer; cursor:hand;" src="http://3.bp.blogspot.com/_9pykAxNsGhw/RsCvLJqYTbI/AAAAAAAAAes/6frkJRC73gI/s320/3.jpg" border="0" alt=""id="BLOGGER_PHOTO_ID_5098267384290495922" /></a><br /><a href="http://3.bp.blogspot.com/_9pykAxNsGhw/RsCvHJqYTaI/AAAAAAAAAek/ZXiElICpN80/s1600-h/4.jpg"><img style="display:block; margin:0px auto 10px; text-align:center;cursor:pointer; cursor:hand;" src="http://3.bp.blogspot.com/_9pykAxNsGhw/RsCvHJqYTaI/AAAAAAAAAek/ZXiElICpN80/s320/4.jpg" border="0" alt=""id="BLOGGER_PHOTO_ID_5098267315571019170" /></a><br />Maryland, USAမှာရှိတဲ့ မင်္ဂလာရာမ ၀ိဟာရကျောင်းတော်မှာ ပြုလုပ်သွားတဲ့ တာရာမင်းဝေရက်လည်က ဓါတ်ပုံတွေကို ပို့ပေးတဲ့ KoTHကို ကျေးဇူးတင်ပါတယ်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-8157726076700737672?l=taryarminwaimemorial.blogspot.com' alt='' /></div>Zin Ko Latthttp://www.blogger.com/profile/00070820239389217670noreply@blogger.com0tag:blogger.com,1999:blog-3877557490187777479.post-72769474402582006442007-08-13T12:07:00.000-07:002007-08-13T12:14:16.021-07:00အခုပဲ..ဟစ်တိုင်မှာ..တာရာမင်းဝေကွယ်လွန်ဆိုတဲ့သတင်းကို..အလန့်တကြားတွေ့လိုက်ရတယ်။<br />ဘယ်လိုတွေဖြစ်နေကြတာလဲ....ဘာတွေဖြစ်နေတာလဲ...<br />ဟောတယောက်..ဟောတယောက်..<br />“ မိဘတွေက..သားသမီးတွေကို..သင်္ဂြုဟ်နေရတဲ့ခေတ်ဖြစ်နေတယ်..” ဆိုတဲ့..လူကြီးတယောက်<br />ပြောတဲ့စကားကိုပြန်ကြားယောင်မိရင်း...ရင်ထဲအုံ့ပျက်သွားလိုက်တာ။<br /><br />အသဲရောင်ရောဂါတဲ့...<br />ဗမာပြည်မှာ..ပြည်သူ့ကျန်းမာရေးထိန်းသိမ်းစောင့်ရှောက်မူတွေ..ဘယ်လောက်တောင်ဆိုးဝါးနေပီလဲ။<br />ဘာတွေလဲ..ဘာတွေလဲကွာ...<br />တာရာမင်းဝေဆိုတာ..ပြောင်မြောက်တဲ့ကဗျာတွေ..ဆန်းပြားတဲ့ဇာတ်လမ်းတွေထွင်တတ်..ရေးတတ်တဲ့သူတယောက်ဆိုတာထက်...ဗကသမှာ..တချိန်က..ပါဝင်လှုပ်ရှားခဲ့ဘူးတာ..နိုင်ငံရေးအကျဉ်းသားဖြစ်ခဲ့ ဘူးတာတွေ..ဘားမားကန်ပိန်းက..ကိုအောင်ဒင်နဲ့ညီအကိုဆိုတာတွေက..<br />ပိုပီးစိတ်ဝင်စားစရာကောင်းနေတယ်။<br /><br />ပီးတော့..ချစ်စရာကောင်းစွာ..လှပသိမ်မွေ့တဲ့..သူ့ဇနီး..မခင်မေ၀င်း (ခ) မနော်ဟရီကိုလည်း..မျက်စိထဲမှာမြင်ယောင်ပီး.စိတ်မကောင်းဖြစ်နေမိတယ်..သူ့သားလေး..ခေတ်နေ ရော..<br /><br />တာရာမင်းဝေကို..ကိုယ်တိုင်မမြင်ဘူးပေမဲ့..မနော်ဟရီကိုတော့..IFL မှာပြင်သစ်စာသင်ရင်း ဘေးချင်းကပ်ထိုင်..စာချင်းဖလှယ်ခဲ့ကျသူမို့..ကောင်းကောင်းသိနေသည်။ မြန်မာဆန်ဆန်အမြဲဝတ်<br />တတ်ပီး..သူ့လည်ပင်းမှာဆွဲထားတဲ့..လက်ဝါးကပ်တိုင်လေးက..အမြင်ဆန်းနေစေတယ်လေ။<br />နောက်တခါ..ဆရာတင်မောင်သန်းပေးတဲ့..ဂျာနယ်လစ်သင်တန်းတခုမှာလဲ ဆုံဘူးတယ်။<br /><br />တိုက်တိုက်ဆိုင်ဆိုင်..တလောကမှ..ဆစ်ဒနီမှာနေတဲ့..အဒေါ်ဆီက..သတင်းကြားတယ်..<br />အဲဒီမှာနေတာကြာပီဖြစ်တဲ့..မနော်ဟရီရဲ့မိဘတွေက..သူတို့သမီး..ဆစ်ဒနီကိုလာတော့မယ်လို့..<br />၀မ်းသာအားရပြောပြတယ်တဲ့..ကိုယ်တောင်..တော်တော်စိတ်ဝင်စားသွားသေး။<br /><br />ကဲကွယ်..ဘာပြောရမှန်းတောင်မသိတော့ဘူး..။<br />တာရာမင်းဝေတယောက်..ကောင်းရာသုဂတိရောက်ပါစေလို့ပဲ..၊<br /><br />မကေသွယ်ရဲ့ <a href="http://kthwe.blogspot.com/2007/08/tar-yar-min-wai.html" target="_blank">တာရာမင်းဝေကွယ်လွန်ပြီတဲ့ </a>ဆိုတဲ့ ပိုစ့်မှ တိုက်ရိုက်ကူးယူဖော်ပြပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-7276947440258200644?l=taryarminwaimemorial.blogspot.com' alt='' /></div>Zin Ko Latthttp://www.blogger.com/profile/00070820239389217670noreply@blogger.com0tag:blogger.com,1999:blog-3877557490187777479.post-79606178975314275182007-08-13T08:11:00.000-07:002007-08-13T08:12:31.929-07:00(၁)<br />မင်းရဲ့ ရုပ်အလောင်းဟာ <br />ခြင်္သေ့ဂူထဲမှာ ရှိလိမ့်မယ်<br />အမှောင်စုန်းစုန်းမှာ<br />အရာအားလုံး မေ့ဖျောက်ပစ်<br />နောက်တစ်ခေတ် မင်းအောင်မြင်စေကွယ်<br /><br />အက်ကွဲနေသောလက်များနဲ့<br />ဘုရားသခင်ထံငါတို့ဆုတောင်း<br />မင်း.. ကောင်းရာသုဂတိလားပါစေ..လို့<br />ငါတို့ရဲ့<br />သွေးတစ်စက်ကို ထက်ဝက်ခွဲ<br />မင်းခံတွင်းထဲ<br />တဲတဲလေးလျှောချကြည့်ယင်<br />နှုတ်ခမ်းသေများက<br />ဖွဖွတိုးတိုးလေး လှုပ်ရှားအော်မြည်<br />ဒီ..မို..က..ရေ..စီ..<br />ဒီမိုကရေစီလို့ .. ဆိုလိမ့်မယ်<br />ညီလေးရယ်<br />ရနိုင်မယ်ဆိုယင်<br />မင်းရဲ့အရိုးတစ်မှုံကို<br />နိဗ္ဗာန်ဘုံအထိယူပြီး<br />ဘုရားရှင်ကို ပြကြည့်ချင်တယ်..<br />မင်းဟာ သူရဲကောင်းလေးဖြစ်တယ်<br />မင်းဟာ အာဇာနည်လေးဖြစ်တယ်<br />မင်းဟာ ဗမာကျောင်းသားလေး.. ဖြစ်တယ်လေ။<br /><br />(၂)<br />ရေငတ်သလို.. ငတ်ခဲ့ရတဲ့<br />ဗမာပြည်က “လူ့အခွင့်အရေး”ဟာ <br />အကျဉ်းထောင်ထဲမှာ<br />သင်္ချိုင်းမြေမှာ<br />တရားရုံးရဲ့ ရာဇ၀တ်မှုတွေထဲမှာ.. ရှိနေတယ်..<br />မင်း.. စွန့်ခွာခဲ့တဲ့<br />စာသင်ကျောင်းကလေး<br />မင်းသတင်းတွေ မေးနေပြီ<br />မင်းရဲ့ စာအုပ်ဟောင်းထဲမှာ<br />ဆရာမရဲ့ မှတ်ချက်...<br />မင်းအတွက်...<br />“နောက်ထပ်စာအုပ်အသစ်လဲပါ” တဲ့<br />စာအုပ်မလုံလောက်မှု<br />ဖောင်တိန်မလုံလောက်မှု<br />မုန့်စားဆင်းချိန်မှာ ကျောင်းခန်းထဲအိပ်နေမှု.. စတဲ့<br />လူမှုကိစ္စအ၀၀<br />မင်းချည်းမှ မဟုတ်ခဲ့ပါဘူးကွယ်<br />တိုက်ပွဲမှာ<br />ချွန်မြစွာ တောင်းဆိုနိုင်ဖို့<br />ခေါင်းလောင်းအိုကြီးကို နှုတ်ဆက်<br />ချီတက်လာတဲ့ အာဇာနည်လေးရေ..<br />ခွပ်ဒေါင်းရဲ့ <br />တစ်ကြောင်းစာချွန်<br />သမိုင်းစင်ကိုထမ်း<br />ရာဇ၀င်ကြမ်းခက် သွေးစက်ရွှဲစို<br />ခုတော့..<br />မင်းရဲ့ ခုံနံပါတ်လေး “ငို” နေပြီ... ။ <br /><br />(၃)<br />ရွှေဘုန်းရောင်လက်ဝင်းတဲ့<br />နှင်းပြာပြာမနက်ဦးများမှာ<br />ဒို့ ကမ္ဘာကို<br />ပြန်လာဦးမှာလား.. ဟင်...<br />“အမျိုးဘာသာ သာသနာအတွက်<br />သား .. နှုတ်ဆက်ခဲ့ပါတယ်” တဲ့<br />မင်းထားခဲ့တဲ့ စာတိုကလေး<br />မင်းတို့ အိမ်ကို ပေးလိုက်ပြီ<br />ယိုင်ရဲ့ ကျဉ်းမြောင်းနေတဲ့<br />မင်းတို့ရဲ့ အိမ်ကလေးထဲမှာ<br />မင်းရဲ့ ဖေဖေဟာ<br />လက်သီးကို ကျစ်ကျစ်ပါအောင်<br />ဆုပ်ထားတယ်..<br />မင်းရဲ့ မေမေဟာ<br />အခန်းထောင့်မှာ<br />ငြိမ်သက်စွာထိုင်ပြီး<br />မျက်ရည်စီးကြောင်းတစ်ခုကို အဖော်ပြု<br />(ရင်ထဲမှာတော့)<br />သား ပြန် “လု” နေရှာတော့မယ်။<br /><br />“ကောင်းမွန်စွာ<br />သင်္ဂြိုဟ်ပြီးစီးပါကြောင်း” .. တဲ့<br />အလောင်းကိုမှ<br />မမြင်ရ မတွေ့ရ<br />ဘယ်နေရာမှာ ကျဆုံးခဲ့သလဲ ညီလေးရယ်...<br />ဒေါင်းရုပ်ကလေးလိုပဲ<br />မင်းရဲ့ အတ္ထုပ္ပတ္တိဟာ<br />အတောင်ပံပါတယ်<br />တိုက်ပွဲဝင်တယ်<br />နွယ်လိုပတ်ချည် ခိုင်ကျည်နစ်စူး<br />ရောက်လေရာဘ၀အဆက်ဆက်မှာ<br />မင်း.. မော်ဖူးရခြင်းများစွာနဲ့<br />ကင်းဝေးပါလိမ့်မယ် ... ။<br /><br />(၄)<br />အိမ်ထရံမှာ<br />တခါခါ မင်းမျက်ရည်သုတ်တဲ့<br />စုတ်ချာချာ လွယ်အိတ်ကလေး<br />ခေတ်ဘေးခေတ်ဒဏ်သင့်နေရှာတယ်..<br />“ခေတ်လွတ်လပ်မှ<br />ကျောင်းသားလွတ်လပ်မယ်”<br />အရွယ်နဲ့ မလိုက်အောင်တွေး<br />“ကျောင်းသားအရေး”ဆိုတာ <br />မင်းမှာ မရှိခဲ့ပါဘူး<br />“ဘုရားခေတ်မှာဆိုယင်<br />ရဟန္တာဖြစ်တဲ့အထိ လိမ္မာမယ်”<br />ဒါပေမယ့်...<br />“အမှောင်ခေတ်မှာတော့<br />အာဏာရှင်ကို ဖီဆန်တယ်”<br />ညီလေးရယ် မင်းသိပ်မှန်တယ်..<br /><br />ခံယူချက်ကို<br />အမြောက်ဆံလို ပစ်ဖောက်<br />အဝေးဆုံး အမြင့်ဆုံး<br />ဘ၀တဆုံး မင်းရောက်ခဲ့တယ်..<br />စစ်မောင်းသံကြားယင်<br />ခွာတရှပ်ရှပ်ဖြစ်ချင်တဲ့<br />ခေတ်ရဲ့ စစ်မြင်းကလေးလို မင်းဟာ<br />ရာဇ၀င်ကို ထိုးခွဲ<br />တိုက်ပွဲကို ဒုန်းဖောက်<br />မီးတောက်ဆူးခြစ်<br />ခေတ်သစ်ပူဇော်<br />တော်လှန်တဲ့ ညီလေးရေ<br />ခွပ်ဒေါင်းအပေါင်းရဲ့<br />ကောင်းချီးသြဘာသံစေ<br />မင်းရောက်ရာအရပ်က ကြားပါစေ...<br /><br />(၅)<br />ညီလေးရေ<br />ရာဇ၀င်ရေးရာ<br />စာအုပ်ပိတ်<br />တော်လှန်ရေးမှာ “အိပ်”တော့နော်<br />စိတ်ချသွားပါ<br />အရာအားလုံးကို မေ့ဖျောက်<br />သွေးနဲ့တည်ဆောက်တဲ့ အုတ်ဂူတစ်လုံး<br />တလောကလုံး လင်စေအားကွယ်..<br />တိမ်သားရိုးရီ<br />ဒီမိုကရေစီ တောင်တက်လမ်းက<br />ခပ်ကြမ်းကြမ်းကျောက်လေးတွေအဖြစ်<br />စွဲနစ်ကျန်တင်လို့ .. အောင်မြင်မှာပါ<br />ဗမာပြည်အတွက်<br />လိုအပ်တဲ့<br />“လူ့အခွင့်အရေးနဲ့ ဒီမိုကရေစီ”<br />အရှေ့ဖက်အရပ်မှာ<br />ခြင်္သေ့တွေ ချီလာပြီ<br />စစ်မြင်းတွေ ပြိုင်လာပြီ<br />ခွပ်ဒေါင်းတွေ ပျံလာနေပြီလေ..<br />ညီလေးရယ်<br />ငြိမ်းချမ်းစွာ<br />အေးမြစွာ<br />ရှင်းသန့်စွာ<br />နောက်ဘ၀မှာ မြင်ယောင်ကြည့်စမ်းကွယ်<br />ဘာပဲဖြစ်ဖြစ်<br />ယမ်းငွေ့တလူလူကြားထဲမှာ<br />မင်းချစ်တဲ့ ဗမာပြည်ကြီးဟာ<br />ဒေါင်းအလံကို ပန်းလို ပန်လို့ လှလို့..<br />သြော်..<br />ဒေါင်းအလံကို ပန်းလို ပန်လို့ <br />လှလို့ပါပဲ .. ညီလေးရယ်.... ။ ။<br /><br />ရွှေဘုန်းလူ<br /><br />(ဗမာနိုင်ငံလုံးဆိုင်ရာကျောင်းသားသမ္မဂ္ဂများအဖွဲ့ချုပ်မှ ထုတ်ဝေသော “အရေးတော်ပုံမှ ထွက်လာသော ၀ိညာဉ်များ၏ ပုံရိပ်များ” ကဗျာစာအုပ်တွင် ဖော်ပြထားသော ကဗျာကို မူရင်းသတ်ပုံအတိုင်း ဖော်ပြထားပါသည်)<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-7960617897531427518?l=taryarminwaimemorial.blogspot.com' alt='' /></div>တာရာမင်းဝေအမှတ်တရhttp://www.blogger.com/profile/17093190404297942779noreply@blogger.com10tag:blogger.com,1999:blog-3877557490187777479.post-15403411870842470072007-08-12T06:42:00.000-07:002007-08-12T07:43:23.734-07:00<a onblur="try {parent.deselectBloggerImageGracefully();} catch(e) {}" href="http://2.bp.blogspot.com/_EygVnOetQrA/Rr8cNE3sHKI/AAAAAAAAABE/DI-cNOzQOZw/s1600-h/TYMW-1.jpg"><img style="float:left; margin:0 10px 10px 0;cursor:pointer; cursor:hand;" src="http://2.bp.blogspot.com/_EygVnOetQrA/Rr8cNE3sHKI/AAAAAAAAABE/DI-cNOzQOZw/s320/TYMW-1.jpg" border="0" alt=""id="BLOGGER_PHOTO_ID_5097824314177887394" /></a><br /><a onblur="try {parent.deselectBloggerImageGracefully();} catch(e) {}" href="http://2.bp.blogspot.com/_EygVnOetQrA/Rr8cGE3sHJI/AAAAAAAAAA8/rJCO7c9A2WU/s1600-h/TYMW-2.jpg"><img style="float:left; margin:0 10px 10px 0;cursor:pointer; cursor:hand;" src="http://2.bp.blogspot.com/_EygVnOetQrA/Rr8cGE3sHJI/AAAAAAAAAA8/rJCO7c9A2WU/s320/TYMW-2.jpg" border="0" alt=""id="BLOGGER_PHOTO_ID_5097824193918803090" /></a><br /><a onblur="try {parent.deselectBloggerImageGracefully();} catch(e) {}" href="http://4.bp.blogspot.com/_EygVnOetQrA/Rr8b9k3sHII/AAAAAAAAAA0/DRlZdiNGogA/s1600-h/TYMW-3.jpg"><img style="float:left; margin:0 10px 10px 0;cursor:pointer; cursor:hand;" src="http://4.bp.blogspot.com/_EygVnOetQrA/Rr8b9k3sHII/AAAAAAAAAA0/DRlZdiNGogA/s320/TYMW-3.jpg" border="0" alt=""id="BLOGGER_PHOTO_ID_5097824047889915010" /></a><br /><a onblur="try {parent.deselectBloggerImageGracefully();} catch(e) {}" href="http://2.bp.blogspot.com/_EygVnOetQrA/Rr8b5E3sHHI/AAAAAAAAAAs/sl4e9a4YbA0/s1600-h/TYMW-4.jpg"><img style="float:left; margin:0 10px 10px 0;cursor:pointer; cursor:hand;" src="http://2.bp.blogspot.com/_EygVnOetQrA/Rr8b5E3sHHI/AAAAAAAAAAs/sl4e9a4YbA0/s320/TYMW-4.jpg" border="0" alt=""id="BLOGGER_PHOTO_ID_5097823970580503666" /></a><br /><a onblur="try {parent.deselectBloggerImageGracefully();} catch(e) {}" href="http://1.bp.blogspot.com/_EygVnOetQrA/Rr8by03sHGI/AAAAAAAAAAk/wJMNhxn9W9g/s1600-h/TYMW-5.jpg"><img style="float:left; margin:0 10px 10px 0;cursor:pointer; cursor:hand;" src="http://1.bp.blogspot.com/_EygVnOetQrA/Rr8by03sHGI/AAAAAAAAAAk/wJMNhxn9W9g/s320/TYMW-5.jpg" border="0" alt=""id="BLOGGER_PHOTO_ID_5097823863206321250" /></a><br /><a onblur="try {parent.deselectBloggerImageGracefully();} catch(e) {}" href="http://3.bp.blogspot.com/_EygVnOetQrA/Rr8buU3sHFI/AAAAAAAAAAc/PqGuZiSlaDE/s1600-h/TYMW-6.jpg"><img style="float:left; margin:0 10px 10px 0;cursor:pointer; cursor:hand;" src="http://3.bp.blogspot.com/_EygVnOetQrA/Rr8buU3sHFI/AAAAAAAAAAc/PqGuZiSlaDE/s320/TYMW-6.jpg" border="0" alt=""id="BLOGGER_PHOTO_ID_5097823785896909906" /></a><br /><a onblur="try {parent.deselectBloggerImageGracefully();} catch(e) {}" href="http://2.bp.blogspot.com/_EygVnOetQrA/Rr8bpE3sHEI/AAAAAAAAAAU/F030lUjwc28/s1600-h/TYMW-7.jpg"><img style="float:left; margin:0 10px 10px 0;cursor:pointer; cursor:hand;" src="http://2.bp.blogspot.com/_EygVnOetQrA/Rr8bpE3sHEI/AAAAAAAAAAU/F030lUjwc28/s320/TYMW-7.jpg" border="0" alt=""id="BLOGGER_PHOTO_ID_5097823695702596674" /></a><br /><br />ဓာတ်ပုံများ ပေးပို့လာတဲ့ nnai.blogspot.com မှ 99 ကို ကျေးဇူးတင်ရှိပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-1540341187084247007?l=taryarminwaimemorial.blogspot.com' alt='' /></div>တာရာမင်းဝေအမှတ်တရhttp://www.blogger.com/profile/17093190404297942779noreply@blogger.com0tag:blogger.com,1999:blog-3877557490187777479.post-48990010046702508222007-08-12T06:40:00.000-07:002007-08-12T06:42:02.968-07:00ပထမမြောက် ရဲရင့်ခြင်းအဖြစ်<br />အမေက ငါ့ကို ဆွဲဖွင့်တယ်<br />ယမမင်းရဲ့ သြ၀ါဒက ပြက္ခဒိန်တွေကို ဟောင်းမြစေရဲ့ ။<br /><br />ငါ့ရင်ဘတ်ထဲမှာက မီးပွင့်ဖဲချပ်တွေ တစ်ထပ်ကြီး<br />ငါပြောလိုက်တဲ့ ဓါးသွားတစ်ခွန်းက<br />နတ်ဆိုးအပေါင်းကို ရေမွန်းစေခဲ့ပြီ တဲ့။<br /><br />ငယ်ငယ်ဝံ့ဝံ့ လောဂဓံနဲ့<br />ဆောင်းဦးလေပြည်ကို ပန်ချင်တဲ့ကောင်<br />မရေးရသေးတဲ့ အက္ခရာတစ်ကြောင်းဟာ<br />ဘယ်လက်နဲ့…..၀ှက်ထားတဲ့ ဗျက်စောင်းပါပဲ။<br /><br />သေနတ်တစ်လက်ရဲ့ ပြောင်းထဲမှာ<br />ကျည်ဆံလို ငါဂူအောင်းခဲ့ဖူးတယ်<br />ငါ့ဝိညာဉ်ထဲက မီးခိုးပျော့ပျော့သံများ<br />နက္ခတ်ဦးလို…..ပျံစေသား ။<br /><br /><br />တာရာမင်းဝေ<br /><br />(နေမိုးဝေ ပေးပို့သည်)<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-4899001004670250822?l=taryarminwaimemorial.blogspot.com' alt='' /></div>တာရာမင်းဝေအမှတ်တရhttp://www.blogger.com/profile/17093190404297942779noreply@blogger.com1tag:blogger.com,1999:blog-3877557490187777479.post-89579294481503307452007-08-11T09:23:00.001-07:002007-08-11T23:10:57.054-07:00<a onblur="try {parent.deselectBloggerImageGracefully();} catch(e) {}" href="http://2.bp.blogspot.com/_IOWbKDii3EQ/Rr3it6bLV4I/AAAAAAAAAM8/whWp358Vfw0/s1600-h/Scan003.jpg"><img style="margin: 0pt 10px 10px 0pt; float: left; cursor: pointer;" src="http://2.bp.blogspot.com/_IOWbKDii3EQ/Rr3it6bLV4I/AAAAAAAAAM8/whWp358Vfw0/s400/Scan003.jpg" alt="" id="BLOGGER_PHOTO_ID_5097479631658506114" border="0" /></a><br /> ကြယ်တစ်ပွင့်ပေးခဲ့တဲ့ နေတစ်စင်းအတွက် အမွေ…<o:p></o:p><br /><div style="text-align:justify"><br />ဆရာတာရာမင်းဝေ ရေးခဲ့တဲ့ စာအုပ်တွေထဲမှာ ``ခေတ်နေအတွက် စာတစ်ရွက်…´´ ဆိုတဲ့စာအုပ်က သူ့သားအတွက် ရည်ရွယ်ပြီး ရေးခဲ့တာပါ။ သူ့ရဲ့အမှာစာထဲမှာလည်း သားဖြစ်သူကို အသိပညာအမွေပေးချင်လို့ ဒီစာအုပ်ကို ရေးရခြင်းဖြစ်တယ်လို့ ပြောထားပါတယ်။ စာအုပ်နာမည်ကိုလည်း ``ဗျူဟာမြောက်သော အင်္ဂလိပ်စကားပုံ´´လို့ ထပ်ပြောထားပါသေးတယ်။ အင်္ဂလိပ်ဘာသာနဲ့ရေးထားလို့ အင်္ဂလိပ်စကားပုံလို့ ခေါင်းစဉ်တပ်ထားပေမယ့် လူမျိုးအသီးသီးရဲ့ စကားပုံတွေ ပါဝင်ပါတယ်တဲ့။ စကားပုံတစ်ခုစီရဲ့အောက်မှာလည်း ရှင်းလင်းချက်အတိုလေးတွေ ထည့်ပေးထားပါတယ်။ အဲဒီစာအုပ်ထဲက တချို့စကားပုံလေးတွေကို ဆရာတာရာမင်းဝေ အမှတ်တရအနေနဲ့ ဖော်ပြပေးလိုက်ပါတယ်။<o:p></o:p><br /><br />ဂရိတွေးခေါ်ပညာရှင်ကြီး ဟေရာကလိုက်တပ်(စ)က ``မြစ်တစ်မြစ်မှာ ရေနှစ်ခါမချိုးနိုင်ဘူး´´လို့ ပြောသွားတယ်။ ကျော်ကြားလှတဲ့စကားမို့ လူသိလည်း များလှပါတယ်။ ရေတွေက စီးဆင်းနေတယ်သား။ သားချိုးခဲ့ပြီးသားမြစ်မှာ နောက်တစ်ခါသွားပြန်ချိုးရင် မတူညီတော့တဲ့ရေတွေ၊ အသစ်အသစ်သော ရေတွေနဲ့ပဲ သား ရင်ဆိုင်ရလိမ့်မယ်။ လောကကြီးဟာလည်း မြစ်ရေတွေလိုပဲ အချိန်နဲ့အမျှ စီးဆင်းပြောင်းလဲနေတယ်။ ပြောင်းလဲမှုနဲ့အတူ သားဟာ လိုက်ပါရှင်သန်ရလိမ့်မယ်။ လိုအပ်ရင် သီချင်းသံစဉ်တစ်ခုအတွက် ဂစ်တာကို ကြိုးညှိတီးခတ်ရသလိုမျိုးပေါ့။ လက်ကွက်ပြောင်းရသလိုမျိုးပေါ့။ မင်းဟာ ဘ၀ကို သီချင်းတစ်ပုဒ်လို ဆိုကျူးသွားချင်သလား။ ခေတ်အလျှောက်၊ အချိန်အခါအလျှောက် မင်းကိုယ်မင်း ကြိုးညှိတီးခတ်သွားပါ။<o:p></o:p><br /><br />``ခေတ်နဲ့ လိုက်လျောညီထွေ နေတတ်ပါစေ´´<o:p></o:p><br />ဂရိတွေးခေါ်ပညာရှင်ကြီး ဆိုကရေးတီးရဲ့ စကားတစ်ခွန်းရှိတယ်။ သင့်ကိုယ်သင်သိပါ (Know thyself) တဲ့။ တကယ်တော့ အဲဒါဟာ သူ့ရဲ့ကိုယ်ပိုင်စကားမဟုတ်ပါဘူးကွယ်။ ဒဲလ်ဖိနတ်ကွန်းမှာ ရေးထားတဲ့စာသားကို လူတွေအပေါ် ဆုံးမဖို့ သူက ယူသုံးတာပါ။ အခုတော့ သူ့စကားအဖြစ်ပဲ တွင်ကျယ်နေခဲ့ပြီပေါ့။ မြန်မာပညာရှိကြီးတစ်ဦးဖြစ်တဲ့ သခင်ဘသောင်းကလည်း အဲဒီလို စကားများကို ပြောဖူးတယ်။ ``ကိုယ့်အကန့်အသတ်ကို ကိုယ်သိပါ´´ (Know thy limit )တဲ့။ သားကိုယ်သား သိပါ။ သားရဲ့အကန့်အသတ်ကို သားသိပါ။ ကိုယ်လှမ်းမယ့်ခြေလှမ်း၊ ကိုယ်လျှောက်မယ့်ခရီးလမ်း အားလုံးကို ချိန်ထိုးပြုလုပ်ပါ။ တတ်နိုင်ရင်…<o:p></o:p><br /><br />``မင်းအတောင်ပံနဲ့ပဲ မင်းပျံပါ´´<o:p></o:p><br />အိုလံပစ်အားကစားသမားတွေမှာ ပြိုင်ပွဲဝင်မှုနဲ့ ပတ်သက်ပြီး စိတ်ဓာတ်ရေးရာ လေ့ကျင့်ခန်းတွေ လုပ်ကြရလေ့ရှိတယ်။ ပြေးပွဲတစ်ခုအတွက် တာထွက်ချိန်၊ မြားတစ်စင်းကို ပစ်လွှတ်ဖို့ အသက်ရှူနေချိန်၊ ပယ်နယ်တီကန်ဖို့ ခရာသံကိုစောင့်နေချိန် စတာတွေအတွက် အရေးတကြီး လေ့ကျင့်ရတာပေါ့။ အဲဒီအချိန်လေးကို Zen moment လို့ ခေါ်တယ်။ စကားနယ်ကို ချဲ့လိုက်ကြစို့။ လူတစ်ယောက် အကြံကောင်းဥာဏ်ကောင်းရဖို့ အသိအမြင်မှန်ကန်စင်ကြယ်သွားဖို့ စတာတွေဟာ ခေါင်းထဲမှာ အလင်းတစ်ချက် လက်သွားဖို့ပဲ လိုတယ်။ စက္ကန့်ပိုင်းလေးမျှပါပဲ။ Golden Second လို့ခေါ်တယ်။ အဲဒီအလင်းပွင့်ကလေးရဲ့ ဘ၀ဟိုဘက်ခြမ်း၊ ဒီဘက်ခြမ်းဟာ အများကြီး ပြောင်းလဲသွားနိုင်တယ်။ တကယ်တမ်းကျတော့ ပြောင်းလဲချိန်ဟာ ဘာမှမကြာဘူး။<o:p></o:p><br /><br />``တစ်နှစ်အတွင်းမှာ မဖြစ်တဲ့အရာဟာ နှစ်မိနစ်အတွင်းမှာ ဖြစ်လာနိုင်တယ်´´<o:p></o:p><br />လောကသားတွေဟာ အမှန်ဝါဒ(Realism)နဲ့ မာယာဝါဒ(Illusionism) ကြားမှာ ရှင်သန်နေကြရတာ။ အစစ်တစ်ခု အတုတစ်ရာလို့တောင် ပြောရိုးရှိကြတယ်။ မစစ်မှန်မှုတွေကြားထဲမှာ နေထိုင်ရင်း စစ်မှန်မှုတို့ကို ရှာဖွေနေကြရတာပဲ။ လူတွေကို မှားစေတဲ့အထဲမှာ ``အကြောက်တရား´´ဟာ အဓိကနေရာကနေ ပါဝင်နေတယ်။ ကမ္ဘာပေါ်မှာ ကြောက်စရာအကောင်းဆုံး အရာဟာ ``ကြောက်တတ်တဲ့စိတ်ပဲဖြစ်တယ်´´လို့လည်း ပြောကြတယ်။ တတ်နိုင်သမျှ ရဲရင့်စမ်း သား။ ကြောက်စိတ်တွေ မထားနဲ့။ ကြောက်စိတ်ဟာ လူကို အယောင်ယောင် အမှားမှား ဖြစ်စေတယ်။ ကိုယ့်ကို အန္တရာယ် ပြန်ပေးတတ်တယ်။ အမှန်တရားနယ်ပယ်မှာ မရပ်တည်နိုင်ဘဲ မာယာနယ်ပယ်ထဲကို ကျွံကျမြုပ်နစ် သွားစေတတ်တယ်။<o:p></o:p><br /><br />``ကြောက်စိတ်ဟာ ၀ံပုလွေကို နဂိုအရွယ်ထက် ပိုကြီးသွားစေတယ်´´<o:p></o:p><br /><br />Harvest comes not everyday, though it comes every year.<o:p></o:p><br />ဘောလုံးပွဲကိုကြည့်ရင်း ဖေဖေတွေးမိတာရှိတယ်။ ဘောလုံးပွဲဆိုတာ ဘောင်ကန့်သတ်ထားတဲ့ အချိန် (Time frame)တစ်ခုထဲမှာ ကစားရတာ၊ မိနစ်ကိုးဆယ်ပေါ့လေ။ ဒါပေမယ့် သူတို့မှာက ဒဏ်ရာရ ရပ်နားချိန်တွေအတွက် အပိုဆောင်းကစားချိန် (Injury time)ဆိုတာ ရှိတယ်။ ဖေဖေတို့ လက်တွေ့ဘ၀မှာတော့ ဒဏ်ရာရချိန်အတွက် ပြန်ကစားခွင့်ဆိုတာ မရှိပါဘူးကွယ်။ ထားပါတော့။ ဒီနေရာမှာ ဖေဖေပြောချင်တာက လူ့ဘ၀ဆိုတာ အချိန်နဲ့ တိုင်းဆပြီး ရှင်သန်လုပ်ကိုင်ရတာ။ ဘယ်အချိန်မှာ လှုပ်ရှားရမယ် ဆိုတာလည်း နားလည်တတ်ရမယ်။ လိုအပ်ရင် အချိန်စီမံချက် (Time plan)ကို သား ရေးဆွဲထားရမယ်။<o:p></o:p><br /><br />``ကောက်ရိတ်သိမ်းချိန်ဟာ နှစ်တိုင်းတော့ လာတတ်တယ်။ ဒါပေမယ့် နေ့တိုင်းတော့ မဟုတ်ဘူး´´<o:p></o:p><br />Better a friendly refusal than unwilling consent.<o:p></o:p><br /><br />ဖေဖေ့ဘ၀မှာ အကျပ်အတည်းရောက်ခဲ့တာတွေ ရှိတယ် သား။ အဲဒါတွေအားလုံးဟာ အားနာတတ်လို့ ဖြစ်ရတာတွေ များတယ်။ ဖေဖေက အရမ်းအားနာတတ်တယ်လေ။ အဲလောက် အားနာတတ်တာ မကောင်းဘူးလို့ မိတ်ဆွေကောင်းတချို့ကတောင် ဖေဖေ့ကို ဆူပူကြိမ်းမောင်းကြပါရဲ့။ ဖေဖေကိုယ်တိုင်လည်း ဒီစိတ်သဘောထားကြီက နေရာတိုင်းမှာ မသင့်တော်မှန်းသိတယ်။ ဖေဖေတို့ရပ်ကွက်မှာ ဘိန်းမုန့်ရောင်းတဲ့ မိန်းမကြီးတစ်ယောက်ရှိတယ်။ စေတနာဟာ လူတိုင်းနဲ့မတန်ဘူးလို့လည်း တဖွဖွပြောလေ့ရှိတယ်။ နောက်တော့လည်း သူပြောတာက ဟုတ်သလိုလိုပါပဲ။ နောက်ကွယ်မှာ ဖေဖေ့ကို ဒုက္ခပေးနေကြသူတွေကပဲ သူတို့အကူအညီလိုတော့ ဖေဖေ့ဆီ ရောက်လာကြပြန်ရော။ အားမနာတတ်တဲ့သူတို့ကို အားနာတတ်တဲ့ ဖေဖေကပဲ အရှုံးပေးလိုက်ရပြန်ရော။ ရှဉ့်လည်းလျှောက်သာ ပျားလည်းစွဲသာ နေနိုင်ရင်တော့ ကောင်းမယ်။ဒါပေမဲ့ ပျားအုံရှိနေတဲ့ သစ်ကိုင်းမှာ ဖေဖေက တက်မလျှောက်ရဲဘူး။ ဖေဖေ့ရဲ့အားနည်းချက်ကို သားက ပြင်ပေးပါ။<o:p></o:p><br /><br />``ဆန္ဒမရှိဘဲ သဘောတူလိုက်ရတာထက် မိတ်ဖြစ်ဆွေဖြစ် ငြင်းဆန်လိုက်တာက ပိုကောင်းပါတယ်´´<o:p></o:p><br />The beggar's bag has no bottom.<o:p></o:p><br />``ဘာမှမလုပ်တဲ့သူဟာ သူတောင်းစားလုပ်ရတယ်´´လို့ ပြောလေ့ရှိတယ်။ ဘာမှမလုပ်တော့ ဘာမှမရဘူးပေါ့။ သူတောင်းစားဟာ လမ်းဘေးမှာ အိပ်တယ်။ သူတစ်ပါး ပေးစာကမ်းစာကို တောင်းရမ်းယူရတယ်။ ထမင်းတစ်နပ်နဲ့ တစ်နပ်ကြားမှာ အသက်ရှင်နေရတယ်။ ငွေတောင်းတဲ့ သူတောင်းစားတွေကိုတော့ သား မြင်ဖူးလိမ့်မယ်။ အခြား အခြားသော ယုံကြည်ချက်သူတောင်းစား၊ အယူအဆ သူတောင်းစား၊ တဏှာသူတောင်းစားတွေကိုတော့ တော်တော်ကြီးကြည့်တတ်မှ မြင်လာလိမ့်မယ်။ အဲလိုဘ၀မျိုးမှာ သားလည်း ဘယ်တော့မှ မရပ်တည်ပါနဲ့။ အဲဒီလို ရပ်တည်သူတွေနဲ့လည်း ဘယ်တော့မှ သား လက်မတွဲပါနဲ့။<o:p></o:p><br />``သူတောင်းစားအိတ်မှာ အောက်ပိတ်ကြမ်းပြင် မပါဘူး´´<o:p></o:p><br />Sins and debts are always more than we think them to be.<o:p></o:p><br />နောင်တဆိုတာ ပူလောင်တတ်တဲ့ အရာမို့ ဘယ်သူကမှ မလိုချင်ကြဘူး။ အပြစ်တွေ၊ အမှားတွေနဲ့ လိမ်ယှက်နေတဲ့ အရာမို့လို့လည်း မချိတင်ကဲ ကြေကွဲစရာ ကောင်းလှတယ်။ နောင်တရစရာဆိုတာ လူတိုင်းလိုလိုမှာ ရှိတတ်ကြတယ်။ ကိုယ့်ကိုယ်ကိုယ် အင်မတန်မှ တာဝန်ကျေတဲ့သူ၊ ဘ၀မှာ နောင်တရစရာ မရှိဘူးလို့ ကြွေးကြော်သူတွေတောင် တကယ်တမ်း စစ်ဆေးကြည့်တဲ့အခါ သူတို့ရဲ့အထင် မှားနေကြောင်း သိရတယ်။ စိတ်ကူးထဲကနေ ကိုယ့်ကိုယ်ကိုယ် သေခိုင်းကြည့်တဲ့နည်းပဲ သား။ နောက်တစ်နာရီမှာ သူသေတော့မယ်လို့ သူ့ကိုယ်သူ ခံယူကြည့်လိုက်၊ မပြီးပြတ်သေးတာတွေ၊ မပေးဆပ်ခဲ့တာတွေ၊ ကတိမတည်ခဲ့တာတွေ၊ လုပ်ချင်တဲ့ကောင်းမှုတွေအတွက် တိတိပပ အကောင်အထည် မဖော်ဖြစ်သေးတာတွေ အများကြီး ထွက်လာလိမ့်မယ်။<o:p></o:p><br />``ငါတို့မှာရှိတဲ့ အပြစ်နဲ့ အကြွေးတွေဟာ ငါတို့ ထင်ထားတာထက် ပိုများတယ်´´<o:p></o:p><br />There is a But in everything.<o:p></o:p><br />လူတိုင်းဟာ မှန်ကြည့်ဖူးကြတယ်။ မှန်ရှေ့က ဒြပ်တွေဟာ မှန်ထဲမှာ သူ့ပုံအတိုင်း ပြန်ပေါ်ကြတယ်။ ``အမှန်အတိုင်း ပြန်ပေါ်တဲ့အရာမို့ မှန်လို့ ခေါ်တယ်´´လို့တောင် တချို့က ပြောကြတယ်။ ဒါပေမယ့် သူတို့ပြောတဲ့အတိုင်း အမှန်တကယ် မဟုတ်ပါဘူးကွယ်။ မှန်ထဲမှာက တစ်ဖက်ကလွဲပြီး ဖြစ်ပေါ်တာပါ။ သားက ညာလက်မြှောက်လိုက်ရင် မှန်ထဲက သားပုံရိပ်က ဘယ်လက်မြှောက်နေလိမ့်မယ်။ အဲဒီလောက်က ထားပါတော့။ သားဖတ်နေတဲ့ စာတစ်စောင်ကို မှန်ရှေ့မှာ ပြကြည့်ပါ။ ပြောင်းပြန် ဇောက်ထိုးဖြစ်နေတဲ့ စာတွေဟာ အင်မတန် အကြည့်ရဆိုးလှပါတယ်။ ဒီနေရာမှာတော့ မှန်ရဲ့ ဆောင်ကြဉ်းမှုဟာ ရုပ်ပျက်ဆင်းပျက် ဖြစ်သွားပြီ။ တသွေမတိမ်း ထင်ဟပ်တယ်လို့ ယူဆရတဲ့မှန်တွေမှာတောင် ကွာဟမှုလေးတွေ ဒီလောက်ရှိနေပြီဆိုရင် လောကလူသားတွေကြားထဲမှာလည်း လွဲချော်မှုလေးတွေ ရှိနေမှာပဲ။<o:p></o:p><br />``ဒါပေမယ့်ဆိုတာကတော့ အရာတိုင်းမှာ ရှိတယ်´´<o:p></o:p><br />The world is a stair case; some are going up, some are coming down.<o:p></o:p><br />ဖေဖေက လောကကြီးကို လည်နေတဲ့ ဂျင်တစ်လုံးလို့ မြင်တယ်။ ဂျင်ဟာ အပေါ်နဲ့အောက် (Up and down) ကိုလည်း ယိမ်းညွှတ်လည်ပတ်တယ်။ ဟိုဘက်ဒီဘက် (Side by side) ကိုလည်း နွဲ့ခါလည်ပတ်တယ်။ တစ်ခုတည်းရှိတယ်၊ အဲဒီ လည်ပတ်နေတဲ့ဂျင်ဟာ လောကဆိုရင် ဘယ်အပေါ်မှာဘာနဲ့ထောက်ပြီး ရပ်တည်လည်ပတ်နေတာလဲ။ ဂျင်အတွက် ဖြေလို့ရပေမယ့် လောကအတွက်ဆိုရင်တော့ ဖြေလို့မရတော့ဘူး။ အဲဒီတော့ သားကိုလည်း အကွန့်အညွန့်တွေ ပြောမနေတော့ဘဲ ရိုးရှင်းတဲ့ စကားတစ်ခွန်းကိုပဲ ပြောခဲ့ပါ့မယ်ကွယ်…။<o:p></o:p><br /><br />``လောကဟာ လှေခါးတစ်စင်းပဲ။ တချို့က အပေါ်ကို တက်နေကြတယ်။ တချို့က အောက်ကို ဆင်းနေကြတယ်´´<o:p></o:p><br /></div><br />ပေးပို့သူ - ဆုဝေ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-8957929448150330745?l=taryarminwaimemorial.blogspot.com' alt='' /></div>နေဘုန်းလတ်http://www.blogger.com/profile/10303509969005854278noreply@blogger.com1tag:blogger.com,1999:blog-3877557490187777479.post-5757711162547197492007-08-11T08:00:00.000-07:002007-08-13T08:14:32.502-07:00ပြာဝင်းဝိုးဝါးတဲ့<br />ဆောင်းနှင်းများကသာ<br />သမိုင်းရဲ့ ဘာသာစကားဖြစ်မယ်ဆိုရင်<br />တလိမ့်လိမ့် ခယွင်းတဲ့<br />သွေးနှင်းစက်တွေ<br />တို့ မြေမှာ မှိုင်းမှိုင်းဝေရော့မယ်။<br /><br />သေသူရဲ့ အရိုးတွေက<br />ရှင်သူကို ဘာလုပ်ရ မယ်လို့ <br />အံ့ချီးဖွဖွ ရည်ညွှန်းကြတာ<br />သမိုင်းလို့ ဆိုရမယ်။<br /><br />ရာဇ၀င်ဆိုးရဲ့<br />အရိုးတွန်သံ<br />ဘယ်သူ့ ထံပါး<br />သယ်ဆောင်သွားမလဲ နှင်းတို့ ရယ်။<br /><br />ဒီဘက် ကမ္ဘာခေတ်ရဲ့ <br />ရဲရင့်တဲ့ သမိုင်းကြောင်းဟာ<br />တို့ ပြည်က ကျောင်းသားအလောင်းတွေဆီမှာ ရှိတယ်။<br /><br />သားပျောက်ရှာနေတဲ့ အမေကို<br />သူ့ အောက်က မြေက<br />"မေမေ"လို့  တိုးတိုးလေးခေါ်နေတယ်<br />မေမေရယ် မေမေရယ် မေမေရယ် ။<br /><br />ဇာဘုရင်ရဲ့ စနစ်ဆိုးကြောင့်<br />ပြည့်တန်ဆာဖြစ်ရတဲ့<br />ရုရှားမလေးဟာ<br />အိပ်ရာထဲမှာ ငိုနေတယ်၊<br /><br />နေ၀င်းရဲ့ စနစ်ကြောင့်<br />သူပုန်ဖြစ်ရတဲ့ ကျောင်းသားတွေ<br />လမ်းမပေါ်မှာ တိုက်ပွဲဝင်နေတယ်။<br /><br />ဒီနေ့ ပွဲဟာ<br />ရှုံးရှုံး နိုင်နိုင်<br />ယှဉ်ပြိုင်ခြင်းသာ အဓိက ဆိုတဲ့ ပွဲမဟုတ်ဘူး<br />သူသေကိုယ်သေ အပြိုင်နွှဲ<br />၀ိညာဉ်ချင်း ရိုက်ခွဲတဲ့ ပွဲ ဖြစ်တယ်။<br /><br />"ဟေ့ ကြိုးစင်"<br />ငါ ရင်ကော့ပြီး လာခဲ့မယ်။<br /><br />ရွှေဘုန်းလူ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-575771116254719749?l=taryarminwaimemorial.blogspot.com' alt='' /></div>တာရာမင်းဝေအမှတ်တရhttp://www.blogger.com/profile/17093190404297942779noreply@blogger.com1tag:blogger.com,1999:blog-3877557490187777479.post-32032675232119141992007-08-11T07:59:00.000-07:002007-08-13T08:13:58.046-07:00မြန်မာပြည် ငြိမ်းချမ်းပါစေ<br />သွေးစတွေ စိုလူး<br />အလံဦးမှာ ကိုယ့်အမည်ချိတ်လို့ <br />ကြိုးစင်ရိပ်ဝယ်<br /><br />ကျနော်တို့ တိုက်ပွဲဝင်နေပါတယ်။<br /><br />ပိတ်မထားရသေးတဲ့<br />သားကြီးတို့ ရဲ့ ကျောင်းစာအုပ်မှာ<br />ဒေါင်းရုပ်လေးတွေ သားငယ်ဆွဲတော့<br />မေမေ မျက်ရည်ဝဲရော့မယ်။<br /><br />ရှစ်ဆယ့်ရှစ်ခုနှစ်ရဲ့<br />လက်နက်နဲ့  လွယ်အိတ်တိုက်ပွဲများ<br />မှုန်ဝါးပြာဝေ<br />ကမ္ဘာမကြေဘူး<br />ဘီလူးတခေတ်၊ ဒေါင်းတခေတ်။<br /><br />တနေ့ နေ့ လေ<br />မသေသေးရင် ပြန်လာချင်တယ်<br />ရင်ခွင်မှာ ထွေးလို့ ကြိုပါမေမေရယ်။<br /><br />မြန်မာပြည်ငြိမ်းချမ်းပါစေ<br />သွေးစတွေ စိုလူး<br />အလံဦးမှာ ကိုယ့် အမည်ချိတ်လို့ <br />ကြိုးစင်ရိပ်ဝယ်<br />ကျနော်တို့  တိုက်ပွဲဝင်နေပါတယ်။ ။<br /><br />ရွှေဘုန်းလူ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-3203267523211914199?l=taryarminwaimemorial.blogspot.com' alt='' /></div>တာရာမင်းဝေအမှတ်တရhttp://www.blogger.com/profile/17093190404297942779noreply@blogger.com0tag:blogger.com,1999:blog-3877557490187777479.post-73109140174646556442007-08-11T07:01:00.000-07:002007-08-11T07:10:02.701-07:00သူငယ်ချင်း<o:p></o:p><br />မင်းဟာ ယုံကြည်ရာကို<o:p></o:p><br />ရင်သွေးလိုလည်း မွေးခဲ့တယ်။<o:p></o:p><br />သူငယ်ချင်း<o:p></o:p><br />မင်းဟာ ဒဏ်ရာတွေကို<o:p></o:p><br />ဆီမီးလိုလည်း ထွန်းခဲ့တယ်။<o:p></o:p><br /><br />သူငယ်ချင်း<o:p></o:p><br />မင်းဟာ ကိုယ့်အနာ<o:p></o:p><br />ကိုယ့်လျှာနဲ့ ပြန်သပ်<o:p></o:p><br />ရှင်တတ်ခဲ့ပြီးပြီပဲ။<o:p></o:p><br /><br />သူငယ်ချင်း<o:p></o:p><br />မင်းဟာ <o:p></o:p><br />ကိုယ့်အရေပြား ကိုယ်လွှာ<o:p></o:p><br />ကိုယ့်အရိုးကို အပ်လိုသွေး<o:p></o:p><br />ကိုယ့်ဝတ်စုံ ကိုယ်ချုပ်လို့<o:p></o:p><br />ကျကျနန လှခဲ့ပြီးပြီပဲ။<o:p></o:p><br /><br />သူငယ်ချင်း<o:p></o:p><br />သွားနှင့် သူငယ်ချင်း<o:p></o:p><br />ကြယ်အစင်းစင်း ကြွေတဲ့<o:p></o:p><br />ဟောဒီကမ္ဘာမြေရဲ့ အနာတရတွေကို <o:p></o:p><br />စွမ်းသမျှ ကုစားဖို့<o:p></o:p><br />ငါတို့ နေရစ်ခဲ့ဦးမယ်။<o:p></o:p><br /><br />သွားနှင့် သူငယ်ချင်း<o:p></o:p><br />နေအစင်းစင်းပူတဲ့<o:p></o:p><br />ကမ္ဘာမြေရဲ့ ဒဏ်ရာတွေကို<o:p></o:p><br />လက်ဖ၀ါးတွေနဲ့ ကာကွယ်ဖို့ <o:p></o:p><br />ငါတို့ နေရစ်ခဲ့ဦးမယ်။<o:p></o:p><br /><br />သွားနှင့် သူငယ်ချင်း<o:p></o:p><br />ကမ္ဘာမြေရဲ့ ကြေကွဲခြင်းဓာတ်ပြားထဲ<o:p></o:p><br />မင်းရဲ့ ကဗျာတွေ<o:p></o:p><br />မာတိကာစီဖို့<o:p></o:p><br />ငါတို့ နေရစ်ခဲ့ဦးမယ်။<o:p></o:p><br /><br />သွားနှင့် သူငယ်ချင်း<o:p></o:p><br />ကျောင်းနံရံတ၀ိုက်<o:p></o:p><br />ဒေါင်းအလံ ပြန်စိုက်တဲ့တစ်နေ့<o:p></o:p><br />ငါတို့ .......... ။<o:p></o:p><br /><br />မင်းကိုနိုင်<o:p></o:p><br /><br />(၂၀၀၇ သြဂုတ်လ ၇ရက်နေ့က တာရာမင်းဝေရဲ့ ဈာပနမှာ ၈၈ မျိုးဆက်ကျောင်းသားများ ကိုယ်စား မင်းကိုနိုင် ရေးဖွဲ့ ရွတ်ဆိုတဲ့ကဗျာ)<o:p></o:p><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-7310914017464655644?l=taryarminwaimemorial.blogspot.com' alt='' /></div>တာရာမင်းဝေအမှတ်တရhttp://www.blogger.com/profile/17093190404297942779noreply@blogger.com3tag:blogger.com,1999:blog-3877557490187777479.post-7197642063359819792007-08-11T06:50:00.000-07:002007-08-11T06:52:57.861-07:00<a onblur="try {parent.deselectBloggerImageGracefully();} catch(e) {}" href="http://1.bp.blogspot.com/_EygVnOetQrA/Rr2_JU3sHDI/AAAAAAAAAAM/MKH2jik4_VU/s1600-h/tymw-mem.jpg"><img style="margin: 0pt 10px 10px 0pt; float: left; cursor: pointer;" src="http://1.bp.blogspot.com/_EygVnOetQrA/Rr2_JU3sHDI/AAAAAAAAAAM/MKH2jik4_VU/s320/tymw-mem.jpg" alt="" id="BLOGGER_PHOTO_ID_5097440520195284018" border="0" /></a><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-719764206335981979?l=taryarminwaimemorial.blogspot.com' alt='' /></div>တာရာမင်းဝေအမှတ်တရhttp://www.blogger.com/profile/17093190404297942779noreply@blogger.com0tag:blogger.com,1999:blog-3877557490187777479.post-84773835606054954282007-08-11T06:35:00.000-07:002007-08-11T07:11:57.475-07:00ညီလေး<br />သြဂတ်စ်ရဲ့ မိုးရေစက်တွေထဲ<o:p></o:p><br />မင်းကတော့ ခွဲခွာသွားခဲ့ပြီ<o:p></o:p><br />မှုံမှိုင်းအေးစက်တဲ့ ကောင်းကင်မှာ<o:p></o:p><br />ပြိုင်မြင်းတစ်ကောင်ရဲ့ ခွာသံတွေသာ<o:p></o:p><br />ပဲ့တင်ထပ်ကျန်ရစ်ခဲ့...။<o:p></o:p><br /><br />ညီလေး<o:p></o:p><br />မင်းချစ်တဲ့ ဘ၀ကို <o:p></o:p><br />မင်းအများကြီး ပြန်ပေးဆပ်ခဲ့<o:p></o:p><br />မင်းချစ်တဲ့ လူ့လောကကို<o:p></o:p><br />မင်းအနွေးထွေးဆုံး ရှိုက်နမ်းခဲ့<o:p></o:p><br />ဒဏ်ရာတွေအပြည့်နဲ့ မင်းရဲ့နှလုံးသားက <o:p></o:p><br />သွေးစက်စက်ကျ ငိုညည်းနေတာတောင်.. မှ။<o:p></o:p><br /><br />အနုပညာနဲ့ နိုင်ငံရေး<o:p></o:p><br />ဘ၀နှစ်ခုစာ မွေးဖွား<o:p></o:p><br />ဘ၀နှစ်ခုမှာ ကြီးပြင်း<o:p></o:p><br />ဘ၀နှစ်ခုစလုံးကို ပခုံးပေါ်မှာထမ်း<o:p></o:p><br />တတ်စွမ်းသမျှ မင်းတာဝန်ယူခဲ့တာ<o:p></o:p><br />အင်းစိန်ထောင်ကြီး သိပါတယ်<o:p></o:p><br />သရက်ထောင်ကြီး သိပါတယ်<o:p></o:p><br />သာယာဝတီထောင်ကြီး သိပါတယ်<o:p></o:p><br />“အာလူးစားသူများ” .. သိပါတယ်.. ကွယ်...။<o:p></o:p><br /><br />ကံကြမ္မာကို မယုံရဲခဲ့ပေမယ့် <o:p></o:p><br />တိုးတိုးလေးဆုတောင်းခဲ့ဖူးပါရဲ့ <o:p></o:p><br />“တစ်နေ့တော့ ပြန်ဆုံတွေ့ကြမယ်..” လို့<o:p></o:p><br />ခုတော့လည်း <o:p></o:p><br />ဒီကံကြမ္မာကပဲ<o:p></o:p><br />ငါတို့ကို ရက်ရက်စက်စက် .. ခွဲ .. ။<o:p></o:p><br /><br />သွားနှင့်ကွယ်<o:p></o:p><br />ဘ၀ဆိုတာ တိုတိုလေး .. လို့<o:p></o:p><br />မင်းသက်သေ ပြခဲ့ပြီ ...<o:p></o:p><br />အဲဒီ.. ဘ၀တိုတိုလေးကိုပဲ<o:p></o:p><br />အနက်ရှိုင်းဆုံး ချစ်မက်ကြဖို့<o:p></o:p><br />အမြင့်မားဆုံး ပေးဆပ်ကြဖို့<o:p></o:p><br />အတောက်ပဆုံး တွယ်ဖက်ရဲကြဖို့<o:p></o:p><br />အရိုးသားဆုံး ကြေကွဲတတ်ကြဖို့<o:p></o:p><br />မင်း.. ငါတို့ကို သင်ပြခဲ့ပြီပဲ... ။<o:p></o:p><br /><br />အောင်ဒင်<o:p></o:p><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-8477383560605495428?l=taryarminwaimemorial.blogspot.com' alt='' /></div>တာရာမင်းဝေအမှတ်တရhttp://www.blogger.com/profile/17093190404297942779noreply@blogger.com0tag:blogger.com,1999:blog-3877557490187777479.post-68203131293204666042007-08-10T21:45:00.000-07:002007-08-10T21:54:00.781-07:00<a onblur="try {parent.deselectBloggerImageGracefully();} catch(e) {}" href="http://2.bp.blogspot.com/_qmBlSYpLerk/Rr0_3zXTP6I/AAAAAAAAAT8/xWH4GJB-Cow/s1600-h/TYMW.gif.png"><img style="display:block; margin:0px auto 10px; text-align:center;cursor:pointer; cursor:hand;" src="http://2.bp.blogspot.com/_qmBlSYpLerk/Rr0_3zXTP6I/AAAAAAAAAT8/xWH4GJB-Cow/s320/TYMW.gif.png" border="0" alt=""id="BLOGGER_PHOTO_ID_5097300581166563234" /></a><br />ကိုတက်စလာ၏ အမှတ်တရ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-6820313129320466604?l=taryarminwaimemorial.blogspot.com' alt='' /></div>ကိုဖြိုးnoreply@blogger.com0tag:blogger.com,1999:blog-3877557490187777479.post-55672444279303351592007-08-09T23:51:00.000-07:002007-08-13T08:21:45.678-07:00ပန်းခေတ်ကလမင်း …<br /><br />ပန်းချီဆရာလေးတစ်ယောက်၊ နောက် သူချစ်တဲ့ အနုပညာ၊ သူချစ်တဲ့ကောင်မလေး…၊ သူ့ရဲ့ အနုပညာအပေါ်ရူးသွတ်မှု … နောက်ဆုံး အနုပညာရဲ့ အဆုံးမဲ့တဲ့စွမ်းပကား …။ ထပ်ခါ ထပ်ခါ ဖတ်ဖြစ်သလို ဖတ်မိတဲ့အခါတိုင်း ကျွန်တော် မျက်ရည်ဝဲရတယ် …။<br /><br />သင်နှင့်နံနက်ခင်းကိုသာဝင်ခွင့်ပြုမည် …။ အဲဒီ့စာအုပ်လေးကိုဖတ်အပြီးမှာ ကျွန်တော်ရဲ့ စိတ်ထဲကို ဖိုးကြယ် ရဲ့ ၀ိဥာဉ်ကကပ်ပါလာတယ်။<br /><br />အရှေ့မြို့ရိုးပေါ်ကမိုးရေစက်များ … ။ ဂျူနိုဆိုတဲ့ ကချေသည်မလေး ကျွန်တော်ရဲ့ အာရုံထဲမှာ ပြေပြစ်လှပစွာကနေတယ် …။ အနုပညာရှင်မလေးဂျူနိုရဲ့ နှလုံးခုန်သံတွေက ကျွန်တော့် နှလုံးခုန်သံတွေနဲ့ ထပ်တူကျသွားတယ်။<br /><br />သိုးဆောင်းဂစ်တာတစ်လက်ရဲ့မှတ်တမ်း …။ အနုပညာမှော်ဝင်နေတဲ့ မီးတောက်ရစ်သမ်ဆိုတဲ့ ကဗျာရှည်တစ်ပုဒ် … ကျွန်တော့်ရဲ့ နှလုံးသားကို ညင်ညင်သာသာလေးဖမ်းဆုတ် ယူငင်သွားတယ်။ ၀တ္ထုလေးရဲ့ အဆုံး … အနုပညာသမားတစ်ယောက်ရဲ့ စိတ်ကို ရှင်းရှင်းကြီးမြင်သိသွားချိန်မှာ ကျွန်တော် ကြက်သီးမွှေးညှင်းထမိတယ်။<br /><br />ဓားသွားပေါ်မှာ ကတဲ့ ဆက်ကပ် …<br /><br />ပင်လယ်တစ်ဝက်တောင်တန်းတစ်ဝက်ဖြစ်နေတဲ့ကောင်လေး …<br /><br />ဧဒင်ကချေသည် …<br /><br />လူငယ်တစ်ယောက်ရဲ့ ကျောက်ထွင်းရာဇ၀င် …<br /><br />ပြိုင်မြင်းတိုရဲ့ခွာသံ …<br /><br />လွမ်းတယ် … လွမ်းတယ် …။<br /><br />လှပပြေပြစ်တဲ့ စကားလုံးအတွဲအဆက်တွေရဲ့ အရှင်သခင် …<br /><br />လူငယ်တွေရဲ့စိတ်ထဲကို ထွင်းဖောက်ဝင်ကြည့် စိတ်ဝိဥာဉ်တစ်ခုလုံးမှာ အနုပညာအတိပြီးတဲ့<br /><br />ကျွန်တော်လေးစားအားကျခဲ့ရတဲ့ စာရေးဆရာ …<br /><br /><span style="color: rgb(255, 0, 0);">အစ်ကိုရေ …</span><br /><br /><span style="color: rgb(255, 0, 0);">အစ်ကိုတူးဖော်ခဲ့တဲ့ မြေစိုင်မြေခဲတွေကို ဖက်တွယ်ရင်း …</span><br /><br /><span style="color: rgb(255, 0, 0);">အစ်ကို ရေးလို့မပြီးခဲ့တဲ့ ကျောက်ထွင်းရာဇ၀င်ကို ကျွန်တော်တို့ဆက်ထွင်းမယ် …</span><br /><br /><span style="color: rgb(255, 0, 0);">မိုးခေါင်နေတဲ့လောကမှာ အစ်ကို့ကိုယ်စားကျွန်တော်တို့ ဗုံတွေဆက်တီးမယ်ဗျာ …။</span><br /><br /><br />နေဘုန်းလတ်<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-5567244427930335159?l=taryarminwaimemorial.blogspot.com' alt='' /></div>ကိုဖြိုးnoreply@blogger.com1tag:blogger.com,1999:blog-3877557490187777479.post-43204051835196089022007-08-09T21:46:00.000-07:002007-08-09T21:56:41.702-07:00<h3 class="post-title"> <a href="http://balargout.blogspot.com/2007/08/blog-post_09.html">မိုးရေစက်များ၏ သုညတ္တအင်အား</a> </h3> <div style="text-align: justify;">ဆရာတာရာ မင်းဝေအမှတ်တရ ဘလောက် အတွက် ရေးမယ်ဆိုပြီး ပြန်ကူး ထည့်လိုက်မိတဲ့ စာလေး တစ်ပုဒ်ပါ။ တိုပေမယ့် ကျွန်တော် အလွန်ကြိုက်မိတဲ့ အရာတွေပါတယ်။ ဘာဘဲ ဖြစ်ဖြစ် အမှတ်တရ ရေးဖြစ်အောင်တိုက်တွန်းပေး တဲ့ ကိုဖြိုး ကို ကျေးဇူးပါ။ လူတွေရဲ့ မိုက်မဲ မှု့၊ အတ္တ ကြီးမှု့၊ အထင်ကြီးလို မှု့ ၊ သူတပါးကို ကဲ့ယဲ့ လိုမှု့ ၊ အကောင်းမြင် မကောင်းမြင် စတဲ့ လူ့ သဘော တွေ ကျွန်တော်ခံစားမိတယ်။<br /></div><span style="display: inline;" id="fullpost"><br />မိုးရေစက်များ၏ သုညအတ္တအင်အား<br /><br />မိုးခါးကြီးရွာသွားပြီဆိုတော့ ဇနပုဒ်ငယ်လေးတစ်ခုဆီသို့သူရောက်လာခဲ့သည်။ ရည်ရွက်ချက်မရှိဘဲ ရောက်လာခဲ့ခြင်းဖြစ်၏။ ယခင်ဤရွာလေး ရှိကြောင်းပင်မသိ။ ဤရွာကလေးတွင်နေထိုင် ကြသော လူမျိူးစု သုံးခုအကြောင်းကိုလည်း ကြားပင်မကြားဖူးခဲ့ပေ။<br />ဤရွာကလေး၌ မိုးခါးကြီးရွာသွားပြီး သောက်သုံးမိသူများရူးသွားကြောင်း၊ မသောက်ဘဲ နေသူများက လည်း ကျောက်ရုပ်ဖြစ်ကျန်ခဲ့ကြောင်း သတင်းနှင့်အတူ ဤရွာမှလူများ၏ ရှေးဟောင်းသင်္ချာ နည်း စနစ်များကို သူသိခဲ့ရခြင်း ဖြစ်သည်။<br />မိုးခါးကြီး ရွာခြင်း၊ ရူးသွပ်ခြင်း ၊ကျောက်ရုပ်ဖြစ်ခြင်း၊ စသည့် သတင်းများထက် ရှေးဟောင်း သင်္ချာ နည်းဆိုင်ရာသတင်းက သူ့ကို ပိုမိုဆွဲဆောင်နိုင်ခဲ့သည်။ လေ့လာ ဆည်းပူးချင် စိတ်များတဖွားဖွား ပေါ်ပေါက်လာပြီးနောက် သူဤ ရွာသို့ ရောက်လာခဲ့ရခြင်းဖြစ်လေသည်။<br />မိုးခါးရေ သောက်ထားပြီးသူ တွေဟာ အသ်စိတ် မရှိကြတော့။ သူတို့ ပြောနိုင်တာ တချက်ဘဲ ကျန်ရစ် ခဲ့သည်။ ထိုအချက်ကတော့ သူတို့ သောက်ခဲ့သည့် မိုးခါးရေခွက်အရေအတွက် ကို ပြောပြ နိုင်ခြင်း ဖြစ်၏။<br />မိုးခါးရေက အတော်ဆွဲဆောင်မှုရှိပုံပဲ<br />ထိုသို့ ပင်သူမှတ်ချက် ချမိ၏။ မသောက်ရ မနေနိုင်အောင်နှင့် သောက်မိသူကိုလဲ ထပ်ထပ်သောက် ချင်နေစိတ်ရှိအောင် ဆွဲဆောင်ဖမ်းစားနိုင်ခဲ့ပုံ ရသည်။ အချို့လူများသောက်ခဲ့ သည့် မိုးခါးရေခွက် အရေ အတွက်က အတော်များလေ၏။<br />ထိုခွက်အရေ အတွက်များကို သူတို့၏ရှေးဟောင်း သင်္ချာ ညွှန်ပြချက် နည်းများအတိုင်းညွှန်ပြ သွား ကြ၏။ ထိုညွှန်ပြချက်နည်းများကို သူစိတ်ဝင်တစားလေ့လာ မိလေသည်။<br />အစုသုံးစုခွဲ ပြီးသူလေ့ လာလိုက်ရ၏။<br />ပထမ အစုမှ လူအများသည်ဓားများ ဝှေ့ရမ်းပြီး ပါးစပ် မှလည်း ရေ- - -ရေ - - -ဟု ညည်းတွားနေ ကြ၏။ သူတို့ သောက်ခဲ့သော တစ်ဦးစီ၏ ခွက်အရေအတွက်များကို သစ်ပင်များပေါ်မှာ သူဖတ်ခဲ့ ရ သည်။ ပင်စည်ပေါ်မှာ ဓါးနှင့် အထစ်ကလေးများ ထစ်ပြီး ခွက်အရေ အတွက်ကို ရေးမှတ်ကြ သူများ ဖြစ်သည်။ ဓါးထစ်တ ထစ်လျှင် တခွက်ဖြစ်သည်။<br />ဒုတိယ အစုမှလူအများကတော့ လက်ထဲမှ ကြိုးများကို ဆွဲချည် ဆန့်ချည် လုပ်ရင်း တဟင်းဟင်း အော်နေကြ ၏။ သူတို့ သောက်ခဲ့သည့် ခွက် အရေ အတွက်ကို သူတို့လက်ထဲမှ ကြိုးများမှ တဆင့် သိ ရ၏။ သူတို့ က ကြိုးကို အထုံးကလေးထုံးရင်း မှတ်သားသွားကြ ခြင်းဖြစ်၏။<br />ကွစ်ပူ (ျှကငစက) ပုံစံပါလား<br />သူ... အလွန် သဘောကျသွား၏။ ထိုသို့ကြိုးအထုံးဖြင့် ရေတွက်မှုသဘောတရားကို တောင်အမေ ရိကတိုက်မှ အင်ကာ လူမျိုးများ လည်းသုံးစွဲဖူး၏။<br />လေ့လာရ အခက်ခဲဆုံးဖြစ်ခဲ့သည်မှာ တတိယ အုပ်စုဖြစ်သည်။<br />တတိယ အုပ်စုမှလူများသည် လမ်းမပေါ်မှာ ကခုန်နေကြ၏။ ဘာစကားကိုမှ မပြောကြ။ သို့သော် သူတို့၏ မျက်လုံးများထဲမှ မွတ်သိပ်မှုကို တွေ့နေရသည်။<br />အားပါးပါး....မလွယ်ပါလား<br />သူတို့၏ ကခုန်မှုမှာ သူတို့သောက်ခဲ့သည့် ခွက်အရေ အတွက်ကိုညွှန်ပြနေခြင်းဖြစ်သည်။ ခန္ဓာကိုယ် အစိတ်အပိုင်းများကို ကိန်းဂဏာန်းများ အဖြစ် သင်္ကေတပြုကာ ဖော်ပြ နေကြခြင်းဖြစ်၏။<br />အဓိပ္ပါယ်ဖတ်ရန် အတော် ခက်ခဲလေသည်။ ဤကဲ့သို့ သော ရေတွက်မှုပုံ စံကို နယူးဂီနီ လူမျိုးများ လည်း သုံးစွဲ ကြ၏။ သူ..ကြိုးစားပမ်းစား လေ့လာယူရလေသည်။ ကျေနပ်အားရ မှုလည်းရှိခဲ့၏ ။<br />လေ့လာမှုများပြီးဆုံးပြီဟု ယူဆသော အချိန်ကျမှ....<br />အင်း. .ကျောက်ဖြစ်တဲ့လူကို သွားကြည့်ရဦးမယ်။<br />မိုးခါးရေမသောက်ဘဲ တောင့်ခံနေသဖြင့် ကျောက်ဖြစ်သွားသူမှာ တယောက်တည်း ဖြစ်၏။ (ကျန်လူ များအားလုံးမှာ မိုးခါးရေ သောက်ပြီးရူး သွားကြ၏။)<br />ထိုလူသည် သို့မဟုတ် ကျောက်ရုပ်သည် အဝေးသို့ လှမ်းကြည့်နေ၏။ ကျောက်ဖြစ်နေသော မျက်လုံး များကတော့ ဘာကိုမှမြင်ပုံမပေါ်။ ထိုကျောက်ရုပ်ကိုလှည့်ပတ်ကြည့် ရှုရင်းသူ. .သက်ပြင်းချမိ၏။<br />ဖြစ်မှ- -ဖြစ်ရလေ<br />ထိုလူအတွက် စိတ်မကောင်းဖြစ်ရင်း သူ့စိတ်ထဲမှာလဲစိမ့်ပြီးကြောက်လာ မိ၏။<br />အင်း.. အခုပြန်တာဘဲ ကောင်းပါတယ်..<br />ထိုအခိုက်မှာပင်...<br />ရုတ်ချည်းဆိုသလို ကောင်းကင်သည် ညိုမှိုင်းသွား၏။<br />ဝေမှုန်သော်လဲ ကြမ်းတမ်းသည့်လေတို့က အေးရှစွာ ကျဆင်းလာသည်။ တစ်စုံတစ်ခုသော ရနံ့ကို ရှု ရှုက်လိုက်ရပြီး . . .<br />ဟင်...မိုးခါးကြီး ထပ်ရွာတော့မယ်<br />ရင်ထဲမှာ ပူလောင်ပြီး ကမ္မာပျက် သွားသလို ခံစားလိုက်ရသည်။<br />လေထဲမှာမိုး၏ အငွေ့ အသက်တို့ ပါလာသည်။ သူ့အပေါ်ကျလာသော မိုးစက်မိုးမှုန် ပျပျကလေး များကို လက်နှင့် ဝှေ့ယမ်းကာကွယ် နေမိ၏။<br />ဂျိမ်း....ဂျုန်း<br />မိုးခြိမ်းသံ ကြီးက ခြောက်ခြား ဖွယ်ရာ ပေါ်ထွက်လာသည်။ သဲကြီးမဲကြီးရွာတော့ မည်မှာသေချာ၏။<br />သူ ယောက်ယက်ခက် ပြေးလွှားနေမိသည်။ ဤမိုးကို ကာကွယ်၍ရတော့မည် မဟုတ်ကြောင်းကို လည်း သိလိုက်ရသည်။<br />လူများကို ဒုက္ခဆိုး အမျိုးမျိုးပေးခဲ့သော မိုးခါးကို သူပက်ပက်စက်စက် ဆဲဆိုရင်း လမ်းပေါ်မှာ ခုန် ပေါက်နေမိ၏။<br />ပြီး ... လိုအပ်ချက်တစ်ခုကို သတိရပြီး . .ဘေးဘီဝဲယာဆီလျှောက်ကြည့် မိသည်။<br />ဓါးတစ်လက်ကို တွေ့သည်။ ကောက်ယူပြီး သစ်ပင်ဆီသို့ ပြေးသွားကာ ပင်စည်မှာအထစ်လုပ်ကြည့်၏<br />ခုတ်ကြည့်ခြင်း ဖြစ်သည်။ သို့ သော်ဘာ တစ်ခုမှ ထင် မကျန်၊ ဆွေးမြေ့နေပြီဖြစ်သော ဓားကြီးက ကြိုး သွား၏။<br />တောက် . . .<br />လမ်းမပေါ်မှာ ကြိုးတချောင်းကိုတွေ၍ ကုန်းကောက်ရသေးသည်။ ကြိုးကို အထုံးလေးများရစ် ချည် ကြည့် ၏။ မရချေ။ ထို ကြိုးထုံးနည်းကို သူမထုံးတတ်၊ ပုံစုံမျိုးစုံနှင့် ကမန်းကတန်း ချည်ကြည့် နေပြီး မရလွန်းသည့် အဆုံးမှာ ထိုကြိုးကို ဒေါသ တကြီး လွှင့်ပစ်လိုက်၏။<br />နောက်ဆုံး အနေနှင့် ကိုယ်အင်္ဂါ အစိတ် အပိုင်းနှင့် ဖော်ပြနိုင်ရန် သူကြိုးစားရသည်။ မိုးစက်တွေ က လည်းခပ်ပါးပါး ကျရောက်နေပြီ ဖြစ်၏။<br />သို့ သော်လည်း ဒူးမြောက် လက်မြောက် လုပ်နေရခြင်းသည် သူ့ အတွက် အဆင်မပြေလှချေ။ ကိုယ် အင်္ဂါ အစိတ်အပိုင်းများမှ တဆင့် ကိန်း ဂဏာန်းကို ဖော်ပြနေသလို မဖြစ်ဘဲ ဓါတ်လိုက်နေသလို ၊ ဘရိတ်ဒန့် ကနေသလို လို ဖြစ်နေသည်။<br />ဒုက္ခပဲ<br />ထိုသို့ ဆိုရင်တော့ တနည်းဘဲ ကျန်တော့သည်။ ကျောက်ရုပ်ရှိရာကို သူအပြေးသွားလိုက်၏။<br />မိုးခါးရေကို သူမသောက်ဘဲ ကျောက်ရုပ် အဖြစ်ခံတော့မည်။<br />ကျောက်ရုပ်၏ နဘေးမှာ သူဝင်ရပ်သည်။ ရပ်ရပ် ခြင်းမှာတော့ လက်နှစ်ဘက် တွဲလောင်းချပြီး တောင့် တောင့် ကြီးရပ်နေလိုက်ခြင်း ဖြစ်သည်။ ထို့နောက်မှာမူ နောင်လာနောက်သားတွေ အမြင်မှာ သူ့ ကျောက်ရုပ်လှပရန် လိုအပ်ကြောင်း ကိုသတိရသည်။<br />ထိုသို့ဖြင့် တစောင်းပြင်ရပ်သည်။ ခါးမှာ လက်ထောက်ရပ်၏၊ ဆံပင်ကို ပင့်တင် ရသေးသည်။ ဓါတ် ပုံဆရ ရှေ့မှာ အိုက်တင်ပေးသည့်နှယ် သူ့ကိုယ်ဟန်ကို အမျိုးမျိုး ပြုပင်နေရ၏။<br />သိပ် အချိုးမပြေသလို ခံစားမိ၏။ မိုးကြီးကရွာ လာပြီ။ ထိုအခါကျမှ ပန်းပုရုပ်တစ်ခု ၏ကိုယ် ဟန်ကို သတိရပြီး သူထိုင်ချလိုက်သည်။<br />ကမ္ဘာကျော် ပန်းပုဆရာကြီး သြဂတ်ရိုဒင်၏ အတွေးအခေါ် သမား (ွှ့ငညုနမ ) အမည်ရှိ ပန်းပု၏ ကိုယ်ဟန်အတိုင်း သူထိုင်နေခြင်းဖြစ်သည်။ ဒဿန တစ်ခုခုကို အလေးအနက် စဉ်းစားတွေးခေါ်နေဟန် . .<br />မိုးကြီးက တဝေါဝေါ ရွာချလာ၏။<br />အား . .အေးလိုက်တာ<br />ခိုက်ခိုက်တုန်အောင် ချမ်းအေးနေသော်လည်း ဤကိုယ်ဟန် အနေအထားကိုမပျက်အောင် သူထိုင်နေ ခဲ့၏။<br />တစ်ကိုယ်လုံးလဲ စိမ့်စက် ရွှဲစိုနေပြီ။ ထိုင်ရတာလဲ ပင်ပန်းလှပြီ၊ မိုးကြီးရွာတာလဲ ကြာပြီ။ နောက်ဆုံး ဆဲချိန်ကျမှ ဤမိုးသည် မိုးခါးမဟုတ် ရိုးရိုး မိုးဖြစ်မှန်း သူသိရ၏။<br />....<br />ဘာပြောရမှန်းပင်မသိ။ အူကြောင်ကြောင်ဖြင့် သူပြန်ထလိုက်ရသည်။ ထွက်ခွာရန် ပြင်ချိန်ရောက်မှ သူ့ ကို စိုက်ကြည့်နေသော မျက်လုံးအစုံများကို မြင်လိုက်ရသည်။<br />ဟင်<br />ကိုယ့် အပူနှင့် ကိုယ် ပြာလောင်ခတ်နေခဲ့၍ ထိုလူများကို သူသတိမထားမိခဲ့။ ( ဘယ်အချိန်ထဲက ရောက်နေကြမှန်းမသိ)<br />သူ့လိုဘဲ လာရောက်လေ့လာ သူများဖြစ်ပုံရသည်။ သူ့ကို ကြည့်နေကြရင်းတယောက် ကပြော၏။<br />အရူးတွေထဲ ဒီအရူးအဆိုးဆုံးဘဲနော်<br />အေးလေ . . . မိုးခါးရေတွေ သူဘယ်နှစ်ခွက်လောက် သောက်ပစ်လိုက်လဲမှ မသိတာ။ အများတုံးသောက် ပြီး အရူးဆုံး ဖြစ်သွားတာနေမှာပေါ့။. . .ကျွတ်. .ကျွတ်. .ဖြစ်မှ ဖြစ်ရလေ<br />သူတို့အားလုံးက သူ့ ကို စိတ်မကောင်းစွာ ၀ိုင်းကြည့်နေကြလေသည်။<br /><br /><br />တာရာမင်းဝေ အမှတ်တရ( နေရဲ့ အင်္ကျီ စာအုပ်မှ)<br /><br />ပေးပို့သူ - <a href="http://www.balargout.blogspot.com">ဘလာဂေါက် </a><br /></span><div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-4320405183519608902?l=taryarminwaimemorial.blogspot.com' alt='' /></div>နေဘုန်းလတ်http://www.blogger.com/profile/10303509969005854278noreply@blogger.com0tag:blogger.com,1999:blog-3877557490187777479.post-63392406402368474282007-08-09T08:24:00.000-07:002007-08-09T08:25:12.144-07:00အဲဒီညက<br />ကြယ်တွေအားလုံး<br />ရေဆင်းသောက်ကြတယ်...<br />ပင်လယ်ရဲ့ ငန်ပျပျဂုဏ်သတ္တိမှာ<br />အားလုံးစိုစိုစွတ်စွတ်နဲ့...<br />လမင်းကမကြည့်ရဲလို့<br />မျက်နှာလွှဲသွားတယ်...<br />....<br />....<br />ဓားသွားတွေပြိုးပြိုးပြက်ပြက်<br />လက်လက်ထတဲ့ည<br />မကောင်းဆိုးဝါးတွေမြူးထ<br />ရင်ခုန်သံတပြုံတမနဲ့ ဗုံ တီး က<br />ကဗျာတွေ ဖိတ်စင်ထွက်ကျ<br />ပန်း ပွင့် တွေ ခြွေ ချ<br />ပဉ္စလက် မိုးတွေ ရွာ ကျ<br />မော ဟိုက် နွမ်း လျ<br />....<br />....<br />ဟိုး ထောင့်တနေရာမှာတော့<br />၀တ်စုံဖြူတလွင့်လွင့်နဲ့<br />ဂျူနိုရယ်<br />နောက်ထပ်ကြယ်တစ်ပွင့်ရယ်<br />အမှောင်ထဲကိုစိုက်လို့<br />ငေးကြည့်နေလိုက်တာ<br />အကြာ.....ကြီး..။<br /><br />ပန်ဒိုရာ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-6339240640236847428?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com1tag:blogger.com,1999:blog-3877557490187777479.post-3253924258820046962007-08-08T23:27:00.000-07:002007-08-08T23:29:31.079-07:00၁။ ရွှေဖိနပ်မှာ အစိမ်းရောင်ကြက်ခြေခတ်နဲ့ကောင်မလေး [<a href="http://www.mediafire.com/?614wbz1dmcm" target="_blank">Download</a>]<br />၂။ ဧဒင်ကချေသည် [<a href="http://www.fileden.com/files/2007/2/17/784752/taryarminway%28a_dain_ka_chay_tal%29.pdf">Download</a>]<br />၃။ လူငယ်တစ်ယောက်ရဲ့ ကျောက်ထွင်းရာဇ၀င် [<a href="http://www.fileden.com/files/2007/2/17/784752/taryarminway%28lu-nge%29.pdf">Download</a>]<br />၄။ သင်နှင့်နံနက်ခင်းကိုသာ ၀င်ခွင့်ပြုမည် [<a href="http://www.fileden.com/files/2007/2/17/784752/taryar%28thinnaenannatkin%29.pdf">Download</a>] <br />၅။ အရှေ့မြို့ရိုးမှ မိုးရေစက်များ [<a href="http://www.fileden.com/files/2007/2/17/784752/taryarminway%28asahae-myo-yo-mha-moe-yay-sat-myar%29.pdf">Download</a>]<br />၆။ ပြိုင်မြင်းတို့ရဲ့ခွာသံ [<a href="http://www.fileden.com/files/2007/2/17/784752/taryarminwai%28pyin-myin-tot-yae-khwar-than%29.pdf">Download</a>]<br />၇။ ကိုးမရှိတဲ့န၀င်း [<a href="http://www.fileden.com/files/2007/2/17/784752/taryar%28koemasheetaenawin%29.pdf">Download</a>]<br />၈။ ကိုယ့်လက်နဲ့ဖမ်းမိတဲ့ နဂါးငွေ့တန်း [<a href="http://www.fileden.com/files/2007/2/17/784752/taryar%28kolatnaephan%29.pdf">Download</a>]<br />၉။ ကောင်းကင်ကြွေကောက်တဲ့လက် [<a href="http://www.fileden.com/files/2007/2/17/784752/taryar%28skyAkyawekaughttaelat%29.pdf">Download</a>]<br />၁၀။ ကျွန်တော်နှင့် ကြယ်မြင်လမြင်လောကဓံ [<a href="http://www.fileden.com/files/2007/2/17/784752/taryarminwai%28kyaemyinlamyin%29.pdf">Download</a>]<br />၁၁။ ကျွန်တော်နှင့် ကြေးသွန်းရုပ်တု [<a href="http://www.fileden.com/files/2007/2/17/784752/taryarminway%28kyon_taw_nae_kyay_ton%29.pdf">Download</a>] <br />၁၂။ မှော်ဆရာရဲ့ ကျောင်းစာအုပ် [<a href="http://www.fileden.com/files/2007/2/17/784752/magic.pdf">Download</a>]<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-325392425882004696?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com1tag:blogger.com,1999:blog-3877557490187777479.post-49558488738940409752007-08-08T23:23:00.001-07:002007-08-08T23:25:11.306-07:00(၁)<br />ငါတို့ကျောင်းတော်ကြီးရဲ့<br />မော်ကွန်းထိန်းသိမ်းရေးအခန်းမှာ<br />ဟစ်တလာရုပ်ထုကို<br />လူတစုထုဆစ်နေကြတယ်။<br />သူတို့ဟာ ...<br />ရုပ်တုရဲ့ရှေ့မှာ ကျိန်စာတွေရွတ်ဖတ်<br />ပျားရည်စက်တွေကို မီးရှို့ပူဇော်<br />ဆိုင်ရာနိုက်ဖြူလျော်လျော်တွေ သွန်းကြဲပက်ချ<br />ဟစ်တလာပါးစပ်ထဲက<br />ကျည်ဆန်တတောင့် ထွက်အံကျလာတယ်။<br />သူတို့ဟာ ...<br />ကျောက်သင်ပုန်းပေါ်မှာ အဲဒီကျည်ဆံနဲ့<br />“ကျောင်းဖွင့်ပြီ” ဆိုတဲ့ စာကိုရေး<br />သွေးစွန်းလက်တွေနဲ့ ပျူငှာစွာ<br />ဖိတ်ခေါ်ကြပါပြီ။<br /><br />(၂)<br />ငါတို့ကျောင်းတော်ကြီးရဲ့<br />ဟောင်းနွမ်းနေတဲ့ အခန်းလွတ်တခုဟာ<br />တဖြည်းဖြည်း နှစ်ငါးဆယ်လောက်ပြန်ငယ်ရွယ်သွားတယ်၊<br />အရင်က မမြင်ရတဲ့ ဟိုတုန်းက အရိပ်တွေ<br />နံရံတွေ၊ ခုံတန်းလျားတွေဆီက လွန့်လူးထ<br />အဲဒါ ... “အောင်ဆန်း” တို့၊ “ကျော်ငြိမ်း” တို့၊ “သိန်းဖေ” တို့၊ “ညိုမြ” တို့ရဲ့<br />၀ိညာဉ်တွေပဲ ...<br />ဗမာပြည်လွတ်လပ်ရေးကို သူတို့မြတ်နိုး<br />ဗမာပြည်လွတ်လပ်ရေးအတွက် သူတို့ရုန်းကန်<br />အာဏာရှင်ကို ဖီဆန်ခဲ့ကြတယ်။<br />ခု ... သူတို့ရဲ့ ၀ိညာဉ်တွေဟာ<br />“ကမ္ဘာမကြေဘူး ... ... ...<br />ငါတို့သွေးနဲ့ ရေးခဲ့ကြတဲ့ မော်ကွန်းတေး ...”<br />သီချင်းလေး နားဆင်ရင်း<br />ရာဇ၀င်ရဲ့ တကျော့ပြန်စိမ်ခေါ်ပွဲကို<br />မျက်ရည်တ၀ဲဝဲနဲ့ စောင့်ကြည့်နေပါတယ်။<br /><br />(၃)<br />ငါတို့ကျောင်းတော်ကြီးရဲ့<br />ဒီဘက်ခေတ် ၁၉၈၇ - ၈၈ နှစ်များထဲမှာပါ<br />တက္ကသိုလ်စာကြည့်တိုက်ထဲမှာ<br />ဖြူဝါးဝါးအရိပ်တချို့<br />စာထိုင်ဖတ်နေကြတယ်။<br />တချို့ဖတ်တာ .. ကဗျာစာအုပ်<br />တချို့ဖတ်တာ .. သမိုင်းစာအုပ်<br />တချို့ဖတ်တာ .. နိုင်ငံရေးစာအုပ်<br />ရုတ်တရက်<br />အဖြူရိပ်တခုဟာ ထိုင်ရာကထ<br />“ဗမာပြည်ကို ကယ်တင်ရတော့မယ်”<br />နောက်ထပ် အဖြူရိပ်တခု စာအုပ်ပိတ်<br />“ဗမာပြည်ကို ကယ်တင်ရတော့မယ်<br />ဗမာပြည်ကို ထိတ်တုံးချွတ်ပေးရမယ်”<br />သူတို့ဟာ တိတ်ဆိတ်စွာ<br />အခန်းပြင်ကို ထွက်သွားကြပါတော့တယ်။<br />စာကြည့်တိုက်ရဲ့ စာအုပ်ပိတ်သံများ<br />လွယ်အိပ်လွယ်သံများ<br />ဖိနပ်စီးသံများ အဆုံးမှာ<br />နောက်ထပ် အဖြူရိပ်တခု ထပ်ထွက် ...<br />... ... နောက်ထပ် ... ...<br />... ... နောက်ထပ် ... ...<br /><br />(၄)<br />ငါတို့ကျောင်းတော်ကြီးရဲ့<br />စာမသင်ဖြစ်တဲ့ စာသင်ခန်းတခုမှာ<br />အရိုးစုတအုပ် အစည်းအဝေးလုပ်နေတယ်။<br />အရိုးစုတခုက ... ထိုင်ရာမှ ဖြည်းညှင်းစွာထ<br />“ကျနော်တို့ တော်လှန်ရေး<br />အာဏာရှင်တွေ နောက်ဆုံးနေ့အထိ”<br />စသည်ဖြင့် ပြောကြား<br />အားလုံးငြိမ်သက်နားထောင်နေကြတယ်။<br />အခန်းထဲမှာ<br />အကျဉ်းထောင်က ပြေးထွက်လာတဲ့<br />ဗိုလ်ချုပ်ရဲ့ မိန့်ခွန်းတွေ<br />သတ္တိဗုံးကို နှောင်ထုံးခတ်<br />ပတ်ကြားအက်နေတဲံ ရန်သူ့မျက်နှာတွေ<br />အဲဒီမှာ ... အရိုးစုတခုက လက်သီးဆုပ်<br />သူ့နှုတ်က တိုးတိုးလေးပြော<br />“တောက အဖေနဲ့အမေတော့<br />ကျနော့်ကို မျှော်နေကြတော့မယ်ဗျာ”<br />ကြေကွဲစွာ သူ့မျက်လုံးပေါက်တဲက<br />မျက်ရည်ဖြူတစက်<br />စီးသက်ကျလာတယ်။<br /><br />(၅)<br />ငါတို့ကျောင်းတော်ကြီးရဲ့<br />ပရ၀ဏ် အ၀င်အထွက်လမ်းတွေမှာ<br />အချုပ်ကားပြာပြာကြီးတွေ<br />ဒရကြမ်းနှင်နေကြတယ်။<br />အဲဒီကားကြီးတွေထဲမှာ<br />“ကမ္ဘာမကြေ၊ ဗမာပြေ .. ဒါတို့ပြေ<br />ဒါတို့ပြေ ..တို့ပိုင်တဲ့ မြေ” ဆိုတဲ့<br />တေးသံသာယာ<br />ညီညာစွာ ပဲ့တင်ပေါ်ထွက်<br />ကျောင်းသားလက်တွေ သွေးစိမ့်ယိုစီးခဲ့ပြီ<br />အချုပ်ကားပြာပြာကြီးရဲ့ ဦးထိပ်မှာ<br />သူတို့ရဲ့ တံဆိပ် ... တို့ရဲ့အလံ<br />ဦးခေါင်းခွံမှာ အရိုးနှစ်ချောင်း ကန့်လန့်ဖြတ်ထားတဲ့ သဏ္ဍန်သာ ဖြစ်တယ်။<br />ကျောင်းခေါင်းလောင်းအိုကြီးဟာ<br />ထွက်ခွာသွားတဲ့ အချုပ်ကားနောက်<br />ပြေးလိုက်ခလုပ်တိုက်ပြီး လဲပြိုကျ<br />ချိုလွင်ရှတတဲ့ ခေါင်းလောင်းသံထွက်ရမယ့်အစား<br />“သားရေ အမေ လိုက်ရှာနေတယ်လေ .. သားရေ”<br />ဆိုတဲ့ ငိုရှိုက်ညည်းတွားသံအဖြစ်နဲ့သာ<br />ရာဇ၀င်တုန်ခါအောင် မြည်ဟည်းလာခဲ့ပြီ။<br /><br />(၆)<br />ငါတို့ကျောင်းတော်ကြီးရဲ့<br />နီမောင်းသောလမ်းကြီး၊ လမ်းငယ်များမှာ<br />ဒေါင်းအလံတလူလူလွှင့်ထူလို့<br />ကျောင်းသားတွေ ချီလာပါပြီ<br />ရင်တအုံလုံးပွင့်ထွက်နေတဲ့ ကျောင်းသားက<br />ရှေ့ဆုံကအလံကိုင်ပြီး သွေးပွက်ပွက်အန်ထွက်နေတဲ့<br />ကျောင်းသားတွေက<br />နောက်က ချီတက်လိုက်ပါလာတယ်။<br />“ဒီမိုကရေစီရရှိရေး ... တို့အရေး”<br />“အာဏာရှင်စနစ်ကျဆုံးရေး ... တို့အရေး” တဲ့။<br />ကိုယ့်ကိုယ်ကိုယ် တခါတည်း အသုဘချရင်း<br />တိုက်ပွဲဝင်ခဲ့ကြရတဲံ ငါတို့ရဲ့တော်လှန်ရေး<br />ဘယ်တော့မှ ... အရှုံးမပေးဘူးဟေ့ ...<br />သေနတ်သံတချက်ဖောက်ရင်<br />ရာဇပလ္လင်မီးဟုန်းဟုန်းတောက်သွားမယ် ...<br />နောက်ဆုံးနေ့အထိ ...<br /><br />(၇)<br />ငိုက်မြည်းနေတဲ့ အင်းလျားရေပြင်ဟာ<br />ရုတ်တရက် ရဲရဲနီစွေးသွားတယ်။<br />ချက်ခြင်းပဲ ရေငွေ့ပျံတက်<br />ကောင်းကင်ထက်မှာ တိမ်အဖြစ် မိုးစက်ခို<br />ကျောင်းတော်ကြီးကို မိုးသွေးတွေ ပြန်ရွာချ<br />လျှပ်တွေပြက်၊ မိုးတွေခြိမ်း ... ... ...<br />ဒိန်းဒုံး ဆူညံသွားတယ် ...<br />အဲဒီအခါ ... ကျောင်းတော်မှာ ...<br />ပန်းတွေ ဖျတ်ကနဲ ပွင့်ကြ<br />ငှက်ဆိုးတွေ ဝေါကနဲ ထပျံကြ<br />သစ်ရွက်တွေ တလက်လက်တောက်ပကြ<br />ခုံတန်းလျားတွေ အုတ်ဂူအဖြစ်ပြောင်းလဲကြ<br />မြေကြီးတွေ တုန်ခါတော်လဲကြ<br />တို့အရေး .. တို့အရေး .. တို့အရေး .. တို့အရေး<br />ကြွေးကြော်သံတွေနဲ့<br />ဗမာပြည်ကြီး တ၀ုန်းဝုန်းရုန်းကန်<br />နိုးထပြီး နောက်ဆုံးငြိမ်သက်သွားတဲ့အခါ<br />ငါတို့ကျောင်းတော်ကြီးဟာ ... ...<br />တလဲ့လဲ့ တ၀င်းဝင်း<br />သွေးနီရောင် တောက်ပခါ ...<br />အာဇာနည် သူရဲကောင်းတို့ရဲ့<br />ဂူဗိမာန်ကြီးပမာသာ တည်ရှိနေပါတော့တယ် ...။<br /><br />(၈)<br />ကျောင်းသားတွေနဲ့ ကျောင်းတော်ကြီးကြား<br />ခု ... သွေးပင်လယ်ကြီးခြားနေပါပြီ ...<br />“ကျောင်းဖွင့်ပြီ” ဆိုတဲ့ အာဏာရှင်တွေဟာ<br />သွေးပင်လယ်ကြီးကို ကျော်နင်း<br />ထုံးတံတားကြီးကို ကျော်ခင်းပေးတယ်။<br />တချို့တွေက ကျောင်းတက်လာကြလိမ့်မယ် ...<br />အဲဒီထဲက တချို့ဟာ ...<br />“အကြောင်းကြောင်းကြောင့်ပါ” လို့<br />စိတ်မကောင်းစွာပြောရင်း ...<br />ထုံးတံတားကို လျှောက်နင်း ...<br />ကျောင်းခန်းအတွင်း ၀တ္တရားအရထိုင်<br />ငါတို့ ... နားလည်ခွင့်လွှတ်နိုင်ပါတယ် ...<br />တချို့ကတော့ ...<br />“ဂုဏ်တုဂုဏ်ပြိုင်” ကောင်းကြောင်းပြောရင်း<br />ထုံးနံ့သင်းတဲ့ ပန်းခင်းကိုဖြတ် ...<br />ရီးစားထားဖို့ ကျောင်းပြန်တက်လိမ့်မယ်။<br />အဲဒီလို ... လူစားတွေကိုတော့ ...<br />ငါတို့က ခွင့်လွှတ်သည့်တိုင်အောင်<br />ရာဇ၀င်က ခွင့်မလွှတ်သရွေ့<br />သူတို့ဟာ ... သမိုင်းမှာ ...<br />“သစ္စာဖောက်” များသာဖြစ်တယ်။<br /><br />(၉)<br />ကျောင်းသားနဲ့ကျောင်း<br />တနေ့တော့ ပေါင်းရမှာပဲ<br />ငါတို့တွေ သွေးပင်လယ်ကို ဖြတ်ကူးပြီး<br />ကျောင်းကြီးဆီ အရောက်သွားကြမယ်။<br />သွေးပင်လယ်ကြီးဟာ<br />တငွေ့ငွေ့ပူခြစ် ဆူပွက်<br />ထက်ကောင်းကင် မုန်တိုင်းတို့ အစပျိုး<br />သွေးလှိုင်းတံပိုး တ၀ုန်းဝုန်းပြင်းထန်<br />ငါတို့တွေ<br />ငါတို့တွေ လှည့်မပြန်ဘူး၊<br />ငါတို့ထဲက တချို့ဟာ ...<br />ကိုယ့်အရိုးကိုယ်ချိုး လှေအဖြစ်ထွင်းထု<br />ငါတို့အထဲက တချို့ဟာ ...<br />ကိုယ့်အသားကိုယ်လှီး လှေနံရံအဖြစ် ခင်းရိုက်<br />ငါတို့အထဲက တချို့ဟာ ...<br />ကိုယ့်လက်ဖ၀ါး ကိုယ်ရိုက်ဖြတ်<br />လှေရွက်အဖြစ် စပ်ချုပ်<br />မုန်တိုင်းကို ခွဲဝင်<br />သွေးပင်လယ်ကို ဖြတ်ပြီး<br />ကျောင်းတော်ကြီးဆီသွားဖို့<br />လုပ်နေတယ်...။<br /><br />(၁၀)<br />နောက်ဆုံးမှာ ...<br />ဒေါင်းအလံကို ... ဇြောင်းဆန်အောင် လွှင့်ထူရင်း<br />အမှန်တရားတခုထံ<br />ငါတို့ သစ္စာအဓိဌာန်ပြု<br />အို ... သူရဲကောင်းတို့<br />အို ... ကျဆုံးခဲ့လေသော<br />ဒီမိုကရေစီ တိုက်ပွဲဝင်<br />သူငယ်ချင်းဟောင်း ...<br />သူရဲကောင်းတို့<br />ထာဝစဉ်မပျက်ပြယ်နိုင်လောက်အောင်<br />မြင့်မြတ်စွာ ကျဆုံးခဲ့သော ...<br />သင်တို့၏၀ိညာဉ်တန်ခိုးတော်များသည်<br />ငါတို့၏ရှေ့နောက်ဝဲယာ ...<br />ထက်အောက်ဝန်းကျင်၌<br />ပျံ့နှံ့တည်ရှိကြကုန်တော့၏။<br />ထိုသော ...<br />သင်တို့၏၀ိညာဉ်တန်ခိုးတော်များသည်<br />ငါတို့၏ခန္ဓာကိုယ်နေရာအနှံ့အပြားသို့<br />ထိုးဖောက်ယိုစိမ့်စီးဝင်ကာ<br />ရဲရင့်ခြင်းမှာ ငါတို့အားဖြစ်တည်စေတော့၏။<br />အို ... သူရဲကောင်းတို့<br />အို ... ကျဆုံးလေသော<br />ဒီမိုကရေစီတိုက်ပွဲဝင်<br />သူငယ်ချင်းဟောင်း သူရဲကောင်းတို့<br />ဗမာပြည်ကို ရှိခိုးကာ<br />ဤသွေးပင်လယ်အား<br />ငါတို့ ဖြတ်ကူအံ့<br />မိုးလုံးပြည်ကောင်းချီးသြဘာပေးသံများကြားမှာ<br />ငါတို့၏ အရေးတော်ပုံ အောင်မြင်ပါစေသတည်း။ ။<br /><br />(ရွှေဘုန်းလူ)<br /><br />http://nnai.blogspot.com မှ ကူးယူဖော်ပြပါသည်။<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-4955848873894040975?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com6tag:blogger.com,1999:blog-3877557490187777479.post-55654645256916872892007-08-08T22:40:00.000-07:002007-08-08T22:42:29.687-07:00အိပ်မက် - တစ်<br />အဲဒီညက မိုးလင်းခါနီးအထိ အိပ်မပျော်ဘူး။<br />အိပ်ပျော်တော့ အိပ်မက် မက်တယ်။<br />အိပ်မက်ထဲမှာ ကျွန်တော်က စက်ဝိုင်းကြီးတစ်ခုကို တောင်ပေါ်တွန်းတင်သွားတယ်။<br />တောင်ပေါ်ရောက်တော့ တောင်အောက်ကို ပြန်လှိမ့်ချတယ်။<br />စက်ဝိုင်းကြီးက ကျွန်တော့်ကို စိတ်ပျက်လက်ပျက်ပြောတယ်။<br />“မင်းတို့ လူဆိုတဲ့ သတ္တ၀ါတွေဟာ အတော်ညစ်စုတ်တာပဲ”<br />“ဟင် . . .ဘာဖြစ်လို့လဲ”<br />“သူများတစ်ဖက်သားကို တွန်းတင်လိုက်၊ တွန်းချလိုက်နဲ့ ဒါကြောင့် မင်းတို့တွေ ည . . . ည အိပ်မပျော်တာ” တဲ့ . . .။<br /><br />အိပ်မက် - နှစ်<br />ကျွန်တော် အရူးတစ်ယောက်နဲ့ တွေ့တယ်။<br />မေးကြည့်မိတယ်။<br />“အချစ်ဆိုတာကို ခင်ဗျားသိလား”<br />“သိတော့သိတယ်၊ ဒါပေမယ့် ပြောမပြတတ်တော့ဘူး”<br />“ဘာဖြစ်လို့လဲ”<br />“အဲဒါကို သိပြီးကတည်းက ငါခုလို ရူးသွားတာပဲ”<br />လန့်နိုးတော့ ကျွန်တော်တောင် ညဥ့်တော်တော်နက်နေပြီ။<br /><br />အိပ်မက် - သုံး<br />ကျွန်တော်သူ့ကို ချစ်မိနေပြီ။<br />ရိုးရိုးလား . .ဆန်းဆန်းလားတော့ မတွေးတတ်ဘူး။<br />မောင်နှမချစ်ထက် “တစ်”ပဲပိုတာပါ။<br />အောက်ပါအတိုင်းပေါ့။<br />၅၂၈+<span style="font-size:200%;">၁</span><br /><br />အိပ်မက် - လေး<br />“တစ်နေရာမှာတော့ မှားနေပြီ”<br />ကျွန်တော် အဲဒီလိုပြောတော့ ကမ္ဘာစောင့်ဘိုးဘိုးကြီးက ပြုံးတယ်။<br />“တစ်နေရာမှားတယ်ဆိုတော့ ကျန်တဲ့နေရာတွေက မှန်တယ်ပေါ့”<br />“အင်း”<br />“အဲဒါဆို .မှန်တဲ့နေရာတွေကို မှန်ကြောင်း သေချာအောင် စစ်ဆေးလိုက်ပေါ့...မှားတဲ့နေရာက ထင်ရှားလာလိမ့်မယ်”<br />ကမ္ဘာစောင့်ဘိုးဘိုးကြီး ပြန်သွားတယ်။<br />ကျွန်တော်ကျန်ရစ်တယ်။<br />မှန်တာတွေကို မှန်ကြောင်း သေချာအောင်စစ်တယ်။<br />တွေ့ပြီ။<br />နောက်ဆုံးကျတော့ ..မှားတာက ကျွန်တော်ပဲ ဖြစ်နေတယ်။<br />“တော်ပြီ”<br /><br />ကျွန်တော်နှင့် ဧဒင်ကချေသည် - တာရာမင်းဝေ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-5565464525691687289?l=taryarminwaimemorial.blogspot.com' alt='' /></div>Zin Ko Latthttp://www.blogger.com/profile/00070820239389217670noreply@blogger.com0tag:blogger.com,1999:blog-3877557490187777479.post-89494971668131448262007-08-08T22:28:00.001-07:002007-08-08T22:38:01.356-07:00လမ်းခြမ်းအ၀ါကို မြင်လို့<br />ကောင်းကင်ကို မမြင်လိုက်ဘူး။<br />တစ်ယောက်နဲ့တစ်ယောက်<br />ရွာရိုးကိုးပေါက် ဝေးခဲ့မိတယ်။<br /><br />ကောင်မလေးရေ<br />ငါ့ရဲ့<br />အမေတစ်ဝက်၊ ဆောင်းရာသီတစ်ဝက် ကောင်မလေးရေ<br />ငါ့ကို ကယ်ပါ။<br /><br />ငါ့ကို ကယ်တင်တယ်လို့ သဘောမထားဘဲ<br />ငါ့ကိုပဲ ကယ်ပါ<br />မင်းရဲ့ အဖြူ တစ်ဝက်ရဲ့ အဖြူတစ်ဝက်လောက်<br />ငါ့ကို ဆွတ်ပေးပါ။<br /><br />ရင်ဘတ်က ကြယ်ငွေ့တွေ ဖြာကျလာတဲ့အထိ<br />ငါ ပွင့်ပစ်လိုက်ချင်လို့ပါ။<br /><br /><br />တာရာမင်းဝေ<br />“မိုးခေါင်လို့ တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-8949497166813144826?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com2tag:blogger.com,1999:blog-3877557490187777479.post-86945700858035353182007-08-08T22:27:00.000-07:002007-08-08T22:28:05.184-07:00နှင်းလူဟာ<br />ဂူထဲမှာ ဘီလူးဒူးတုပ်ထိုင်လျက်<br />အမှောင်ကြုတ်ကြုတ်ကို ကိုက်မြို ၀ါးစားရင်း<br />နေ နဲ့လည်း စိတ်ချင်း ဆက်သွယ်ကြည့်တယ်။<br /><br />ရွှံ့မီးအိမ်နဲ့ ဝေ့ပတ်ပြီး<br />မြောက်အရပ်ကို ရှာဖွေကြည့်တော့<br />ဓူဝံကြယ် ကြွေသွားတာ ကြာပြီတဲ့။<br /><br />သူရှုံးသွားတယ်<br />သူ့ပါးစပ်ကို သူဖြဲပြီး<br />မြောက်ပြန်လေက ဆောင်းတွေကို ရိုက်ခွဲကြိတ်ထည့်<br />လွမ်းရင် လိုက်ခဲ့လို့ မှာတယ်။<br /><br />အဲဒီလိုနဲ့<br />နွေဦးပေါက် များစွာကို လွန်လေပြီးမှ<br />ပြန်လည် နိုးထလာတဲ့ ကျောက်နှင်းလူ<br />တောက်တစ်ချက်ခေါက်ပြီး သူ့ကိုယ်သူ ထူတယ်။<br /><br />ပြီးတော့<br />သွေးတွေကို တဂျုံးဂျုံး ပြန်မောင်း<br />ကောင်းကင်ကို<br />ပိတောက်တွေနဲ့ တဗောင်းဗောင်းပစ်ပေါက်<br />မီးပွင့်မတတ်၊ ခါးထောက်ရပ်လိုက်တယ်။<br /><br />ငါ..(သို့မဟုတ်)<br />နှင်းလူကလေးရဲ့ မှတ်တမ်းမှာ<br />အဲဒီဆောင်းကို ခပ်ကြမ်းကြမ်းလေး ရေးထားမိ<br />သတိရတိုင်း ပြန်ပြန် ဖတ်ကြည့်လို့ပေါ့။<br /><br />တာရာမင်းဝေ<br />“မိုးခေါင်လို့တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-8694570085803535318?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-19246415383522468942007-08-08T22:24:00.000-07:002007-08-08T22:36:04.810-07:00ကြယ်တွေ ကြယ်တွေ<br />သမ်းဝေမှု ချောင်းချောင်းထ<br />ဟောင်းလောင်းပွင့်နေတဲ့..ည။<br /><br />၀ိညာဉ်နှင်းမှုန်တစ်စက်<br />အိပ်မက် မြင်းခွာ အမှတ်(၁၃)<br />တစ်ယောက်တည်း အတုံးအရုံးလဲသူ<br />ငါ့ ကံကြမ္မာနဲ့..လူ<br /><br />ဂမ္ဘီရ သစ်ပင်မှာမှ<br />စွယ်တော်ပွင့်အို ရှာချင်တဲ့လက်<br />ကားစင်တင်ပြီး မီးရှို့သတ်မယ်။<br /><br />လပြည့်ဝန်းရေ<br />ပန်းကန္တာရမှာ<br />အမုန်းတွေ လဲ့ပြာကွဲအက်<br />ငါဟာ<br />ကိုယ့်ကိုကိုယ် ပြန်တူးနေတဲ့<br />ပေါက်ချွန်းတစ်လက်ကွဲ့ သိရဲ့လား။<br /><br />ခြင်္သေ့နဲ့ ဘယ်လိုတိုက်တိုက်<br />ဘီလူးနဲ့ ဘယ်လိုကိုက်ကိုက်<br />ချစ်မိသူလောက်တော့<br />ဘယ်သူမှ လူမိုက် မမည်။<br /><br />ကဝေမီးတောက်<br />ဆောင်းဦးပေါက် အရက်တစ်အိုး<br />မြူခိုးဝေေ၀ကျောက်ခဲများ<br />ငါ့ကိုထားခဲ့ပါ။<br /><br />တေလေမှတ်တိုင်<br />မျှော်စင်တွေထက် ပိုခိုင်လာရဲ့<br />ခြေထောက်ကတစ်ခြား လမ်းတစ်ခြား<br />ငါဘယ်တော့မှ မသွားဘူး မိန်းကလေးရေ။<br /><br /><br />တာရာမင်းဝေ<br />“မိုးခေါင်လို့ တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-1924641538352246894?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-84699978680858579672007-08-08T22:23:00.001-07:002007-08-08T22:23:36.944-07:00ကျွန်တော့် တောင်ကုန်း ကလေးပါ<br />အလင်းတွေနဲ့<br />ခပ်မို့မို့ တည်ဆောက်ထားတယ်။<br /><br />နေ့ရက်တွေကြာ<br />နွေအပြာတွေ ပွင့်ပွင့်သွား။<br />ဖြတ်သန်းပြီးသား တိမ်တွေ<br />တစ်အုပ်ပြီး တစ်အုပ် ပြန်ကွေ့လာကြ။<br />... ... ...<br />ကျွန်တော် ပွေ့ပိုက်ခဲ့ရတယ်။<br /><br />နောက်ဆုံးတော့လည်း<br />ဘာမှ မဟုတ်ခဲ့ပါဘူး။<br />ကိုယ့်ရင်ဘတ်ကိုယ် အကြမ်းကြုတ်ဆုံး ဆွဲဖွင့်ပြီး<br />နေပူကြဲကြဲတွေ သွန်ချ ပစ်ရတာက လွဲရင်ပေါ့။<br /><br />သံယောဇဉ်ကိုမှ<br />ခုတ်ထွင်ရှင်းလင်းတတ်တဲ့ လယ်သူမရယ်<br />အခုတောင် လွမ်းတယ်။<br /><br /><br />တာရာမင်းဝေ<br />“မိုးခေါင်လို့တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-8469997868085857967?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-5399501905455836842007-08-08T22:20:00.000-07:002007-08-08T22:21:56.533-07:00အိပ်<br />ချင်<br />သော<br />စိတ်<br />အိပ်<br />သာ<br />အိပ်<br /><br />အိပ်<br />သည့်<br />အ<br />ခါ<br />အိပ်<br />မက်<br />လာ<br /><br />အိပ်<br />ပါ<br />လျက်<br />နှင့်<br />နိုး<br />ရ<br />သည်။<br /><br />တာရာမင်းဝေ<br />“မိုးခေါင်လို့တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-539950190545583684?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-81532830637274064302007-08-08T22:19:00.000-07:002007-08-08T22:20:36.578-07:00စိတ်ကြမ်းဘီလူးတို့ ခြေပင်မကျူးသော အရပ်၌<br />ငါ..မတ်မတ်တည်ခဲ့ချေပြီ။<br /><br />အို..အချင်းဆွေမွန်တို့<br />သင်တို့ကြိုဆိုမည်ဆိုလျှင်<br />အမှောင် နံနက်သို့ပင် အလင်းငှက်တို့ဖြင့် ငါလာခဲ့ပါမည်။<br /><br />ထို့နောက်<br />လောက လေဆန်မှာ ကိုယ့်ကိုကိုယ်အန်ထုတ်<br />ငါတို့အားလုံး မိုးမချုပ်မီ အိမ်ကိုပြန်ကြမည်။<br /><br />တာရာမင်းဝေ<br />“မိုးခေါင်လို့တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-8153283063727406430?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com1tag:blogger.com,1999:blog-3877557490187777479.post-70467920765733247832007-08-08T22:18:00.000-07:002007-08-08T22:19:32.632-07:00ကြေးနီရောင်သင်းတဲ့<br />မြားကျိုးတစ်စင်း ထိမှန်ထားတယ်။<br /><br />လက်ဖ၀ါးခြေဖ၀ါးမှာ<br />အမေ ၀တ်ပေးခဲ့တဲ့ အရေခွံတွေ ကျွတ်ကွာကျ<br />ပန်းရောင်ပျပျကလေး ရှင်းပလာ..။<br /><br />တကယ်တော့<br />မြို့ပျက်တစ်ခုပါပဲ<br />ဒါပေမယ့်.. ဗျတ်စောင်းတစ်လက်ရှိနေလို့<br />ကိုယ်...ချိုနေမိတယ်။<br /><br />တာရာမင်းဝေ<br />“မိုးခေါင်လို့တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-7046792076573324783?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-66952029763195705162007-08-08T22:16:00.001-07:002007-08-08T22:16:35.192-07:00ဆောင်းခေတ်က ပေးခဲ့တဲ့<br />မောင်းကွဲသံ ခပ်လေးလေး တစ်ချက်ပါပဲ။<br />တစ်ယောက်တည်းနေရတဲ့ ငါ့ကို<br />ဘယ်သူနဲ့မှ မနေရအောင်<br />ယိုင်ယိုင်ရွဲ့ရွဲ့ လှီးခွဲသွား...။<br /><br />နံပါတ်စဉ် မတပ်ရသေးတဲ့<br />သဲကန္တာရ တစ်ရွက်ပေါ်မှာ ပြိုလဲကျတယ်။<br /><br />အဲဒီညနေပေါ့<br />ကောင်းကင်ကို ဆွဲချွတ်ပြီး<br />မြေကြီးကိုပဲ ငါပြန်ဝတ်ခဲ့ရ။<br /><br />ပြီးဆုံးသွားတာ သေချာပါတယ်<br />နှင်းခိုးတွေ..<br />ပြီးတော့ ဒိုင်ယာရီချို ခါးတစ်ခွက်<br />ပြီးဆုံးသွားတာက သေချာပါတယ်။<br /><br />မိုးတွေကို တိုးတိုးကလေး ရွာရဦးမှာပေါ့လေ<br />ပန်းရနံ့တွေကလည်း ခပ်မြင့်မြင့်ကနေ ပျံသန်း<br />ငါနဲ့ ငါ့ဖိနပ်ကလေး<br />သီချင်းမဆိုတော့ဘဲ ဟိုးအဝေးကို ငေးခဲ့ရတယ်။<br /><br />တာရာမင်းဝေ<br />“မိုးခေါင်လို့တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-6695202976319570516?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-75721769627080139622007-08-08T22:15:00.001-07:002007-08-08T22:15:44.221-07:00စိတ်ကို ဓါးအိမ်ထဲ ပြန်သွင်းလိုက်တယ်။<br /><br />ကျွန်တော်ဟာ နဂါးငွေ့တန်းတစ်ခုလို ပြာမှိုင်းသွား<br />ဓါးအိမ်တစ်လက်ရဲ့ အကျယ်အ၀န်းတောင်<br />ဘာသံနဲ့မှ မကြားရတော့ဘူး။<br /><br />တာရာမင်းဝေ<br />“မိုးခေါင်လို့တီးတဲ့ဗုံသံ” မှ<div class="blogger-post-footer"><img width='1' height='1' src='https://blogger.googleusercontent.com/tracker/3877557490187777479-7572176962708013962?l=taryarminwaimemorial.blogspot.com' alt='' /></div>ညီညီ(သံလွင်)noreply@blogger.com0tag:blogger.com,1999:blog-3877557490187777479.post-53357887243769025132007-08-08T22:13:00.000-07:002007-08-08T22:14:07.640-07:00မီးပွိုင့်တွေက<br />အနီလှိုင်းတွေနဲ့<br />